හෙළයේ සැඟවුණු ඉතිහාසය 🇱🇰 💯 🇱🇰 පළමුවන ගව්ව 📃

🦅 ඇත් කඳ ලිහිණියා 🦅

ආයුබෝවන් යාළුවනේ...!
ඕං මං මේ ලිපි පෙළේ පළවෙනි කොටසයි දැං ගෙනෙන්නේ.

" ඇත් කඳ ලිහිණියා " කියන මේ නම ඇහෙද්දී ඔයාලට මතක් වෙන්නේ මොන වගේ සත්වයෙක්ද ? මේ සත්වයා ගැන ඔයාල චිත්‍ර විෂය කරල තීනව නං අනිවාර්යයෙන්ම දන්නවා ඇති. නැත්තම් කවදහරි ඔයාලා " ඇම්බැක්කේ දේවාලය " බලන්න ගිහිල්ලා තීනව නං ඔයාල දැකලා ඇති. හරි අපි යමු කතාවට.

🧐 _ඇත් කඳ ලිහිණියා_ යනු කවරෙක් ද ? 🧐

ඇත්තම කිව්වොත් මට මේ සත්වයා ගැන කියන්න නං හුඟක් දේවල් තියෙනවා. නමුත් ඒවා විශ්වාස කිරීම නොකිරීම කියවන ඔයා සතුයි.

ජනවහරේ එන කතාවල සහ පුරාණ කලා නිර්මාණවල කියවෙන විදියට මේ සත්වයා *සත්ව එකතුවක්* 🦅➕🐘 කිව්වොත් නිවැරැදියි. හරියට අපි හැමෝම දන්න " මකරා " 🐉 වගෙයි. මේ පක්ෂියාට තිබිලා තීන්නෙ ඇතෙකුගේ හිසක් සහ රාජාලියෙකුගේ ශරීරයක්. ඒවගේම ඒ සත්වයා මාංශ භක්ෂකයෙක්. ඒත් ආහාරයට ගන්නෙ අලි - ඇතුන් ව්තරමයි. ආං ඒ විදියට ඇත් හිස සහ ඇතුන් ආහාරයට ගැනීම නිසා තමයි ඌට ඒ නම ලැබිලා තීන්නෙ. කතාවල කියන විදියට ඒ පක්ෂියාට හැකි උනාලු ඌගෙ කකුල් දෙකේම තිබ්බ නියපොතු දොලසෙන් ඇතුන් දොලසක් ඔසවන් ගියාලු. ඉතින් මං ආයෙ උගෙ ප්‍රමාණය කියන්න ඕනෙ නෑ නෙ.

🤔 මේ සත්වයා ගැන මිනිස්සු හොයන්නේ ඇයි ? 🤔

දැනටත් හිමාලයේ සහ ලංකාවෙ මධ්‍යම කඳුකරයේ වාසය කරනවා කියලා ජනකතා සාක්ෂි දරනවා. හැබැයි මෙයාගෙන් මිනිස්සුන්ට නං හුඟක් ප්‍රයෝජන ලැබුනා.

කතාවල කියන විදියට වසරේ එක්තරා කාලයකට පමණක් මොවුන් මළපහ බැහැර කරනවලු. දැං හිතන්න එපා එහෙම කොහොමද වෙන්නෙ ? , උන්ට මළබද්දයද ? වගේ මෝඩ ප්‍රශ්න. ☝🏻😁 මෙය හුදෙක්ම ජනශ්‍රැතියයි.💯 ඒ මළපහ ඔවුන් සිතාමතාම එක් කරන්නේ ගලා යන දිය පාරකට හෝ මුහුදටයි. එවිට කවදා හෝ ඒවා මුහුදු ජලය සමඟ එක් වූ විට මුහුදු ජලයේ ඇති රසායනිකයක් සමඟ එක්වී කළු පැහැති ඉතා ශක්තිමත් වූත් මිල අධික වූත් එක් ද්‍රව්‍යයක් බවට පත්වෙනවාලු. ඒත් ඒවා මූහුදෙන් ගොඩ ගහන්නෙ හරිම කළාතුරකින්. ඒවා මුහුදෙන් ගොඩ ගහන කාලෙට මුලු පළාත පුරාම හරිම අමුතු සුවඳක් පැතිරෙනවලු. මං මුහුද ආසන්නයේ සිටින නිසා මේ ගැන අහලා තියෙනවා. ඒවට අපේ පැත්තෙ මිනිස්සු කියන්නේ " *අම්බර බෙටි* " කියලා. ඔය අම්බර කියන වචනෙ ඉතා වටිනා , ඉතා දුර්ලභ කියන එකලු. ඒවා වලින් වටිනා සුවඳ විලවුන් සහ වටිනා ඖෂධ වර්ග හදන්නත් පුලුවන්ලු.

අපේ ලොකු සීයා කියන විදියට එයාගෙ අප්පච්චිට හම්බුනාලු ඔව්වා. එයා ඒවා හොඳ ගානකට විකිණුවලු. මොකද , අපේ පැත්තෙ තීන එක මතයක් තමයි ඒවා ගෙවල්වල තීයා ගන්න හොඳ නෑ කියන එක.

🧐 තවත් මතයක් ! 🧐

තවත් මතයක් තමයි ඔය අම්බර බෙටි කියන්නේ තල්මසුන්ගෙ , විශේෂයෙන්ම නිල් තල්මසුන්ගෙ ආමාශයේ සෑදෙන අර්ධ ඝන ද්‍රව්‍යයක් ලු. ඒක උන් මැරුණට පස්සෙ ඒවා මුහුදු ජලයේ ඇති රසායනික ද්‍රව්‍යයක් සමඟ එක් වී ඔව්ව බවට පත් වෙනවා කියලා. මාත් පිළිගන්නේ ඕක තමයි. මොකද , ඒක පිළිගන්න තීන සම්භාවිතාව ⚖ ️වැඩි නිසා මිසක් ජනශ්‍රැති හෑල්ලුවට ලක් කිරීමට නොවෙයි.

හරි යාළුවනේ... ඔන්න ලිපිය ඉවරයි. මං තවත් දවසක තවත් ලිපියකින් එංඤ්ඤංකෝ...

රත්නත්තරේ පිහිටයි..!

ස්වස්ථි සිද්ධම්

✍️ ලිව්වේ ,
Funny Mike
( විෂාල් රවිශාන් )