🔱♾ නාකිවරු ♾🔱

අද මං කතා කරන්න යන දේ ටිකක් අමුතු දෙයක්. ඒ තමා නාකි වරු ගැන,     

⭐කව්ද මේ නාකි, ගොඩක් අය කියයි වයසක අයටනෙ නාකි කියන්නෙ කියල. නෑ. ඒත් වයසක අයට නාකි කියන්න හේතුවක් තියෙනව. නාකි වෙනව කියන්නෙ එක්තරා මානසික උසස් වීමක්, ඒ තනතුර ලබා ගන්න සියලු දෙනා වයසයි. ඒ නිසා වයසක අයට නාකි කියනවා.                                   

⭐මොකක්ද නාකි කියන මානසික උසස් භාවය. රාවණ ගෲප් එකේ ඉන්න කවුරුත් කුණ්ඩලිණීය ගැන නොදන්නව වෙන්න බෑනෙ. කුණ්ඩලිණී චක්‍ර 7යි. මේ චක්‍ර 7ම අවදි කිරීම නාකි වීමයි. මේ චක්‍ර වලට අමතරව විශ්වය දක්වා විහිදුනු චක්‍ර තියෙනව. ඒවත් අවදි කරපු ඍෂි වරු අධිනාකි කියල හදුන්වනව. අපි හැමෝම දන්න පුලස්ථි ඍෂි, විශ්‍රව මුණි නාකිවරු.ඒ වගේම රාවණ කියන්නෙ මං කලින් කියපු අධිනාකි තනතුරක් ඉතාම ළාබල වයසකින් ලබා ගත් කෙනෙක්. ඒ පෙර පිං බලය හා සංසාර පුරුද්ද මත ලබා ගත් දෙයක්. නාකි කියන ඒ තනතුර ඉතා අසීරුවෙන් කල් අරන් තමා ලබා ගන්න පුලුවන්. ඉතින් ආදි ඍෂිවරු නාකි භාවයට පත් වෙන විට වයසයි, අපි දන්නව එදා මිනිස්සුන්ට වර්ථමානයට වඩා ආයුෂ තිබ්බ බව. ඉතින් සාමාන්‍ය ජනතාව ඒ අයට නාකි වරු කීම වර්ථමානය දක්වා කටින් කට වයසක උදවියට කියන්න අරන්.                       

⭐ නාකි වීම කියන්නෙ බුදු වීමට පෙර ලබා තිබිය යුතුම දෙයක්. ඒත් අපි කොහෙවත් අහල තියේද සිදුහත් කුමාරයා කුණ්ඩලිණී වැඩූ බවක්, නෑනෙ. ඒත් බෝසථාණන් වහන්සේ පෙර ආත්ම වලදී කුණ්ඩලිණී වැඩුව. ඒ මොකද? හිතන්න බුදුන් ආයු සංස්කාරය අතහැරියෙ අවුරුදු 80න්, කුණ්ඩලිණී වඩන්න ගොඩ කාලයක් යනව කියල කලින් මං කිව්ව. එහෙනම් බුදු වෙන ආත්ම භවයේ කුණ්ඩලිණී වඩන්න හිටිය නම් බුදුවෙන්න ලැබෙන්නෙ නෑ. අපි අහල තියෙනව සිදුහත් කුමාරයා ඉපදුන හැටියෙ නෙලුම් මල් 7ක් උඩ පියමැන්න කියල. මං ඒකෙ සත්‍ය අසත්‍ය දන්නෙ නෑ. ඒත් ඒ සත් පියුමන් මත පිය නැගීමෙන් අර්ථ දැක්වෙන්නෙ එතුම උපතින්ම කුණ්ඩලිණී ශක්තිය රැගෙන ආ බවයි.                                          ඔන්න ඔහොමයි අපි අද නිතරම වයසක අය හඳුන්වන නාකි කියන නම හැදුනෙ. අදින් පස්සෙ නාකි කියන නමේ තේරුම දන්න අය නාකි කියන නම වැරදි විදිහට පාවිච්චි කරන එකක් නෑ කියල හිතනව. නොදන්න අයටත් ඒ ගැන කියා දෙන්න.                 
සම්පූර්ණ අයිතිය ඇඩ්මින් සිතුමිණි පාරින්ද්‍යා සතුය.


                                     🇱🇰🔥 රාවණ 🔥🇱🇰

❤️ රාවණයන්ගෙ අසීමාන්තික ආදරේ හිමිකාරිය මංදෝදරී ❤️

මේ කතාව ගොඩ නැගෙන්නෙ බොහෝ දෙනෙකුගෙ අවධානයට ලක් නොවූ සිංහලේ රාජ්‍යයේ සිටි දැවැන්ත චරිතයක් වටාය. ඇය නමින් 'මංදෝදරී' වන අතර මහා රාවණ නිරිදුන්ගේ අපිරිමිත ප්‍රේමයේ එකම හිමිකාරිය ඇයයි.

මෙම ආදර කතාව විකෘති කිරීමට ඉතිහාසය බොහෝ වෙර දරා ඇත. එයින් වාල්මිකි ඍශිවරයා රචනා කල රාමායණය ප්‍රබල තැනක් ගනී. නමුත් ඒ පිළිබඳව සිංහලයෙකු වශයෙන් සත්‍ය දැන සිටීම වැදගත්ය.

රාමායණයේ දක්වන ආකාරයට රාම රාවණ යුද්ධය හටගන්නෙ සීතා නම් ස්ත්‍රිය රාවණ විසින් ලංකාවට ගෙන ඒමත් සමගයි. මෙය වැරදි අර්ථකථනයක් ය. සැබවින්ම සීතා යනු රාවණයන්ට සහ මංදෝදරීට දාව උපත ලද දූ කුමරියයි. ඒ ගැන පසුව කතා කිරීමට කල් තබා නැවතත් මංදෝදරියගෙ කතාව වෙත යොමු වෙමු.

ඇත්තෙන්ම මේ මංදෝදරී යනු කවුරුන්ද?

මංදෝදරී යනු ශ්‍රේෂ්ඨ රාවණ මහා නිරිදුන්ගෙ අග මෙහෙසියයි. 'මංදෝදරී' යන සංස්කෘත වචනයේ අර්ථය වන්නෙ " මෘදුවූ උදරයක් ඇත්තී" යන්නයි. පක්ෂපාතී ධර්මිෂ්ට බුද්ධිමත් හෙළ කාන්තාවක් වූ මංදෝදරීගේ නාමයෙන් පාපයන් දුරුවන බව එකල සිංහලයන් විශ්වාස කළේය. එසේම මංදෝදරී යනු මායාසුර හෙවත් මයදානයන්ගෙ එකම දූ කුමරියයි. මයදාන යනු එදා මෙදා තුර ලංකා ඉතිහාසයේ සිටි දක්ෂතම ගෘහනිර්මාණ ශිල්පියා හා අසමසම නිර්මාණශිල්පියා වේ. ලොව ප්‍රථම ගුවන්‍ යානය වූ දඩුමොණරය, සීගිරිය ආදි තවත් විශිෂ්ට නිර්මාණ බොහෝ ප්‍රමාණයක අයිතිකරු වන්නෙ මයදානයන්‍ ය. මරණයෙන් පසු ඔහුව විශ්වකර්ම හෙවත් විස්කම් ලෙස හැදින්වුණි. ඇගේ මව ආකාශ අප්සරාවක් වූ හේමාය. මේ නිසා ඇයව හේමප්සරා ලෙස හදුන්වයි.

සිගිරි අප්සරාවන් හා මංදෝදරිය අතර සම්බන්ධය


ආචාර්ය ගොඩකුඹුර ශූරීන් සඳහන් කරන පරිදි ‘ජනකතා’ පුරා විද්‍යාවේ ප්‍රධාන අංගයකි. රටක, පෙදෙසක හෝ ගමක වැසියන් අතර පවතින කතා අනුව ඇතැම් වැදගත් පුරාවෘත්ත සොයාගත හැකිය. මන්දෝදරී සහ රාවණ පිළිබඳව ඇති ඓතිහාසික සාක්ෂි සනාථ කිරීමට ප්‍රමාණවත් සාහිත්‍ය සහ පුරාවිද්‍යාත්මක මූලාශ්‍ර සුලභ නොවූව ද, රාවණ පුරාවත හා බැඳි බොහෝ ජනශ්‍රැතික මූලාශ්‍ර ලංකාව පුරා විවිධ ප්‍රදේශවල පැතිරී පවතී. සීගිරි බිතුසිතුවම්වල දක්නට ඇත්තේ මන්දෝදරී සහ ඇගේ පරිවාර ස්ත්‍රීන් බව ඇතැම් ඉතිහාසඥයන්ගේ විශ්වාසය වේ. ප්‍රදේශයේ පවතින ජනකවි තුළින් ද ඒ බව මනාව ප්‍රකට වේ.

සිගිරිය අවට ග්‍රාමීය ප්‍රදේශවල පවතින තේරවිලි කවියක්.

ප්‍රශ්නය:

සීගිරි ගලේ විල සැදුවේ      කවුරුන්දෝ

සීගිරි ගලේ රූ ඇන්දේ       කවුරුන්දෝ

සීගිරි රුවෙන් දිස් වන්නේ  කවුරුන්දෝ

මෙතුන් පදේ විසඳන්නේ   කවුරුන්දෝ

පිළිතුර:

සීගිරි ගලේ රාවණ දෙවි විල   සැදුවා

සීගිරි ගලේ විස්කම් සිත්තම් කෙරුවා

සීගිරි රුවෙන් මන්දෝදරී  දිස්වෙනවා

මෙතුන් පදේ නිසි ලෙස මම විසඳනවා

මෙහි එන විස්කම් යනු මන්දෝදරීගේ පියා වන මයදානව නොහොත් විශ්මකර්ම වෙයි.

මදාරා කුසුම සහ මංදෝදරිය


දියණියක විවාහ කර දීමේ දී දායාදය පිරිනැමීමේ සිරිත මුලින්ම ආරම්භ කරන ලද්දේ මයදානව විසින් බව කියනු ලැබේ. ඒ මන්දෝදරී කුමරිය රාවණාට විවාහ කර දීමේ දී තමා සතුව තිබූ මහා බලසම්පන්න ත්‍රිශූලය සහ ඔහු විසින් නිර්මාණය කළ ලොව ප්‍රථම ගුවන් යානය වූ දඬු මොණර යන්ත්‍රය රාවණා රජු වෙත තිළිණ කිරීමෙනි. කෙසේවෙතත් විවාහයෙන් පසු කුවේර පරදා රාවණයන් සහ මංදෝදරිය අත්පත් කරගත් ආලකමන්දාවට වී ප්‍රීතිමත් දිවියක් ගත කළේය. රාවණ ඉතා දක්ෂ ලෙස වීණා වාදනය කළ කලාකාමී සුන්දර මිනිසෙකු මෙන්ම අතිදක්ෂ වූ වෛද්‍යවරයෙකු සහ පර්යේෂකයෙකු ද වූ බව පුරාවෘතවලට අනුව සනාථ වෙයි. ස්වකීය පරීක්ෂණවලින් එතුමන් ඖෂධ වර්ග නිපදවීය. තම පිය පාර්ශවයෙන් ලද පර්යේෂණ ඥාණය භාවිතා කොට රාවණයන්ට තමාට හැකි අයුරින් උදව් උපකාර කළේය. මදාරා මල යනු රාවණ රජුගේ ජීව විද්‍යාත්මක පරීක්ෂණ මඟින් නිපදවන ලද පුෂ්පයකි. එම පුෂ්පය රාවණ රජු විසින් මදාරා ලෙස නම් කරන්නේ මන්දෝදරී ඔහු වෙත පුදන ප්‍රේමය සහ සහයෝගය සදා අනුස්මරණය වීමට ඇයට පුදන්නා වූ උපහාරයක් වශයෙනි. මෙම මදාරා ශාකය ලංකාවට ආවේණික වූ ඉතා දුර්ලභ ශාකයක් වන අතර එයට කෘමීන් ආකර්ෂණය වන්නේ නැත. එසේම අලිඇතුන් මෙම මදාරා ශාකය අසලදී දණ නමන බවට විශ්වාසයක් පවතී. සැබැවින්ම අලිඇතුන් මදාරා ශාකයට අලිඇතුන් දමනය කිරීමට හැකි බව නූතන පරීක්ෂණ මගින් හෙළි වී ඇත. එසේම අතීත රජවරු අවි ආයුධ තැනීමට මෙම ශාකයේ දැව යොදා ගත් බව සදහන් ය. ඒ මගින් යුද්ධවලින් ජය ලබා ගත හැකි බවට විශ්වාසයක් තිබී ඇත.

මංදෝදරී සහ සීතා අතර සම්බන්ධය


මන්දෝදරී සහ රාවණගේ දරුවන් වූයේ මේඝනද හෙවත් ඉන්ද්‍රජිත්, ආථිකාය සහ අක්ෂය කුමාර යන කුමාර වරුන් ය. මන්දෝදරියට සොහේළි නමින් දූ කුමරියක් ද වූ බවට එක් පුරාවෘතයක් පවතී. මන්දෝදරී ප්‍රථම වරට ගැබ්ගත් අවස්ථාවේ, එකල හෙළ දීපයේ අතිප්‍රබල සෘෂිවරයෙකු වූ පුලස්ති විසින් අනාවැකියක් පළ කරන ලදී. එම අනාවැකිය වූයේ මන්දෝදරියට බිහිවන දරුවා මධ්‍යම රාත්‍රී 12ට පසුව බිහි වුවහොත් ඉන් අනාගතයේ දිනක මහත් වූ විනාශයක් සිදුවන බව යි. මන්දෝදරී බිහිකිරීමට සිටියේ නිවුන් දරුවන් ය. මධ්‍යම රාත්‍රිය ආසන්නයේ විලි රුදා ඇති වූ ඇයගේ ප්‍රථම දරුවා මධ්‍යම රාත්‍රී 12 පසුවන්නට පෙර බිහි විය. ප්‍රථම දරුවා කුමරෙකු වූ අතර ඔහුට මේඝනද නොහොත් ඉන්ද්‍රජිත් ලෙස නම් තැබීය. මන්දෝදරිගේ දෙවන දරු ප්‍රසුතිය මධ්‍යම රාත්‍රී 12න් පසු සිදු වූ අතර ඒ බිහි වූ දරුවා සුන්දර දූ කුමරියක විය. ඇය සොහේළි ලෙස නම් ලැබීය. පුලස්ති සෘෂිගේ අනාවැකිවල සත්‍යය බව හොඳ හැටි අවබෝධ කර සිටි රාවණ, දාරක ස්නේහය හදවතේ සඟවා සිව් හෙළයේ අනාගතය වෙනුවෙන් සිය ප්‍රිය බිරිඳට රහසින් කුඩා බිළිඳිය පැසක දමා මුහුදේ පා කර යැවූ අතර, එක් දරුවෙකු ප්‍රසුතියේ දී මිය ගිය බවට රජු සැමට සැල කර සිටියේ ය. විෂම නිවුන් දරුවන් ලැබීමෙන් පසුව සිය පවුලෙන් පිටත එක දරුවෙක් ඇති දැඩි විය යුතු බවට නියමයක් සහ චාරිත්‍රයක් ද එකල හෙළය තුළ පැවතුණි. කෙසේ හෝ පිට මං කළ බිළිඳිය සයුරු රළ මත හුදකලාවේ පැසක පාවී ගොස් ඉන්දියාවේ එක්තරා ගොවියෙකුට හමු වූ අතර, පැස විවර කිරීමේ දී රාජ වස්ත්‍ර සහිත සුන්දර බිළිඳිය දුටු ගොවියා ඇය රජ කුමරියක බව අනුමාන කර එකල ඉන්දියාව පාලනය කළ ප්‍රාදේශීය රජෙකු වූ ජනක රජුට කුමරිය බාර කළේ ය. ගොවියෙකුට හමු වූ කුමරියක නිසා නගුල යන අර්ථය සහිතව ඇය සීතා ලෙස නම් කළ ජනක රජු, ඔහුගේම දියණියක ලෙස කුමරිය ඇති දැඩි කළේ ය. පසු කලෙක ඇය, ජනක රජුගේ දියණිය වූ නිසා ජානකි ලෙස අපර නමකින් ද හඳුන්වනු ලැබිය. රාවණ සොයුරිය සුපර්ණකාට රාමගේ මලණුවන් වූ ලක්‍ෂ්මන් සිදුකළ බලහත්කාරී ව්‍යසනයට පලිගැනීමේ අදිටනින් ස්ත්‍රීන්ගේ වටිනාකම වටහා දීමේ අරමුණෙන් රාවණ විසින් මෙරටට පැහැරගෙන ආ සීතාව, අතීතයේ සයුරේ පා කර යැවූ රාවණගේ සහ මන්දෝදරිගේම දියණිය විය හැකි බවට ඉතිහාසඥයන් මත පළ කරති. කෙසේ වෙතත්, පලිගැනීමක් මත රැගෙන ආ සීතාව අපමණ සැප සම්පත් හා රැකවරණය සහිතව හා කිසිදු ලිංගික හිරිහැරයකින් තොරව රාවණ දැඩි ප්‍රේමයෙන් රකින්නේ ඇගේම දියණිය බවට හදුනාගැනීමෙන් පසුව බව අපට අනුමාන කළ හැකිය.

මන්දෝදරිගේ ආරාධනයෙන් රාවණා විසින් රචිත ග්‍රන්ථ

රාවණ විසින් රචිත ග්‍රන්ථ අතර; අර්ක ප්‍රකාශ, කුමාර තන්ත්‍රය (කුමාර චිකිත්සා), රසරත්නාකරය, වටිකා ප්‍රකරණය, උදිස්සා තන්ත්‍රය හා ඔඩිස්සා තන්ත්‍රය යනාදිය වඩාත් ප්‍රචලිත ග්‍රන්ථ වෙයි. මෙම ග්‍රන්ථ අතරින් අර්ක ප්‍රකාශය ලියැ වී ඇත්තේ රාවණ රජු සහ මන්දෝදරී අතර සිදුකෙරුණු කාව්‍යමය සංවාදයක් ලෙසිනි.

කුඩා දරුවන්ට වැළදෙන ලෙඩ රෝග සහ ඒවාට පිළියම් විස්තර කරමින් රාවණයන් කුමාර තන්ත්‍රය ලියනු ලබන්නේ, මේඝනද කුමරුන් කුස හොත් අවධියේ දී මන්දෝදරී දේවිය සිදුකළ ඉල්ලීමක් ඉටුකිරීමට ය. කුඩා දරුවන් හට වැළදෙන රෝග සහ ඒවාට පිළියම් සහිතව රචනා වූ ඉපැරණිතම සහ පුරාණ වෙද අත්පොත වන්නේ කුමාර තන්ත්‍රය නොහොත් කුමාර චිකිත්සාව යි.

මන්දෝදරී සැම විටම සිය සැමියාගේ අවශ්‍යතා සහ කාර්යභාරයන් නිසි ලෙස හඳුනාගනිමින් මනා අවබෝධයකින් සහ ස්නේහයෙන් රාවණයන්ට දිරි දෙමින් උපකාර කළ ආදර්ශමත් ස්ත්‍රී චරිතයක් ලෙස ඇය හා බැඳි ජනශ්‍රැතික කාරණා විශ්ලේෂණයේ දී මනාව පැහැදිලි වෙයි.

මන්දෝදරීට පෙම් කළ විභීෂණ

රාම රාවණ යුද්ධයේ දී රාම විසින් රාවණ පැරදවීම සිදුවන්නේ රාවණාගේ සොහොයුරෙකු වූ විභීෂණගේ පාවා දීම නිසාවෙනි. රාවණා කෙරෙහි විභීෂණගේ උරණ වීම කෙරෙහි බල පෑ හේතුව පිළිබඳ මන්දෝදරී විභීෂණ සහ රාවණා වටා බැඳුණු ජනප්‍රවාදයක් ද බැඳී පවතී. රාජ්‍ය පාලනයේ විවිධ ගැටළු, තීරණ සාකච්ඡා කිරීමට නිතර ගිරි මාලිගයට ආ-ගිය විභීෂණ, මන්දෝදරීගේ රූප ශ්‍රීයෙන් උමතුව ඇයට හදවතින් පෙම් කළ බවත්, ඇය විවාහ කරගෙන සිටින තමාගේ සොහොයුරු කෙරෙහි ඊර්ෂ්‍යයාකාරී ක්‍රෝධයක් ඇති කරගත් බවත් ඉතිහාසය පිළිබඳ අදහස් දක්වන ඇතැම් විද්වතුන්ගේ මතය යි. කෙසේ වෙතත්, රාවණා ඝාතනය කළ හැකි ආයුධ දෙක සහ ඒවා තබා තිබුණේ වේරම්බ වාතයේ බව දැන සිටියේ මන්දෝදරී සහ විභීෂණ පමණක් බව ද සඳහන් ය. එවැනි අතිශය රහස් කරුණු සහ රාවණාගේ දියුණු යුධ උපක්‍රම භාරතියන් අතට පත් වන්නේ විභීෂණ හරහා ය. එයට ඉහත මන්දෝදරී හා බැඳී ජනප්‍රවාදය ද හේතු වන්නට ඇති බවට අනුමාන කළ හැකිය.

රාම-රාවණා යුද්ධයෙන් අසරණ වූ, මන්දෝදරී


දුර ඈත ඉතිහාසයේ සිට වර්තමානය දක්වාම දැවැන්ත යුද්ධ සහ අරගලවල දී අවසානයේ අසරණ සහ දැඩි සේ චිත්ත පීඩනයන්ට ගොදුරු වන්නේ යුද්ධයෙන් මියගිය අයගේ ජිවත් වන මව්වරුන්, භාර්යාවන් සහ කුඩා දරුවන් ය. මන්දෝදරී ද ඒ සදාතනික දුක්ඛ සත්‍යයේ අතීත හිමිකාරියකි. රාම රාවණ යුද්ධයට තුඩු දුන් රාම කුමරුගේ බිරිඳ වූ සීතා, රාවණ විසින් පැහැරගෙන හෙළ දීපයේ රඳවා ගෙන සිටීමට හේතු වූ කාරණාව ඉහත දී පැහැදිලි කර ඇත. රාම-රාවණ සමග යුද්ධ ප්‍රකාශ කිරීමෙන් පසුව කීප අවස්ථාවක දී ම මන්දෝදරී රාවණගෙන් සීතා නැවත රාමට බාර දෙන ලෙස ඉල්ලීම් කරයි. ඇය එලෙස සිදුකරනුයේ මහා විපතක පෙර සලකුණු ඇයට පෙරදීම දැනුණු නිසා විය හැකිය. නමුත් අවසානයේ සියල්ල නිමා වන්නේ මන්දෝදරී ලංකාපුරයේ වැන්දඹුවක් බවට පත් කරමිනි. සිය ප්‍රේමණීය සැමියා රාවණගේ නිසල සිරුර වැළඳ ගනිමින් මන්දෝදරී බොහෝ සේ හඬමින් වැලපෙන්නට ඇත. ඔහුගේ ප්‍රේමණීය මතකයන් නැවත නැවතත් තනිව සිහිපත් කරමින් ඇය මියෙන තුරුම දැඩි චිත්ත පීඩනයකින් පසු වන්නට ඇත. මන්දෝදරිගේ සැමියා කෙරෙහි වූ පක්ෂග්‍රාහි බව භාරතීය රාමායණයෙහි පවා එක් අවස්ථාවක ඇගයීමට පාත්‍ර කිර තිබීම සුවිශේෂී වූවකි. පෙර සඳහන් කරන ලද සීතා සහ මන්දෝදරී සම්බන්ධ පුරාණෝක්තිය සත්‍යය වි නම්, හුදෙකලා වූ මන්දෝදරිගේ පීඩනය තවත් බලවත් වන්නේ නොවේ ද? සීතාව භාරතීය කාන්තාවගේ පරමාදර්ශී චරිතයක් වූ අතර, රාවණ ඝාතනය කළ රාම, පාවා දුන් විභීෂණ, සහාය දුන් හනුමන් මෙන්ම ස්ත්‍රියක කුරිරු ලෙස හිරිහැරයට ලක් කළ ලක්ෂ්මන් ද දේවත්වයට පත් විය. රාවණ දුෂ්ඨ පාපිෂ්ඨයෙකු විය. මන්දෝදරි ද කාලයේ අසීමාන්තයේ කාටත් රහසේ සැඟ වී ගියා ය. රාමායණය හිස් මුදුනින් අගයන භාරත ගැති සමහරක් ලාංකිකයන් බොහෝ දෙනෙකු මන්දෝදරී යනු කවුරුන් ද වත් නොදැන සිටීම මහත් වූඛේදවාචකයකි. මන්දොදරිගේ චරිතය සතු ගුණාංග වූ දැඩි ඉවසීම සහ දරා ගැනීම, ත්‍යාගශීලිත්වය, සැමියා වෙත දැක් වූ අනුපමේය සහයෝගය සහ සෙනෙහස, බුද්ධිමත් බව මුළු මහත් ලෝකවාසී සියලු කාන්තාවන්ට ආදර්ශයක් වන්නා සේ ම, එවැනි කාන්තා චරිත ඉතිහාසය තුළ වැළලී යාමට නොදී මතු අනාගතය වෙත සංරක්ෂණය කිරීම ද අප කාගේත් යුතුකමකි.

උපුටාගැනීමකි©

කේන්දරේ ☀️🌗🌙

අද මං කතා කරන්න යන්නෙ අපි හැමෝගෙම ජීවිත වෙනස් කරපු, ජීවිත වෙනස් කරන දෙයක් ගැන ඒ තමා කේන්දරේ. කේන්දරේ හරිද, වැරදිද?                     

⭐ දැන් ජෝතිශ්‍යවේදීන් පාවිච්චි කරන විදිහට නම් සම්පූර්ණ වැරදියි. ඇයි ඒ, ඒගොල්ලො කේන්දර හදන්නෙ උපදින ආසන්න වෙලාවයි, ඒ වෙලාවෙ අහසෙ තියෙන තරු රටාව අනුව. පලවෙනි දේ උපදින වෙලා කවුරුත්(හෙදියන් හෝ අවථාවේ සිටින අය) හරියටම ගනින්නෙ නෑ, සමහර විට ඔරලෝසු වැරදි වෙන්නත් පුලුවන්. එහෙම උනොත් උපදින වෙලාව වරදිනව, අනිත් දේ තරු රටාව. තරුරටාවක් හැදෙන්න එකල ලග එහෙමත් නැත්තන් එකම තලයේ පිහිටන තරු වලින් නෙවේ. ඒවා අතර දුර වෙනස් වගේම ඒ එක එක තරු සමග පෘථිවියට තියෙන දුරත් එකිනෙකට වෙනස්. ඒ එක තරුවක් ආලෝක වර්ශ 100,000 ඈතින් තියෙන කොට තව තරුවක් ආලෝක වර්ශ 1,000,000 ක් ඈතින් වෙන්න පුලුවන්. එතකොට ඒවායින් නිකුත්වන ආලෝකය පෘථිවියට එන්න ගතවන කාලය වෙනස්, ඒ කියන්නෙ ආ.ව. 100,000 ඈතින් තියෙන තරුව දිහා දැන් බැලුවොත් අපිට පේන්නෙ මීට අවුරුදු 100,000 කට කලින් තිබ්බ තරුව, ආ.ව. 1,000,000 ඈතින් ඇති තරුව දිහා දැන් බැලුවොත් පේන්නෙ මීට අවුරුදු 1,000,000 කට කලින් තිබ්බ තරුව. එතකොට අපි උපදින වෙලාවෙ ඔය කියන තරු රටාව තියා එක තරුවක් වත් නෑ. ඔය තරු මේ වෙනකොට පුපුරලාද දන්නෙත් නෑ. ඉතින් අපි කොහොමද තරු රටාවක්  බලල කේන්දර හදන්නෙ,

⭐දැන් බලයි කේන්දර හරියන්නෙ කොහොමද කියල, ඉස්සෙල්ලම අහනව කේන්දරේට කියන හැමදේම හරිද? අහම්බෙන් හරියන්න පුලුවන්,  ජෝතිශ්‍යවේදීන් හදාගත්තු චාට් එකක් තියෙනව. හරියට චක්කරේ වගේ. මේ වෙලාවට මේ ලග්නෙට මෙහෙම වෙනෝ, අරහම වෙනෝ කියලා. නැකත් බලන්න නම් එන කෙනා එන දිශාව, නැකත අවශ්‍ය හේතුවට අනුව චාට් එකක් තියේ. ඒ කවුරුත් මේව ගැන කියන්නෙ නෑ. සමහර විට ඒව හරියනව. ඒ හරියන්න හේතුව ඒ අයගෙ සාස්තරේ නම් නෙවේ. සාස්තරේ අහන මිනිස්සුන්ගෙ විශ්වාසය. ජෝතිශ්‍යවේදියෝ යමක් කිව්වම මිනිස්සු ඒක භක්තියෙන් විශ්වාස කරනව, වත් පිලිවෙත් කරනව, අපි කවුරුත් දන්නව හිත අදිශ්ඨාන පස්සෙ එලවනව, ඒවට ලගින් හරි දෙයක් උනොත් අන්න සාස්තරේ හරි වෙනව. අන්න ඒ විදිහට කේන්දර ඇත්ත වෙන්නෙ.                               

⭐එතකොට ඉස්සර කාලෙ ඉදන්ම එන මේ ජෝතිශ්‍ය වැරදිද? ජෝතිශ්‍ය වැරදි නෑ, වර්ථමානයේ වෙන විදිහයි වැරදි, හරියටම කෙනෙක් ගැන අනාවැකි කියන්න නම් අපේ රුධිර ගණය හා උපදින වෙලාව මිලිතප්පරයට අවශ්‍ය වෙනව.  ඇයි රුධිර ගණය? මොකද මේ ලේවල තියෙනව හිමොග්ලොබින්(හීම් යකඩ හා ග්ලොබියුලීන්), ඒවායෙ යකඩ යම් ප්‍රතිශතයක් අඩංගුයි,   මේ විශ්වයම පවතින්නෙ  ගුරුත්වාකර්ෂණය මත. යකඩ කියන්නෙ ගුරුත්වාකර්ෂණයට ඍජුවම බලපාන දෙයක්නේ.                     

⭐ දැන් බලයි ඇයි මං මේ කතාව මේ ගෲප් එකට දැම්මෙ කියල, මේක රාවණට අදාල නෑනෙ කියල. නෑ, රාවණටත් අදාලයි මේක. හරි විදිහට අනාවැකි කියන්න උපදින වෙලාව මිලිතප්පරේටයි රුධිර ගණයයි තිබ්බටත් මදි. ඒකට ඒකාග්‍ර කරත්තු සිතක්, ධ්‍යාන ලබාපු මනසක් තියෙන්න ඕනෙ. රාවණ උපදින බව පුලස්ථි ඍෂි අනාවැකි පල කලේ අන්න එහෙමයි, පුල පුලාම යක්ඛ රාජ ලේ හා මුනි ලේ එකතු කරල රාවණ බිහිකරන්න ඕනෙ කියල කියන්නෙ රාවණ පරපුරම විශ්වය සමඟ සම්බන්දතා පවත්වපු නිසාත් මුනිවරු මනස දියුණු කර ඉහල ආධ්‍යාත්මික තල වලට ගිය අයත් නිසයි.  පුලස්ථි ඍෂිගෙ අන්න ඒ ජෝතිශ්‍යට අනුව තම එදා රාවණ බිහිවෙන්නෙ.       අද සමහර ජෝතිශ්‍යවේදියො කියනව රාවණ අවදි කිරීමට අර යාගය,  මේ ස්ත්‍රෝත්‍රය, අහවල පූජාවල් කරන්න ඕනෙ කියල. නෑ  රාවණ අවදි කරන්න ඕනෙ නම් සිංහලයො වශයෙන් කරන්න ඕනෙ මිත්‍යාව අතහැරල, වැරදි වැඩ, අනවශ්‍ය නොගැලපෙන වැඩ වලින් මිදිල, පරාර්ථකාමී, සංවර ජාතියක් විදිහට අපේ දේ රැක ගෙන ඒව දියුණු කරගෙන අන් අයට ආදර්ශයක් විදිහට නැගී සිටියොත් විතරයි.               

සම්පුර්ණ අයිතිය ඇඩ්මින් සිතුමිණි පාරින්ද්‍යා සතුය.

                                   🇱🇰⚔️රාවණා⚔️🇱🇰

🇱🇰☣️ _හෙළයේ යුධ කලාව_ ☢️🇱🇰 ⚠️️ 10 වන කොටස ⚠️️

_අවසානය_


හෙළ අසුර අධිරාජ්‍යය බිහිකරන්න රවුළු නම් රාවණ රජු ගත් උත්සාහය අපමණයි. මෙතෙක් කල් ඔබ සමඟ එතුමාගෙ යුධ බලය සහ රාම සමඟ යුද්ධයේදී සිදුවූ දේවල් පිළිබඳව කතාකළා. තවදුරටත් මා දන්න සියල්ලම ඔබට සාරාංශ කර දක්වන්නම් මෙලෙස, (ඒත් මං දන්නෙත් බොහොම ටිකයි...)

🔰 අවි ආයුධ

• න්‍යෂ්ටික අවි 10ක් හෝ 11ක්
• බෝම්බ වර්ග 24ක්
• මිසයිල වර්ග 11ක්
• ආටිලරි
• කාල තුවක්කු
• දුනු ඊතල
• කඩු විශේෂයෙන් චන්ද්‍රහාස අසිපත
• අංගම් ආයුධ සියල්ලම(සුළු ඒවායේ සිට මරණය පමණක් ගෙන ආ ආයුධ දක්වා)

🔰 ගුවන් සටන් ශක්තිය

• දඬුමොණර බලකාය
• සහස්ග්‍රැතිය
• මකර සේනා

🔰 ජල සටන් ශක්තිය

• තවමත් හඳුනා නොගත් සත්ත්ව විශේෂවල සහය

🔰 ගොඩබිම් සටන් ශක්තිය

• අසංඛ්‍ය වූ අසුර සේනාව
• ගොඩබිමේ ගමන් කරන හඳුනා නොගත් යුධ වාහන
• බෝදිලිමන් හමුදාව
• ගවර හමුදාව
• ගජසිංහ හමුදාව
• චරපුරුෂ සේවය{ප්‍රධානියා - බෝධි(අර්ධමානවයෙක්) }
• තවත් අර්ධමානව හමුදාවන් සහ සත්ත්ව හමුදාවන්
• පැය 72ක් ඇතුළත මැරුණු රෝගියෙක්ට පණ දිය හැකි වෛද්‍යවරු

මේ මං දන්න ටික විතරයි... තව කොව්චර තාක්ෂණයක් තියෙන්න ඇතිද පිටසක්වළ ලෝක සහ දෙව් බඹුන් පවා යටත් කරගන්න. මේ හැම දෙයක්ම කළේ හෙළයා තමන්ගේ මොළෙන්. මේවා කලින් තිබ්බ දේවල් නෙමේ මේවා අලුතෙන් හදපුවා. ඉතිං අපි පුස්කොළ පොත් ටික කවුරුහරි ගේනකන් බලන් එපා. අපිට ඕනෙ දැනුම මේ අවකාශයේ තියෙනවා. අපි ඉල්ලුවොත් ඒක අපිට විශ්වයෙන් ලබා දෙනවා. හොඳට මතක තියාගන්න... උබලා සිංහල... මේක සිංහලේ රට... අපිට මේ ලෝකේ තියෙන්නෙ මේ රට විතරයි... මෙච්චරකල් අපේ ජාතියේ වීරයෝ තමන්ගේ පණ පුදලා ආරක්ෂා කළා මේ සිංහලේ භූමිය... මේ පස සාරවත් වෙලා තියෙන්නෙ ඔවුන්ගෙ ලෙයින්... උබ ඒ පිං බිමට කෙළ පාරක් හරි ගැහුවොත් උඹ සිංහලයෙක් නෙමේ, කුණු දැම්මොත් උබට සිංහලයෙක් නෙමේ... ජාතිය වඳ වෙනවා මට මේක ආයේ ආයෙ කියන්න බෑ , ඒ ලැයිස්තුවේ උඩින්ම ඉන්නෙ අපි... ඒ අස්සෙ පුංචි පවුල රත්තරංලු (රෙද්ද තමා)
මේ ලෝකේ යුද්ධෙකින් පරාජය කළ නොහැකි ජාතීන් 3යි තිබ්බේ... ඒකෙත් උඩින්ම ඉන්නෙ අපි... එහෙම කියලා අපිට ඇමරිකාවට ගහන්න පුලුවන් , රාවණව නැගිට්ටලා ඇමරිකාවට ගහන්නෙ වගේ ගොන් කතා කිය කිය සමාජ ජාල වල ගොන්කම ප්‍රදර්ශනය කරන්න එපා. මොකද වෙන රටක් එක්ක යුද්ධයක් කරනවා කියන්නෙ ඔය උබලා හිතන තරම් ලේසි දෙයක් නෙමේ(ඉන්දියාවේ ෆිල්ම් වගේ නෙමේ) ... ඒකට උපක්‍රම තියෙනවා. මං කියන්නෙ ගොන්වැඩ කර කර ඉන්නෙ නැතුව අලුත් දෙයක් හිතපල්ලා... තමන් කැමති විෂයය ගැන හදාරපල්ලා... මේ ලෝකෙ අපිට ඉතුරු වෙලා තියෙන එකම පිංබිම අපි රැක ගන්න ඕනේ. ඒකට යුද්ධ කරන්න උනත් අපි ලෑස්ති වෙන්න ඕනෙ. අපිට පුලුවන් විදියට ඒකට දායක වෙන්න ඕනේ. අන්තිමට දෙයක් කියන්නම්... ගොඩක් සිංහලයන් ඉතිහාසය විශ්වාස කරන්නෙ නෑ. ඒ ගැන හිතන්න එපා. උඹ ඒ තාක්ෂණය ක්‍රියාවෙන් ඔප්පු කරලා පෙන්නපන්. උඹේ ඇඟ ඇතුලේ මැරි මැරී මැරි මැරී දුවන සිංහල ජානයට දැන්වත් පණ දියන්... අපිට _පුලුවන් අඩිතාලම හදන්න විතරයි._


හෙළයේ යුධ කලාව නිමි.

🇱🇰☣️ _හෙළයේ යුධ කලාව_ ☢️🇱🇰 ⚠️️ 9 වන කොටස ⚠️️

_රාම රාවණ යුද්ධය (සත්‍ය)_



ඔන්න එහෙනම් බලන් හිටපු සත්‍ය...
මහා වංශේ බොරුවක් නෙමේ... දැන් හිතයි රාවණ ඉතිහාසය බොරු කියලා මම කියනවද කියලා. නෑ නෑ එහෙම නෙමේ මං ඉස්සෙල්ලම කියපු එක තව පොඩ්ඩක් වෙනස් කරන්නම් මෙහෙම, මහා වංශේ බොහෝ දේවල් බොරු නෙමේ. සුද්දා ඉරලා විසික් කරපු මහා වංශේ 40 වෙනි පරිච්ඡේදය හෙවත් 'රාවණ යුගය' ගැනයි මේ කතාව...
රාවණ මිත්‍යාවක් බවට පත් කළ 1912 දී ලියවෙන කොඞ්රිංටන්ගේ ලංකා ඉතිහාසයත්, විජයගෙන් එපිටට අඩියක් තබන්නට බිය ලාංකේය පුරාවිද්‍යාවත් ගැන යළි ප්‍රශ්න කළ යුතුය. හෙළයන් සැවොම එකට එක්විය යුතු කාලය පැමිණ ඇත. රාවණ වසර පැමිණ ඇත...


උපුටාගැනීම© ::--



"රාම-රාවණ යුද්ධය අභ්‍යන්තර බල අරගලයක පුපුරායෑමක් ලෙසින් අපට තේරුම්ගත හැකි සාධක බොහොමයක් දැකගත හැකිවෙයි. එහි දී පෙන්වා දිය හැකි මුල්ම සාධකය වනුයේ පුලස්ති පරපුර හා වශිෂ්ඨ පරපුර මුල්කරගනිමින් මෙම සටන පැවතීමයි. පුලස්ති යනු වශිෂ්ඨ සෘෂිගේ සොහොයුරායි.
අනෙක් කාරණාව වනුයේ තම පරපුරට සිදුවන විනාශය තම සෘෂි නුවණින් අවබෝධ කරගන්නා පුලස්ති සෘෂි සකලවිධ ඥානය වේදග‍්‍රන්ථ ලෙස ලියා තැබීමයි. අනෙක් කාරණාව වනුයේ මෙම යුද්ධය පසුපස පවුලේ බල අරගලයක් පැවති බවට හොඳම සාධකය වන්නේ විශුවස් මුණිවරයාට හා ඉලදේවිට දාව උපන් වෛශ‍්‍රවණ ගෙන් (කුවේර* රාවණ බලය පැහැර ගැනීමයි. රාවණ යනු විශුවස් මුණි හා පුෂ්පොත්කටාට දාව උපන් දරුවාය. විභීෂණ යනු විශුවස් මුණි හා මාලනීට දාව උපන් දරුවාය. කුවේරගෙන් රාවණ බලය පැහැරගත්තා සේම, රාවණගෙන් රාජ්‍යය ලබාගැනීමට විභීෂණට අවශ්‍ය වන්නට ඇත.
මෙම තත්ත්වයම අයෝධ්‍යාවේද සිදුවන අතර දශරථට හා කෞශල්‍යට දාව උපදින රාමට හිමි සිහසුන දශරථට හා කෛකසිටට දාව උපදින භාරතට ලබාදීමට සිදුවන්නේ එබැවිනි. රාම-විභීෂණ එක්වීම පොදු සතුරකුට එරෙහි එක්වීමකි. මෙහිදී වැදගත් වන කරුණු
රැසක් ඇත. රාමව අයෝධ්‍යාවෙන් පිට කිරීමට හේතු වනුයේ රාමායණයේ පෙන්වා දෙන හේතුවට වඩා වෙනස් වූ හේතුවෙක් මත බව එය හොඳින් අධ්‍යයනය කරන්නකුට පෙනී යයි. අයෝධ්‍යාව යනු එකල හෙළ අසුර අධිරාජ්‍යයට අයත් වූ රටක් බවට ඇති හොඳම සාක්ෂිය එහි පාලකයාගේ උපදෙස් දෙන්නා නැතහොත් දේවයන් තනන්නන්ගේ ප‍්‍රධානියා ලෙස පුලස්ති ඍෂිගේ අයියා වූ වශිෂ්ඨ ඍෂිවරයා කටයුතු කිරීමයි.
රාමට රජකම නොදී රටින් පිටුවහල් කිරීමට හේතු වන්නේ අසුර අධිරාජ්‍ය විරෝධියකු ලෙස ඔහු කටයුතු කිරීමයි.
රාවණ මහා රජුගේ නියමය දශරථ රජු ක‍්‍රියාත්මක කළ ආකාරය හොදින්ම අවබෝධ කරගත හැකිවෙයි. අනෙක් කාරණාව වනුයේ රාම යුද්ධයට පෙර බලය ලබාගැනීමේ උපක‍්‍රමයක් ලෙස සීතාව භාවිත කළ බව පෙනීයාමයි. එනම් කුඹුරක අතහැර දැමූ රාවණගේ දියණිය වූ සොහෙළිව දරුකමට හදාගත්තේ මිථිලාවේ රාජ්‍ය පාලනය කළ ජනක නම් රජුය. හදාගත් දරුවාව රාම විවාහ කරගනිද්දී ජනක රජුගේම දියණිය වූ උර්මිලාව ලක්ෂ්මන් විවාහ කරගනු ලබයි.
මෙහි දී අයෝධ්‍යාවේ සිහසුන උරුම රාජ කුමාරයාට හදාගත් දියණියක විවාහ කරදීම පසුපස තිබෙන්නේ කුමක්ද? දුවව පෙන්වා බලය ලබාගැනීමේ උපක‍්‍රමයයි. රාවණ ශොහෙලිව (සීතාව) යළි ලංකාවට රැගෙන එන්නේ රාමගේ එම උපක‍්‍රමය අසාර්ථක වූ පසු ඇයව කැලයේ අතරමං කරදැමීමෙන් අනතුරුවය. මෙයම රාම-රාවණ යුද්ධයෙන් පසුව ද රාම සිදු කළේය. එනම් දරු දෙදෙනා සමඟම සීතාව වනයේ අතරමං කර දැමීමයි. ඒ උපක‍්‍රමයක් උදෙසා සිදු කරගත් විවාහයේ අවශ්‍යතාවක් තවදුරටත් ඔහුට නොවීමයි. එසේම වානර නම් ගෝත‍්‍රික පරපුරක සහය මිස අයෝධ්‍යාවේ හමුදා සහය යුද්ධය උදෙසා රාමට හිමි නොවුණි. මෙහිදී මතුවන ගැටලූවක් වනුයේ රාවණ පරපුරෙන් එන ප‍්‍රබල ආයුධයක් වූ ‘බ‍්‍රහ්මස්ත‍්‍රය’ උරුමයෙන් විභීෂණට හිමිවිය යුතු බවට පුලස්ති ඍෂි නියම කර තිබීමයි. පරපුරට ද්‍රෝහි වන්නකුට පරපුරේ ප‍්‍රබලම ආයුධයක උරුමය ලබාදීමට පරපුර ගොඩනැඟූ ඍෂි කෙනෙක් තීරණය කරයි ද යන්න දෙවරක් සිතිය යුත්තකි. එසේ නම් විය හැක්කේ කුමක්ද?
සතුරා අතර සිට සතුරාට පහරදීම ද? එහිදී මිය ගිය විභීෂණ දේවත්වයට පත්වීද? අප දන්නා පරිදි දේවත්වයට පත්වූයේ වීරයන් ලෙස මිය ගිය හෙළයන් මිස ජාතිය පාවා දුන් ද්‍රෝහීන් නොවන්නේය. රාවණ මිය ගියේ නැත. ඔහු අමරණීයත්වය ලබාගත්තෙකි. එදා ඔහු මිය
නොගිය බැවින් එකල්හි රාවණ ශක්තියක් බවට පත්වූවා මිස දෙවි කෙනකු බවට පත්නොවුණි.
අවසන් සටනේදී සිදු වූයේ කුමක්ද මහා රාවණ සතුව පැවැති ‘මෙත්තස්ත‍්‍රය’ නම් රහස් ආයුධය පාවිච්චි කිරීමයි. ‘මෙත්තස්ත‍්‍රය’ යනු අධිසංඛ්‍යාත තරංග නිකුත් වන අත රඳවාගත හැකි කුඩා ප‍්‍රමාණයේ උපකරණයකි. එයින් නිකුත් වන අධිසංඛ්‍යාත තරංග ම`ගින් අවට සිටි සියල්ලෝ තම වසඟයට පත්කරගත හැකිය. රාවණ සේනාවට එරෙහිව විභීෂණ විසින් භාවිත කිරීමට උත්සහ දැරූ බ‍්‍රහ්මස්ත‍්‍රය අවසානයේ රාම හමුදාවට එරෙහිව භාවිත කිරීමට සිදු වූයේ එබැවිනි.
රාම හමුදාව පමණක් නොව රාම-ලක්‍ෂමන් ද මහා රාවණ මෙත්තස්ත‍්‍රය හමුවේ පරාජයට පත්විය. මහා රාවණ රජු හමුවේ දණින්වැටී පරාජයභාරගැනීමට ඔවුනට සිදුවූහ."

මහාවංශයේ ඉරා විසිකළ 40 වෙනි පරිච්ඡේදය නිමි.



තුන් ලොව කැළඹූ යුද්ධයක් ජයගත් වීරයන් දෙදෙනකු තම රටට ආ සැණින් සිය දිවිනසාගන්නට හේතුවක් නැත. ජනතාව හමුවේ පරාජයේ අවමානය දරා ගත නොහැකි වූ කල නම් එවැන්නක් සිදු කරගත හැකිය.
අයෝධ්‍යාවේ සිහසුනේ තබා රටේ රජු ලෙසින් සැලකූ මිරිවැඩිසඟල රාමගේ නොව ජයග‍්‍රාහී මහා රාවණයන්ගේ මිණිවැඩි සඟලයි. දැන් ඔබට තේරෙනවා ඇති විභීෂණ දේවත්වයට පත් වෙන්නේ රට බේරලා වීරයෙක් ලෙස මැරෙන නිසා ඔහු දේවත්වයට පත් වෙනවා. නමුත් රාවණ ? ඔහු දේවත්වයට පත් වෙන්නෙ නැත්තෙ ඇයි? මොකද එතුමන්ගේ රාජකාරිය තවම ඉවර නෑ. *රාවණ ජීවමානයි කියලා හිතන්න පුලුවන් අපිට කැමතිනම්...*


ඔබේ ලොකු ප්‍රශ්නයට මහාවංශයෙන්ම උත්තර හම්බෙන්න ඇති කියලා මං හිතනවා. නමුත් මට ඔබේ දෘෂ්ටිය තව අතකට යොමු කරන්න ඕනෙ. ඒ තමා,


🔱🔱🔱🔱🔱🔱🔱🔱🔱🔱🔱🔱🔱🔱

🔰 රාම රාවණ යුද්ධය පැවැත්වුණේ ඔබ අහලා තියෙන විදියට නෙමේ. එහෙනම් කොහොමද ?
ඒක වුණේ රටවල් දෙකේ ඉදන් දියුණු අවිආයුධවලින්. ඒ වගේම වානර හමුදාව කියන්නෙත් මිනිස් හමුදාවක්.(මතක ඇතිනෙ කොටි එක්ක යුද්ධ කලා. ඒත් ඒ ඇත්තම කොටි නෙමේනෙ. නමක් දරාගත් මිනිස් හමුදාවක්ම තමා. ඒ වගේම තමා මේ රාමගෙ වඳුරු හමුදාවත්.) අයෝධ්‍යාව හෙවත් රාම රාජ්‍යයට අයිතිව තිබුණා මොහෙන්ජොදාරෝ නගරයයි. එම නගරය විනාශ වී තිබෙන්නෙ පරමාණු යුද්ධයකදී ක්‍රියාත්මක වූ න්‍යෂ්ටික අවියකින් බව විද්‍යාඥයන් ඔප්පු කලා. ඒ වගේම මතක තියාගන්න අවුරුදු 5000කට කලින් රවුළු රාවණ රජු පෘථිවියේදී න්‍යෂ්ටික බෝම්බයක් හෙළපු එකම ස්ථානය වන්නෙත් මොහෙන්ජොදාරෝව බවට සාක්ෂි තියෙනවා කියලා. රාම කියන්නෙත් එසේ මෙසේ කෙනෙක් නෙමේ. ඔහුට තිබුණු එකම අඩුපාඩුව වන්නේ ගුවන්‍ යානා තාක්ෂණයයි. ලංකාවේ සමහර කොටස් ගිලෙන්නට ඇත්තේ මෙම යුද්ධයේ ප්‍රථිපලයක් ලෙස බවටද මත පලවී තිබෙනවා. කෙසේ වෙතත් රාවණ මෙත්තස්ත්‍රය භාවිතා කිරීම නිසා විභීෂණ විසින් බ්‍රහ්මස්ත්‍රය ඔවුන්ටම එරෙහිව භාවිතා කරනවා. එම නිසා රාම රාවණ යුද්ධය රාම හමුදාව පරාද වූ බවට මහාවංශයම සාක්ෂි දරණවා.

🇱🇰☣️ _හෙළයේ යුධ කලාව_ ☢️🇱🇰 ⚠️️ 8 වන කොටස ⚠️️

☢️ _මහා රාවණයන්ගේ යුධ බලය_ ☢️
⚛️(02 කොටස)


ඉරට හඳට වැන්ඳත් පව් පිං හදුනන ජාතියක් තමා සිංහලයා කියන්නෙ. මොකද බුදුවරු 27ක්ම ඉපදිලා ඉවරයි රාවණ යුගය වන විට. රාවණ යුධ බලය ගත්තොත් 100ක් 200ක් නෙමේ කෝටි ප්‍රකෝටිගානක් විනාශ කරන්න පුලුවන් අසුර බලකායක් තමා රාවණයන්ට තිබුණේ. කලින් ලිපියේ කතා කලේ රාවණයන්ගෙ න්‍යෂ්ටික ආයුධ ගැනනේ. ඉතිං මේකත් ඒකට ටිකක් සම්බන්ධයි.

රාවණ රජුගේ සියලුම න්‍යෂ්ටික අවි භාරව හිටියේ පද්දුත්තරයෝ කියලා කට්ටියක්. පද්දුත්තරයෝ කියන්නේ සියලුම සටන් වලදී අමානුෂික ලෙස ප්‍රහාර එල්ල කරපු කට්ටියක්. කොටින්ම කිව්වොත් යක්කු වගේ කට්ටියක්...
රිටිගල ජයසේනත් මේ පද්දුත්තර පරම්පරාවකට අයිතිව සිටි අයෙක්.

පද්දුත්තරයන් යනු රුධිරය පානය කර ජීවත් වන්නට පුහුණු කරන ලද පිරිසකි. එය මෙසේය,
ඔවුන්ගේ මනසට බලවත් ධ්‍යානයකින් බලපෑම් එල්ල කර මෝහනයට පත්කර වැනි යමක් කර සතුරාගෙ රුධිරය පානය කරමින් අමානුෂික ලෙස ප්‍රහාර එල්ල කිරීමට අවශ්‍ය බව මොළයට සංඥා මගින් ඇතුල්කිරීමෙනි. රජුගේ බට පිරිසේ එක් ම්ලේච්ඡ ප්‍රහාරක බට සේනාංකයක් ලෙස ක්‍රියාකර ඇත. මනසට ලබා දුන් දෙය මතම යැපී අමානුෂික ලෙස යුධ ක්‍රියාදාමයන්වල යෙදී රට රැකීම සිදු කලේ රාවණ රජුගේ විධානවලට අනුවය. ඔවුන් තනිකරම "මරණවා" යන චේතනාවෙන් සිටි පිරිසකි. ඔවුන් යුද්ධෙට යනවානම් කරන්නෙ මරණ එකම පමණි. එයින් එහා දෙයක් ඔවුන් සිතුවේ නැත. සුනුවිසුණු කිරීම ඔවුන්ගේ ඒකායන අරමුණයි.
මේ පද්දුත්තරයෝ කියන්නේ වර්තමාන කමාන්ඩෝ සහ SFT එක වගේ කළ නොහැක්කක් නොමැත කියලා ඕනෙම දෙයක් කරන පිරිසක්. වර්තමාන හමුදාව ගත්තේ පොඩි උදාහරණයකට විතරයි මොකද පද්දුත්තරයෝ කියන්නෙ ඊටවඩා දරුණු ජීවීන් කොට්ටාසයක්...
(රාවණයන්ට අයත් ත්‍රිවිධ හමුදාවේම ගුවන් සටන්කාමීන්, බිම් සටන්කාමීන් සහ ජලකර සටන් කාමීන් හා ඒ සියල්ලන්ගේම එකතුවක් වූ සටන් කාමීන් , ම්ලෙච්ඡ අසුර සේනාංක අතරින් පද්දුත්තරයෝ නමින් සිටින්නේ එක් සේනාංකයක් බවත් මෙවැනි " ම්ලේච්ඡ " සේනාංක බොහෝමයක් හා ම්ලේච්ඡ නොවන සේනාංක බෝහෝමයක් රාවණයන් සතුව තිබී ඇත. )

මෙහෙම ම්ලේච්ඡත්වය ගැන කතා කරද්දි හිතෙයි රාවණ යුගය කියන්නෙ ම්ලේච්ඡ යුගයක් කියලා. නෑ.. ඒත් යුද්ධයක් කරද්දි එම උපක්‍රම අත්‍යාවශ්‍යයි.
හිතන්න රාවණයින් පිටසක්වළ ලෝක 10ක් යටත් කළා... ඔබට පිටසක්වල තාක්ෂණය මොනවගේද කියලාවත් හිතාගන්න පුලුවන්ද? ඇල්ෆා සෙන්චෝරියන් , ප්ලේඩියන්ස් , ලයිරන්ස් තව කවුරු කවුරු ඉන්න ඇතිද? ඔවුන්ගේ තාක්ෂණය කොච්චර දියුණු වෙන්න ඇතිද? ඒවා නවත්තන්න ඊටවඩා යුධ බලයක් තියෙන්න ඕනෙ නේද? ඒකට කියන්නෙ ම්ලේච්ඡත්වය නෙමේ යුධ උපක්‍රම කියලා. එහෙම නැතුව රාවණ කියන්නෙ අයහපත් අයෙක් නොවේ...

රාමාත් එසේ මෙසේ අයෙක් නෙමේ රාවණයන්ට අභියෝග කරන්න ඌටත් විශාල යුධ බලයක් තිබිය යුතුයි. සූක්ෂම යුධ උපක්‍රම තිබිය යුතුයි. නමුත් රාවණට වඩා නම් නෑ හොඳේ. ඇත්තටම වුණ දේ එහෙනම් බලමුකෝ අපි ඊළඟ ලිපියෙන්...
ස්තූතිය - ලංකා අසුර සහ රිටිගල දේවින්ද ලක්සිරි මහතාට

🇱🇰☣️ _හෙළයේ යුධ කලාව_ ☢️🇱🇰 ⚠️️ 7 වන කොටස ⚠️️

☢️ _මහා රාවණයන්ගේ යුධ බලය_ ☢️
⚛️(01 කොටස)


මං මේ ලිපියෙන් ගේන්න හිටියේ රාම රාවණ යුද්ධයේදි ඇත්තටම වුණු දේ... ඒත් මං හිතුවා කුතුහලය අවුස්සන්නත් එක්ක, රාවණයන්ගේ යුධ ශක්තිය පෙන්වන්න... එහෙනම් බලමු ඒ මොනාද කියලා.

මහා රාවණයන්ගේ දසවිද ඥානයන්ගෙන් 1ක් වන්නේ යුධ ශිල්පයයි. රාවණ දවස ලාංකේශ නම් ඍෂිගෙ ශ්‍රී මුණි නම් පියතුමාගෙන් තමා න්‍යෂ්ටික අවි ආරම්භ වෙන්නෙ. "නස්සක විචූරණය" පොතේ මේ බව ලිඛිතව සඳහන්. න්‍යෂ්ටික ශක්තිය යනු පරමාණුවක න්‍යෂ්ටියක් තුළ සිදුවන ප්‍රතික්‍රියාව ලෙස ඓතිහාසික පොත්වල දීර්ඝ ලෙස විස්තර කර තිබෙනවා. බටහිරින් ඒ මතය අද පිළිගෙන තියෙනවා. අපි බලමු එකින් එක සවිස්තරව...

☢️ යුරේනියම්

මේක සුද්දා හොයාගත්ත දෙයක් කියලනෙ හැමෝම හිතන්නේ... නෑ, මේක හෙළ නිපැයුමක්... මේකට සාක්ෂි තියෙනවා. සුද්දා වැද්දා කාලේ ලියැවුණු වර්ගපූර්ණිකාවේ මේව හදන විදියත් එක්ක සවිස්තරව සඳහන් වෙනවා. මේකට නම හැදුණු විදිය ගත්තොත්,

යුර=යුගය
ඒනියම්=අන්දරය
යුග අන්දරය :> යුගයක අඳුර(යුරේනියම්)


න්‍යෂ්ටික අවියක ප්‍රධානම අන්තර්ගතය වන්නේ යුරේනියම් සහ ප්‍රෝටෝනියම් ය. එය එදත්, අදත් , හෙටත් එහෙම්මය.


☣️ මිසයිල

නිර්මාතෘ = අසුර නම් ඍෂිවරයා
වැඩි දියුණුව = රාවණ රජු

වෛමාන ශාස්ත්‍රයට අනුව නම සෑදුණු අයුරු
මි = මිනිසුන්
සෛලයක = සංහාරයට ලක් කරනවා
ඒ අනුව මිනිසුන් සංහාරයට ලක් කරන උපකරණය මිසයිලයයි.
රාවණ යුගයේ මිසයිල වර්ග 11ක් තිබී ඇති අතර ඉන් එකක් නම්...,


🍀 ගූමදූප මිසයිලය

නමෙන්ම තේරෙනවා ඇති මේක නිර්මාණය කරන්නෙ මිනිසාගේ බහිස්‍රාවී ද්‍රව්‍යවලින්. මෙය පුපුරායාමෙන් පරිසරයට අංශු මාත්‍රයක හානියක් නොවන අතර මිනිසාට පමණක් හානි වේ. (විහිලුවක් කියලත් හිතෙයි) අද මිසයිලයක් ගැහුවොත්? ගහක් ගලක් හොයන්නවත් නැති වෙනවා. ඒත් එදා පහර දුන්නෙ අදාළ කාරණයට විතරයි. කොහොමද තාක්ෂණය...


⚛️ බෝම්බය

බෝ = බොහෝ
ම්බය = බය වන
යක්ෂ භාෂාවෙන් මෙය "බොම්බච්චක" ලෙස හඳුන්වයි.
අර්ථය = බොහෝ බියවන සුළුවීම්

රාවණ දවස බෝම්බ 24ක් තිබී ඇත.
අපේ පුස්කොළපොත්වල ඇති දැනුම අනුව කුස්සියේ ඇති ද්‍රව්‍ය හොඳටම ප්‍රමාණවත් බෝම්බයක් සාදන්න. ප්‍රභල බෝම්බ සඳහා වැලි මරදාන වැනි ප්‍රදේශ වලිනුත් වෙඩිබෙහෙත් සඳහා අළුහුණුත් යොදාගෙන ඇත.


☣️ ආටිලරි

අර්ථය = ආක්‍රමණිකයන් ටිකක් කිරීම
අතීත වචනය = අටික්කලිරිය
ඔබ දන්නවාද "ආටිගල" නම් දැන් සිටින පරම්පරාවට ආටිලරිවලට ඍජු අයිතියක් ඇති බව. වාසගමේ හෝ පෙළපත් නාමයේ ආටිගල ලෙස සඳහන්ව ඇත්නම් ඔබේ මුතුන්මිත්තන් රාවණයන්ට ආටිලරි නිෂ්පාදනය කරදුන් ශ්‍රේෂ්ඨ යුධ ආයුධ නිර්මාණ කරුවන්‍ ය. මොකද රාවණයන් යම් යුධ අවියක් භාර ගනීද එය සුවිශේෂී විය යුතුය. මෙය දිඹුලාගල සෙල්ලිපියෙන් තහවුරු වේ.


☣️ මල්ටි බැරල්

අද මල්ටි බැරලයකින් ගහන්න පුලුවන් උපරිම 40යි. ඒත් රාවණ කාලයේ "ද්‍රම්කා" නම් මල්ටි බැරලයෙන් කොටස් 96ක ප්‍රහාරයක් එල්ල කරන්න පුලුවන්.


දැන් කියන්න යන්නෙ ඉතිහාසයේ අපි වරද්දගත්ත තවත් තැනක් ගැන. ඒක අද නිවැරදි විය යුතුයි. ඒ තමා කාල තුවක්කු,


☣️ කාළ තුවක්කු

වර්තමානයේ කාලතුවක්කු කියන්නෙත් ආටිලරි විශේෂයකටම තමා. ඒත් අතීතයේ කාල තුවක්කු කිව්වේ අතීතයටත් , අනාගතයටත් ප්‍රහාර එල්ල කළ හැකි යුධ උපකරණයකටයි. හොඳට බලන්න හැමදේකටම නම දාලා තියෙන්නෙ ඒ දේට බැඳුණු මොකක්හරි දෙයක් නිසා. ඒත් කාල තුවක්කු? දියුණුයි කියන තාක්ෂණයෙන් තවමත් කාලය හරහා ප්‍රහාර එල්ල කරන්න පුලුවන් ආයුධයක් හදන්න බැරි වුණා.



🔰 රාවණ යුධ ශක්තිය ගැන කතාකරද්දි මේඝනාධ අඟහරුවල ඉඳන් පෘථිවියේ රාවණ ආක්‍රමණිකයන්ට පහර එල්ල කරලා තියෙනවා. ඇමරිකාව අද අඟහරුවල පරීක්ෂණ කරනවා. මෙච්චරකල් මතුපිට පීරලා හොයලා දැන් පොළොව යටට හාරගෙන් යනවා. හොඳින් මතක තියාගන්න මේ හොයන්නේ අඟහරු මත ජීවය නෙමෙයි රාවණ යුධ ගබඩාවනුයි හොයන්නේ. මේ වෙලාවෙත් රෝවරයක් පොළොව හාරන ගමන් ඉන්නේ. හිතන්න වෙන චක්‍රාවාට, ග්‍රහලෝක, උපග්‍රහයින් නැද්ද? රාවණ යුධ බලය ගන්නයි මේ සැලසුම...

සෙල්ලම් නෙමෙයි න්‍යෂ්ටික ශක්තිය ගැන කතා කරද්දි රාවණයන් එහි ප්‍රභේද 11ක් ගැන "පූරනිකා" නම් පුස්කොළ පොතේ සඳහන් කරලා තියෙනවා. නමුත් සුද්දා 2ක් හොයාගෙන ඉවරයි. ඒත් තාම එතනමයි. අද අපි කොහෙද?


හොඳයි කලින් ලිපියකදී මං කිව්වනෙ රාවණ සමයේ දුන්න ගැන කියනවා කියලා. එළි වෙන ජාමේ ඇවිල්ලා සෙල්ලම් පටන් අරන් තියෙන්නෙ...

🏹 දුනු ඊතල

එකල ඊතලවලට වායු පීඩකයක් සවිකරලා තිබුණා ගුවනේ පාවීම සඳහා විශේෂයෙන්. එකල ඊතලයක් පොදු වහරෙන් ගත්තොත් 84km ක් දුර විදින්න පුලුවන්. හිතන්න ලංකාවයි ඉන්දියාවයි පෝක් සමුද්‍ර සන්ධියෙන් වෙන් වෙන්නෙ 42km ක් තරම් දුරකින්. නමුත් ඉන්දියාව අපිට පියවි ඇහැට පේනවද ? එතකොට 84km ක් යන හීය බලාගන්නෙ කොහොමද? ඊටත් වඩා එච්චර දුර ඉඳන් විදින්නෙ අහවල් එකකටද? පේන්නෙවත් නැති දේකට කොහොමද විදින්නෙ? හැමදේම තාක්ෂණය භාවිතයෙන් වුණේ... මං කතා කරන්නෙ ත්‍රිකෝණමිතිය හොයාගත්තු පයිතගරස් ඉපදෙන්න හිතලවත් නැති කාලයක් ගැන.(අමතක වුණොත් එහෙම😂) නමුත් යක්කයාගෙ ඉලක්කය කවදාවත් වැරදුණේ නෑ.

වර්තමානයට ආසන්න යටත් විජිත කාලයේදී ලංකාවට ආපු රොබට් නොක්ස් එදා ඊතලවල ප්‍රමාණය කියලා තියෙනවා එදා හෙළදිව පොතේ. නොක්ස් දුටු ඊතල...
ඊතලයේ උල අඩියක් පමණ දිග බවත් රිට අඩි 4-5 ක් දිග බවත් පවසනවා. මේවා ඇසින් දුටු සාක්ෂි... ඒ කාලෙ මිනිසෙක් අඩි 6යි අඟල් ක් පමණ උසයි. ඊතලය අඩි 6ක් උසයි. ඒත් දැන් මිනිස්සු කොච්චර උස යනවද?
01වෙනි කොටස අවසානයි.

🇱🇰☣️ _හෙළයේ යුධ කලාව_ ☢️🇱🇰 ⚠️️ 6 වන කොටස ⚠️️

_රාම රාවණ යුද්ධය (රාමායණය)_


ඉතිහාසයේ එදා මෙදා තුර සිදු වූ බිහිසුණුම යුද්ධය ලෙස හැඳින්වෙන්නෙ රාම රාවණ මහා යුද්ධයයි.(නමුත් රාමායණයට අනුව) ඕනෙම කතාවක් ලස්සන වෙන්නෙ වීරයට වඩා දුෂ්ටයා ප්‍රභල වුණාම. මේක වාල්මිකී කියන ඍෂිවරයා ලස්සනට අදුරගෙන ලස්සන බොරුවක් ගෙතුවා. අද ඉන්දියාවේ මිනිස්සුන්ගෙ මහා කාව්‍ය කියලා හදුන්වන්නෙත් මේ රාමායණය. වාල්මිකීගෙ දුක හිතෙන විහිලුව නම් මෙසේය. (ඇත්ත කතාව මීළඟ ලිපියෙන් )



⭕ බාල කාණ්ඩය

නමින් රාමචන්ද්‍ර නම් තැනැත්තා ඉන්දියාවේ අයෝධ්‍යා නුවර දශරථ රජුගෙ වැඩිමල් පුත්‍රයාය. ඔහුට ලක්ෂ්මන සහ තවත් සහෝදරයින් දෙදෙනෙක් සිටී. ධනුර් විද්‍යාවේ සහ තවත් විද්‍යාවන්වල කෙළ පැමිණුන කෙනෙක් ලෙස රාමචන්ද්‍රයන් පරසිඳුය. කතාව රාමයන්ගෙ බල මහිමය පෙන්වමින් යන අතරේ ඔහු විශ්වමිත්‍ර නම් මුනිවරයා සමඟ ජනක රජුගේ මිථිලා නම් නුවරට පැමිණෙනවා. ජනක රජුගේ භාරයේ ශිව දෙවියන් විසින් දුන් දුන්නක් තියෙනවා. එය ඔසවන්නට සමත් කෙනෙකුට තම දියණිය වන සීතා දේවිය සරණපාවා දෙනු ලබනවා. ඉතිං කාටවත් මේක ඔසවන්න තියා හොල්ලන්නවත් බැරි වෙනවා. එය රාමයන් විසින් තනි අතින් ඔසවා දුනුදිය අදිනවා. මේ නිසා සතුටු වූනු ජනක රජු රාමයන්ට සීතා දේවීන් සරණ පාවා දෙනවා.


⭕ අයෝධ්‍යා කාණ්ඩය

මේ අතරේ දශරථ රජු ‍රාමයන්ට රාජ්‍ය භාර දෙන්න තීරණය කරනවා. නමුත් මාලිගයේ කුමන්ත්‍රණයක් සිද්ධ වෙනවා. එහි සිටිනවා මන්ථරා නම් කූට ස්ත්‍රී දාසියක්. මෙම දාසිය අයත් වන්නෙ "කෛ කෙයි" නම් වූ රජුගේ දෙවැනි රැජිණියටයි. එම රැජිණියගේ පුත්‍රයා වන්නෙ "භරත" කුමාරයායි. මන්ථරා නම් දාසිය බිසවගේ සිත වෙනස් කරනවා භරත කුමරුව රජ කරවීමට. එයට මන්ථරා උපායක් යොදනවා. එනම්, රජු අතීතයේදී කෛකෙයි බිසවට වර 2 දෙනු ලබනවා. (රජුගේ ජීවිතය දෙවරක් ගලවා ගැනීම නිසා) එකකින් රජකම භරත රජුට ලබාදෙන ලෙසටත් අනෙකින් රාමචන්ද්‍රයන්ව තුදුස් වසක් වන වාසයට යවන ලෙසත්‍ ය. මෙය කෛකෙයි රජුට ඉදිරිපත් කරන අතර රජු ශෝකයෙන් හඩා වැටෙනවා. (ඉන්දියාවේ බලවත් රජෙක් පුත් වියෝවක් ගැන ඇසූ සැනින් අඩා වැටෙනවා.😂) කොහොමහරි රාමචන්ද්‍රයන් වන වාසයට යද්දි සීතා දේවිය සහ ලක්ෂ්මනයන්ද ඔහු සමඟ පැමිණෙනවා. ඔවුන්ගේ දුරස්වීම නිසා නරපති දශරථයන් මිය යනවා.


⭕ ආරණ්‍ය කාණ්ඩය

මේ යන අතර මඟදි ඔවුන්ට හමුවෙනවා මහා බලවත් අගස් මුනිවරයාව. ඔහු රාමයන්ට ලබා දෙනවා " *විශ්ව කර්මයා* " විසින් සාදනු ලැබූ දුන්නක්(අපේ අරක්කුවලින් අපිටම ගහනවා🤭) සහ "බ්‍රහ්මදත්ත" නම් බලවත් හීයක් සහ "අක්ෂය" නම් හීසැර අඩු නොවන හී කොපුවක්. ඔවුන් පංචවඩී වනයේ නිවසක් තනාගන්නවා. කොහොමහරි ඔහොම ඉද්දි වනයට එනවා සුපර්ණිකා නම් රාවණයන්ගෙ සහෝදරිය. පොතේ විදියට🤭 ඔවුන් රාමයන්ගේ සහ ලක්ෂ්මනගේ රූපයට වශීවී විවාහ යෝජනාවක් කරනවා. නමුත් ඔවුන් දෙදෙනා ඇයව විහිලුවට ලක් කරනවා. මේ නිසා ඇය සීතාව ගිල දැමීමට පනිනවා. (රාමායණයේ සියලු ලංකාපුර වැසියන් හදුන්වා තිබෙන්නෙ රාක්ෂයන් ලෙසයි) එවිට රාමයන් හා ලක්ෂ්මන එක්ව සුපර්නඛාගෙ නාසය සහ කන් කපා දමනවා. ඇය ලේ පෙරාගෙන පැන යනවා. ඇය යන්නෙ ඛර සහ දූෂණ යන රකුස් සේන්පතිවරුන් ලඟට. ඔවුන් විශාල සේනාවක් රැගෙන රාමා සමඟ යුද්ධයට පැමිණෙනවා. රාමා තනිව සියලු රකුසන් මරා දමනවා. සුපර්ණිකා පැනයනවා. රාවණයන්ට මෙය දන්වනවා. රාවණයන් රාමා සමඟ යුද්ධ කිරීමට ලෑස්ති වෙනවා. නමුත් විභීෂණ මෙය නවත්වනවා. රාමා සමඟ සටන් කලොත් නිසැකව රාවණයන්ට මිය යන්නට සිදුවන බව පවසනවා. රාමයන් රවටා සීතා දේවිය පැහැර ගන්නට උපාය යොදනවා. මේ නිසා රාවණ මාරිචි නම් රකුසා හමුවෙන්නට යනවා. මාරිචි රන් පැහැ මුවෙක්ගෙ වේශයක් මවා ගන්නවා. සීතා රාමයන් ඌ අල්ලා දෙන ලෙස ඇවටිලි කරනවා. ලක්ෂ්මනවත් උපායකින් රවටනවා. රාවණයන් මුනිවරයෙක්ගේ වේශයෙන් ගොස් සීතා අල්ලාගෙන පුෂ්පක රථයේ නැගී ලංකාපුරයට එනවා. සීතාහරණය නිසා රාමයන් නොනවත්වාම අඩනවා. 🙂 ඔවුන් සීතා සොයා යද්දි සුග්‍රීව නම් වානර රජ කෙනෙක්. ඔහුගේ සෙන්පති හනුමාන් නම් වීරයෙකි. ඔවුන් එකිනෙකාට අග්නියෙන් පොරොන්දුවක් දෙනවා. (රාමයන්ට සීතා උදව් කරගන්නත්, සුග්‍රීවට බාලී නම් තම නිවුන් සහෝදරයාගෙන් ‍රාජ්‍ය අරගෙන දෙන බවටත්)


⭕ කිෂ්කින්ධ්‍යා කාණ්ඩය

මෙම කාණ්ඩය ආරම්භයේදීම රාමා බාලී නම් වානරයව මරණ අතර සුග්‍රීවගේ අනු දැනුම ඇතිව වානර හමුදාව සීතා කුමරිය සොයා යනවා. ඔවුන් අවසානයේ නවතින්නෙ සමුද්‍රයක් ආසන්නයෙන්. මෙහිදී හනුමාන් නම් සෙන්පති ඉදිරිපත්වී සමුද්‍රය තරණය කර ලංකාපුරයට ගොඩ බහිනවා. ඔහු ලංකාපුරය වර්ණනා කල අකාරය අපූරුවට එහි සඳහන් වෙනවා. ඔහු සීතා දේවිය සොයා යනවා. අශෝක වනයෙන් ඔහුට සීතාවන් හමුවෙනවා. ඔහු රාවණ මාලිගයට ගොස් විශාල කලබලයක් ඇති කරනවා. එම කලබලය මැඩ පවත්වන්න සමත් වෙන්නෙ මේඝනාධයන් පමණි. ඔහු හනුමන්ව අල්ලා රාජ සභාවට ඉදිරිපත් කරනවා. රාවණයන් ඔහුව මරන්න තීරණය කලත් විභීෂණ ඉදිරිපත්ව එය වලකනවා. පසු හනුමන්ගේ නැට්ට ගිනි තබන්න අණ කරනවා. ඔහු උපක්‍රමයකින් මුලු ලංකාපුරයම එම ගින්නෙන් දවනවා. පසුව නැවතත් ඉන්දියාවට ගොස් සිදුවූ සියල්ල රාමයන්ට පවසනවා. රාම විශ්වකර්මයාගෙ පුත් ලෙස රාමායණයේ හදුන්වන වදුරු සෙනෙවියාට කතා කර ලංකාවට පාලමක් බඳින ලෙස අණ කරනවා. ඔහු පාලම අපූරුවට ගොඩනගන බව සදහන්. ලංකාවට රාම ආවත් ඔහු සමඟ සටන් කරන්න රාවණට විභීෂණ ඉඩ දෙන්නෙ නෑ. එම නිසා කේන්ති ගන්නා රාවණ ඔහුව රාජ්‍යයෙන් නෙරපනවා. විභීෂණ රාමයන්ට එකතු වනවා. රාම ඔහුව මරන්න සැරසුනත් හනුමාන් එය නවතනවා. ඔහු ලංකාපුරයට ආ වෙලෙ ඔහුව බේරාගත්තෙ විභීෂණ බව හනුමාන් පවසනවා.


⭕ ලංකා කාණ්ඩය

රාවණ ඔවුන් සමඟ යුධ කිරීම සඳහා විවිධ රාක්ෂයන් එවනවා නමුත් සියල්ලන් පරාජය වෙනවා. මක් නිසාද යත් විභීෂණ එම රාක්ෂයන්ගේ සියලුම දුර්වලකම් රාමයන්ට පවසනවා. කෙසේවෙතත් ඔවුන් නවතන්න රාවණයන්ට හැකි වෙන්නෙ නෑ. එම නිසා රාවණයන් පසුබට නොවී යුධ පිටියට යනවා. ලක්ෂ්මන වානර නායකයින් ඇතුළු කිහිප දෙනෙකුට දැඩි ලෙස පහර දී ‍යුද්ධය දින කිහිපයකට නවත්තන්න රාවණයන්ට හැකිවන බව එහි සඳහන්. නමුත් රාම නොවේ නවතින්නෙ. එම නිසා රාවණයන් විසින් මේඝනාධයන් යුධ පිටියට යවනවා. ඔහු වලාකුළු තුළ සැගවී සේනාවට පහර දෙනවා. එයින් රාම, ලක්ෂ්මන, සුග්‍රීව, අංගද සහ ජම්බුවාන් නායකයින් ඇතුළු අසංඛ්‍ය වූ වදුරන් ප්‍රමාණයක් මැරී වැටෙනවා.(විභීෂණ සහ හනුමාන් ඇතුලු කිහිප දෙනෙක් පමණක් ඉතුරු වෙනවා) ඔහු සටන එයින් දවස් කිහිපයකට මැඩ පවත්වනවා. මේහිදි වදුරු නායකයෙක් වූ ජම්බුවාන් පහර කෑ සිටියත් හනුමාන්ට හිරු උදාවන්නට ප්‍රථම හිමාලයෙන් සංජීවනී පැළය ගෙන ආවහොත් සියළුම දෙනා සුවපත් කරගත හැකි බව ඔහු මරණයත් සමඟ සටන් කරන අතරේ කියනවා. ඒ අනුව හනුමාන් එම පැළෑටිය ගෙනවිත් සියල්ලන්ටම ප්‍රාණය ලබා දෙනවා. නැවත සේනා සංවිධානය කරන රාමයන් මේඝනාධයන් මරන්න උපායක් යොදනවා. විභීෂණගේ උදව් ඇතිව ඔහු ලක්ෂ්මනට සේනාවක් සපයා දී මේඝනාධ 'අග්නිහෝම' යාගය පවත්වමින් සිටින විටදී ඔහුට පසුපසින් ප්‍රහාර එල්ල කරනවා. ඔහු පූජා භාණ්ඩවලින් ගසා ලක්ෂ්මන සිහිනැති කළද නැවත නැගි සිටින ලක්ෂ්මන මේඝනාධයන්ගේ හිස කඳින් වෙන් කරනවා. පසුව විභීෂණ ලවා උපක්‍රමයකින් මංදෝදරියගෙන් රාවණව මැරිය හැකි ඊසැරය රාමා ලබාගන්නවා. එය රාවණගෙ නාභියට එල්ල කර ඔහුව මරා දමන බව රාමායණයේ සදහන්‍.



⭕ උත්තර කාණ්ඩය

මෙහි ඇත්තේ සීතාව අග්නි පරීක්ෂණයකට ලක් කිරීම, වනවාසයට යැවීම සහ රාමගෙ පුත් ලව සහ කුසගෙ උප්පත්තිය, ලව සහ කුස නැවත අයෝධ්‍යාවේ යුව රජ කරන තෙක්‍ ය. මෙහි අවසානයේ රාම සීතාගෙ පතිවත සැක කිරීම නිසා සීතා කන්දකින් පැන සිය දිවි නසාගත්තත් රාමායණයේ ඇත්තේ පෘථිවි මාතාව විසින් ඇයව තමාගෙ භාරයට ගත් බවයි. (දෙකම එකයි🤭) ඒ ශෝකයෙන් රාමද ගඟට පැන සියදිවි නසාගත්තත් එය වාල්මිකී විසින් සඟවයි.



මෙච්චරකල් හංගපු සත්‍ය හෙළිකරන්නම් ඊළඟ ලිපියෙන් ,
එයින් හමුවෙමු.

🇱🇰☣️ _හෙළයේ යුධ කලාව_ ☢️🇱🇰 ⚠️️ 5 වන කොටස ⚠️️

_අංගම් කලාවේ සාමාන්‍ය හා දරුණු ආයුධ_

අතීතයෙ යුද්ධවලදී කඩු, දුනු ඊතල, කෙටේරි විතරක් භාවිතා කලා කියලද ඔබ හිතන්නෙ? මේක කියෙව්වාම තේරෙයි. කොච්චර දරුණු ආයුධ අපේ රටේ තියෙනවද කියලා. අංගම්පොර කලාවේ ප‍්‍රධාන ආයුධ වර්ග 5 ක් සඳහන් වේ. ඒවා නම්,

1. වක් ආයුධ
2. වක‍්‍ර ආයුධ
3. දික් ආයුධ
4. මොට්ට ආයුධ
5. කුංච ආයුධ

මේකත් හොඳට මතක තියාගන්න මේ ආයුධ හදන විදි තවමත් ජීවමානයි...( දුනු ඊතල, කඩු නොවේ. )
ඉස්සෙල්ලම පොඩියට පටන් ගමු.

🏹 දුනු ඊතල

දුන්නේ නියමාකාර හැඩය මාළුවෙකුගෙ පිටේ හැඩය ගත්තේය. මූලිකවම දුන්න අර්ධ කවාකාරව නවා කෙළවර දෙකට අඟලක් පමණ මෙහායින් කට්ටක් හෝ මැලියම් මිශ්‍රිත වරපට හෙවත් දුනුදිය සවි කිරීමට ලෝහ මුද්දක් එකතු කරන ලදී. අතීතයේ දුන්න මෙම හැඩය ගැණුනි. එසේම මහනුවර යුගයේදී ඊතලයට ඇවිලෙන ගිනිකවන ලද කරුංකා ගෙඩි එකතු කර තිබේ. ඒ සතුරන්ගේ වෙඩි බෙහෙත් පුපුරුවා හැරීම සඳහායි. මෙය සාමාන්‍යය දුන්නයි. ඒ කියන්නෙ අසාමාන්‍ය දුනුත් තියෙන්න එපැයි... ඔව් තිබ්බා. රාවණ සමයේ දුන්න... ඒක ඉස්සරහට බලාපොරොත්තු වන්න.


⚔️ කඩුව

එකල භාවිතා වූ ප්‍රධානම ආයුධය කඩුව වූ අතර එතෙක් මෙතෙක් මේ මහ පොළොව මත පහළ වූ බලවත්ම කඩුව මහා රාවණයන්ගේ චන්ද්‍රහාස අසිපතයි. කඩු ශිල්පය එදා ලක තුළ විශාලවශයෙන් ව්‍යාප්තව පැවති නිසා කඩුවට සටන් වලදී ප‍්‍රධාන තැනක් හිමි විය. විවිධ නම්වලින් යුත් නානාවිධ කඩු විශාල සංඛ්‍යාවක් තිබුණ සඳහන්වේ.

කඩු සටන් ක‍්‍රම ඉලංගම් සටන් වලදී 110 ක් පමණද වැඩ වර්ග ලෙස බෙදා දැක්වීමේදී කඩු වර්ග 28 පමණ ද දැකිය හැක. මෙහි දී තනි කඩුව,කඩු දෙක,හා කඩු හතරේ හරඹය සුවිශේෂ වේ. මනා නිපුණත්වයක් සහිත කඩු සටන්කරුවෙක් හට එකවර විශාල ප‍්‍රමාණයක් හා තනිව සටන් කිරීමේ හැකියාව පවතී. කඩු හා පොලූ සටන් වලදී හිටි පිනුම්,බඩ පිනුම් හා පසු පසට ගසන පිනුම් සේම කරණම් ද භාවිත වේ.

ජනප‍්‍රවාදයට අනුව රජ සමයේ සිටි ශූර අංගම් කරුවන් සතුරාගේ හිසට ඉහළින් කරණම් ගසමින් සතුරා මරා දමා ඇත.


⚔️🗡️ වේලායුධය

ඉලංගම් සටන් වලදී භාවිතා කරන අති සුවිශේෂී ආයුධයක් ලෙස ‘‘වේලායුධය’’ එතුන කඩුව හැඳින් විය හැක. මෙය සමූහ ඝාතක අවියක් ලෙස යොදා ගනී. වේලායුධය, මෙයට මෙම නම යොදා ඇත්තේ එය ඇඟ වටා වෙළෙන බැවිනි. මෙම ආයුධය සකස් වී ඇත්තේ අඟලක් පමණ මහත අඩි හයක් පමණ දිගින් යුතු මුවහත් වානේ පටි වලිනි.

වේලායුධයේත්,තනි පටිය,පටි තුන,පටි හය ලෙස ප‍්‍රභේද පවතී. දෑතට වේලායුධ දෙකක් ගෙන කරකවන විට එය පොළොවේ නොවදින අතර සතුරාමට කිසිසේත් ළඟට පැමිණිමට නොහැකි වේ. වේලායුධය හැසිරවිය යුත්තේ ඉතා පරිස්සමිනි. එය නිවැරදිව හැසිරවීමට නොහැකි වුවහොත් තමාටම තුවාල සිදු වීමට පුලුවන්.


♓ කලා කිරිඤ්ඤය

කලා කිරිඤ්ඤයද වැදගත් ආයුධයකි. කලාකිරිඤ්ඤ එක සහ කලාකිරිඤ්ඤ දෙකේ සටන්හරඹ ද පවතී. කලාකිරිඤ්ඤය සාම්ප‍්‍රදායිකව සාදනු ලබන්නේ මී හරක් අඟක් යොදා ගනිමිනි. කලාකිරිඤ්ඤයෙන් සතුරෙකුට ගැසූ විට බොහෝ විට අස්ථි බිඳුම් වලට ලක්වන අතර පිටතින් ඇතිවන තැලීම් සුව වුවද මී හරක් අඟ ඇති විෂ නිසා ඇතුළතින් පහර දෙනු ලැබූ ස්ථානය වණ වන බව කියවේ.



_මෙතැන් සිට තිබෙන ආයුධ සතුරාට ගෙන ආවේ මරණය පමණි._
(සාදන සැටි තවමත් ජීවමානයි)



🛡️ හී වැල හෙවත් හෙඬපවුර

ලෝහ වර්ග 5ක් එකතු කර සාදා ඇත. ජ්‍යෝතිශ විද්‍යාවට අනුව ක්‍රියාත්මක කළ යුතු ආයුධයකි. ජ්‍යොතිෂයට අනුව යුද්ධ කරන්නත් මේ ආයුධයන් එක හේතුවක් වුණා. මෙම හෙඬපවුර තුළ වායුව ගබඩා කරලා තියෙනවා. මෙම ආයුධය අත් දෙකට අරන් හුළං මාරුවෙන දිශාව බලලා සතුරා දෙසට ඝට්ටනය කල යුතුයි. එවිට සතුරාගේ ලය පුපුරන තරම් ප්‍රභල වායු පීඩනයක් හටගන්නවා. මෙය භාවිතා කරද්දි සුළං දිශාව හදුනාගන්න එක ඉතා වැදගත් මොකද පොඩ්ඩ වැරදුනොත් ඉස්සෙල්ලම මැරෙන්නෙ පාවිච්චි කරන්නා නිසා.


⭕ චක්‍රාක්ඛ

දාලරියා(දැනටත් ඉන්නවා. ඇත්ත නම හෙළිකර නැත. මෙහි ඇත්තේ යක්ක භාෂාවේදී භාවිතා කල නමයි.) නම් සත්ත්වයාගෙන් විෂ අරන් හදන චක්‍ර ආයුධයකි. මෙයත් සුළං දිශාවට අනුව පාවිච්චි කරන ආයුධයකි. ඇගේ ගැවුනත් ඇති, එතැන් පටන් මුලු ශරීරයම කුණු වෙලා මැරෙනවා.


💮🕷️ වස්තික්වත

බොහෝ විෂ සහිත මකුළු විශේෂයන්ගෙ විෂ නිසි ආකාරයකට එකතු කරලා රත් කරලා සේනාවක් එන ඉදිරියට දමනවා. ටික වේලාවකින් සේනාව මන්මත් වෙනවා.


🐍 යක්භාර

යක් භාෂාවෙන් හදුන්වන කොගෝනයා නම් නාග විශේෂයේ විෂ රැගෙන සාදන ආයුධයකි. මෙයින් ප්‍රහාර එල්ල කළහොත් අති දක්ෂ වෙදෙක්ට හැරෙන්න වෙන වෙදෙක්ට හොඳ කරන්න අමාරුයි. මොකද මේකෙන් පහර දුන්නාම පේන්නෙ නිලවලට පහර දීලා වගේ. ඒ නිසා ගොඩක් වෙදැදුරන් ප්‍රතිකාර කරන්නෙ නිලවලට පහරදීම් වලට.


☄️ මුරුගාසන

මෙයද ජ්‍යෝතිශ විද්‍යාවට අනුව ක්‍රියා කල යුතු වන ආයුධයකි. යුද්ධයකදී වෙලාව බලලා හරි වෙලාවට මෙයින් ප්‍රහාර එල්ල කලොත් සතුරාට හිමි වන්නෙ මරණය පමණයි. මෙයින් අහසට හී වර්ෂාවක් යවනවා. නමුත් හී නැවත පැමිණෙනවා වෙනුවට ආයේ පොළොවට එන්නෙ මරණීය අම්ල වර්ෂාවක්...


රාවණ ආයුධ පිළිබඳව ඉදිරි ලිපියකින් බලාපොරොත්තු වන්න...

🇱🇰☣️ _හෙළයේ යුධ කලාව_ ☢️🇱🇰 ⚠️️ 4 වන කොටස ⚠️️

_අංගම් කලාවේ ගුරුකුළ_


අංගම් ශාස්ත්‍රය ඉගැන්වීම දුරාතීතයේ ඉදන්ම බාර වෙලා තිබුණේ ගුරුකුළ 2කට. එනම්,
• සුදලිය
• මරුවල්ලිය
කියන ගුරුකුළ 2ටයි. මීට අමතරව තවත් ගුරුකුළ බිහිවී තියෙනවා. නමුත් ප්‍රසිද්ධම සහ ප්‍රධාන ලෙසම ඉගැන්වීම කළේ සුදලිය හා මරුවල්ලිය කියන පරම්පරා දෙකයි. ඊට අමතරව බිහිවූ ප්‍රසිද්ධ ගුරුකුළයක් වන්නෙ කොරතොට ගුරුකුළයයි. මෙම ගුරුකුළය මුල්ලේරියාව සටන දිනාදීම සඳහා රාජසිංහ රජුට උදව් කළ අතර. සීතාවක රාජසිංහයන් මෙම ගුරුකුළයෙන් අංගම් කලාවේ කෙළ පැමිණුන අයෙකි. මේ ගිරුකුළ එකින් එක ගැන වෙන වෙනම කිව්වොත්,


🤺 සුදලිය ගුරුකුළය

සුදලිය යනුවෙන් අද භාවිතා වන සුදාලිය නම් නුවර යුගයේ පැවති අංගම්පොර සටන් පරම්පරාවක් ලෙස හඳුන්වන අතර ඊට වඩා ඉතිහාසයකට හිමිකම් කීමටද හැකිය. දෙවන රාජසිංහ රජුගේ කාලයේදී මරුවල්ලිය කුමාරිහාමී සමඟ ඌරා ළිඳේ සටනකට ගිය පනික්කිරාල කෙනෙකු සිටි සටන් පරම්පරාවකි. එච්. සී. පී. බෙල්ට අනුව එම වාර්තාව ලිය සමය වන විටත් මෙම පරම්පරාව වියැකී ගොස් තිබුණ ලු. මෙම ගුරුකුළ රාජ අනුග්‍රහයෙන් තනතුරු තාන්න මාන්න බොහෝමයක් හිමි විය. එනම් , සුදලිය මොහන්දිරම්, සුදලිය මොහොට්ටාල, සුදලිය කංකානම්, සුදලිය ආරච්චි ලෙසයි. එසේම උඩරට රජු විසින් නින්දගම්, බල ප්‍රදේශද ප්‍රධානය කෙරුණි. ඉන් කිහිපයක් වන්නේ , හාරිස්පත්තුව , සිදුරුවාන, උඩුනුවර , යටිනුවර යි.


🤺 මරුවල්ලිය ගුරුකුළය

මරුවල්ලිය නමින් අදට භාවිතා වන මාරලිය නම් නුවර යුගයේ ඉපැරණි අංගම්පොර පරම්පරාවකි. දෙවන රාජසිංහ රජුගේ කාලයේදී ප්‍රසිද්ධියට පත් මරුවල්ලිය කුමාරිහාමි නොහොත් ගලගොඩ කුමාරිහාමී නොහොත් ගලගොඩ දිසාපතිනිය නම් සටන් කාරියකගේ වෘතාන්තයක් හා සම්බන්ධ වේ. ඇයු පිරිමි වේශයෙන් ගොස් රජු ඉදිරියේ ඌරා ළිඳේ [අවසානය බලන්න] සටනක් කොට සුදලිය පරම්පරාවට අයත් පනික්කිරාළ කෙනෙකු මැරූ බව ඉතිහාසයේ කියවේ. මෙම පරම්පරාවේ අන්තිම මූලාශ්‍රය හමුවන්නේ 1818 කැරැල්ලේදී හමුවන ගලගොඩ දිසාව නම් දක්ෂ කඩු සටන් කරුවෙකුගෙනි. මරුවල්ලිය ගුරුකුළයටද තනතුරු තාන්න මාන්න උඩරට රජු විසින් ලබා දුණි. එනම්, මරුවල්ලිය මුහන්දිරම්, මරුවල්ලිය මොහොට්ටාල, මරුවල්ලිය කංකානම් හා මරුවල්ලිය ආරච්චි වේ. ඔවුන්ට රජු විසින් ලබා දුන් නින්දගම් හා බල ප්‍රදේශ වන්නේ, උඩපළාත, දෙල්තොට හා රත්මලේ වේ.


🤺 කොරතොට ගුරුකුළය

රාසින් නිරිඳු වැඩලා රණ කෙලි තොටට
ඉලංගමට හේවාකම් දුන් කලට
පස්ස පොරොත්තුව පැනලා කොටන්නට
කොරතොට ආරච්චිල ගියෙ පෙරමුණට


සටන් කලාව කඩුවෙල කොරතොට ග්‍රාමය කේන්ද්‍ර කරගෙන ජීවත් වූ ප්‍රභල සටන් පරපුරකි. ග්‍රාම නාමය පවා නිර්මාණය වූයේ එලෙසිනි. රණකෙලියට ප්‍රකට වූ නිසා කෙලි තොට වී පසුව එය ජන වහරෙන් කොරතොට වී ඇත. කොරතොට කඳු ශිකරය අතීත රාවණ රජුගේ යුධ බලකොටුවක් ලෙසද පසු කාලීනය වලගම්භා රජුුගේ යුද පුහුණු මධ්‍යස්ථානයක් ලෙස ද පසුව ටිකිරි කුමරැගේ ප්‍රධාන අංගං සටන් මධ්‍යස්ථානය ලෙසට ද පැවත ඇත. මේ කරැණු එයි ලියැවී ඇති සෙල්ලිපි වලින් පවා සනාථ වේ. ටිකිරි කුමරුන් සමඟ මුල්ලේරියා මහා සංග්‍රාමයට එක්වී එය ජයග්‍රහනය කිරීමේ භා්‍ග්‍යය මේ පරම්පරාවට හිමි වේ. මේ පරම්පරාව අදටද ජීවත් වනුයේ සටන් විජයග්‍රහනය ලැබූ හේවාගම් කෝරලයේ නින්දගම් භූමියේ ය. ඒ සාක්ෂිද අදටත් ජීවමාන ය.


කොරතොට අංගම් මඩුව



දිවුරුම් මධ්‍යස්ථාන

• කොරතොට රජමහා විහාරය
• රන් කඩු පත්තිනි දේවලය
• නවගමු පත්තිනි දේවාලය
• කැළණි විහාරය

ආදියඅංගං ශිල්පීන්ගේ ප්‍රධාන දිවිරුම් මධ්‍යස්ථානයන් ය.

අංගං සටන් විරුවෝ

• කොරතොට කරුප්පු ආරච්චි
• කොරතොට සෝභිත හිමි
• මුල්ලේගම සෙනෙවි
• නවරත්න මැණිකේ

ආදීන්අංගං සටන් පරම්පරාවේ මුතුන් මිත්තන් ය.
අතීතයේ පටන් සටන් පුහුණු කළ කොරතොට ආරච්චිවරුන් 18 දෙනාගෙන් ප්‍රධාන වූ පරම්පරාව මහන්ත ආරච්චි පරම්පරාවයි. මේ පරම්පරාව විසින් අදට ද පුරාතන අංගම් මඩු තුළ අප නිර්මල ශාස්ත්‍රය පුහුණු කරමින් සිටියි.




🔰 ඌරා ළිඳ* :- අංගම්පොර සටන් කලාව මනාව ප්‍රගුණ කළ අයෙක් තමා අනෙකාට වඩා දක්ෂ බව හැඟවීමට අවශ්‍ය යැයි ගුරුවරයාට දන්වා සිටි කළ රියන් 30ක් පමණ දිග, රියන් 7ක් පමණ ගැඹුර ඌරාළිඳ නමැති වළක දෙදෙනා සටන් කළ යුතුය. පහර කෑ විට මෙම වළෙන් පැන යාමට නොහැකි වන බැවින් මරණයෙන් අවසන්වේ . එයින් ජයගන්නා පුද්ගලයාට 'පනික්කි රාල' නම් විශේෂ තනතුරක් හිමි වේ. එනම් පනික්කි රාල යනු එම ගුරුකුළයේ නායකයා වේ.

මෙය හොඳින් දැක්වෙන නාට්‍යයක් වන්නේ, ජයන්ත චන්ද්‍රසිරි අධ්‍යක්ෂණය කළ 'අකාල සන්ධ්‍යා' නම් ටෙලි සිතුවමයි. ලංකාවේ අංගම් කලාව පිළිබඳව නව ප්‍රබෝධයක් මෙම ටෙලි සිතුවමෙන් බිහි වූ බව අවිවාදයෙන් පිළිගත යුතුය.

අකාල සන්ධ්‍යා :- https://www.youtube.com/playlist?list=PLRI4QJUWeLRlbsFL_pnSt-LQY-Khzg4Lf

🇱🇰☣️ _හෙළයේ යුධ කලාව_ ☢️🇱🇰 ⚠️️ 3 වන කොටස ⚠️️

_අංගම්පොර ගැන තවදුරටත්_


🔰 මෑත හෙළ ඉතිහාසයේ අංගම්පොර භාවිතා කළ අවස්ථාවක් වන්නෙ මුල්ලේරියාව සටනයි. පෘතුගීසි හමුදාව සමූලඝාතනය කළ සීතාවක රාජසිංහ රජු පිළිබඳවයි.

අප රටට 1505 දී අහම්බෙන් ගොඩ බට ලොව කෲරතම ආක‍්‍රමණික වර්ගයක් වූ පෘතුගීසීන් මේ දිවයින දරුණු ලෙස ¥ෂණය කරන්නට විය. කතෝලික ආගම පතුරුවමින් ඔවුන්ගේ අසීලාචාර සංස්කෘතිය වපුරන්නට විය. මේ ලොව දරුණුතම ආක‍්‍රමණිකයා පළවා හැරීමට කිසිවෙකුත් සමත් නොවූ එකළ ටිකිරි බණ්ඩාර නම් කුමරෙකු මොලොව එලිය දුටුවේ ය. හෙතෙම යන්තමින් එකොලොස් වස සපිරෙත්ම පරංගින්ට එරෙහිව තම සටන් හැකියාව මෙහෙය වන්නට විය. පැරණි ජන කවියක එය මෙසේ සඳහන් විය.

කටේ කිරි සුවඳ යන්නට පවා බැරිවුණා

යුද්ධෙට උපන් කුමරා යයි නමක් ඇතිවුණා


එහි ඉතිරි පද දෙක තවත් අපූරු ය.

මුල්ලෙරියා වෙලේ වතුර ලෙයට හැරවුණා

ටිකිරි කුමරු රාජසිංහ නමින් රජවුණා


මෙහි සඳහන් මුල්ලේරියාව අප රටේ රණකාමීන්ගේ රණශූරත්වයට ප‍්‍රභලම සාක්ෂිය සපයන ස්ථානය බව අවිවාදිත ය. රාජාවලිය එය අපූරුවට සඳහන් කරයි.

‘‘වික‍්‍රමසිංහ මුදලින් බිඳී ගියසැටි රාජසිංහ රජු දැකලා වමදකුණ පලිසක්කාරයින් හා දෙබාගේ ඇතුන් හැ අතුරුගිරි කෝරළය හේවාගම කෝරළය කොරතොට ආරච්චිවරුන් ළ`ගට කැඳවා හෝකන්දර රදාදොළහ හේවයින් ගෙන්නවා ඉලංගම්වල පලිසක්කාරයින් දහසකුත් දී පස්ස පොරොත්තුවට පැන කොටන්ඩ ඇරලා රාජසිංහ රජ පෙරමුණ ඉස්සර පාරෙන් ගොසින් මුල්ලේරියා වෙල මැද හිටිනා ප‍්‍රතිකාල් සේනාවට යුද්ධයට පැන්නාහ. පස්සපොරොත්තුවෙන් ගිය හමුදාවත් ඇවිත් පැනලා යුද්ධ කරන විට ජයසුන්දරබාගෙන් වීරහස්ති කියන ඇතා කොඩියක් ගතිය. විජයසුන්දරබාගෙ ඓරාවණයා කියන ඇතා පලිසකුත් දම්වැලකුත් ගතිය. රාජසිංහ රජ අසුපිටට පැනනැගී මහාසේනාව පස්සට වෙන්ඩ නෑර ප‍්‍රතිකාන්න්ගේ මැදට වැදලා පලිසක්කාරයොත් ඇත් අස් සෙනාත් එකට කලබැගෑනිව ප‍්‍රතිකානුන්ගේ තුවක්කුවලට වෙඩිබේත් දමන්ඩ නොදී කොටන කල පලිසක්කාරයොත් ප‍්‍රතිකානොත් ඇතුන්ගේ වල්ගාවල එල්ලී කෙටුවාහ. තුවක්කුවලින් ගසා ප‍්‍රතිකානෝ පලිසක්කාරයින් මැරුවාහ. රාජසිංහ රජ අසුට නැගී විහිදුවා සේනාව වටකර දුවමින් රණයුද ගිනිකෙළි කළ කොටන විට දුරුතුමස මිහිදුම් මෙන් වෙඩිදම් පටලාගෙන සිටින සඳ මුල්ලේරියාවේ වෙල මැද ලේවතුරු කොට ප්රිතිකාල් සේනාවට අඩියක්වත් පස්සට යන්ඩ නෑර කොටා එක්දාස් සසියයක් ප‍්‍රතිකානුන් හා කෝට්ටේ සේනාවගෙන කීපදෙනෙකුත් කොටා වැටුණාහ.’’






සීතාවක ආක‍්‍රමණය කිරීමට පැමිණි පරංගීන් 1600ක් එතැනම පතබෑවීමට සීතාවක රාජසිංහයන් හා කොරතොට ආරච්චිවරුන් වූ අප පරපුර ප‍්‍රමුඛ හේවා ඛණ්ඩ 187කට හැකි වූයේ අංගම් ශිල්පයට පිං සිදු වන්නට ය. එ් මහා යුධ ජයග‍්‍රහණය ගෝවේ මහ රජා පවා සලිත කළේ ය. සිංහල සටන් ශිල්පීන් සමඟ සටන් කිරීමට දෙවරක් සිතීමට පෘතුගීසීන්ට සිදු විය. එම විශිෂ්ඨ ජයග‍්‍රහණය අප ඉතිහාසයේ රන් අකුරින් ලියැවිණි.

ලැබූ යුධ ජයග්‍රහණය නිසා මහා අංගම් ශිල්පී රාජසිංහයන් එක පිම්මට දුවගෙන විත් කොඩිය සිටවූ තැන අද කොඩිගහවත්ත > කොටිකාවත්ත ලෙස හඳුන්වනු ලැබේ. පසු කළෙක මුල්ලේරියා යුධ ජයග‍්‍රහණය අපෙන් වසන් කිරීමට බි‍්‍රතාන්‍ය පාලන අධිකාරිය එහි මානසික රෝහලක් ඉඳි කළෝ ය. අපට පිස්සක් කොටුව මතකයක් කර රණ බිම කෙමෙන් මතකයෙන් අමතක වී යන්නට විය.

🇱🇰☣️ _හෙළයේ යුධ කලාව_ ☢️🇱🇰 ⚠️️ 2 වන කොටස ⚠️️

_අංගම්පොර_


ආක්‍රමණිකයන්ට පන්න පන්න ගහන්න, සමූල ඝාතනය කරන්න, සේනාවක් වට කරන් ඉන්න එක් අයෙක්ව පමණක් මරා දමන්න, ද්‍රවිඩයන්ට, ඉංග්‍රිසින්ට, ලන්දේසීන්ට, හා වෙනත් ආක්‍රමණිකයන්ට උන් හිටිතැන් අමතක වෙන්න පහර දීපු කලාවක් තිබ්බා. අංගම්පොර නම් ආත්මාරක්ෂක සටන් කලාවේ ඉතිහාසය අවුරුදු 30000කට වඩා ඈත අතීතයකට දිව යනවා. ඉන්දියානුවන් කියන විදියට ලොව ප්‍රභලම සටන් ශෛලිය තියෙන්නෙ ඔවුන්ට. නම් වෙන්නෙ අඩිමුර කියලා. ඔවුන් කියන විදියට ලෝකයෙ දැනට බිහිවී තිබෙන සියලුම සටන් කලාවන්ගෙ ආරම්භය සිද්ධ වෙන්නෙ එම කලාවෙන්. තව කියවෙනවා ඉන්දියාවේ බෝධිධර්මා නම් පුද්ගලයෙක් පිළිබඳව. ඔහු ඉතාමත් ප්‍රභල සටන් කලාවක් නිර්මාණය කරලා තියෙනවා. මේ ගැන චිත්‍රපටයක් නිශ්පාදනය වුණා ඉන්දියාවේ 7 aum arivu කියලා. හරි, අපි බලමු කවුද මේ බෝධි ධර්මා කියන්නෙ කියලා. ඉන්දියාවෙන් පැමිණි බෝධි ධර්ම නම් බෞද්ධ භික්ෂුවක් විසින් කුංෆූ නම් සටන්කලාව බිහි කරලා ෂැවොලින් (Shoaling) ආරාමය ගොඩනැගූ බව ඉතිහාසයේදැක්වේ, නමුත් අපගේ පැරණි ජනප්‍රවාදයකට, අනුව (ලිඛිත සාක්ෂිද ඇත) සටනෙහි අතිදක්ෂ බෝධි ධර්මා නම් රජ කුමරෙක් බෞද්ධ සිද්ධස්ථානයන් වන්දනාව සඳහා භාරතයට ගොස් ඵ් කෙරෙහි සිත පැහැදී පැවිදිවී තවතවත් සිද්ධස්ථාන වන්දනා කරනුවස් උතුරු දෙසට පාගමනින් වඩිමින් පැරණි චීනයට සැපත් වුනේ යැයි සඳහන්වේ. ඒ කියන්නෙ බෝධි ධර්මා ලංකාවේ අයෙක් වීමට ඉඩකඩ තියෙන්න පුලුවන් වන අතරම ඔහු කුංෆු කලාව බිහිකලේද ලංකාවේ රැගෙන ගිය අංගම් ශාස්ත්‍රය උපයෝගී කරගෙන බව පිළිගැනීමට පුළුවන.

ඉන්දියාවේ අඩිමුර ගත්තත්, චීනයේ කුංෆු ගත්තත් ඒ කිසිවක නැති විශේෂ දෙයක් තියෙනවා අංගම්ශාස්ත්‍රයේ. ඒ තමා මායාව, එහෙමත් නැත්තං මායා අංගම්. අංගම්පොර සටන් කලාව ප්‍රධාන කොටස් 3කට බෙදනවා.

💪අංගම්
🤺 ඉලංගම්
🦁 මායා අංගම්

අංගම් කියන්නෙ ඇගෙන් සටන් කරන ආකාරය වගේම ඉලංගම් කියන්නෙ නිල ශාස්ත්‍රය සහ අවිආයුධ ආශ්‍රයෙන් කරන සටන්වලට. අංගම්ශාස්ත්‍රයේ ප්‍රධාන නිල 108ක් ගැන කියවෙන අතර ඒවාට ප්‍රහාර එල්ල කිරීමෙන් සිහිවිසඥ වීම, මානසික ආබාධ ඇතිවීම, අංශභාගය සේම මරණයද ගෙන දුණි.
මායා අංගම් ගත්තොත් එයද අනු කොටස් දෙකකට බෙදනු ලැබේ. එනම්,

🐉කාලම්
🧟 පිල්ලි

මෙම කාලම් සහ පිල්ලි හෙවත් මායා අංගම බොහෝ වශයෙන් යොදාගත්තේ යුද්ධ කිරීම සදහායි. බඹර සේනා, නාග සේනා සහ වෙනත් සත්ත්ව සේනා යුද්ධයට කැඳවීම, සම්බන්ධ කරගැනීම සඳහා මෙම ක්‍රමය යොදාගනී. මෙය භාවිතා නොකරන්නට පරාක්‍රමබාහු , දුටු ගැමුණු , වළගම්බා ආදී රජවරුන් අදටත් පරාජිතයෝ වේ. ඒකෙන් පේනවනෙ කොච්චර බලයක් මායා අංගම් කොටසට තියෙනවද කියලා. ඒත් ඔය පොඩ්ඩයි. රාවණ රජු මායා අංගම් පාවිච්චි කරපු විදිය....
නෑ නෑ ඒවා පස්සෙ, මොකද හොද හොද සෙල්ලම් එළිවෙන ජාමෙටනෙ😈.

🇱🇰☣️ _හෙළයේ යුධ කලාව_ ☢️🇱🇰 ⚠️️ 1 වන කොටස ⚠️️

_හැදින්වීම_

කලාව කිව්වාම මතක් වෙන්නෙ මොනවද? සංගීත කලාව, නර්තන කලාව, චිත්‍ර කලාව වගේ ඒවා නේද? ඒ විතරක් නෙමේ... හෙළයා යුද්ධ කලෙත් කලාවකට... ෆිල්ම්වල වගේ යුද්ධ වුනෙත් නෑ අපේ රටේ... ඊට වඩා දරුණුවටයි වුණේ , පරිසරයට කිසිම හානියක් නොවෙන්නයි යුද්ධ සිද්ධ වුණේ... මතකයිනෙ අපි ඉරට , හඳට, ගහට, කොලට වැන්ඳා... වැන්ඳේ කෘත ගුණ සලකන්න... ඒ වගේම තමා පරිසරයට කිසිම හානියක් කලෙත් නෑ... ඒ වගේම මේකෙදි හෙළිදරව් කරන්නම් රාම රාවණ යුද්ධයේදි මොකද උනේ කියලත්...


🔰 යුද්ධයක් කරද්දි පේන්නෙ කඩු දුනු වලින් දෙපිරිසක් ගහමරා ගන්නවා විතරයි. නෑ ඒක නෙමේ යුද්ධය කියන්නෙ. ඒ දෙපිරිස ගහගන්න අතරෙදි තුවාල වුණු අයට බෙහෙත් කරන්න වෛද්‍යවරු ඉන්නවා. පිටිපසින් තමා දරුණුම ආයුධත් වැඩ කරන්නෙ.

🔰 අපි යුද්ධකරද්දි යොදාගත්තේ ලෝකේ එතෙක් මෙතෙක් බිහිවූ දරුණුම සටන් කලාව; අංගම්පොර , මීට සමාන සටන් කලාවන් ආක්‍රමණිකයන් විසින්ද භාවිතා කළා. උදාහරණයක් කිව්වොත් අසල්වැසි ඉන්දියාවේ අඩිමුර කියන සටන් කලාව... ඒකත් හොද සටන් කලාවක් උනත් අංගම්පොර තරම් දියුණු නෑ. ඒකනෙ යුද්ධයකින් පරාජය කළ නොහැකි රටක් බවට මේක පත් වුණේ.

🔰 දැන් මිනිස්සුන්ට මීටර 10ක් දිව්වත් හති වැටෙනවා. ඒත් ඉස්සර මිනිස්සු පැය ගණන් යුද්ධකළා එක දිගට. මේවට තිබ්බා බෙහෙත්. ඒ වගේම මිනිස්සුන්ගෙ ශක්තිය ගැනත් තේරෙනවනෙ ඒකෙන්.

🔰 යුධ කලාවෙ එතෙක් මෙතෙක් බිහිවූ ශ්‍රේෂ්ඨතමයා වන්නෙ මහා රාවණයන් වේ. ඔහුගේ හමුදා බලය අති විශිෂ්ඨ එකකි. අපි අහලා තිබ්බට ඇත්,අස්, රිය, පාබල කියලා, එහෙම පොඩි හමුදාවක් නෙමේ රාවණයන්ට තිබුනේ. ඒ ගැන පසුව කතා කරමු.

🔰 දෙව් බඹුන් පවා පාලනය කළ ශ්‍රේෂ්ඨයාගෙ ඇදවැටීම සිද්ධ වෙනවා කියලා ඉතිහාසයේ සඳහන් වෙන්නෙ රාම ආවට පස්සෙ කියලයි. එය ඉන්දියාව හැමදාම වගේ කරපු, ඔවුන් අපිට වඩා ශ්‍රේෂ්ඨයි යන මතය ගොඩනගන්න කරපු බොහෝ දේවල් මනඃකල්පිත කතාවක් විතරයි. ඒක නෙමෙ ඇත්ත. ඇත්ත වෙනම කතාවක්...

මේ හැදින්වීමනෙ, ඊළඟ ලිපියෙන් හමුවෙමු.

කවුද මේ රවුලා හෙවත් රවුළු?

මුලින්ම මං කියන්නම් රාවණ කියන්නෙ නමක් නෙමේ පදවියක්. එතකොට රවුළු රජු කියන්නෙ මෙරට පහළ වුණු අවසාන රාවණයන්.

මෙන්න සාක්ෂි

🔅 සිදත් සඟරාවේ එක් තැනක මෙහෙම සඳහන් වෙනවා.
"රවුලා මැරී රම් රද..."
රාමායණයේ තියෙන්නෙ රාවණයන්ව රාමචන්ද්‍ර විසින් මරනවා කියලා? ඒත් සිදත් සඟරාවේ තියෙන්නෙ ඊට හාත්පසින්ම වෙනස් අදහසක්... ඔබ විශ්වාස කරන්නෙ මොකක්ද ?

🔅

"තුන් ලෝ තමා නතු කළ රවුළු සොහොවුරු

තුන් කල් බලා රමිඳුට වූ ඉටු මිතුරු

තුන් වේ ඇදුරු පුලතිසි කුල මිණි මිතුරු

තුන් විටෙක ම වඳු එ සුරිඳු පා තඹුරු"

සැළලිහිණියේ 92වන කවිය... කවුද එතකොට මේකේ එන රවුළු? තුන් ලොවම තමාට නතු කරගත් එක රජෙක්ව විතරයි අපි තාම දන්නෙ... ඒ නිසා අපිට අකමැත්තෙන් හරි විශ්වාස කරන්න වෙනවා මේ කියන රවුළු මෙලොව දැන් වන තෙක් පහළ වූ අවසාන රාවණයන් බව...

🔅 *"ජානකීහරණය"* අහලා නැතුවත් ඇති සමහරවිට ... ඒත් තොරතුරු හොයද්දි වැදගත්වෙන මූලාශ්‍රයක් මං ඒකෙන් පොඩි කොටසක් උපුටලා ගන්නම්,

"දියැ සදා සරයක් - වෙත රවුළා රියෙක හුන්

7. “මුල් සර මුදව තෙපි - නැතොත් මේ පිළි ගනුව”යි කියමින් රවුළු හළ සර - වැටුණේ රමිඳු අබියස

8. ආදි පුරිසා රම් - වෙස් දැරු නැසීමෙහි වන් පවිනැදි සේ රවුළු සර - රසතලැ වණි හරස්වී

9. සැදි විදු රන’බරණ - යුගත මේ වන් රවුළා පතුරා දස මුවෙන් ගොස - පිරැවි නුබ සර වැස්සෙන්

10. බිඳී සර පහරින් - හුණු තුරු ලියැති වන ඒ දිස්වි ලෙසින් වනයක් - හෙලා ලූ මහ නදියක්

11. මහ සමුදුරැ මතු ද - රම් දිනනු වස් රවුළා නුබ ගැබ ද හේ බැඳියේ - සර’තුරු නැති ව පතුරා

12. රවුළු විදි සර මෙන් - දෙගුණයක් වණි ඔහු වෙත කළ දේ සත් දනන් හට - පල දේ එයට වැඩියෙන්

13. මහ ගොස නඟා හෙත - සර රැස සෙට පුරිස්හුගෙ රැක ගත ළ තම රකුසා - ඇදුමෙන් ම නිති දුනු දිය

14. පළමු සරයෙන් විදි - රම් සතුරු ගත සිඳුණේ වෙයින’දිසි ඔහු සර ගති - දත යුතු විය’නුමැනුමෙන්

15. වැටුනෙ ද අහස් ගඟ - රුවින් සර රැස පැතිරෙන නැත ජයසිරිය ගමනට - සැදිණි ද හෙයක් සරයෙන්

16. නඟන රුදු හඬ මේ - සර රැස සතුරු රකුසුගෙ වළහමින් හිරු රැස් ඔහු - නස්නට නැඟිණි දෝ නුබ

17. වළහන දිනිඳු රැස් - කළ මහ දැලක් සරයෙන් ගැනුමට ‍ස‍ඳෙහි හෝනා - මිග විසිරැවි ද නුබ ගැබ

18. මේ කුළු තැන ම හැම - හෙළති ද දහර අයමය සිතමින් දිරිය නට හේ - මුළා වූයේ සටනෙහි

19. දෙදෙනහු රම් රවුළු - මහ බා ටැම්හි නුබ තෙක් බැඳි සර වියන රැකියේ - සකල සෙන් හිරු කිරණින්

20. හැර සර රම් සතුරු - බා සිඳ හෙළන උරයෙන් හැම විට ම දුනු ගති හෙන - අන’තක් පහළ එ තැනින්

21. ඉක්බිති රකුස්පති - සසල කෙස් රොද ඩහ වැකි දුල නළලතෙහි රද පුත් - පහළේ තිහිණි හී‍යෙන්

22. රැඳි දෙබැම’තර සර - දැති රන්වන් නළල රම් රුවෙහි මෙහෙසුරු පිඟු පෑ - නළලතෙහි සිරි ඉසිලි

23. සිඳි කෙණෙහි රම් රිපු - හිස’ඩක් බිණු නිගා බස බෙණෙමින් ඉතිරි අඩ එහි - පහළ විය අන් සිරසක්

24. ලක් වැ සර පහරට - වෑහෙන රිහිරි මුව යුත් කිරුළු සුන් හිස් දුටුවේ - රවුළා ලද මුවින් ඒ

25. වන් සරෙන් නොකඩ වැ - සිඳී හුණු හිස් රැස ඇති රියැ හිඳ රවුළු කළ යුද - දුලබ මහිමෙකි මනු ලොව

26. සර හඬින් දෙසවන් - බිහිරි කළ එ සටන දෙස බැලුමුදු නොහැකි වී සපු - වෙතෙන ගුරුළිඳු දෙස මෙන්

27. මාතලි රවුළු නිල දන්වා එවූ පුරඳර සරයක් වෙසෙස් කවදය - බිඳියැකි රම’තැ තැබියේ

103

28. නල ගිනි දෙවියනුදු - තුටු කළ පගලියෙන් සැදි සර නිල අසන මෙන් රම් - සවනැසුරු කෙළෙ ඇදුමෙහි

29. නැඟූ හඬ බිහිසුණු - රම් සර වන් දෙබා මැද මැරි වැ‍ටුණේ රවුළා - නඟමින් එයට වැඩි හඬ

30. රකුස්පති මරු නිල - බිඳ ලු රමිඳු සර ඒ රස තල වැදිණි බියෙනෙව් - නැසු තිලෝ හිමි රවුළා

31. පෙළුනෙව් සරෙන් ඒ - නිහඬ මිහිකත වෙවු ලූ පෙරැළී හෙන සෙ රිපු යස - මල් වැසි වැටිණි රමිඳුට

v. කෘශෝදරී රණ බීමට යෑම

32. ‘මෙළේ හිමි රිපු කළ - වින නුදුටුදැ’යි පා මුල වැටුණ ද මෙවුල කිසොදරී - ගියෝ වෙත ඒ රණ බිම

33. මළැයිඳුරුජිත් පිතු - නිහඬ වැ පහළ ළය’තින් මය දූ ගත නොබිඳුණේ - සොව හෝ කොව නිසා වෙද

34. සීතා පැහැර ගත් - ඉක්බිති වෑයමෙන් වුව නොලද වැළැඳුම් රවුළිඳු - එ බිසෝ ලැබූ සැණෙකින්

35. පිය විරහ ගිනි ළෙහි - දවතැයි නිසැක ව ම මැය සිතා මෙන් දෙනුවන් ඇය - කඳුලින් තෙමී නොකඩව

36. නැත ද පණ හිමි ගතැ - රැඳි රදස් සර මුව තුළ දුකෙකැයි සල අතින් ඕ - පිස ලූ කඳුළු හෙළමින්

37. පළ කළ සිය අදර - හිමි නිතර සිප ගනිමින් මය දූ නුවන් කඳුළෙන් - ඉටු කෙළේ දියැඳිලි කම්

38. හිමි හට පෙර දවස - පියඹ මුවැ පියතම වූ යට’දර සොවින් විපතෙහි - වෙවුලී එ දින වියැළී

39. යුග පියොවු‍රන් රන් - කුඹු වන් මිතුරු හිමි ඕ කඳුළෙන’වසන් සැනැහුම - කළෝ ගියෙනොහු සුර පුර

40. දැවෙන හද සොවගින් - මුව කැලුම් නට මය දූ බැගෑ දෙනුවන් නන් දෙස - හෙළමින් මෙ සේ වැළැපුණු

41. සතුන’දිත මස් ලොබ - සල’ත් පා තුට දනැවුව වැනසේ යළිදු එය ඔහු - ‘මළැ’යි යන සිත සමග ම

42. කලුනතර රවුළිඳු - අනෙකක් නොවු මා සම නැති වුව එ තැන දැන් මම - වැන්දඹුවක නොවෙම්වා

104


43. මෙ යුද ම පමණි හිමි - සැලැකුමෙහි ලා සෙට තැන සටනෙහි දිවි සමග තම - යසස නොහරිති සත් දන

44. සුරිඳුනි මනින් පෙර - කළ නිගා සිතැ නොතබා වඳින ඔබ පා පිරිහුණු - මොහු මුදනු මැන යමගෙන්

45. දෙවිඳුනි තිලෝපති - සල’දර දල නෙතැති බිඟු මුව පියුම් රැස සිඳුණේ - සැතින’නඟ ඔබ යාගෙට

46. එම්බල කුවෙර දන - හෙයින් සිතැ වෙර බැඳුන ද විපත් වත නෑ සියනට - සහයට එති නැණැතියෝ

47. බඹ ඔබ පිතාමහ - වෙති මොහු ජඩය හරි තෝ නුදුටු ද පිණිස ගුරු පුද - හිස් රැස මිණි සෙ විසුරනු

48. ලෝ පල් සුරන් මේ - බැගෑ වදනින් නොසැලෙත බෙණෙති දන ‘දෙවියෝ නම් - හුදු නම් මතෙක් පමණැ’යි

49. සියුමැලි තොල් කොපුල් - යුත් එ ලඳ ලතු තිලකය මකා ලී නෙත් කඳුළින් - යෙහෙළියක සෙ සිරිත් දත්

50. කරත මිනියට නිසි - සකර විදි දන වේ දත් ගෙන ගියහ ඇය නෑ දන - දිය සනහනුව බලයෙන්

51. “දිවි අග ගිනි උදක - දෙසකර තිර පැවතුමැති අප දෙදෙන සිරිතෙහි දැඩි - සේ බැඳිණැ”යි හ‍ඬෙක් වී

52. වෙළී ගිනි දලින’ත් - වකුටු ව හා නැමී හිස් තුබුණ ද පවන බිය පත් - නොදවා ඔහු මනා සේ

v. රම් කුමරු රජ සබයට පිවිසීම

53. මායා රූපි ඒ - පෙරපුරිස් විබිසණ හට පවරා රජය පිවිසිණි - රද සබ නිසසරන් හා

54. සෙන් ළ බැඳි කුමුදට - හිත කලා පිරි මෙහෙසුරු හා බැඳි මුත් මුවෙන් රහු - රවුළු රම් සඳ නැමඳූ

vi. සීතා සිය නිදොස් බව පළ කිරීම

55. රද දූ වඩා පෙම් - සමග තෙදළෑ පිරිවර ගියා හිමි බැහැ දක්නට - හුන් රකුස්පති පහයෙහි

56. සල කඳුළු නෙත් යුත් - පඬු පෑ වරල රදසින් එ ලඳ ගත සොවැ හිමි සිත - ගිල්වුව තුට ද දැනැවි

105


57. නිගැනුම් බියෙන් දන - රම් නෙත් ගනිත් පෙරළා මනැති ලඳ බිණු මෙ ලෙසින් - කොවින් පැකිළෙන වදනින්

58. පරවෙණි සෙ නෙත් බිඟු - හෙළුව පියුමට මේ ගත වැනසෙදොබ කිත් කිම මේ - වෙනස් පැවතුම විරුවනි.

59. නොබිඳි සිරිතැති ඔබ - මුව දැක වට සෙ මනෙතින් හෙළන පමණට කඳුළක් - කිම ළෙහි නොවුණෙ කුළු‍ණක්

60. පෙළෙමින් කලක් දළ දුකින් - පැහැය ද වෙනස් වී තපසින් නොයෙක් සිටි දැමී - සීතා කුමරි ඒ නිකැලැල් නූන යහ ගුණෙන් - මදයෙන් මිදී හුන් රමිඳුට’නොනැමූ හිස මරුට - වුව බස් බිණූ මේ"


මේකෙත් ගොඩක් තැන්වල රවුලා කියන වචනේ පේනවා ඇති... ඇයි ඒ කතුවරු රාවණ කියන නාමය වෙනුවට රවුලා යන නාමය යොදාගත්තේ? මොකද ඔවුන් දැනගෙන හිටියා රාවණ කියන්නෙ තනතුරු නාමයක් බවත්, රවුලා යනු අවසාන රාවණවරයා බවත්...

ඉතිං ඔබටත් කැමති නිගමනේකට එන්න පුලුවන් ... රාවණ යනු පුද්ගල නාමයක්ද? තනතුරු නාමයක්ද? හිතලා බලන්න...

☸️ _මක්කම ගැන ඇත්ත කතාව_ ☸️

                             පොතක පිටකවරයකි - පොත පහතින් ලබාගන්න.


වර්ගපූර්ණිකාවට අනුව, (ඉහත පොතට අනුව නොවේ.)

බුදුන් වහන්සේ පළමු වරට ලංකාවට වැඩියේ ලලාටදේශයෙනි. ලලාටදේශය යන නමද සෑදුණේ අහඹුවකින් නොවේ. ලලාට යනු නළල් තලයයි. නළල්තලය පොළොවේ ස්පර්ශ කර වන්දනාමාන කළ පුවතක් කියවේ. ලලාටදේශයේ නැව් තොටුපල වන්නෙ මක්කමයි . බුදුන්වහන්සේ ලංකාවට වැඩම කර පළමුවන උතුම් පාද ස්පර්ශය තැබුවේ මෙම මක්කම නම් ස්ථානයෙයි. මේ හේතුවෙන් ජනයා එම ප්‍රදේශයට වැදුම් පිදුම් සිදු කර තිබේ. (බුදුන්වහන්සේගේ සිරි පතුලේ ස්පර්ශය හේතුවෙනි.)

මෙම ලලාටදේශය යනු වර්තමානයේ මන්නාරම් ප්‍රදේශයයි. ඔබට මතක ද ආදම්ගේ පාලම? ආදම්ගේ කන්ද? මේවා සමාන වුණේ අහඹුවකින් නොවේ. මතක තියාගන්න මේ තැන් දෙකේම තිබ්බේ බුදුන්වහන්සේගේ උතුම් සිරිපතුල් වේ.

තවත් දෙයක් කියන්නම්. ආදම්ගේ උයන... අහලා තියෙනවද? ආදම්ගේ උයනේ තමා ආදම්ගේ කන්දත් තියෙන්නෙත්. එතකොට කවුද මේ ආදම්? ආදම් යනු ආදිතමයයි. තවත් ලෙසකට ආදම් යන්නෙහි තේරුම සූර්‍ය වංශික යන්නයි. හොඳින් මතක තියාගන්න. රාවණ යන්නෙහි තේරුමද සූර්‍ය වංශික යන්නයි. මුස්ලිමානුවන්ට අනුව ආදම් ජීවත් වී තිබෙන්නෙ මීට වසර 5000කට පෙරයි. ඉතිං මං කියන්න ඕනෙද රාවණ ජීවත් වුණේ වසර කීයකට කලින්ද කියලා ආයෙමත්? රාවණ ජීවත් වූ රටක් තියෙනවා. නමුත් ආදම් ජීවත් වූ රටක් නෑ. ඒ නිසා අපිට අකමැත්තෙන් හරි තීරණය කරන්න වෙනවා මේ කියන ආදම් වෙන කවුරුත් නෙමේ මහා රාවණ රජු කියලා.

කෙසේවෙතත් මක්කම මැදපෙරදිගට ගෙන ගිය එක තවමත් රහසක්. මට හිතෙන විදියට මුස්ලිමානුවන් ශ්‍රී පාදයට යන එකත් හොඳ වැඩක් නම් නෙමේ. ඒකත් ඒ රටකට ගෙනගියොත්... ??? 🙏🇱🇰❤




දකුණු බුදු සිරිපතුල පිහිටි මක්කම සහ රාවණ රජුගේ සෙල්ලිපි ග්‍රන්ථය - https://drive.google.com/file/d/1CYErvhAe1wfvZ1xCX2mdtODvatyVYysQ/view?usp=drivesdk

🇱🇰 _යන්ත්‍ර මන්ත්‍ර තන්ත්‍ර විද්‍යාව_🇱🇰

මේ විද්‍යාවෙන් අපේ පැරැණ්නන් මොනාද කලේ? නෑ එහෙම නෙමේ... මේ විද්‍යාවෙන් මොනවද ඔවුන් නොකළේ? මං එක කතාවක් කියන්නම් මන්ත්‍ර ශාස්ත්‍රය සම්බන්ධ... නමුත් ගොඩක් දේවල් ඉගෙන ගන්න පුලුවන් වෙයි.

රාවණට ඥාති වන රාක්ෂ ගෝත‍්‍රික කාන්තාවක මැණික්දෙන තපෝ වනයක තපස් රැුක්කාය. ඇය චිත‍්‍රා නම් වූවාය. විශ‍්‍රවස් මුණියේ ඥාති සොයුරු සන්තාප රකුසා චිත‍්‍රාවන්ගේ පියා විය. අනාගත වක්තෘවරියක් ලෙස චිත‍්‍රා ප‍්‍රකටව සිටියාය. එනම් අනාගතය කීමෙහි දක්ෂතාව චිත‍්‍රාවන්ට තිබිණි. එබැවින් රාවණ අධිරාජයා ඉඳහට චිත‍්‍රා හමු වී අනාගත කාලය පිළිබඳ නොයෙක් උපදෙස්, අනුශාසනා ලබාගන්නට අමතක නොකළේය.

රාවණගේ බල කේන්ද්‍රස්ථානය වූ සීගිරියේ සිට මැණික්දෙනට රාවණ රජතුමා යන්නේ අසුපිටිනි.

දවසක් එසේ යන විට චිත‍්‍රා කුමරිය අට්ටික්කා ගසක් මුල බවුන් වඩමින් උන්නාය. රාවණ රජතුමා ඇයට පලතුරු වට්ටියක් පිළිගන්වා ඈ සමඟ කතා කළේය. දීර්ඝ භාවනාවක් නිමා කර ඇය සැහැල්ලූ මනසකින් සිටීම රාවණ රජතුමාගේ සන්තෝෂයට හේතු විය.

‘‘ඔබ විවේකයෙන් නේද?’’ රාවණයෝ චිත‍්‍රාවන්ගෙන් ඇසූහ.

‘‘එසේය මහ රජ’’ චිත‍්‍රාවන් පිළිතුරු දුන්නාය. මැණික්දෙන තපෝ වනය පීරා ඇසෙනුයේ සියොතුන්ගේ කිචි බීචි හඬත්, කැලේ සරන සතුන්ගේ ගෝර හඬකුත් පමණි.

මහරජ ඔබ මෙහි පැමිණියේ කිසියම්  ගැටලූවක් විසඳා ගන්නට විය හැකියි. මට නම් දැනෙන්නේ එසේය චිත‍්‍රාවන් රාවණට ඉඩ දුන්නාය.

‘‘එසේය චිත‍්‍රාවනි, මට ඇතුළතත් කරදර සිත්තැවුල් බොහෝය. පිටත් කරදර සිත් තැවුල් බොහෝය. මේ ප‍්‍රශ්නවලට විසඳුම් ලබාගන්නට මට වුවමනා වී තිබේ.

රාවණ රජතුමා එසේ කියන විටම රතුවන් කෑරලෙක් අමිහිරි හඬක් නගමින් දෙදෙනා අසලින් පියාසර කළේය. මේ දසුන මහ වනයට
නුපුරුදු දර්ශනයක් නොවේ. නමුත් කෑරලා එතැනින් යාම ගැන රාවණ රජුට දැඩි කෝපයක් හටගත්තේය.

‘‘මහ රජ ඔය ගිය පක්ෂියා කවුදැයි හඳුනනවාද?’’ චිත‍්‍රාවන් රාවණගෙන් විමසුවාය.

‘‘චිත‍්‍රාවනි ඒ රතු කෑරලෙක් නොවැ’’

‘‘නැත මහ රජ ඒ ගිියේ චෞදරී. ඔහු රාමගේ පිළේ ඔත්තුකරුවෙක්. ඔබතුමාගේ ගමන් පිළිබඳ තොරතුරු ගැනීමට චෞදරී ඔහුගේ ඔත්තු සපයන්නකු ලෙස පත්කර තියෙනවා’’ චිත‍්‍රාවන්
කියාගෙන ගියාය.

රාවණ යුගයේ රාවණ රජතුමාටත්, රාම කුමරුටත් පක්ෂව බොහෝ ඔත්තු සපයන්නෝ සිටියහ. මේ අය මන්ත‍්‍ර ශාස්ත‍්‍ර බලයෙන් පක්ෂීන්ගේ සතුන්ගේ සාමාන්‍ය මිනිසුන්ගේ වෙස්ගෙන මොවුන් කියන කරන දෑ නිරීක්ෂණය කළහ. රාම කුමරුට චෞදරී මෙන් රාවණට මරිච් රාක්ෂයා මේ ආකාරයට සත්ව වෙස් ගෙන රාමගේ තොරතුරු සැපයූවෙකි.

රතු කෑරලා පියාසර කළා පමණි. ඌ පසු පස දැවැන්ත උකුස්සකු වේගයෙන් පියාසර කළේය. බැලූ බැල්මට රතු කෑරලාට ප‍්‍රහාරයක් එල්ල කිරීමට උකුස්සා යන හැඩකි.

රාවණ රජතුමා උකුසු වෙස් ගත් චරිතය හඳුනා ගත්තේය.

මෑණියනි, ඔබගේ ප‍්‍රකාශය නිවැරදිය. අර රතු කෑරලා පසුපස යන උකුස්සා මගේ රාජ සභාවේ චාර රාක්ෂයාය. ඔහු මට සිටින දක්ෂ චර පුරුෂයෙකිි. චාර රාක්ෂයා පුහුණුව ලබා සිටින්නේ මේඝනාද කුමරුගෙන්. ඔහු මට සිටින අතිදක්ෂ ඔත්තුකරුවාය. ඔහුට මේ ලෝකයේ පමණක් නොව අඟහරු ලෝකයේ පවා ඔත්තු කීමෙහි හැකියාව ඇත

රාවණ පැවසුවේය

රජතුමනි, ඔබ මේ ලොව දීර්ඝ කලක් ජීවත් වන්නට මහ බඹුගෙන් අවසර ගත් එකම පුරුෂයාය. ඔබට කැරළි ගසන්නට රාම කුමරු සමඟ දැවැන්ත හමුදාවක් සූදානම් වී ඇත. මහ රජ මදුරුවකු, මැස්සකු වැනි පුංචි සතකුට වුව විශාල සත්වයකු නැසීමෙහි ශක්තිය තිබෙයි. එහෙත් කවර සටනකටත් පෙර ඔබට දිගු විවේකයක් අවශ්‍යව ඇත. දැන් එයට කාලය ළංව ඇත. චිත‍්‍රාවන් පැවසුවාය.

ඇය එසේ කීවේ රාවණ රජු අනාගතයේ සිිටින දිගු නිද්‍රාව පිළිබඳවය. එය රාමගේ විෂ හීය නිසා සිදු වූ බව පෙර ඔබට සඳහන් කර ඇත. මේ කාරණය මූලිකම රාවණගේ කන තැබුවේ චිත‍්‍රා නම් තාපසවරියයි.

එබැවින් රාම - රාවණ සටන ආරම්භයේදීම රාවණ රජතුමා තමන්ට මෙවැනි ඉරණමක් ළඟා වන බව දැන හුන්නේය. රාවණට විෂ හීය වැඳීම අහම්බකින් සිදු වුවත් එය රාවණගේ දෛවයට උරුමවූවක් විය. එම විස හීයෙන් මිදීමට රාවණට නොහැකි බව චිත‍්‍රාවන් ප‍්‍රකාශ කළාය.

රාවණට විවේක කාලය බව දැන ගන්නට තවත් ලකුණක් තිබිණි. ඒ රාවණගේ ගෙළ පැළඳි සුරයයි. එම සුරයේ තෙල් අඩු වැඩි වීම මත රජුගේ විවේක කාලය තීරණය වේ. චිත‍්‍රාවන්ගේ ඇස රාවණගේ ගෙළෙහි වූ සුරය වෙත ඇදුනාය.

එහි තියෙන තෛලය අවසානයටම අඩු වී තිබිණි.

රජතුමනි. සෑම අතින්ම පෙනෙන්නේ ඔබට විවේකය ළං වී ඇති බවකි. ඔබ වසර දහස් ගාණක විවේකයට සූදානම් වන්න. ඔබව අවදි කරවන්නට තාපසයකු වඩිනු ඇත. මේ අප හමුවන අවසන් අවස්ථාවයි.

චිත‍්‍රාවන් කඳුලින් බරව ප‍්‍රකාශ කළාය. රාවණ රජතුමා චිත‍්‍රාවන්ට සමුදී සීගිරි මාලිගාව කරා එළැඹියේය.

එදා මේ චිත‍්‍රා තාපසවරිය අවුරුදු දහස් ගාණක් අතීතයත්, අවුරුදු දහස් ගාණක අනාගතයත් දැක තොරතුරු කිව හැකි විශිෂ්ට ඥාන ප‍්‍රගුණ කළ තැනැත්තියක් වූවාය. රාවණ යුගයේ මෙවැනි විශිෂ්ට තාපස මුණිවරු සහ  තාපස මුණිවරියන් සුවිසල් කැලෑබදව වාසය කළහ. උග‍්‍ර තපස් රකිමින් ලෝකයේ අවුරුදු දහස් ගණන් අතීතය අනාගතය දකිමින් බොහෝ කාරණා ඔවුහු ප‍්‍රකාශ කොට ඇත්තාහ.


ඒවා අපේ මුඛ පරම්පරාගතව ඇතැම් විට පැමිණේ. ජනප‍්‍රවාද ගතවත්, සමහර තැනෙක පුස්කොල පොත්වලද ලියා තිබේ.

එබැවින් අපේ රට ගැන, ලෝකය ගැන දේශිය තාපසවරුන් කී අනාවැකි අසත්‍යය යැයි දැකිය නොහැක. ඒ බොහෝ ඒවායේ සත්‍යය සැඟව තිබේ.
මහා ආධ්‍යත්මික බලයෙන් හෙබි තාපස කියමන් සොයන්නට වෙහෙසෙන විශාල පිරිසක් ජන සමාජයේ ජීවත් වේ. රාවණ යුගයේ අපූරු අනාවැකි සහ මන්ත‍්‍ර ශාස්ත‍්‍රය ගොඩ ගත හොත් එය ලාංකීය ජන සමාජයෙහි තවත් විප්ලවයක් අපූරු පර්යේෂණයක් වනු ඇත.

වෙස්වළා ගැනීම, අතුරුදහන් වීම, විවිධ දේ මැවීම, ග‍්‍රහ ලෝකවලට පවා ගොස් තොරතුරු සොයා පැමිණීම රාවණ යුගයේ මන්ත‍්‍ර ශාස්ත‍්‍රවලට සුළු දෙයකි. මෙවැනි දේ සෙවීමට උත්සාහ කළොත් ඒවා යම් ලෙසකට ඉස්මතු කළ හැකිය. එබැවින් අපි  මේ සාහිත්‍ය කතාවෙන් ඔබ්බට යමු...... රාවණ රජුට නෑකමැති තැන්..... සූදානමින්....

මේක මේ කතා මාලාවේ පළවෙනි කොටස, මේකෙදි මං එක මන්ත්‍රයක් කියලා දෙන්න බලාපොරොත්තු වෙනවා, ඉස්සරහට තව දේවල් කියලා දෙන්නම්...


එහෙත් ඔහු සූර්ය වන්දනය කළ අයෙකි. පුරාණ පුස්කොළ පොත්වල රාවණා රජු සූර්යයාට නමස්කාර කළ මන්ත‍්‍ර විශාල ප‍්‍රමාණයක් සඳහන් වෙයි. ඒ අනුව යමින් සූර්ය වන්දනාව රාවණා රජ සමයේ පටන් මුල්බැස පැවති අංගයකි. විජයගෙන් පසු ලංකාවේ රජ සමයන්හි පවා සූර්ය වන්දනාව තිබී ඇත.

රාවණා රජතුමා පිදුරුතලාගල, මහකුඩුගල කන්දේදී දීර්ඝ සිහිමුර්ජාවෙන් අවදි වූ පසු මුලින්ම කළේ පුරුදු සිරිත් කීපයකි. එතුමා නැගෙනහිර දෙසින් හිරු දෙස බලා වැඳගෙන සූර්ය නමස්කාරය කළේය. තුන් විටක් පහත මන්ත‍්‍රය කියමින් සිය ගෞරවය සූර්යයාට පිදීය. ඒ රහස් මන්ත‍්‍රය අපි අද ඔබට ලබාදෙමු.
සූර්යයා යනු අපි ජීවත්කරන මහා ශක්තියයි. පරිසරය, ගහකොළ, සතා සීපාවා ජීවත් කරන බලගතු ශක්තියයි. සූර්ය දෙවි නැමදීම මගින් නොපෙනෙන, බලගතු ශක්තියක් අපට ළඟාවේ. දරුවන්, මාපියන් නමදින්නේ ඇයි... එවැනිම වූ ආශීර්වාදයක් උපන්දා සිටම සූර්යයාගෙන් අපට ලැබේ. හුදෙක් අප ජීවත්කරවීම ඇත්තේ සූර්යයා සතුවය. රාවණා රජතුමා සූර්ය නමස්කාරය කරන්නට ඇත්තේ ඒ වූ මහා ශක්ති කඳම්බය හා සූර්ය දෙවි බලවත්භාවය නිසාය.


‘‘ ඕම් ප‍්‍රකාශ ශක්ති සහිත ශ්‍රී
මහර්තණ්ඩ ධෛර්ම ශ්‍රී පාදුකම් පූජයාමි නමඃ
තර්පයාමී නමඃ
ඕම් මිත‍්‍රාය නමඃ
ඕම් රවයේ නමඃ
ඕම් සූර්යාය නමඃ
ඕම් භානවේ නමඃ
ඕම් ගහාය නමඃ
ඕම් භූෂ්නේ නමඃ
ඕම් භිරණ්‍ය ගර්පයාය නමඃ
ඕම් මරීසාය නමඃ
ඕම් ආදිත්‍යාය නමඃ
ඕම් සාවිත්‍රේ නමඃ
ඕම් අර්ඝාය නමඃ
ඕම් භක්ෂකරාය නමඃ
මහත් ධියුක්තිකරාය විමහී
තන්නෝ ආදිත්‍ය ප‍්‍රචෝදයත්’’

සූර්ය වන්දනාව කළ රාවණ රජතුමා ඉන්පසු තමන්ගේ සේනාධිපතිවරුන් සොයන්නට විය. ඔවුහු දක්ෂ සටන්කාමීහුය. පෞරෂවත්හුය. රාවණ රජුගේ යක්ෂ සේනාධිපතිවරු 21ක් සිටි අතර මේ සියලූ දෙනා දැන් මළවුන් අතරය. රාවණගේ පුත‍්‍රයා වන ඉන්ද්‍රජිත් එක සේනාධිපතියෙකි. ඔහු අමාවක දිනවල ‘සහශ‍්‍රගත’ යානයේ නැගී සතුරු බිමට එනවිට අඟහරු ග‍්‍රහ ලොවෙහි ජීවින් පවා භීතියෙන් මුසපත්ව ඇත. ඒ තරම් ඉන්ද්‍රජිත් බලවත්ය.

රාම රාවණට පහර ගහන්නට අඟහරු ග‍්‍රහලොවින් උදවු ගත්තත් රාවණ අන්‍ය කිසිම සහායක් යුද්ධයට නොපැතීය. රාවණාගේ සහායට ලොව රටවල් යුද සේනා එවීමට ඉදිරිපත් විය. එහෙත් රාවණට රාමා පරාජය කිරීම සඳහා අතුරු සේනා අවශ්‍ය නොවීය.  රාවණට සිදුවූයේ සටනේදී සුළු අත් වැරදීමක් පමණි. එහි ප‍්‍රථිඵල වූයේ රාමා විෂ හීයක් රාවණ වෙත එවීමය. එය රාවණගේ දීර්ඝ සිහිමුර්ජාවට හේ්තුවිය. රජුගේ මරණින් පසු සටන ඉදිරියට සිදු නොවිණ.
සිහිසුන් රාවණව රැගෙන යක්ෂ සෙන්පතියෝ පිදුරුතලාගල මහකුඩුගලට ගෙන ගියහ. එහි රාවණ මාලිගයේ රජු සැතපවූහ.

රාවණගේ හමුදාවේ ප‍්‍රධාන සෙන්පතියා පුත‍්‍ර ඉන්ද්‍රජිත් වේ.


යළි නැගිටි රාවණ රජු මේ සෙන්පතියන් ඒකරාශී කර ගැනීමට මන්ත‍්‍ර මිමිණූහ. විවිධ මන්ත‍්‍ර හරහා පිරිස රැස්වන බලය රාවණට තිබේ. සෙන්පතියන් කැඳවූයේ ඒ මන්ත‍්‍ර වලිනි. මළවුන් අතර සිටි සෙන්පතියන්ගේ භූත ආත්ම 21ක් රාවණ සොයා මහකුඩුගලට පැමිණියහ. මෙසේ ඒකරාශි කළ භූත ආත්ම නැවත හතේ කණ්ඩායම් තුනකට බෙදුවේය.

පෙර ලිපිවල ලියූ විභූති යක්ෂයා මේ සෙන්පතින් අතර නැත. ඔහු රාවණා සිහි මුර්ජාවෙන් සිටි සමයේ මහකුඩුගලදී ආරක්ෂා කළ අයෙකි. නමුත් අතිශය බලසම්පන්න දැනටත් රාවණ සමග සිටින සහායකයෙකි.

‘මරිචි’ යනු රාවණ, සෙන්පතින් අතර තවත් ප‍්‍රබලයෙකි. ඔහු රාවණගේ සහෝදරියකගේ පුතෙකි. නෑ කමට ‘බෑනා’ වෙයි. මරිචි වාසය කළේ බෑන සමනොළය. රාවණගේ බෑනා පදිංචිව සිටි නිසා එය ‘බෑන සමනොළ” වූ බව ආචාර්ය මිරැන්ඩෝ ඔබේසේකර කියයි. සීතාව රැගෙන ඒමට රාවණ ගිය වෙලේද මරිචි, රාවණ හා ගොස් ඇත.

දැන් රාවණ රජුගේ ආරක්‍ෂක සේනාව වන්නේ මළවුන් අතර සිට පැමිණි සේනාධිපති භූත ආත්ම 21ය.

පටන් ගැන්මට ඇතිනෙ එකක්... ඉතුරුවා පස්සෙ කියලා දෙන්නම්... නැවත හමුවෙමු.

_ඈත අතීතය හරහා_4_වන කොටස_

සුමාලී මහා රජු


සුමාලි රජුගෙ නම අහලා තිබ්බට වැඩි දෙයක් දන්නෙ නෑනෙ? මං කියන්නම් පොඩි දේවල් ටිකක්.

සුමාලි රජු යනු දේවයානියගෙ* දරුවන් තිදෙනා අතරින් එක් ආයෙකි. මහින්දපුර නොහොත් වැඩිහිටිකන්ද එම රජුගෙ පාලන මධ්‍යස්ථානයයි. රාවණ රජුගේ මවගේ පියා වන්නෙ සුමාලී මහ රජුය. ඉන්ද්‍ර දේශයේ ඉන්ද්‍ර රජුගේ පුත් "ජයන්ත" කුමරු පැහැරගෙන ඒම නිසා ඊට දඬුවම් කිරීමට ඉන්ද්‍ර රජු විසින් මහා දේව සේනාවක් සමඟ කතිර කුමරු එවීය. ඔහු විසින් සුමාලී රජු පරාජය කර ජයන්ත කුමරු ආපසු යවා කතිරගම අත්පත් කරගෙන එය පාලනය කළේය. මේ කන්දේ කුමරු (කඳ කුමරු) කතරගම මහසෙන් ලෙස හැඳින්වෙයි.


දේවයානි නොහොත් මන්දාත රැජිණිය

රාවණගෙ මව් පාර්ශවයේ පියාගෙ මවයි. බලි රජුගේ සමයේ ශක්‍ර නොහොත් දේව අධ්‍යාපනයේ ප්‍රධානියා දේවයානිගෙ පියායි. විෂ්ණු දෙවියන් වාමන අවතාරයෙන් පැමිණ උපායෙන් බලි රජු පැහැරගෙන ඉන්දියාවට ගිය විට ඊට විරුද්ධව සටන් කිරීමට හමුදාවක් හෝ යුධ ශිල්පය හෝ යුධ අවි නොවීය. මින් සංවේගයට පත් දේවයානි කාශ්‍යප මුණි වෙත ගොස් දරුවන් තිදෙනෙකු ලද්දීය. ඔවුන් මාලී, සුමාලී හා මාල්‍යවන්ත ලෙස හැඳින්වේ. ඔවුන්ට යුධ ශිල්පය හා ගුවනින් ගොස් පහරදීම(බෝම්බ දැමීම) ඇය පුහුණු කළාය. පත්තිනි හා කාලි ලෙස ද දේවයානි හඳුනාගැනීම සිදුවේ. පියාවන ශක්‍ර විසින් ඇත! ඇත! ඇත! ලෙස තුන්වරක් පවසා ඇගේ ගුවන් ප්‍රහාර නවත්වා ගත් ස්ථානය ඇතෑන්ස් (මෙය ග්‍රීසියෙ නොව වයඹදිග ඉන්දියාවේ පිහිටා ඇත.) ලෙස හැඳින්වේ.

_ඈත අතීතය හරහා_3_වන කොටස_

තරු රජු


තරු අත් අකුරින් ලියා එවමි ඔබට පෙම් පත………….

බලි තරු රාවණ ගැමුණු විජයබා විරුවන් ලද ලංකා……………

මේ ජනප්‍රිය ගී දෙකෙහි යම් සමානකමක් ඔබ දකිනවද?බලන්න නැවතත් මේ දෙකේම තියනවා. තරු කියලා වචනයක්. මොකක්ද මේ තරු.

මෙන්න මේක තමයි අද මගේ ලිපියට පාදක වෙන්නේ. මේකෙ පලවෙනි ගීයෙන් කියන්නේ තරු අත් අකුරු ගැන. දෙවනි ගීයෙන් කියන්නේ අපේ පුරාණ මහා රජවරුන් කීපදෙනෙක් ගැන. එතකොට අපිට මුලින්ම පැහැදිලි වෙනවා මේ තරු කියන්නේ රජකෙනෙක් කියන එක.

හොදයි දැන් අපි දන්නවා එහෙම රජ කෙනෙක් අපි අහලා නැති බව. මේ තරු රජ පරපුර තමයි අද අපි කළුතර කියලා කියන නගරය ආශ්‍රිතව තම රාජධානිය ගොඩනඟාගෙන සිටි අති ප්‍රභල රජු. මෙතුමාගේ කාලය වෙන්නේ අහුබුදු ශූරීන්ට අනුව නම් ක්‍රි. පූ. 10,000 විතර. ඒ කියන්නෙ මීට අවු. 7500කට විතර කලින්. මොකද මේ තොරතුරු අපිට දැනට ගන්න තියන්නේ, ඉන්දීය දේවපුරාණය අතර්ව වේදය වගේ ග්‍රන්ථවල. මේ ග්‍රන්ථ මම දන්න විදියට ඉංග්‍රිසි භාෂාවෙන් තියනවා. නමුත් අපි තාම මේවා සිංහලටපෙරලන්න හිතලවත් නැහැ. කෙසේ වෙතත්,මේ රජුගේ පරපුර රජ කරන්නේ අද උතුරු කළුතර කියන ප්‍රදේශයේ තමයි. ඒ කාලේ මේ ප්‍රදේශය හදුන්වන්නේ දෙශාස්ත්‍ර කළුතර නමින්. ඔබ කළුතර කෙනෙක් නම් පැරන්නන්ගෙන් අසා බලන්න 1920/30 පමණ වනතෙක් මේ ව්‍යවහාර තිබිලා තියනවා. දැන් මතක තබා ගන්න මේ දෙශාස්ත්‍ර කියන නම.

නැවත අපි බලමු එතකොට දකුණු කළුතරට කියලා තියන්නේ මොකක්ද. මම දැනට අවු ගනනාවකට කලින් මේ ගැන හොයන්න කළුතර පොඩි රස්තියාදුවක් දැම්මා. ඒ වෙලේ මට මුණු ගැසුනා මිත්‍රයෙක්ගේ සීයා කෙනෙක් ඔහු දැනන් හිටියා මේ විස්තර. මේ ප්‍රදේශයට කියලා තියන්නේ වේලාපුර කළුතර කියලා. ඒ කියන්න්නේ වේලා පුරය නමින් හැදිවූයේ කතරගමට. එතකොට ගගින් එගොඩ වේලාපුර හෙවත් කතරගමට යටත් ප්‍රදේශය. මෙගොඩ තරු රජු පාලනය කල දේශාස්ත්‍ර කළුතර.

දැන් අපි බලමු මේ තරුගේ පවුලේ කට්ටිය ගැන. ඔහුගේ සහෝදර සහෝදරියන් ඉදලා තියනවා 05 දෙනෙක් මොවුන්ගෙන් 04 පිරිමි. එක් කාන්තාවක් හිටියා. මොහුගේ පියා තමයි පියුම් රජු. එතකොට මේ අයගේ නම් තමයි

1.  තරු පියුම්

2.  විරු පියුම්

3.  සුරු පියුම්

4. නල පියුම්

5.  සරසවි පියුම්

මෙන්න මේ සරසවිය තමයි අපිට ඕනෙ වෙන්නේ. ඇය තමයි අපි කවුරුත් දන්නා සරසවිය. ඇගේ වල්ලභයා වෙන්නේ ගංඟාමුණි, පුතුනුවන් වන්නේ සරිත්, දැන් ඔබට දැනෙනවද මේ සරසවිය උගත් කාන්තාවක් බව. ඔව් ඇය තමයි අකුරු කියන ශිල්පය මෙලොවට බිහි කලාය කියලා දේව පුරාණයේ සඳහන් වන්නේ. ඇය තම වැඩිමල් සොයුරා වන තරු රජුගේ නමින් මේ ශාස්ත්‍රය නම් කලා. දේශාස්ත්‍ර වන්නේ මේ නිසාලු. එතකොට අර කියන ගීයෙන් හැගෙන්නේඔබට මම මේ පෙම්පත එවන්නේ ලෝකයේ තිබෙන පැරණිම අකුරින් ලියලා.

කෙසේද මගේ ආලය....කාලයක් ලිව්වා ලිවිල්ලක් වෙද හාමිනේටත්....

මේ කාලයේදී ලංකාව කොටස් දෙකකට තමයි පාලනය කරලා තිබෙන්නේ. එක් කොටසක් තරු ප්‍රමුක පියුම් රාජ වංශය. අනෙක් කොටස අපිට ඉතා වැදගත් බුදුන් වහන්සේ හැරුනම වැඩියෙන්ම බෞද්ධයන්ගේ ගෞරවයට ලක් වෙලා ඉන්න මහසෙන් හෙවත් කතරගම රාජධානිය කරගත් කතරගම දෙවියන්ගේ, රාජධානිය මේක හදුන්වා ඇත්තේ වේලා පුර කියන නමින්. මේ නිසා තමයි මේ රාජධානිය පටන් ගන්නා තැන වන කළු ගං මෝය දකුණෙන් ඇති ප්‍රදේශය වේලාපුර කළුතර වූයේ.

නමුත් කාලයකදී මේ සරස්වතිය ලබා ගැනීමට සහ රට එක්සත් කිරීම යන පරමාර්ථ ඇතිව මහසෙන් රජතුමා තරු ප්‍රමුඛ පියුම් රජවරු සමඟ යුද්ධයකට යනවා. එහිදී පියුම් පරපුර පරාජය වෙනවා. නමුත් මහසෙන් රජතුමාට සරසවිය ලබා ගැනීමට හැකියාවක් ලැබෙන් නැහැ. ඇය කළු ගඟටම දිවි දෙනවා. මේ සිද්ධිය ඈත අතීතයේ සිදුවූ මනරම් යුද්ධයක් විදියට දේව පුරාණය සඳහන් කරලා තියනවා.

දැන් ඔබට මම පොඩි හෝඩුවාවක් දෙන්නම් අද මේ (තරු අකුරු) ගැන දන්නා උගතුන් කීපදෙනෙක් ලංකාවේ ඉන්නවා. (මේවා ලියලා හිරේ යන්න වෙයිද මන්ද?) එක්කෙනෙක් තමයි අප අතරින් ලඟදී වියෝවුනු අහුබුදුවන්, අනික් පුද්ගලයා තමයි මම ඉතා ගරු කරන උගතෙක් වන (දේශපාලනය මට වැඩක් නැහැ. මම ඒ ගැන හිතන්නේත් නැහැ.) වි.ජ.මු. ලොකුබන්ඩාරයන්. තවත් කෙනෙක් ඉන්නවා ඒ තමයි එතරම් විධිමත් අද්‍යාපනයක් නොලද්දත් අද මෙරට සිටින මගේ මිනුම් අනුව අංක 1 ගත ගැකි පුරාවිද්‍යාඥයෙක් වන ජයරත්න පතිරාරච්චි මහතා.

ඔබ දන්නවද සරසවියට අත් හතරයි. මේ අත් හතර මොනවද කියල??

1.  එක් අතක ඇති පොතකි - දැණුම

2.  තවත් අතෙක - ඇටවැල - සිහිය

3.  තවත් අතෙක ගිරවා - කීමෙහි බිනීමෙහි නිපුණතාව

4.  සතරවන අතෙහි වීණාව - ලලිත කලා නිපුණතාව

_ඈත අතීතය හරහා_2_වන කොටස_

මහා බලි රජු


බාහු බලී ගැන අහලා තිබ්බට මහා බලි ගැන අහලා තිබ්බේ නෑ නේද? 😂 ඉන්දියාව කියන්නෙ හැමවෙලේම අපෙන් දේවල් හොරකන් කරපු අපිට පහළින් හිටපු රටක්.

ප්‍රාලෑ රජුගෙන් පසු ඔහු පුත් වීරචන්න කුමරුට රජවීමට අවස්ථාව තිබුණි. නමුත් දේව අධ්‍යාපනයෙන් ලද උද්දාමය තුළ ඔහු පෙඹුණේ අභියෝගාත්මකව නායකත්වයට ඒමටය. එබැවින් ලෝක ගෝලයේ ලංකාවට ප්‍රතිවිරුද්ධ දේශයට ගිය හේ ‘‘පාතාල රාජ්‍යය’’ (පාද+තලය+යට) බිහි කළේය. මේ නිසා ප්‍රාලෑ මුනුබුරු වූ බලි කුමරු (මහබලි) රාජ්‍යත්වයට පත්විය.



මහා බලි රජු ජීවත් වුණේ මීට අවු. 10000කට කලින් කියලයි හොයාගෙන තියෙන්නෙ...
දේව අධ්‍යාපනයෙන් ලද දැඩි විනයකට අනුව පුහුණු වූ බලි රජු ප්‍රමාණය ඉක්මවා අනුකම්පා සහගත හා මොලොක් හදවතක් ඇත්තකු විය. දේව අධ්‍යාපනය තුළින් ඔහු පාලනය පිළිබඳ ප්‍රවීනතාවයක් ලබා තිබුණි. රාජ්‍යයක් කෙතරම් විශාල වුවද සංස්කෘතික ලක්ෂණ සමානවන්නා වූ අති මහත් පිරිස දක්වා එය ඒකීය බව ඔහුගේ දර්ශනය විය. නමුත් කුඩා කුඩා ඒකක වෙන වෙනම පාලනය විය යුතුය.

එම කුඩා ඒකකයේ සීමාවල් දක්වා තිබුණි. එනම් එකිනෙකා දන්නා හඳුනන ප්‍රදේශයක් එම ඒකකය වීමය. ගම (ග්‍රාම) සංකල්පය එය විය. ගෝත්‍රික ලක්ෂණ වෙනුවට මෙකල ආහාර අවශ්‍යතා නිපදවා ගැනීම සිදුවීම නිසා එම නිෂ්පාදනය තුළ හා පරිභෝජනය තුළ එකිනෙකා දන්නා හඳුනන ප්‍රදේශය කුඩා ඒකකයේ සීමාව හා ප්‍රමාණය වුණි. පසු කලෙක ‘‘ගම් සබා’’ සංකල්පය බිහිවුණේ මේ මතයි.

ඉතිහාසය උගන්වන ඇදුරන් මහාවංශයේ එන ‘‘පණ්ඩුකාභය රජු ලංකාව පුරාම ග්‍රාම සීමා නියම කිරීම’’ යන පාඨය වරදවා ගෙන පණ්ඩුකාභය රජු විසින් ගම් සභා ක්‍රමය ඇති කෙරුණ බව ඉගැන්වීම හුදු කරුණු වරදවා ගැනීමක් පමණි. පුරාණ ග්‍රන්ථවලට අනුව ගම්සබා ඇතිකෙරුණේ බලි රජු විසිනි. මේ වනාහී සකස්කළ යුතු වරදකි.

 සම්ප්‍රදායික ප්‍රවීණ බලි ඇදුරකු වන ජේ.ඊ. සේදරමන් මහතාගේ සොයා ගැනීම පරිදි ‘‘බලි යාගය’’ ලොවට බිහිකරන ලද්දේ මහබලි රජු විසිනි. සූර්යයාගේ රශ්මිය ග්‍රහ තාරකාවන්ට වැදී පරාවර්තනය වීමේදී පෘථිවියට එම කිරණ ලැබෙන ආකාරයට අනුව ගස්වැල්වලට, සතුන්ට හා මිනිසුන්ටද බලපායි. අයහපත් කිරණ වලින් ලැබෙන නරක ප්‍රතිඵල වළක්වා ගැනීමට රූප නෙලා යන්ත්‍ර ඇඳ, ස්තෝත්‍ර කියා, බෙරවයා නැටුම් පවත්වා, සුවඳ දුම් අල්ලා පවත්වන පූජාවන් ‘‘බලිය’’ ලෙස හැඳින්වේ. ඉන් අදහස් වන්නේ අහස් සතර නොහොත් ජ්‍යොතිෂ්‍යය පිළිබඳ බලි රජු හොඳින් දැන සිටි බවය. දේව අධ්‍යාපනය තුළින් ලද අහස් සතර දැනුම ඔහු තම පර්​ෙ‌ය්ෂණ මගින් දියුණු කරගන්නට ඇත.

බලි රජු ගැන කතා කිහිපයක් තියෙනවා...

බලි නම් රජු මහා තපසකින් අති සුවිශේශී සෘධි බලයක් උපදවා ගන්නට සමත් වෙනවා , මේ අසමසම බලය නිසා මහත්සේ උදම් වන බලි සිතූ මනාපයට අධර්මවාදී වන්නට වනවා , දෙවියන්ට පවා බලි මේ ලබලා තිබුණු අසීමිත බලය මහත් ගැහැටක් වෙනවා නමුත් බලි ලබලා තිබුණු අසීමිත බලය හේතුවෙන් ඔහුට එරෙහිව සටන් වදින්න දෙවියන් පවා බිය වනවා , කොහොම වුනත් මීට කදිම උපායක් භාවිතා කරන ශ්‍රී විෂ්ණු දෙවිදුන් ඉතාමත්ම මිටි පුද්ගලයෙකුගේ නොහොත් වාමනයෙක් වන් ස්වරූපයකින් ලෝකයේ පහල වෙනවා , ඉන් පසු ඔහු බලි රජුව හමුවීමට යනවා , බලි රජු ඒ කාලයේ එක්තරා යාගයක් පුරමින් හුන්නේ, ඔහු ලගට පැමිණ යමෙක් යමක් ඉල්ලයිද , බලි රජු නිසැකයෙන්ම එය ඔහුට ලබා දෙනවා... මේ කියන වාමනාවතාරයෙන් පහල වුණු විශ්නු දෙවිදුනුත් බලි හමුවට යනවා, ඔහු ඉල්ලනවා තමන්ගේ අඩි තුනක් වැසෙන පරිදි බිම් කඩක් ඔහුට ලබලා දෙන්න කියලා, ඒ අහලා සිනහවෙන බලි රජු ඔහුට ඕනෑම තමන් කැමති තැනකින් අඩි තුනක් වැසෙන බිම් ඉඩක් ලබා දෙන්න පොරොන්දු වෙනවා... එසැනින් මේ කුරු වාමනයා මහා යෝධයෙක් වන්න ගන්නවා , අහසත් පොලොවත් වාතස්කන්ධයත් තම තුන් පියවරින් වසාලන වාමන අවසානයේ බලි රජුට පාතාලය හැරුණු කොට යන්නට වෙන තැනක් නොමැති කරනවා.

විශ්ණු පුරාණයේ සහ භග්‍යවත පුරාණයේ සදහන්ව ඇත්තේ බලිනම් අසුර රජ පැරදවීමට වාමන විශ්ණු දෙවියන්ගේ අවතාරයක් පැමිණි බවය. බලි තුන් ලෝකයම අත්පත් කර ගැනීමට සටන් වැදුන අතර හෙතෙම පරාජයට පත් කරන වාමනයන් බලිව පරාජයට පත් කර පාතාල ලොකයට පලවාහැරි බවත්ය.

මේක තවත් කතාවක්,

ඉතා අනුකම්පාසහගත හා උණුවන හදවතක් ඇති බලි රජුගෙන් පලිගැනීමට විෂ්ණු දෙවැනි වරට ඉදිරිපත් වූයේ තම පස් වැනි අවතාරය වන වාමනක (අඟුටුමිට්ටා) අවතාරයෙන් ඒමෙනි. ඉතා අසරණ වේශයෙන් ආ අඟුටුමිට්ටා බලි රජුගෙන් වර දෙකක් ඉල්ලා ලබාගති. තුන් වැනි වරය ඉල්ලූයේ රජුගේ හිස මත පය තැබීමටය. බගවත පුරාණයේ දැක්වෙන පරිදි මෙම අවස්ථාවේදී එකල වූ ශක්‍ර හා ඔහුගේ දියණිය වූ දේවයානි නොහොත් මන්දාතද බලි රජු සමග සිටියහ. ශක්‍ර කෑගසා කීවේ අඟුටුමිට්ටාගේ තුන් වැනි ඉල්ලීම නොපිළිගන්නා ලෙසය. නමුත් අනුකම්පා කළ රජු අඟුටුමිට්ටා සැනසීම සඳහා හිසට පය තැබීමට ඉඩදුණි. හිසට පය තැබීමෙන් අඟුටුමිට්ටාට සිදුවන යහපතක් නැති අතර රජුට ඉන් සිදුවන නින්දාව ගැන සලකා ශක්‍ර ඊට විරුද්ධ විය.

හිසට පය තැබූ වහාම අඟුටුමිට්ටාගේ අසරණ ස්වභාවය පහවී ගොස් ඒකාධිපති මැරවර ස්වරූපයක් ආදේශ විය. රජු තමාට යටත් වූ බැවින් තමා සමග යා යුතු බවට නියෝග කළේය. එසේ නැතහොත් දේව අධ්‍යාපනය ලත් චාරිත්‍ර දන්නා අයෙකු නොවන බවද ප්‍රකාශ කළේය. සටන් කර අඟුටුමිට්ටා මැඩ පවත්වා රජු නවත්වා ගැනීමට තරම් හමුදා සෙබළුන් හෝ ආරක්ෂකයෝ නොවූහ. මේ ගැන වඩාත් කම්පාවට පත්වූයේ ශක්‍ර පියා සමග සිටිමින් සිද්ධිය සියැසින් දුටු දේවයානීය සටන් කිරීම මගින් අනෙකා මැඩලීමේ ක්‍රමයක් නොතිබීම නිසා මෙය සිදුවූ බැවින් සටන් කිරීම හා විරුද්ධවාදීන් මැඩලීම තමා උගැන්විය යුතු බවට දේවයානී තදින් සිතට ගත්තාය. ඒ අනුව තීරණයක්ද ගත්තාය.
එසේ සිතාගත් ඇය උත්තම දරුවන් ලැබීමේ මාර්ගය වූ මුණිවරයකු සමග එකතුවී දරුවන් තිදෙනකු ලැබුවාය. මාලි, සුමාලි හා මාල්‍යවන්ත නමින්ද, තාරක සුරගුප්ත හා සිංහමුඛ ලෙස මෙම කුමරුන් තිදෙනා හැඳින්වේ. අජමුඛී නමැති දුවක්ද ලද අතර ‘‘අජමුඛ’’ වර්ගයේ ගුවන් යානාවක් ඇය සතුව තිබීම ඊට හේතුවය.

ගුවන් යානා හා මිසයෙල් පවා තිබී යුද සටන් කිරීමේ පුරුද්ද හෙළ අසුර අධිරාජ්‍යයේ නොවීය. හැමදෙනාටම අවශ්‍ය සියලු දේ තිබීම නිසා සටන්කර ගැනීමක් අවශ්‍යව නොතිබුණි. සංස්කෘතික අධිරාජ්‍යයක් නිසා සතුරන්ගෙන් රට ආරක්ෂා කර ගැන්ම ගැන නොසිතුවේ සතුරන් නැති නිසාය. නමුත් දැන් සතුරන් හා සටන් කිරීමත් ඔවුන් පලවා හැරීමත් පුහුණු කිරීම අවශ්‍ය වුණි.


කිකිළිය පහුරුගා දී තම පැටවුනට කෑම අහුලා කෑමට පුරුදු කළාසේ දේවයානියද තම දරුවන්ට යුද්ධය පුහුණු කළ බව පුරාණ ග්‍රන්ථවල සඳහන්ය. මහාමාර්ග නොතිබුණු මෙකල යුද්ධය සිදුවූයේ අහස්යානා මගිනි. පුරයන්ද වූයේ ඈතින් ඈතින්ය. බෝම්බ දැමීම පහරදීමේ එකම මාධ්‍යය විය. හින්දු ජනප්‍රවාදයේ එන පරිදි දේවයාගේ පියාවූ ශක්‍ර විසින් ඇත ඇත ඇත යනුවෙන් තුන්වරක් කියා තම දියණිය තවත් ඉදිරියට යාම නවතා ලන ලදී. එසේ ඇය නැවතුණු ස්ථානය ඇතැන්ස් බව ජනප්‍රවාදයයි. මේ ග්‍රීසියේ ඇතැන්ස් නොව පන්ජාබයේ පැවති ඇතැන්ස් නම් ස්ථානයකි. ග්‍රීසියේ ඇතැන්ස් යන ඇතීනා දෙවඟන සිටිතැනයි.

හෙළ ප්‍රවාදය

නමුත් බලි පිළිබද හෙළ ප්‍රවාදය වන්නේ බලි යනු අසුර ගෝත්‍රයට අයත් හෙළ රජෙක් බවය. ආර්යන්ගේ ආක්‍රමනයත් සමග හැකිලී ගිය ඉංදු හෙළයේ ප්‍රෙද්ශයන් ආර්ය ග්‍රහණයෙන් මුදවා ගැනීමට  සාර්ථකව සටන් මෙහෙය වූ පුද්ගලයෙක් ලෙසය. මෙසේ පැරණි හෙලයින්ගේ ආධාරයද ලබමින් ආර්යන් පරාජයට පත්කරමින් උතුරු ඉංදු හෙළයේ ආර්‍යයාගමනයට හා ඔවුන් ගේ වහවන් වූ ද්‍රාවිඩයන් සමග සටන්වැදි මෙහුගේ හෙළ සේනා මුලදී ආර්‍යයන් භීතියට පත් කරමින් සටන් වැදි නමුත් වාමනගේ ආගමනයත් සමග ආර්‍යාවෘතය හා බ්‍රහ්මාවෘතය අතරහැර විද්‍යා කදුවැටියෙන් දකුණටත්, ලංකාවටත් පසුබැසීමට සිදුවූ බවත්ය.

බාලි දූපත

උතුරු ඉංදු හෙළය අහිමිවීමත් සමග නැගෙන හිර දෙසට අවධානය යොමුකළ බලි රජ ඉන්දුනීසියාවේ කොටසක් අල්ලා ගත්තේය. විශේෂයෙන් බාලි දූපත් ආශීතව ජනපද කරනය කළ නිසා එම දූපත් බාලි රජුගේ නාමයෙන් හැදින්වීමට යෙදින.

බලිතොවිල්

බලි නම් යාග විශේෂය මෙම රජතුමන්ගේ සමයේ ආරම්භවූ බව පුරාවෘතවල සදහන්ය. මෙම රජුගේ රුවට සමාන රූපක් අඹා යාග තොවිලය සිදුකරන අතර මෙම සම්ප්‍රදාය හෙළ යක් දහමට එකතුවූයේ මෙතුමාගේ සමයේ බව කියැවේ. නවග්‍රහයන්ගෙන් සිදුවෙන්නාවූ අපල උපද්‍රව වලට පිළියමක් ලෙස මෙම බලියාග සිදුකරනු ලැබේ.

කොහොම වුණත් විශ්ණුවත් පරාද කරන්න පුලුවන් රජෙක් මේ පොළොවේ පහළ වුණා අවු.5000 කට පස්සෙ. ඔහු නමින් රවුලා හෙවත් දැන් වන තෙක් පහළ වූ අවසාන රාවණවරයා...