🐻👹️ රිටිගල ජයසේන 👹️🐻

රිටිගල ජයසේන නම අහලා පුරුදු නැති වුණාට මේ කතාව ගෙතෙන්නෙ හොඳට දන්න කෙනෙක් වටේ. ඒ මහා සෝන නම් ප්‍රසිද්ධ යෝධ යක්ෂායායි.

🚫මුලින්ම තියෙන්නෙ උපුටාගැනීමක්, ඒ නිසා අන්තිම වෙනකන් කියවන්න...

ලංකා ජනශ්‍රැතියේ අපිට ඉන්න යක්ෂයන් අතරින් ජනප්‍රියම යක්ෂයා කවුරුද ඇහුවොත් ඕනම කෙනෙක් කියයි
"" මහසෝනා ""
කියල..!

ඔව් ඒක හරි එයා තමයි ජනප්‍රියම කෙනා. ඒකට අතීතයේ ඉඳලම ආව හේතු ගනනාවක් බලපානව.ඒ හේතු පිලිවෙලට ගත්තොත්
අංක එක වෙන්නෙ එයාගෙ දරුණු කම ගැන සමාජයේ පැතිරිලා තියෙන මති මතාන්තර..එයා බොහොම දරුණු අනුකම්පා විරහිත කෙනෙක්.
ඒ වගේම අංක දෙකට එන්නෙ එයාගෙ උප්පත්ති කතාව.
ගාමිණී අභයගෙ සෙන්පතියන් දෙදෙනෙකු වෙච්චි ගෝඨයිම්බර සහ රිටිගල ජයසේන අතර ද්වන්ද සටනත් ඒ සටනින් පරාජය උනු ජයසේන මහසෝන් යක්ෂයා බවට පත්වුනු කතා පුවතත් නොදන්න සිංහල පොඩි එකෙක් ලංකාවේ ඉන්නව නම් ඌ අකලට හැදිච්ච එකෙක් වෙන්න ඕන ( අකලට හැදෙන උන් ' යන වචනය පහත් වචනයක් නොවෙයි. බෞද්ධ දර්ශණය සමග එන ගැඹුරු තේරුමක් සහිත වචනයකි.)

තුන්වන කාරණය තමයි යාග හෝම බලි තොවිල් තවමත් ජනප්‍රිය ලාංකීය ගැමි සමාජයේ යාග හෝම බලි තොවිල් අනවින බන්ධන සහ පිල්ලි යැවීම වැනි දේවල් වලටත් වැඩිපුරම ගෑවෙන නමක් තමයි මේ මහසෝන් යක්ෂයා..
ඒක තමයි ජනප්‍රිය වෙන්න හේතු උනු ප්‍රධානම කාරණා තුන.

ඒත් තවත් විදියකට ගත්තොත් අංගම් ශාස්ත්‍රයට උරුමකම් කියන ප්‍රධාන අංගක් කාරයෙක් වූ රිටිගල ජයසේන නොහොත් මහසෝනා මහසෝන් උත්තමයා ලෙසින් සලකා වන්දනාමාන කරන පිරිසක් අප අතරම ඉන්නව.
වැදි ජනයා කන්දෙ යකා කියල කියන්නෙත් මෙයාටම තමයි..
ඒ වගේම මහසෝනා ට ලේ ගොටුවක් පුද දෙන දඩයම් චාරිත්‍රයක් අතීතයේ සිට පැවත එනවා. විශේෂයෙන් නොයෙක් ස්වරූපයන් ( දස අවතාර ) මවාගෙන මිනිසුන් ඉදිරියට පැමිණෙන බව කියන මහසෝනාගේ කාල වර්ණ සුවිසල් බලු අවතාරයත් වලස් අවතාරයත් මොහොතින් මොහොත උස යන කලු පැහැති මිනිස් රුවත් බොහෝම ප්‍රසිද්ධ මහසෝන් අවතාරයේ ආකාර තුනක්.

මෙයාගේ නවාතැන තමයි සොහොන් භූමිය.
යකැදුරන් මෙයා සමග කටයුතු කරද්දී බලි බිලි දීම අනිවාර්යෙන් කරන දෙයක්.

ඔය උපුටාගැනීමක් (එයාගෙ නම සඳහන් කරලා නම් නෑ)...දැන් මං කියන්න යන්නෙ මගේ කතාව...
_උපුටාගැනීම අවසන්_


🔰 ඒ තමයි රිටිගල ජයසේනගෙ කතාව... ඔහු දුටු ගැමුණු සේනාවේ හිටිය බලවත්ම සෙන්පති කෙනෙක්. දන්නවත් ඇති ඒ ගැන. කරවිට නම් ගමේ තිස්ස කියන ගම් ප්‍රධානියාගේ පුතෙකු තමයි මේ ජයසේන කියන්නේ. ඔහු පවුලේ අටවෙනියා.  අවුරුදු හතක් විතර වෙනකොට මේ ජයසේනත් නන්දිමිත්‍ර වගේම බොහෝම දැඩි කාය ශක්තියක් පෙන්නුම් කල දරුවෙක් වුණා.

ඔහුට වඩා උසින් වැඩි තල් පැල පවා උගුලා දමන්නට හැකියාවක් තිබූ අයෙක් තමා ජයසේන කියන්නේ.  තරුණ වියට එළැඹෙන විට පොල් ගස්, තල් ගස් වලට තම බාහුවෙන් ඇන පෙරළා දමන්නට තරම් ඔහු සමතෙක් වුනේලු.

කාවන්තිස්ස රජතුමාට ඔහු ගැන සැලවීමෙන් පසුව දෙමාපියන්ට බොහෝ තෑගි බෝග දී ජයසේන රජවාසලට ගෙන්වා ගත්තා.

විජිතපුර සටනේදී බාහුවෙන් ඇන පව්ර බිද, තල් ගසක් උදුරාගෙන එයින් සතුරාට පහර දුන්නා.  ඔහු මෙසේ මව් රටට විශාල සේවයක් කලා.


මේ රිටිගල ජයසේන , මහා සෝන වුණේ කොහොමද ?

ගැමුණු රජ්ජුරුවෝ එලාර රජුව පරදලා ජයගත්තට පස්සේ ගෝඨයිම්බර යෝධයා අලුත් නිවසක් තනා ගෙට ගෙවදීම නිමිත්තෙන් ඉතා විශාල උත්සව‍යක් සංවිධානය කරලා ගොඩාක් අයට මේ උත්සවයට ආරාධනා කලා.
සාදයේ මුලදීම ගෝඨයිම්බර මත්පැන් නිසා මත් වීම නිසා ඔහුගේ බිරිද සෝනා කුමරිය පැමිණි අය පිලිගන්න රාජකාරිය කලේ.

ඒ අසලින් එදා ගමන් කරපු ආරාධනයකින් තොරව එකවිටම මැදිවිය ඉක්මවු කලු ඇගපත මනාව වැඩුනු පුද්ගලයකු සාදය‍ට පැමිණි අතර කුමරිය මේ හැඩරුව පවසමින් ඒ බව ගෝඨයිම්බරයා පැවසු අතර කියු හැඩරුව අනුව එකවිටම ඔහු හදුනා ගත් ගෝඨයිම්බරයා ඔහුව පිලිගෙන සංග්‍රහ කරන ලෙස සෝනා කුමරියට අණ කලා.

ඒ වෙන කිසිවකු ‍නොව නම ඇසු පමණින් බොහෝ දෙනා බිය සලිත වන රිටිගල ජයසේනය.රිටිගල ජයසේන යනු ගැමුණු කුමරුන්ට ජය පතා යක්ෂ සේනාව මෙහෙය වු ඇතුන් 10 ශක්තිය ඇති සේනාධිපති තුමායි.‍‍

ගෝඨයිම්බර ‍සෙනවිත් මේ ජයසේනට සාදයේ හොද හැටි කෑම බීම දී සැලකු අතර මධුවිතෙහි ප්‍රමාණය වැඩි වු විටම සියල්ල අමතක වු ජයසේන එකවිටම සිතට ආ අදහසකට සෝනා කුමරිය වැලද ගත්තේය. එකවරම මෙය දුටු ‍ගෝඨයිම්බර සෙනවියාට තරු විසිවුනු අතර ජයසේනට අසැබි වචනයෙන් බැන වදිමින් තම නිවසින් යන ලෙස තර්ජනය කරන ලදි.

රිටිගල ජයසේන ඉතා ලැජ්ජාවට පත් වුනු අතර තරහත් සමඟම ගෝඨයිම්බරයා තමාට කිසිම අභියෝගයක් නැති බවත් සතියකින් තම්මැන්නා සුසාන භුමියේ දී හැකි නම් ද්වන්ධ සටනකට එන ලෙසත් උත්සව සභාවේදීම ඉතා සැරවැරයෙන් කියා සිටි අතර ‍ ගෝඨයිම්බර ‍සෙනවිත් බිමතින්ම ජයසේන තමාට කිසිදු අභියෝගයක් නොමැති බවත් කඩුවකින් නොව තමාගේ වම් පයේ සුලැගිල්ලෙන් ජයසේනගේ හිස ගසා දමන බවත් මහ හඩින් උත්සව සභාව මධ්‍යයේ බහින් බස් විය.

මේ ආරංචිය දැනගත් ගැමුණු රජු වහාම මේ සටන නවත්වා දමන ලෙස අණ කලත් තම අභිමානය තමන්ට සිදුවු ලජ්ජාව මකා ගැනීමට අනිවාර්යයෙන් මේ සටන පැවතිය යුතු බව දෙදෙනාම පවසා ඇත.

සටනට දිනය පැමිණි අතර සටනට පෙර දා හොදින් මත්පැන් බී සටන දාත් දවල් වන තුරු නිදමින් සිටි ගෝඨයිම්බරයාට එකපාරම තම අභියෝග කල සටන මතක් වු අතර කෑම බීමද අමතකව ඇද සිටි සළුව තදින් ගැ‍ට ගසා උතුරු සළුව හිසේ ජටාවක් ලෙස බැදගෙන සොහොන් බිමට දිව යන්නට විය.

ඒ වන විටත් රිටිගල ජයසේන ලෝහ සන්නායකයක් පැලද සිටිමින් මනාව සටනට සුදානම් වී සිට අතර ඔහු හතර රියන් උස පුද්ගලයකු වු අතර ගෝඨායිම්බරයා ඉන් හරියටම අඩක් උස විය.

ගෝඨයිම්බරයාගේ සහායට සටන නැරඹීමට පැමිණි අය මෙය දුටු සැනින් ම බෝහෝම දුකට පත්වුයේ ගෝඨයිම්බරයා පරාද වේවි යන හැගීම බොහෝම දෙනාගේ සිතට ආ නිසාය.

තම මිතුරාට ආචාර කල ගෝඨයිම්බර සටනට පිවිසිය. ආචාර කිරීමත් සමඟම හිස ඔසවා සතුරා හෙවත් ජයසේනයාගේ මුහුණ බැලු ගෝඨයිම්බර ඇසිපිය ගහන සැනින් අහසට පැන ජයසේනගේ නිකටට තම වම් ප‍යෙන් දැඩි පහරක් එල්ල කලේය.

එක විටම අන්ද මන්ද වු ජයසේනට තමා නමස්කාර කරන සෙනසුරු දෙවියන් සිහිවන විටම හිස කදින් වෙන්වී රිටිගල පැත්තේ කරඔ ගසක රැදී ඇත.

(අද එම ස්ථානය ඔළුකරදන නම් වේ)

මෙය එක විටම දුටු, දැනුන සෙනසුරු දෙවියන් කලබල විම නිසා කල් යල් බලා මනාව වැඩකරන සිරිතද අමතකව ගොස් වහා පැමිණ එවේලෙහි සොයා ගත් වලසකුගේ හිසක් ගෙනවිත් ජයසේනයාගේ හිස නැති සිරුරට දිවි බේරා ගැනීම සඳහා සවි කරන ලදි.

(එම වලසා සොයා ගත්තායයි පැවසෙන්නේ ත්‍රිකුණාමලය මරතඩිය හන්දිය අසල පිහිටි සෙනසුරු කෝවිල් භුමියෙන් ලු)

හැම විටම සිතා මතා වැඩකරන සෙනසුරු දෙවියන්ට කලබලයට ජයසේනයාට වලස් හිස සවිකර ඇත්තේ මුහුණ පිටුපසට සිටින ලෙසය.

(පහතරට මහසෝන් නැටුමේදී ද හිස පලදිනු ලබන්නේ පිටුපසටය)

එලෙස නැවත පන ලැබු ජයසේන එදා සිට රියන් 81 ක් උස ඇස් 03 හා අත් 04 ඇති රතු ඇදුමින් ද කළු පාට ශරිරයෙන් යුතුව යෝධ ඌර වාහනයකින් ගමන් කරන මහසෝන් යක්ෂයා බවට පත්විය. මොහුට අවතාර 05 ක් ඇති බවද සදහන් වේ.

එනම්,
එළුවකු වාහනයක් කරගත් “ලේ සොහෝන් යක්ෂයා”
මුවකු වාහනයක් කරගත් “අමු සොහොන් යක්ෂයා”
අශ්වයා වාහනය කරගත් “ජය සොහොන් යක්ෂයා”
බැටළු වාහනය සහිත “මරු සොහොන් යක්ෂයාද”
අලියකු පිට යන “ගොළු සොහොන් යක්ෂයාද”

මේ මහසෝන් යක්ෂයාගේ පංච අවතාර වේ.

වෙසමුණි රජු මහ සොහෝන් යක්ෂයාට දෙගාත ( මිනිස් හා කුකුළු ) බිලිපුද ලබා ගැනීමට අවසර දී ඇත. සුසාන භූමි කදු මුදුන් හා ගිරිහෙල් වාසස්ථාන කර ගත් බුදු අණටද යටත් නොවේ යයි පවසන මහ සෝහෝන් යක්ෂයා ගෝඨයිම්බර දැහැනට පමණක් අවනත වන බව පැවසේ.
(ඒ ගැන නම් විශ්වාස කරන්න අමාරුයි නේද? මොකද බුදු අණට සියල්ලන්ම යටත් වන බැවින් කියලා මට හිතෙනවා)

රිටිගල දැනට උගන්වන රිටිගල විශුද්ධි අංගම් ශාස්ත්‍රය නැත්නම් අපි අහලා පුරුදු සුදලිය අංගම් පොර පරම්පරාවේ ද උරුමක්කාරයා එය රිටිගල පරපුරට ලබා දී ඇත්තේ මේ රිටිගල ජයසේන සේනාධිපතියායි. එය අදටත් එම ප්‍රදේශයේ උගන්වනු ලබයි. මේ සුදලියේ පරම්පරාව අදටත් මහාසෝන විසින් සුරකින බවයි සත්‍ය.

සොහොන් පිටි ළඟ, තුං මං හන්දි මැද ගැවසෙන්න ප්‍රිය කරන මහසෝන් යක්ෂයාට බිලිවුණු කෙනෙක්ගේ උරහිසේ, ඔහුගේ අත්ලේ පහර තියෙනවා කියලා, ගැමියන්ගේ අදහසක් තියෙනවා. “මහසෝනා ගහලා මලා" කියන්නේ එහෙව් වෙලාවට ලු. ඒ විතරක් නෙවෙයි, කෙනෙක්ගේ ඇඟට ආවේශ වෙන්නත් මේ යකාට හැකියාව තියෙනවා ලු. ඒක තමා වැඩි හිටියෝ කියන්නෙ මහාසෝන කියන නම තුන්පාරක් හඬ ගා කියන්න එපා කියලා... මොකද ඔහුගේ බැල්ම එතකොට එම පුද්ගලයාට වැටෙනවා කියලා ජනප්‍රවාදයක් ගැන මං අහලා තියෙනවා.

🍁♾☀️ හෙළ තාක්ෂණය ☀️♾🍁 ⚕️🔱10 වන කොටස (යකා)🔱⚕️

හෙළ තාක්ෂණය ලිපි පෙළේ අවසාන ලිපිය තමයි මේක. නමුත් දුක් වෙන්න එපා. ඉස්සරහට හෙළයන්ගේ විද්‍යාවන් ගැන වෙනමම ලිපිපෙළක් ගේන්න මං බලාපොරොත්තු වෙනවා මේ උවදුරු සමය ඉවර වුණාට පස්සෙ. ඒක නම් කොටස් දහයකින්වත් ඉවර නොවෙන බව නොඅනුමානයි. එහෙනම් අපි අවසානයට යමු...

යකා... කිව්වාම මතක් වෙන්නෙ බොහෝ දෙනාට, උල් දත් තියෙන කැත පෙනුමක් තියෙන, නොපෙනීයන්න පුලුවන් බලයක් සහ විවිධ නානාප්‍රකාර බලයන් ඇති භෞතික නොවන ජීවීන් කොට්ටාසයක්... නමුත් මං කියන්න යන්නෙ ඒ යකා ගැන නෙමේ. අද සමාජයේ බොහෝ මං දැකලා තියෙනවා අපි යක්කු බොලව් කියන වචන පෙළ පාවිච්චි කරනවා. සමහරු ඇත්ත දැනගෙන පාවිච්චි කරනවා තවත් සමහරු ඇත්ත නොදැන ඒක පාවිච්චි කරනවා. ඇත්තටම යක්කු එහෙමත් නැත්තං යක්ක(යක්ෂ) ගෝත්‍රය කියන එකේ තේරුම තමයි සූර්‍ය වංශිකයන් යන්න. යක්කයෝ කියන්නේ සූර්‍ය වංශිකයන්ට නම් අද මං කතා කරන්න යන යකා කියන්නෙ පෘථිවියේ බල මූලාශ්‍රය හෙවත් සූර්‍යයා ගැනයි...

☀️ ඉතිහාසය ගැන කතා කරන හැම අවස්ථාවකදිම, තාක්ෂණය ගැන හොයන හැම අවස්ථාවකදිම අපිට නැවත නැවත පුන පුනා හමුවෙන දේ තමා සූර්‍යයා. සූර්‍ය ශක්තියේ බලය කියා නිමකළ නොහැකි තරම්‍ ය. ඒ තරමටම අතීත හෙළයා සූර්‍යයාගෙන් ප්‍රයෝජන ගත්තේය. යක්කු වගෙ වැඩකරන්නත්, ලොවම විශ්මයට පත් කළ යක්ෂ වැඩ කරන්නත් අපේ යක්කුන්ට හැකි වුණේ සූර්‍ය ශක්තිය අවබෝධ කරගෙන එයින් වැඩගත් නිසාය.

බ්‍රහ්ම මූර්තියෙන් අවදි වී සූර්‍ය නමස්කාරය කර දවසේ වැඩ කටයුතු ආරම්භ කිරීමට හෙළ යක්‍ රජවරු පවා උනන්දු විය. එය වන්දනාවක් නොවේ. කෘත ගුණ දත් මහා හෙළ ජාතිය මහා යක් රජුට(සූර්‍යයාට) කළ කෘත ගුණ දැක්වීමයි.

🔰රාවණ රජතුමාගේ කාලයේ නර්තනය පිළිබඳ දැනීමක් හා තෙල්මේ නැටුම ද තිබී ඇත. මෙම නැටුම විශේෂයෙන් දැකිය හැක්කේ සූර්යාට කළගුණ සැලකීමක් වශයෙන් කරන සූර්ය වන්දනා උත්සවයක දී ය. අද උත්සව අවස්ථාවන් හිදී ද දැකිය හැකිය. අතීතයේ එය අපේ රටේ තිබූ බව ද පිළිගනී. රාවණ පරපුරෙන් පැවත එන විශ්ව බ්‍රාහ්මණ, සූර්ය වංශ, යක්හෙළ, විශ්වකර්ම, නවන්දන්නා නමින් හඳුන්වන මේ සඳහා නටන නැට්ටුවා සූර්යයාට වැඳගෙන පෘථිවියේ ආනතියට සමාන ආනතියකින් යුතුව (ඇළවී) තමා වටා කැරකෙමින් සූර්යා වටා ද කැරකෙයි. ඒ අනුව සූර්යා වටා පෘථිවිය කැරකෙන බව රාවණ රජතුමා මුලින්ම සනාථ කර ඇති බව මෙමගින් කිව හැකිය. 1980 වසරේ චීන මහජන දින සංස්කෘතික උත්සවය කොළඹ දී පැවැත්වුණේ ජෝන් ද සිල්වා සමරු රඟහලෙහිය. චීන තානාපතිතුමා ප්‍රධාන අමුත්තා විය. අවසානයට පැවැත් වූයේ තෙල්මේ නැටුමයි. එය ඉතා ආකර්ෂණීය හා වේගවත් විය. එම රංගනය අවසානයේ සංදර්ශනය ද අවසන් විය. රංගන ශිල්පීහු වේදිකාවට විත් සභාවට ආචාර කළහ. මැද සිටි තෙල්මේ රංගන ශිල්පියාට තානාපතිතුමා විසින් මල් කලබක් පිළිගැන්විණ. තානාපතිතුමා එය ශිල්පියා අතට නොදී දෙපා මුල තබා බිමටම පාත් වී වැඳ ආචාර කළේය. මුළු සභාවම පුදුම විය. නමුත් එය එසේ සිදුවිය. එදා එම සභාවේ සිටි අය මීට සාක්ෂි දරති. හිස නොනමන අභිමානවත් චීන ජාතිකයාට එදා එසේ වීම අබිරහසකි.

🔰 එමෙන්ම සූර්‍යයා ගැන කතා කරන විට කතා නොකරම බැරි මාතෘකාවක් වන්නේ සිංහල අලුත් අවුරුද්දයි. මේකට පසු කාලෙක සිංහල හින්දු අලුත් අවුරුද්ද කියා කියනවා. මෙය සිදුවුණේ රාවණ ශිව වන්දනා කළ නිසා බව අරිසෙන් අහුබුදු ශූරින් යටගිය වංශය කෘතියෙ දක්වලා තියෙනවා. නමුත් වන්දනා කළ ශිව යනු දෙවියෙක් නොවේ. ශිව යනු සූර්‍යයාගේ ත්‍රිමූර්තියෙන් එක් ආකාරයක් වන අග්නිය. රාවණ වැනි මහා සක්විත්තන් නමස්කාර කළේ හින්දු දෙවියෙක්ට නොව සූර්‍යයාගේ ත්‍රිමූර්තියෙන් එකක් වූ ශිවනම් අග්නි ශක්තියටයි. මෙය පසු කාලීනව වරදවා වටහා ගත් පුද්ගලයන් අලුත් අවුරුද්දට හින්දු සංකල්පයක්ද එකතු කළේය. මෙය සම්පූර්ණයෙන්ම වැරදි මතයකි. මෙය සිංහලයන්ගේ අලුත් අවුරුද්දයි. අලුත් අවුරුදු සමය ගැන කතා කරනකොට ඒ හා බැදුණු තවත් එක් දෙයක් තියෙනවා. ඒ තමයි මේ වසන්ත කාලේ. වසන්ත කාලේදි ගස්වල ගෙඩි හැදෙන එක නවත්තන්න කාටවත් බෑ. මොකද මේ කාලයට සූර්‍යයාගේ රතු සහ නිල් වර්ණවල කිරණ පෘථිවියට ලැබෙනවා. මෙම රතු සහ නිල් වර්ණ නිසයි ගස්වල මල් ඵල හටගැනීම සිදුවන්නේ. සූර්‍යයාගේ මෙම කිරණ නිසා මල් ඵල හටගැනීම සිද්ධ වන බව බටහිර විද්‍යාවෙන්ද සනාථ කරගෙන තියෙනවා. ඔවුන්ට අවුරුදු දහස් ගණකට කලිනුයි හෙළයා මේක හොයාගත්තේ. ඒ වගේම සූර්‍යයාගෙ කොළ(නිල් සහ කහ) වර්ණය ලැබෙන කාලයේදී ගස්වල කොළ හටගැනීම වේගවත්වන අතර, කහ වර්ණය ලැබෙන කාලයේ ගස උසින් වැඩෙයි. එසේම ගසක අතුබෙදීම සිදුවන්නේ සූර්‍යයාගේ තැඹිලි(රතු සහ කහ) වර්ණය ශාකතුළට ලැබෙන කාලයටය. මෙම ක්‍රියාවලීන් වර්ගපූර්ණිකාවේ අති දීර්ඝ ලෙස විස්තර කර තිබෙනවා.

ඉතිං ලංකාවටම ඇයි සූර්‍යයා මෙතරම් විශේෂ වන්නෙ?

පෘථිවියේ සමහර ස්ථානවල බලගතු ශක්ති ධාරා දුවනවා. ඒ ශක්තිය නිසා එම භූමිවලට ජය හිමිවෙනවා. ඒවා ජයභූමි ලෙස හදුන්වනවා. එසේ නොවන භූමි ප්‍රේතාත්ම, භූතාත්ම අරක් ගන්නවා. ඒවා ප්‍රේත භූමි ලෙස හඳුන්වනවා. ඒවාට හිමිවන්නෙ පරාජයයි. බලගතු ශක්ති ධාරාවක් දුවනවා කියලා හොයාගන්නත් විධි තියෙනවා. පෘථිවිය හරහා වැටෙන මුල්ම සූර්‍ය මධ්‍ය රේඛාව එහෙමත් නැත්තං අදකාලේ භාෂාවෙන් කිව්වොත් සමකය, වැටෙන්නෙ අපේ භූමිය, සිංහලය හරහා. ඒ නිසා ලොව බලවත්ම භූමිය මතයි ඔබ පය තබා ජීවත් වෙන්නෙ. ආඩම්බර වෙන්න නෙමේ කිව්වේ. ඒකෙන් ප්‍රයෝජන ගනින්. කෙනෙක්ට මෙහෙම ප්‍රශ්නයක් එන්න පුලුවන්.

සමකය තියෙන්නෙ ලංකාවට පහළින්නෙ?

ඔව් සමකය තියෙන්නෙ ලංකාවට පහළින් තමයි. නමුත් ඔබට අමතක වුණාද අංශක 23 1/2 ඇලය... ඒ කියන්නෙ ඔය දැන් තියෙන සමකය වැරදියි, බටහිර ජාතීන්ගේ සමකය වැරදියි. සමකය වැටිලා තියෙන්නෙ අපේ රට හරහා. සුර්‍යයාගෙ පළමු කිරණ වැටෙන්නෙ අපේ රටට. අන්න ඒ නිසා මං ඉස්සෙල්ල කිව්ව බලවත් ශක්ති ධාරාව මේ පොළොවේ දුවනවා. ඊරිණි(මෙම ශ්‍රේෂ්ඨ රජු ඉරාණය නම් අධිරාජ්‍යයක් ගොඩ නගා එය පාලනය කළේ ලංකාවේ සිට බව සොයාගෙන තිබේ. මොකද ලංකා භූමියේ ඇති බලවත් භාවය නිසා. ඔහු ද හෙළ රජෙකි. අද ඇති ඉරාණය යුද්ධයකින් පාරජය කරන්නට නොහැකිවන්නේ තවමත් ඊරිණි රජුගේ තාක්ෂණය ඔවුන් සතු නිසා බවයි මාගේ මතය), කසුබු, බලි, තරු, රාවණ , ගැමුණු රජවරු ශ්‍රේෂ්ඨ අධිරාජ්‍යය බිහිකරන්නට භූමියේ බලවත් භාවය බලපෑ බව නොරහසකි. අන්න එහෙව් පිංබිමක් උඩ පය ගහලා හිටගෙන රාවණ මිථ්‍යවක් කිය කිය ගොන් කතා කියන්නෙ මං අර ඉස්සෙල්ල කිව්ව ප්‍රේත භූමිවල ඉදන් පැවතෙන උන්.😂


🔰 සූර්‍ය ශක්තිය අවශෝෂණය කරගන්න පුළුවන් එකම එක ජීවින් වර්ගයයි මේ ලෝකේ ඉන්නෙ. ඒ තමයි ශාක. නමුත් අජීවි දේවල් තියෙනවා සූර්‍ය ශක්තිය අවශෝෂණය කරගන්න හැකි සහ ගබඩා කරගත හැකි. ඒ තමයි පළිඟු. මේ දවස්වල යන රාවණ ටෙලි නාට්‍යයෙත් සුමාළි රජුගේ භූගත මාළිගය අභ්‍යන්තරයට සූර්‍යයාලෝකය ගෙනයන්නෙ මේ පළිඟු හරහා. මෙහෙම පළිඟුවල ආලෝකය ගබඩා කරගන්න පුලුවන් විදියක් ගැන මේ ගෲප් එකෙ ඉන්න සිතුමිණි අක්කා මට කියලා දුන්නා. ඒ තමයි පළිඟු කියන පාෂාණ විශේෂය ද්වීපිරමීඩ ආකාරයට ඔපමට්ටම් කරල එක පැත්තකින් කපල මැද කුහරයක් ලෙස සිදුරු කර ගන්නවලු. ඊට පස්සෙ මාස 6ක් විතර ඒ සිදුර පැත්ත හිරු එළියට නිරාවරණය කරනවලු. ආලෝකයේ ක්වොන්ටම් ශක්තිය ගබඩා කරල තියා ගන්න පුලුවන්ලු පළිඟු වලට. පස්සෙ ආලෝකට අඩු තැනකදි ඒ ක්වොන්ටම් ශක්තිය ආපහුම ආලෝකය වෙලා පළිඟුවේ ඔපදැමීම මත විහිදිලා යනවලු. ඔන්න ඔහොමයි පළිඟුවක ආලෝකය ගබඩා කරලා තියෙන්නෙ. පළිඟුවක සූර්‍ය ශක්තිය ගබඩා කරලා ඒවා විවිධ වියළි කෝෂ(බැටරි) ආකාරයටත් භාවිතා කරලා තියෙනවා. මේකට හොඳම උදාහරණය තමයි දඩුමොණරය. දඩුමොණරයේ බොහෝ කාර්‍යය සිද්ධ වුණේ සූර්‍ය ශක්තිය ගබඩා කළ පළිඟු මගින්. දඩුමොණරය බලගැන්වීම, සතුරු යානයට ප්‍රහාර එල්ල කරන ලේසර් නිපදවීම, සූර්‍යයාගෙ අහිතකර කිරණ පළිඟු තුළට අවශෝෂණය කරගෙන යානයේ ගමන් ගන්නන් ආරක්ෂා කිරීම, යානයේ ප්‍රති ගුරුත්ව පද්ධතිය ක්‍රියාත්මක කිරීම පවා සිදුවුණේද පළිඟු හරහායි. මෙම පළිඟු ආරෝපණය කළ හැකි තවත් ආකාරයක් තියෙනවා. ඒ තමයි හඬ. නිෂ්චිත හර්ට්ස් ගානක් පළිඟුවට ලබා දීම තුළින් ද පළිඟුවක් ආරෝපණය කළ හැක. මෙසේ යම් යම් ක්‍රමවලින් ආරෝපණය කරගන්නා පළිඟු වෙදකමටද යොදාගනී. ඒවයින් රෝගයක් සුව කිරීම ඉක්මන් කළහැකි බවයි පරම සත්‍ය...


🔰 සූර්‍යයාගෙ තවත් අනන්තවත් ප්‍රයෝජන හෙළයා ගෙන ඇත. මේ හේතුවෙන් සූර්‍යයා යන අර්තය ඇතිව අපේ ජාතියට හෙළ යන නම ලැබී ඇත. අප හෙළයන්ද යක්කුන්ද වන්නෙ සූර්‍යයා නිසා බවයි සත්‍ය. සූර්‍ය ශක්තිය අවසන් වූ දවසක ලෝකයේ පැවැත්මද අවසන් වන බව අද බටහිර විද්‍යාව විසින් පිළිගෙන ඇත...




⚕️☀️ යකා නිමි. ☀️⚕️



🔱 21 වැනි සියවසේ තාක්ෂණය (අනුන්ගේ) ගැන අද අපි උදම් අනමු. පොළොවෙන් යකඩ හාරා වානේ නිපදවා ඉදිකට්ටක් හෝ අල්පෙනෙත්තක් පවා නිපදවීමට අද අපගේ මෙම විද්‍යාඥයන්ට හා විශාරදයන්ට නොහැකි වී ඇත. එදා මී හරක් බාන හා නගුල ඇසුරින් බත නිපදවූ ගොවියා අද ඇමෙරිකන් (FAO) තාක්ෂණයට ගොස් රජරට වකුගඩු රෝගයක් සාදාගෙන 38,000 ක් මියගොස් 4 ලක්ෂයකට රෝගය වැළඳී ඇත. විස්මිතයයි කියන බටහිර වෙදකමින් හෝ දේවතාවුන් වැනියයි කියන විශේෂඥ දොස්තරලාට හෝ රජරට වකුගඩු එකදු රෝගියකු සුවපත් කිරීමට නොහැකි වී ඇත. වැවට අභියෝග කරමින් ඉදිකළ වික්ටෝරියා ඇතුළු ගංගා හරස් කළ වේලි පෝට්ලන්ඩ් ප්‍රමිතියේ සිමෙන්තිවලින් සාදා ඇත. අවුරුදු 50 ක ආයු කාලයකින් පසු මෙම සිමෙන්තිවල ශක්තිය ඉවත්වී වේල්ල දිරන්නට ගනී. ලෝක ස්වභාවය අවබෝධ කරගත් ආදි හෙළයාගේ විද්‍යාව හා තාක්ෂණය අද නූතනම තාක්ෂණය බවට පත්වී ඇත. මින් පෙර දැක්වූ රසදියෙන් ක්‍රියාත්මක මර්කරි වෝටෙක්ස් ඇන්ජිම එබඳු එකකි.

🔱 රාවණයන්ට පරම්පරා තුනකට පමණ ප්‍රථම සිටි දේවයානි නොහොත් මන්දාත කුමරිය ඇගේ පුතුන් තිදෙනාට ගුවනින් ගොස් ප්‍රහාර එල්ල කරන සැටි උගැන්වූවාය. ඇයගේ දියණිය සතුව තිබූ අජමුඛ වර්ගයේ ගුවන් යානාව නිසා ඇය අජමුඛී ලෙස හැඳින්විණ. මේ සියල්ල ක්‍රි. පූ. 8000 ට නොහොත් වසර 10,000 වඩා පැරණිය. වසර 2003 දී කැම්බේ බොක්කේදී මුහුදු පත්ලේ අඩි 4000 යට හමුවූ කාබන් පරික්ෂණයට අනුව වසර 10,000 ක් පැරණි ලෙස නිගමනය කරන ලද ජනස්ථාන් හැටියට (දණ්ඩකාරණ්‍යයේ අගනුවර) හඳුන්වන නගරයක අවශේෂයන්ට අනුව මෙම කාලනීර්ණයට එළැඹේ. හෙළ ගුවන් යානය වසර 10,000 ට වඩා පැරණිය.

🔱 හයවැනි හෝ හත්වැනි හෝ පන්තියේදී ලොව පුදුම හත සිසුන්ට ඉගැන්වීම සිදුකෙරේ. බැබිලෝනියාවේ එල්​ලෙන උයන්වතු එක ​ලෝක පුදුමයකි. නමුත් මෙහි ඔර්ජිනල් එල්ලෙන උයන්වත්ත සීගිරියේ තිබුණු බව තම ශිෂ්‍යයන්ට නූගන්වා සඟවා තැබීමට වත්මන් ගුරු දේවතාවෝ හා ගුරු දෙවිවරු පරෙස්සම් වෙති. බැබිලෝනියානු, සුමේරියානු, ඊජිප්තු, මොහන්ජෝදාරෝ හරප්පා, ඉන්කා, මායා ක්‍රීට් දූපත, බොරෝබුදූර්, ඉන්දු ඉරාන රමණීය වැනි පැරණි ශිෂ්ටාචාර සියල්ල අද නැතිවී ගිය (lost) ශිෂ්ටාචාරයන්ය. ඉන් ඉතිරිව ඇත්තේ හෙළ නොහොත් සිංහල ශිෂ්ටාචාරයයි. එමෙන්ම සමනල කඳු වැටියේ මතුවූ ගිනිකන්ද ද්වාපර යුගයේ අගදී ගිනිමල් විහිදුවමින් පුපුරා එහි ලාවා නිරිත දෙසට ගැලුවේය. නිරිතදිග තැනිතලාවේ ඇති එකිනෙකට හා මුහුදට සමාන්තර හෙල්වැටි පංතීන්ද, ගිං ගඟෙහි ඇති ජලාකාර (දැලක් බඳු) ජලවහන රටාවද ලාවා ගල්වීම නිසා ඇතිවූ විකෘතියක් බව භූවිද්‍යා මහාචාර්ය විතාන මහතා (නැසීගිය) පැහැදිලි කර ඇත. බැබිලෝනියානු ජාතික ලාංඡනය වන සිංහ ශරීරය, පියාපත් දෙක හා මිනිස් මුහුණ ඇති අමුතු සත්වයා දෙස බැලීමෙනි. මේ හුදු සංකේත තුනකි. සිංහ ශරීරය සිංහ මිනිසුන් වෙනුවෙනි. විශාල පියාපත් දෙක ඔවුන් ආ ගුවන් යානාව වෙනුවෙනි. මිනිස් මුහුණ බැබිලෝනියානු මිනිසා වෙනුවෙනි. බැබිලෝනියාවට හෙළයාගේ බලපෑම කොතරම්ද යන්න ඉන් පැහැදිලිය.  හොඳින් මතක තියාගන්න බැබිලෝනියාව කියන්නෙ බටහිර රාජ්‍යන් විසින් ද පිළිගන්නා ලොව පැරණිතම ශිෂ්ටාචාරයබව. එය එතරම් පැරණි ශිෂ්ටාචාරයක් නම බැබිලෝනියාව ශිෂ්ටාචාර ගත කළ හෙළ ශිෂ්ටාචාරය කෙතරම් පැරණිද?

🔱 රාවණ කොඩියේ සිට අද පවතින අපේ ජාතික කොඩියේ පවා ඇති කඩුව අතින් ගත් සිංහයා ලාංඡනය විමසීමට ගතහොත් එය තේරුම් ගැනීම අපහසු නැත. සිංහයාගේ ශරීරය වටේ දක්වන ​රේඛාද බෙල්ල වටා රෝමද කුසය වඩා රෝමද පාසන්ධිද, වල්ගයේ අග ද යන සියල්ල ගිනිදැල්ය. ඒවායේ වර්ණය රන්වන් පාටය. එබැවින් සිංහයාගෙන් සූර්යයා සංකේතවත් කිරීමට මිස තිරිසන් සතකු එහි දක්වා නැත. දකුණතින් කඩුව ගැනීම යනු සූර්යය ආධිපත්‍යය නොහොත් සූර්ය නියෝගය සංකේතවත් කිරීමය. ඉන් අදහස් වන්නේ සියලු මිනිස් කටයුතු එම රටට හෝ ප්‍රදේශයට හිරුරැස් බලපාන ආකාරයට සිදුවිය යුතුය යන්නය. හඳේ ක්‍රියාකාරිත්වය, ග්‍රහලෝකවල රශ්මීන් බලපෑම, වර්ෂාව, ජලය වාෂ්ප වීම වායුගෝලීය උෂ්ණත්වය, සුළං හැමීම, දියවැල්, උෂ්ණ හා ශීත කාන්තාර හා හිමෙන් වැසී කඳුමුදුන්, සත්ව හා ශාකවල පැවැත්ම යන මේ සියල්ල සූර්ය ක්‍රියාකාරිත්වය අනුවම සිදුවිය යුතුය. ගසකොළ හරිහැටි නොවැ​වෙන නිසා යුරෝපය පොළොව යට ඇති අවසානයක් වන සම්පත් මතුවටම ගෙන කර්මාන්ත කරන වර්තමාන කාර්මික හා වානිජ යුගයට තව පරම්පරා 2 ක් යා නොහැක. එදිනට යුරෝපයට යළි නව තාක්ෂණික යුගයෙන් එඬේර යුගයට යාමට සිදුවන බව කියන History Repeats (ඉතිහාසය නැවත නැවතත්) න්‍යාය ගොඩනැගුවේ ආර්නල්ඩ් ටොයිම්බි ඉතිහාසඥයාය. අන්න ඒ නිසා අපිට කියන්න පුලුවන් සුද්දෝ ආයේ වැද්දෝ වෙන අපි අහසෙන් යන දිනය වැඩි ඈතක නෙමෙයි...


දැන් මං මෙච්චර ලිපි දහයකින් කිව්ව දේවල් කියවලා අමතක කරලා දාන්න එපා. ඒ වගේම මේ වගේ තාක්ෂණයක් තිබ්බා කියලා හිත හිත ආඩම්බර වෙන්න යන්නත් එපා. හැමලිපියකින්ම මොකක් හරි මූලධර්මයක් මං කියලා දුන්නා. ඒ මූලධර්ම පාවිච්චි කරලා කරන්න පුලුවන් නව නිපැයුම් ගැන හිතන්න. එතකොට ඔලුවට එයි අලුත් අදහසක්... අන්න ඒක ක්‍රියාත්මක කරන්න. මොලෙන් වැඩගන්න. නැත්තං ඕකේ මකුළු දැල් බැදෙයි. මේ එක ලිපියක් හදන්න යන කාලය ටයිප් කරන්න විතරක් යන කාලයක් නෙමේ. මේවා හොයලා පරීක්ෂණ කරලා එකින් එක ගලපන්නත් වෙලාව යනවා. ඒ වගේ දේවල් නිසයි තාක්ෂණය ලිපිපෙළ පරක්කු වුණේ මෙච්චර කාලයක්... මගේ මහන්සිය අපතේ යන්න දෙන්න එපා යක්ෂ වැඩ කරපන්... යක්ෂ නිර්මාණ කරපන්... යක්කු වගේ ඇගෙනුයි මොලෙනුයි වැඩගනිල්ලා...




☀️🌙     ඉරෙන් නැගුණ රට, හදෙන් වැදුව        රට
💎☢️     පළිඟු බලෙන් ලොව බලගැන්වූ           රට
⚜️▪️        කළුගල් දිය කර පිළිම තැනූ                  රට
🦁👺     සිංහ නදින් සක්වලම කැළඹූ                රට


⚕️🇱🇰🔱 හෙළ තාක්ෂණය ලිපි පෙළ නිමි. ⚕️🇱🇰🔱

🍁♾☀️ හෙළ තාක්ෂණය ☀️♾🍁 ⚕️🔱09 වන කොටස (උපත)🔱⚕️

ටිකක් අමුතු මාතෘකාවක් නේ? මේකෙදි මං කියන්න යන්නෙ බල ඇති හෙළ දරුවෙකුට උපත දෙන ආකාරය. ලැජ්ජ හිතෙන්න තරම් දෙයක් නෑ... මේක කියන්නම ඕනෙ දෙයක් මේ කාලයේ...මොකද හෙළයට දරුවන් අවශ්‍යම වෙලාවක් මේක. ඒ වගේම අතීතයේ හිටපු හෙළයෝ නැවතත් මේ දෙරණට එන්න පිංවන්ත, ශක්ති සම්පන්න මව් කුසක් හොයන කාලයක් මේක... ඒ නිසා ඔබත් ආධ්‍යාත්මික වෙන්න, කුසල් පුරන්න, දරුවන් හදන්න...

මේක තාක්ෂණික ලිපි මාලාවට දාන්න හිතුවේ මෙතන තියෙන්නෙත් විද්‍යාවක් නිසා. හිරුගේ සහ සඳුගේ බලපෑම මත ලිංගික ශක්තිය උපයෝගී කරගන්නා අකාරය ගැනයි මේ කතාව. ඔබ දන්නවා අහලත් ඇති පුලස්ථි ඍෂිතුමා රාවණයන්ව නිර්මාණය කළා කියලා බොහෝ අය කියනවා. රාවණයන්ව විතරක් නෙමේ කුම්බකරණව හැර අන් සියලු දරුවන් නිර්මාණය වුණේ පුලස්ථි ඍෂිගෙ අණින්. එතකොට මේ රොබෝලද? නෑ නෑ නෑ!!! මේ ඇට මස් ලේ නහරවලින් හැදුණු මිනිස්සුම තමා. පිටසක්වලයෝත් නෙමේ මේ මිනිස්සු...

🔰කොහොමද එහෙම දරුවන් හදන්නෙ?

ඔබ මේ වනවිටත් දන්නවා සඳුගේ සහ හිරුගේ ශක්තිය. කාලයට අනුව මේ හිරු සඳුගේ ශක්ති ආකාර වෙනස් වෙනවා. විශේෂයෙන්ම ලිංගික ශක්තියට බලපාන්නෙ සඳේ ශක්තිය. පසලොස්වක දිනට සඳු, හිරුගෙන් ධාරා පහළොවක් ලබා ගන්නවා. එය තමයි ශක්තියෙ උච්චතම අවස්ථාව. දිනයන්ට අනුව සඳේ මෝරන ආකාරයට ගස්වැල්වල මෙන්ම සතුන්ගේද, මිනිසුන්ගේද ලිංගික ශක්තිය වෙනස්වෙනවා. මෙම හිරු , සඳු කිරණවල බලපෑම ගැන වර්ගපූර්ණිකාවේ පැහැදිලි විස්තරයක් සදහන් වෙනවා. ඉතිං කොහොමද මේක භාවිතා කරන්නෙ?

🚫 අඩසඳ දිනවල, ඔසප් දිනවල ස්ත්‍රිය රමණයෙන්, රතියෙන් වැළකිය යුතුයි. දරුවෙකු වැදූ පසු මාස පහක් යනතුරු රතියෙන් වැලකිය යුතුයි. මෙම දිනවල රතියේ යෙදීමෙන් ස්ත්‍රියට විවිධ ලෙඩ රෝග සැදෙන බවයි සත්‍ය.

⭕ මෙම කාලය තුළ ස්ත්‍රිය ආහාර පාන ගැන සැළකිල්ලක් දැක්විය යුතුයි. කිරි, මීපැණි(මල්පැණිවලින් ලබා ගන්නා) විශේෂයි. ආදරයෙන් සහ සාමකාමීව යුවළ බිහිකරන දරුවා ද සාමකාමී වන්නේ ය. වඩාත් දකින සිතන දෑ කරන කියන දෑ කළලයට බලපාන්නේ ය.


🚫 අමාවක දිනයේදී *කලාව* නමින් ධාරා ශක්තියක් මිනිස් ශරීරය තුල හටගනී. මෙය අමාවක දිනයෙන් පටන් ගෙන පුරුෂයෙකුගේ දකුණු පාදයෙන්ද, ස්ත්‍රියකගේ වම් පාදයෙන්ද පටන් ගෙන ඉහළට ගමන් කරයි. මෙසේ උඩට පැමිණෙන විට අට වෙනි දවසේදී එනම් අඩසඳ දවසේදී කලාව පිහිටන්නේ ලිංගේන්ද්‍රිය වෙතයි. එමනිසා එදින සංවාසය සඳහා නුසුදුසුය. පසලොස්වක දිනයේදී කලාව පිහිටන්නෙ හිසේය. එමනිසා දරු පිළිසිඳගැනීමට වඩාත් සුදුසු වන්නෙ මෙම කාලයයි. බැසීමේ කලාවේදී පසලොස්වක දිනෙන් දවස් අටකට පසු නැවතත් කලාව ලිංගේන්ද්‍රිය වෙත පිහිටයි. ස්ත්‍රියකගේ දකුණු පාදයෙන්ද, පුරුෂයෙකුගේ වම් පාදයෙන්ද කලාව අවසන් වෙයි. මෙම බැසීමේ කලාව පවතින කාලයද පිළිසිඳගැනීමට නොසුදුසුය.

⭕ දරුවෙක් පිළිසිඳගැනීමට වඩාත් සුදුසු වන්නේ වසන්ත සමයයි. එනම්, බක් මස සිට නිකිණි මස දක්වා වූ කාලයයි. මේ කාලයේ පසලොස්වක දින තුළ පිළිසිඳ ගන්නා දරුවන් බලසම්පන්න වන බවයි සත්‍ය. පසලොස්වක දින රාත්‍රියේ සත්වන හෝරාවත් (රාත්‍රී 9න් පමණ පසු) මධ්‍යම රාත්‍රියත් අතර කාලයත්, මධ්‍යම රාත්‍රියෙන් පසු දෙවන හෝරාවත්, පස්වන හෝරාවත් සුදුසුය. මෙම රාත්‍රියේ අනිත් කාලයන්හි පිළිසිඳ ගන්නා දරුවන් මන්ද බුද්ධික වේ. එසේත් නැතිනම් පසලොස්වක දින පිළිසිඳ ගන්නා දරුවන් බුද්ධිමත් සහ ශක්තිමත් වේ.


🔰සඳු දිනවල පිළිසිඳගන්නා දරුවන් කතාවෙහි චතුර, කරුණාවන්ත, නීතිගරුක, සමාජ සේවාවට ලැදි අය වේ. පිරිසිදුව ජීවත් වීමට කැමති මොවුන් පහසුවෙන් බර අධික වෙයි. තන, කෙළ, ශුක්‍ර, දිය සහ රුධිර වර්ධනයට සඳු බලපාන්නේය.

🔰අඟහරු දින පිළිසිඳගන්නා දරුවන් ආත්ම විශ්වාසය ඇති, නිර්මාණාත්මක, කඩිසර, උණුසුම් රුධිරය ඇත්තන් ය. රිදී පැහැයට කැමති මොවුන් නායකයන් හා බලගතු පුද්ගලයන් ඇසුරට කැමතිය. යටත් නොවන, කීර්තීකාමී, යුක්තිගරුක දරුවන් වන්නේය. පිත, කන්, නාසා, නළලත,පීනස, මිදුළු, මාංශ ආදියට අඟහරුගේ බලපෑම ඇත්තේය.

🔰බුධ දින පිළිසිඳ ගන්නා දරුවන් දීප්තිමත් දෙනෙත් ඇති මධ්‍යම ප්‍රමාණයෙ දරුවන් ය. චතුර, සිනාමුසු, වරෙක ගොත ගැසිය හැකි, උගැන්මෙහි ශූර, සම්ප්‍රදායයන් ලැදි, ස්තූතිවන්ත වූවන්‍ ය. ආදරයෙන්ද , විනෝදයෙන්ද, නිර්මාණ ශක්තියෙන්ද යුතු මොවුන් ඕනෑම දේක ලාබ සොයන්නට දන්නෝය. යහපත් දිවියටද, නීතියටද, අවංකභාවයටද ගරු කරන්නෝය.

🔰ඉරුදිනයෙන් පසු සතරවැනි දිනයේදී පිළිසිඳ ගන්නා දරුවන් ඇළුම් ඇති, මෘදු ගුණ ඇති, නිහතමානී කරුණාන්විත, යුක්තිගරුක, ධාර්මික කරුණාවන්ත උදවියයි. දුශ්චරිතය ඇත්තවුන්ගෙන් ඈත් වේ. ශාරීරික, මානසික හා ආධ්‍යාත්මික එකඟතාවක් ඇති ඔවුන් කඩිසර, සුව කිරීමේ ශක්තිය ඇති, නායකත්වය දරන, අනුන් රැක්මේ ශක්තිය ඇති අය වේ. රක්තවර්ණයට වඩාත් සිත්ගනී.

🔰ඉරුදිනෙන් පසු පස්වැනි දිනයේ පිළිසිඳ ගන්නා දරුවන් පුළුල් මුහුණක් ඇත්තවුන් වේ. සිත් අදනා ලතාව ඇවිදී. සිත්කලු මුහුණුවරක් ඇත. කාමසුඛල්ලික ජීවිතයට බර වෙයි. සුන්දර පුද්ගලයන්ට ඇල්ම දක්වයි. දක්ෂ, චතුර, කාරුණික, සමාජ සේවාවට කැමති අය වෙයි. සානුකම්පිත වේ. අසහනයෙන් ඉක්මනින් කැලඹේ. බලාපොරොත්තු බිද ගනී. දෙමාපියන්ගෙ ගතානුගතික සම්ප්‍රදායයන්ට ගරු කරන ඔවුන් හා ආස්‍රයද පහසුය. රත්නීල වඩාත් ප්‍රිය වර්ණයයි. ඩිම්බකෝෂ, ලිංගේන්ද්‍රිය , දෑස, දිය, ශුක්‍ර සහ සෙම කෙරෙහි බලපෑම් ඇති කරයි.

🔰ඉරුදිනෙන් පසු හයවැනි දිනයේදී පිළිසිඳ ගන්නා දරුවන් ඊර්ෂ්‍යා සහගත, පළිගන්නා, වෛරක්කාර දරුවන් වෙයි. මිතුරන් හිඟය, අප්‍රසන්න මුහුණු ඇත. ලේ නහර ඉදිමුම් ඇතිවිය හැක. වැඩපල අමතක කර ඕපා දූප දොඩවයි. අවවාද නොපිළිගනී. සෙනසුරු ග්‍රහයා අධිපති වේ. කලුවර්ණයට ප්‍රියයි. දෙපය, රුධිර ධාවනය, දණහිස, මිදුළු , ඕජස් වර්ධනයට සෙනසුරු බලපාන්නේය.


හොඳට ඔලුවට දාගන්න ඔය කිව්වේ ජ්‍යොතිෂය ගැනවත් වෙන මුකුත් ගණිත කර්මයක් ගැනවත් නෙමෙයි. ඔය විද්‍යාවක්. ග්‍රහ තාරකා මගින් නිකුත් කරණ කිරන නිසා මිනිසාට සහ ඉපදෙන්න සිටින දරු ගැබට සිදුවන බලපෑම පිළිබඳව දැනුම සොච්චමක් පමණක් මෙහෙම ගෙනල්ලා පෙන්නලා තියෙන්නෙ. මීට අමතරව හෙළයා නීරෝගීමත්, ශක්තිමත් සහ බුද්ධිමත් දරුවන් හෙළයට දායාද කිරීම සඳහා විවිධ භාවනා ක්‍රමද භාවිතා කලා. ඒ පිලිබඳව මට වඩා හොදට ගුරුවරයෙක්ට කියලා දෙන්න පුලුවන්. ඒ නිසා ඒ ගැන දැනගන්න වීඩියෝ එකක් මං පල්ලෙහයින් දාන්නම්. හෙළයට දරුවන් අවශ්‍යම මොහොතක් මේක. පුංචි පවුල රත්තරං 😂 මගුල තමා. රැවටුනා ඇති. දසමහා යෝධයන් බිහිවන මහා හෙළයක් නැවතත් පහළ වේවා!!!

මව්වරුන් වැඩිය යුතු භාවනාව :- භාවනාවට යන්න

🍁♾☀️ හෙළ තාක්ෂණය ☀️♾🍁 ⚕️🔱08 වන කොටස (අඟහරු)🔱⚕️

ලෝක දහයක් ජයගත් මහා රාවණ රජු අඟහරු සමඟ පැවැත්වූ සබඳතා ගැන මිරැන්ඩෝ ඔබේසේකර මහතා සතු රාවණ කතා පුස්කොළ පොතේ සඳහන් වෙනවා. ඉන් කිහිපයක් ගැන සඳහන් කරන්න මං කැමතියි. එමගින් විශ්වය පුරා පැතිර ගිය හෙළ තාක්ෂණය ගැන අවබෝධයක් ඔබට ලැබෙනු ඇත. ඒ වගේම මේ ලිපිය ඔබේ සිත ආක්‍රමණය කරනු නොඅනුමානයි...

රාවණ රජු අඟහරුවල ඉදිකළ බවට සාක්ෂි හමුවේ. එකළ අඟහරුවල ජීවයක් පැවති බවටද පැහැදිලි සාක්ෂි හමුවෙයි. රාවණ කළ චෛත්‍ය හතරැස් හැඩයේ එකකි. එහි කොතට ලග්ගල ප‍්‍රදේශයේ නිල් මැණිකක් පැළඳවූ බව පුරාණ පුස්කොළ පොත්වල විස්තර වේ. එය සාදා ඇත්තේ කෝණාගම බුදුරජාණන් වහන්සේගේ ධාතූන් වහන්සේලා තැන්පත් කර බව පැහැදිලිව රාවණ කතාවේ සඳහන් වේ. රාවණ රජු විසින් කරන ලද චෛත්‍යය විවෘත කිරීමේ ”මහා උළෙලක්” අඟහරු ලොව සංවිධානයවී තිබේ. එයට රාජකීය පවුල්වල සියලූදෙනාම පාහේ සහභාගිවී ඇත. නමුත් එයට මංදෝදරී බිසව සහභාගි නොවී ඇත. රාවණගේ චෛත්‍ය උත්සවයේ දී ලංකාපුරේ සූර්ය ධජය අඟහරු ලොව ගුවනට එකතු කෙරිණි. යක්ෂ ගෝත‍්‍රිකයන්ගේ කුක්කුට ධජයද එසැවිණි. එසේ ගත් විට පෘථිවියේ කිසියම් රටක ධජයක් ග‍්‍රහලෝකයකට ගෙන ගොස් එසැවූ පළමු පුද්ගලයා ද රාවණය. ඇමරිකාවට තවම හඳේවත් තම ධජය එසැවීමට හැකියාවක් නොතිබූ බවයි සත්‍ය.

න්‍යෂ්ඨික අවි ගබඩාවක් අඟහරු ලොව පිහිටුවීම ද රාවණ ගත් තවත් ක‍්‍රියාමාර්ගයකි. රාවණට ඉතා දියුණු න්‍යෂ්ඨික අවි තිබුණ ද ඒවා තවත් බොහෝදෙනාට හානියක් වන බැවින් රාම සමග යුදයේ දී භාවිත නොකළේය. න්‍යෂ්ඨික අවි භාවිත නොකරන්නැයි රාවණ සමග එකතුව සිටි මේඝනාද කුමරුට රාවණ උපදෙස් දුන්නේය. රාවණ ඉතිහාසයේ කළ සටන්වලින් හැමවිටම තම යක්ෂ ගෝත‍්‍රික වැසියන්ගේ ආරක්ෂාව අපේක්ෂා කළේය. තම ජනයා රැකගෙන අවම හානියක් වන පරිදි යුද්ධ වැදිය යුතු බව ඔහු කල්පනා කළේය.

ලග්ගල හා නකල්ස් කඳුකරයේ ඇති රක්ත වර්ණ පසක් අඟහරු ලොවට ගෙන ගිය බව කියැවේ. පෙර නුදුටු ගුවන් යානා මගින් ලග්ගල රතුපස් ගෙන යාම රාමගේ මිනිස්සු හිතුවේ එය රාවණ විසින් රාමට කරන යුධමය ක‍්‍රියාමාර්ගයක පැත්තක් හැටියටය. පැරණි පොත්වල සඳහන් වෙන්නේ මෙම රතුපස ගෙන ගොස් ඇත්තේ දුර්ලභ ඖෂධයක් නිෂ්පාදනය කිරීමට බවය. රාම විසින් අඟහරුවල යුධ උපකාරද ලබාගත් බව සඳහන් වෙයි. නමුත් රාවණ ඔවුන් සමඟ සටනට වෙනත් අයගේ උපකාර ගෙන නැත. වෙනත් රටවල් සහ ග්‍රහලෝකවලින් රාවණට උදව් කිරීමට ඉදිරිපත් වුවද රාවණ එම සහය ලබා නොගත්තේ මෙය කුඩා යුද්ධයක් ලෙස සලකාය. එහිදී රාවණයන් එක් වැරැද්දක් සිදු කළේය. ඒ සතුරා ගැන අවතක්සේරු කිරීමයි. එහි ප්‍රතිඵලයක් වශයෙන් රාමගේ හීය රාවණයන්ගේ නාභිය හරහා ගොස් එතුමන් සිහිමුර්ජා විය.

සහශ්‍රගත ගුවන් යානය

ලෝක ආක්‍රමණය සඳහා යොදාගත් මෙම ගුවන් යානය අයිති වූයේ මේඝනාද කුමාරයාටය. ඔහු අමාවක දිනවල ‘සහශ්‍රගත’ යානයේ නැගී සතුරු බිමට එනවිට අඟහරු ග්‍රහ ලොවෙහි ජීවින් පවා භීතියෙන් මුසපත්ව ඇත. ඒ තරම් ඉන්ද්‍රජිත් බලවත්ය. මෙම සහශ්‍රතය දැන් ඇති බලවත්ම යුධ උපකරණට වඩා බලවත් බව එය අධ්‍යනය කිරීමෙන් පෙනී යයි. මෙය වටා ගෙතුණු කතාව අපූරූ එකකි. ඒ බව රාවණ කතාවේ සඳහන් වෙයි.

යුධ කලාවේ නිපුණයෙකු වූ මහා රාවණ රජුට ඉතා විශේෂ යුධ උපකරණ තිබුණි. ඉන් එකක් වන්නෙ අපි දැන් කතා කරන්න යන සහශ්‍රතයයි. මෙම යුධ ගුවන් යානය නිෂ්පාදනය කළේ එවකට සිටි දක්ෂ ගුවන් යානා ඉංජිනේරුවකු වූ ධීර රකුසාය. ඔහු මහා රාවණාගෙ උපදෙස් අනුව මේ යානය නිපදවා ඇත. දක්ෂිණ ලංකාවේ කතළු පුරයේ කතළු කුමරු විසින් සපයන ලද රත් රන්ද, වීර රකුසා සැපයූ රිදීද, අටකලම්පන්නේ ඉන්දීර රකුසා විසින් ලබා දුන් පිරිසිදු වානේද ඊට යොදා ගත් බව කියැවේ. මෙම සහශ්‍රගත යානය වෙනත් ග්‍රහලෝකයකට වුවද පහසුවෙන් පහරදිය හැකි තරම් බලවත් නිෂ්පාදනයක් විය. සහශ‍්‍රගත යානය සෑදීමේදී ඉන්දියාවේ හිමාල කඳුකරයෙන් ගෙන්වන ලද ”මයුර දණ්ඩ” නමැති ලී කොටස්ද මෙහි සවිකර තිබිණි. සහශ‍්‍රගත යානය ගුවනේ එක තැනක හෝරාවක් වුවද නවතා සටන් කළ හැක්කක් බව කියැවේ. එකවර වෙඩි උණ්ඩ දහස් ගාණක් මුදාහල හැකි යානයකි. වෙඩි උණ්ඩ පොකුරු පිටින් මුදාහරින අතර උණ්ඩ නිකුත් කරන ප‍්‍රමාණය අවශ්‍ය පරිදි අඩු වැඩි කරවා ගත හැකිය.

මෙය නිපදවූයේ ලකේගල කඳු මුදුනේදී ය. සහශ‍්‍රගත යානය නිපදවා එහි ශක්තිය උරගා බැලීමේ අවස්ථාවක් කල්පිටිය මුහුදු ප‍්‍රදේශයේ පැවැත්විණි. එහි පහසුව පිණිස එවක එහි සිටි ධීවර ප‍්‍රජාවද ඉවත් කෙරිණි. මෙම යානය පණ ගැන්වූ පසු පළාතක් ගිනිබත් වන තරමට යානය බලවත් විය. කල්පිටියේ යුද අභ්‍යාසයක් සඳහා සහශ‍්‍රගත යානය ලකේගල සිට පදවාගෙන ආවේ මේඝනාද (ඉන්ද්‍රජිත්) කුමරුය. යානය කල්පිටියේ විශාල ගල් පීඨිකාව මත ස්ථානගත කෙරිණි. මේ යුද අභ්‍යාසය දුර ඈත සිට නරඹන්නට විශාල ජනතාවක් ඒකාරාශි වූහ. ඔවුහු මෙය මහා වික‍්‍රමාන්විත ක‍්‍රියාවලියක් හැටියට දැක ප‍්‍රීති ඝෝෂා නඟමින් සතුට ප‍්‍රකාශ කරන්නට වූහ. එදා කල්පිටිය වෙරළට රාවණ රජතුමා ද පැමිණ සිටියේය. යානය රජතුමාට පිළිගැන්වූයේ මේඝනාද කුමරු විසිනි. එහි මංගල ගමන රාවණ රජුට භාර විය.


”මෙම ගුවන් යානයෙන් මේ රටේ කිසිම මිනිසෙක් ඝාතනය කිරීමට මම අදහස් නොකරමි. මෙය වෙනත් ග‍්‍රහලෝක සමග සටනට පිළියෙල කළ එකකි. දරුවනි, සහශ‍්‍රගත යානය තොපගේ ජයකි” යි කී රාවණ රජතුමා යානයට ගොඩ විය.


යානය පණගැන්වූ රජතුමා අහසට නැගුණේ දක්ෂ යුද නියමුවකුගේ ලක්ෂණ පෙන්නුම් කරමිනි. යානයෙහි හඬ කල්පිටියේ සිට පුත්තලම දක්වා හෙණ ගසන්නාක් මෙන් පැතිර ගියේය. එම ප‍්‍රදේශයේ සිටි වන සතුන් බියට පත්ව වන රොදවල, ගල්ගුහාවල, ගස් බෙනවල සැඟවී දින ගණනක් විසූ බව රාවණ කතා පුස්කොලහි සඳහන් වේ. සහශ‍්‍රගත යානය මුහුදේ හා ගංගාවල පවා ස්ථාන ගත කර තැබීමට වුවද දියුණු එකක් විය. රාවණ රජු යානයෙන් අහසේ දස්කම් පාද්දී කිතුල්ගල අසල වන රොදක් යානයේ බලවත්කම ඉදිරියේ ගිනිබත් විය. එම ගිනිදැල් ඉතා ශීඝ‍්‍රයෙන් කිතුල්ගල සිට යටියන්තොටට පැතිර ගියේය. සහශ‍්‍රගත යානය නිසා ගිනිබත් වූ මේ ප‍්‍රදේශයට දැන් ගිනිගත්හේන යැයි කියන බව ආචාර්ය මිරැන්ඩෝ ඔබේසේකර මහතා කියයි. එදා මෙම යානය නිසා සිදුවූ බලවත් විනාශය දුටු රාවණ රජතුමා බොහෝ සෙයින් කම්පාවට පත්විය. සහශ‍්‍රගත ගුවන් යානය පෘථිවිය මත කිසිම යුද්ධයකට භාවිත නොකරන ලෙස මේඝනාද කුමරුට තදබල ආඥාවක් නියම කළේය.

රාම රාවණ යුද්ධයට මෙය භාවිතා නොකළේ ඔවුන්ගේම යහපත උදෙසාය. ඔවුන් විභීෂණගෙ මාර්ගයෙන් මෙම යුධ උපකරණය ගැන දැනගත් විට හනුමන් පවා බියෙන් සලිත විය. නමුත් හැරුනේ රාමා නම් නොවේ. මෙය යුද්ධයට භාවිතා කලානම් රාමා, ලක්ෂ්මන ප්‍රමුඛ හමුදාව පැයක් ඇතුලත විනාශ කිරීමට තරම් බලයක් මෙයට පැවතුණි. මෙවැනි යුධ උපකරණ භාවිතා නොකළේ පෘථිවි වැසියාගේම යහපත නිසා බව අමතක නොකරන්න. රාවණයන් යුධ කළේ බලයට ඇති ආශාව නිසා නොවේ තම රට රටේ ජනතාව ආරක්ෂා කිරීම සඳහා රජෙකුට පැවරෙන වගකීම පැහැර හැරීමට නොහැකි නිසාය. තම රාජ්‍ය බේරා ගැනීමට මුළු පෘථිවියම ආරක්ෂා කිරීමට වූ අවස්ථාද අපමණ බව මතක තබා ගන්න. ඒ නිසා මං කැමති රාවණයන්ව මුළු ලෝකයම එක්සේසත් කළ මහා ශ්‍රේෂ්ඨ අධිරාජ්‍යයෙකු ලෙස හඳුන්වන්නයි.

🍁♾☀️ හෙළ තාක්ෂණය ☀️♾🍁 ⚕️🔱07 වන කොටස (නිල ශාස්ත්‍රය)🔱⚕️

මේක හෙළයන්ගෙ තවත් එක් විද්‍යාවක්. විශේෂ විද්‍යාවක්. ගොඩක් දෙනා දන්න ඉගෙන ගන්න ආස විද්‍යාවක්. නමුත් මං මේකෙදි නිල පිළිබඳ හැදින්වීමක් විතරයි කරන්නෙ. ඒ කියන්නෙ නිල ගැන එකින් එක විස්තර කරන්නෙ නෑ. දන්නෙ නැති නිසා නෙමේ, ඒවා ආවේගයක් ආවාම ප්‍රයෝජනයට ගන්න නිසා...

නිලයක් කියන්නෙ මොකක්ද?

නිලයක් කියන්නෙ ශරීරයේ තියෙන දුර්වල ස්ථානයක්. දුර්වල ස්ථානයක් කියන්නත් බෑ. මොකද නිලයක් කියන දේ අංශ දෙකකට යොදාගන්නවා. එක: *සතුරෙකු* අඩපණ කිරීමට. හොඳට මතක තියාගන්න සතුරෙක් කියන්නෙ පෞද්ගලික තරහා කාරයෙක් නෙමෙයි ඔහු දේශයට වින කරන්නෙක් විය යුතුමයි. දෙක: කිසියම් පුද්ගලයෙකු සුව කිරීමට. ඒ කියන්නෙ නිල වෙදකම. මේ නිල වෙදකමත් අයත් වෙන්නෙ හෙළ වෙදකමටම තමයි. කිසියම් අයෙකු සුවකිරීමටත් නිලයක් යොදාගන්න නිසා නිලයක් කියන එක ශරීරයෙ දුර්වල ස්ථානයක් කියන එකට සීමා කරන්න බෑ. එහෙනම් ඒක වෙනස් කරන්න පුලුවන් මේ විදියට. නිලයක් කියන්නෙ ශරීරයේ ශක්තිය රඳාපවතින ස්ථානයකට...

🔰 මං කලින් කිව්වා නිලයක් කියන එක සතුරෙකු අඩපණ කරන්න යොදාගන්නවා කියලා. කොහොමද එහෙම කරන්නෙ? නිල ශාස්ත්‍රය කියන්නෙ අංගම් ශාස්ත්‍රයේම කොටසක් අංගම් ශිල්පීන්ට සාමාන්‍ය නිල ශාස්ත්‍රය නම් බොහෝ වෙලාවට උගන්වනවා... නමුත්... මහා මාරක නිල ශාස්ත්‍රය කියලා කොටසක් මේකට අන්තර්ගත වෙනවා. ඒක ඇදුරුතුමා ලබා දෙන්නෙ තමන්ගෙ විශ්වාසවන්තම සිසුන්ට විතරයි. මේ කොටස සතුරාට ගෙන ආවේ මරණයම පමණයි. නිලයක් ඇල්ලුවාම සතුරෙක් අඩපණ වෙන විධි තියෙනවා. ඒ කියන්නෙ සතුරා මැරෙන්නම නෙමේ නිල තියෙන්නෙ. සතුරා කිසියම් වෙලාවකින් පසු මියයන්න, සතුරාගෙ පැත්තක් අංශභාගයට පත්වෙන්න(තාවකාලික හෝ සදාකාලික), සතුරාට මල මුත්‍ර පිටවෙන්න, සතුරා අන්ධ වෙන්න හෝ බිහිරි වෙන්න සහ එක්වරින්ම මියයාම ආදිය ඒ අතර වෙයි. නිලයකට පහර දෙන්න යම් යම් ක්‍රම තියෙනවා. එම ක්‍රම මගින් නිලයට එල්ල කරන ප්‍රහාරය තව තවත් බලවත් කරනවා. ඒ කියන්නෙ සමහර නිල තියෙනවා, ඒවට ප්‍රහාරය එල්ල කරන්න ඕනෙ මහපට ඇගිල්ලෙ, තවත් සමහර නිලවලට ප්‍රහාර එල්ල කරන්න ඕනෙ කටින් යම්කිසි ශබ්දයක් පිටකරන ගමන් ආදියයි... අන්න ඒ වගේ ක්‍රමවලින් නිලවලට එල්ල කරන ප්‍රහාරය තවත් බලවත් කරන්න පුලුවන්. ගොඩක් දෙනෙක්ට තියෙනවා ලොකු ආශාවක්😂... නිලයක් තියෙන තැනක් දැනගන්න. ආසාව නිසා මිනිස්සු මැරෙන්නත් පුලුවන්... මං එකක් දෙකක් කියලා දෙන්නම් අන්න ඒ ආසාව නිසා හැබැයි මේවා මාරාන්තික නිල. ගැහුවොත් එතනම ඉවරයි. මං එහෙම තීරණය කළේ ඔබලට ඒක කවදාවත් පාවිච්චි කරන්න බැරි නිසා. පාවිච්චි කලත් ඒ වරද ඔබේ. මං වගකීම් තියාගන්නෙ නෑ. *පාවිච්චි කරනවනම් අනිවාර්යයෙන් ඔහු දේශයට සතුරෙක් විය යුතුමයි.* සියළු හිමිකම් මොට්ටුන්න අංගම් කලායතනය සතුය.

උරිම්බ නිලය : මෙය පිහිටා තිබෙන්නෙ භංගසාරු නිලයට පහළින් දකුණත වැලමිට සහ මැණික් කටුවත් අතර ඉහත කී නිලයට සමදුරින් මෙය පිහිටා ඇත. (😜භංගසාරු හොයාගන්නකො) මෙම නිලයට පහර දීම සර්පයන් රාශියක් දෂ්ට කලාක් මෙන් වේදනාවක් ඇතිවී මරණය සිදුවේ.

"අඩිමාරුවට කුරුමානම ගන්නකොට
පාඋල් පතෙන් නිලමස්තක බලනකොට
මහපොටඟිල්ල කන්ගැට්ටේ වදිනකොට
සිහිසුන් වෙලා ඇදවැටෙනවා පිටිය තුළ..."

මොකක්ද මේ නිලය? මේක සිහි නැති වෙන්න ගහන නිලයක්. මේක පාවිච්චියට ගන්න එපා කියලා මං කියනවා නමුත් පාවිච්චියට ගත්තොත් මට කරන්න දෙයක් නෑ මේක දෙන්නෙ දැනගැන්ම පිණිස සඳහා පමණි. පාඋල්පත කියන්නෙ අංගම් කලාවේ තියෙන අත් පහරක්. අත දිග ඇරලා එල්ලකරන ප්‍රහාරයක්. මේකෙන් තමා නිලයට ප්‍රහාරය එල්ල කරන්න ඕනෙ. මේ නිලය තියෙන්නෙ කන පිටිපස්සෙ කන් ගැට්ටෙ ටිකක් යටට වෙන්න. හරියට වැදුනොත් සිහිනැතිවෙලා වැටෙනවා. මේකෙදි මං අර ඉස්සෙල්ලම කිව්ව කටින් පිටකරන ශබ්දයක් නිසා නිලයට එල්ල කරන ප්‍රහාරය තවත් බලවත් වෙනවා.

⭕ ඔන්න ආසාව සංසිදෙව්වා(බාගෙට හරි🤭). අංගම් ශිල්පියා මිනිස් සිරුරේ පමණක් නොව සතුන්ගේ ඇගේ තිබෙන නිල පිළිබඳවද දැනුවත් වනවා. විශේෂයෙන් අලින්ගෙ නිළ පිළිබඳව. මොකද, යුද්ධයේදී අලි ඇතුන් පුහුණු කිරීමට හා ඔවුන් මෙල්ල කිරීමට සිදුවෙනවා. ඒ නිසා ඒ පිළිබඳව දැනුම්වත් වීම වැදගත් වෙනවා. පැරණි පොත්වල සඳහන් ආකාරයට යුද්ධයේදී එකවර අලියෙකුගේ හිසට පැන නිල 18කට එකවර පහර දී අලියා බිම හෙළීමට සමත් වූ අංගම් ශිල්පීන් ඉදලා තියෙනවා.

🔰 දෙවෙනි කාරණය හෙළ වෙදකමේදී නිල භාවිතා කිරීම. මේ සම්බන්ධයෙන් නම් මං වැඩි දෙයක් කියන්න දන්නෙ නෑ. පොඩි පොඩි දන්න දේවල් ටිකක් කියලා දෙන්නම්. හෙළ වෙදකමේදි බොහෝ වෙලාවට නිල භාවිතා කලේ ප්‍රහාරයක් නිලයකට එල්ල වූ විට හැකිලෙන නිලයක් නැවතත් යතා තත්ත්වයට පත් කිරීම සඳහයි. නිල අල්ලලා දියවැඩියාව වගේ බෝනොවන රෝගත් නිට්ටාවට සුව කරන්න පුලුවන් වෙදඇත්තෝ ඉන්නවා කියලයි ආරංචි. මං එදිනෙදා ජීවිතයේදී භාවිතා කරන්න පුලුවන් ඒ වගේ නිලයක් ගැන කියලා දෙන්නම්...

ගොඩක් දෙනාට කාර්‍යබහුලත්වය නිසා එන ලෙඩක් තමයි හිසරදය කියන්නෙ. හිසරදය බොහෝ වෙලාවට එන්නෙ ඇහිබිමි දෙකට මදක් උඩින් ඇති(1cmක් පමණ) නිලයක් හැකිලීම නිසා. නළලේ වේදනාව ඇත්නම් සිදුවී ඇත්තේ මෙයයි. එමනිසා එම නිල දෙක(වම් හා දකුණු ඇහිබිමි උඩින්) මත ඇඟිලි දෙකක් තබා දෙපැත්තටම හොදින් රවුමට පිරිමදින්න. එවිට එම හැකිළුණු නිල නැවත යථා තත්ත්වයට පැමිණී සහනයක් දැනෙනු ඇත. හිසරදය මුලු හිස පුරාම පැතිර ගිය එකක් නම්, තෙවෙනි ඇසට(ආඥා චක්‍රය) මදක් ඉහළින් ඇති(2cm, 3cm ක් ඉහළින්) , හිසකෙස්වලට මදක් පහළින් ඇති නිලය හොදින් පිරිමදින්න. (පින්තූරයක් බ්ලොග් එකේ ඇත.) එවිට හිසරදය පහව යනු ඇත. කරලම බලන්නකෝ ඇත්ත නැත්ත...

⭕ ඔන්න ඔය විදියට තමයි ඒ කොටස ඉවර වෙන්නෙ. හෙළ වෙදකමට ඔයිට වඩා තාක්ෂණයක් තිබ්බා මං කිව්වෙ අංශු මාත්‍රයක් විතරයි. මේ කියපු කාරණා දෙක හැරෙන්න තවත් කාරණයක් කියන්න තියෙනවා. මේකෙදි මගේ අරමුණක් තියෙනවා. යම්කිසි පණිවිඩයක් දියයුතුයි. මුලදි ටිකක් තරහා යයි ඒත් දිගටම කියවන්න.

🔰 මං මේ කියන්න යන්නෙ කාම නිල ශාස්ත්‍රය ගැන... මං මොකක්ද කියලා කියන්න ඕනෙ නෑ නේ නමෙන්ම තේරෙනවනෙ. මේ නිල ශාස්ත්‍රයට ජ්‍යෝතිශ විද්‍යාවටත් මදක් සම්බන්ධයි. මොකද මේ නිල එක තැනක පවතින නිල නෙමෙයි. කාලයට අනුව මේ නිල වෙනස් වෙනවා. ඒ කියන්නෙ තිථියන්ට අනුව මේ නිල වෙනස් වෙනවා. තිථියක් කියන්නෙ දවසක් වගේ දෙයක්. මේකට මාසයක කාලයක් අන්තර්ගත වෙනවා. එම මාසයෙන් පස්සෙන් නැවතත් චක්‍රයක් විදියට නිල ඇති ස්ථාන වෙනස් වෙන්න ගන්නවා මේ මාසයේ මධ්‍යස්ථය පසලොස්වක දිනයි. ඊට කලින් තිබෙන දින 15 පුර පක්ෂය ලෙසත්, ඊටපසු තිබෙන දින 15 අව පක්ෂය ලෙසත් හඳුන්වනවා. මෙම පක්ෂ දෙකටම තිථි 15 බැගින් අන්තර්ගත වෙනවා. එසේ කාම නිල දිනයට අනුව වෙනස් වෙනවා. නෑ නෑ කියලා දෙන්නෙ නෑ.😂 බැරි නිසා නෙමේ මට මේ රටේ ඉන්න අසහනකාරයෝ ප්‍රමාණය වැඩි කරන්න අවශ්‍ය නැති නිසා. පේනවනෙ රටේ වෙන දේවල්... මගේ ඇස්වලට පෙනුන දේවල් ටිකක් මං දැන් කියන්නම්. මේ රටේ ගැහැණියෙක්ට නිදහසේ බස් එකේ යන්න නෑ, ගෙදර නිදහසේ කෙල්ලෙක්ව තනියෙන් තියලා යන්න නෑ, ගොඩක් කොල්ලො කෙල්ලෙක්ට ආදරේ කලත් කරන්නෙ වෙන මොකක් හරි වලත්තකමකට.(කෙලින්ම කියන්න වෙනවා කැමති නැති වුණත් කරන්න දෙයක් නෑ) ඔන්න ඔය කාරණා වැඩි කරන්න මට වුවමනාවක් නෑ ඒ නිසයි නොකියන්නෙ. මට ඕනෙ ඒකත් නැති කරලා කෙල්ලෙක්ට නිදහසේ පාරේ බැහලා යන්න පුලුවන් සමාජයක් ආයේ මේ පිංබිමේ ඇති කරන්න. උබලා ඒකට උදව් කරපන්. උඹලව පාලනය කරගනිල්ලා අහිංසක කෙල්ලන්ගෙ පිටින් යවන්නෙ නැතුව. මේකට අදාල අයත් ඉදී අදාළ නැති අයත් ඉදී මේකෙ... මං මේ කියන්නෙ අර අදාළ කොට්ටාසෙට විතරයි... උඹලගෙ යලුවෝ, අදුරන උන් ඉන්නවනම් උන්වත් හදාගනින් කනට දෙකක් ගහලා... ඒක සිංහල කමට ලැජ්ජාවක්. සිංහලයා කවදාවත් අනුන්ගෙ ගෑනියෙක්ගෙ පිහිටක් පතන්න තරම් පහළට වැටුනේ නෑ. ඌ සිංහලයෙක් නෙමේ... උබලා සිංහලනම්... දැන්වත් හැදියල්ලා... මට තේරුන දේ උබලට නොතේරෙන්න විදියක් නෑ මොකද උඹලා මන්දබුද්ධිකයෝ නෙමෙ කියලා මං දන්නවා. තේරුම් ගනින්. ගෲප් එකක් මැසේජ් කරන්න නෑ කෙල්ලෙක්ට නිදහසේ. ඇවිල්ලා පැනි හලනවා. උන්ට ඉතිං...(කිව්වා කියලා හිතාගන්ට) දැන් ඇති...අලුත් අවුරුද්ද පටන් අරන් තියෙන්නෙ... උඹලා හැදියන්... එච්චරයි මට ඕනෙ... කාටවත් උඹලාව හදන්න බෑ. සිංහලයා මුරණ්ඩුයි. උබලම හිතලා හැදෙන්න ඕනෙ...

ඔන්න ඔය ටිකයි මට කියන්න ඕනෙ වුණේ. සිංහලේ රට අපිට හදන්න බැරි කමක් නෑ. එකතු වෙයන්. එතකොට ඕනෙ දෙයක් පුලුවන්. ගැහැණු පිරිමි බේදයක් ඕනෙ නෑ. එහෙම එකක් නෑ සිංහලකමට. එකතු වෙයන් තමන්ගේ අසල්වැසියා, අම්මා තාත්තා, නෑදෑයෝ, යාළුවෝ, හතුරෝ ඔක්කොම එක්ක එකමුතු වෙයන්. එකතු වෙලා වැඩකරපන්... මං ඕනෙ වෙලේක ජාතිය පැත්තේ... ජාතිය වෙනුවෙන් ජීවිතය දීපන්... ඒක තමයි මැරෙන්න පුලුවන් හොඳම විදිය.... ජය ශ්‍රී❤️🇱🇰

🍁♾☀️ හෙළ තාක්ෂණය ☀️♾🍁 ⚕️🔱06 වන කොටස (හෙළ වෙදකම)🔱⚕️

මං කතා කරන්න යන්නෙ මේ විශ්වයේ තියෙන බලවත්ම වෙදකම ගැන. ආයුර්වේදය නෙමේ ආයුර්වේදයයි හෙළ වෙදකමයි කියන්නෙ දෙකක්. ඒක දන්න නිසා මං ඒවා කියන්න යන්නෙ නෑ. හැමෝම හැමදාම කියන දේවල්වලින් ටිකක් ඔබ්බට ගිහින් හෙළ වෙදකමේ වැදගත් දේවල්වලින් අංශු මාත්‍රයක් මං මෙහෙම ගෙන හැර දක්වන්නම්...

හෙළ වෙදකම ඉතාමත් පැරණි වෛද්‍ය විද්‍යාවක් වන අතර හෙළයන්ගේ විද්‍යාවන්වලින් එක් විද්‍යාවක්. මෙය එක් එක් කාලයන් වලදී පහළ වූ ශ්‍රේෂ්ඨයන් විසින් දියුණු කරනු ලැබුවා. ඒ මහා රාවණ රජු, පුලස්ථි ඍෂි තුමා, බුද්ධදාස රජු, මහා පරාක්‍රමබාහු රජු ආදීන් විසිනි. මිනිසාට අවශ්‍ය ආහාර මෙන්ම මිනිසාට සෑදෙන සියලුම ලෙඩ රෝගවලට ඖෂධ සොබාදහමේ ගස්වැල්වලින්ම ලබා දෙන බව අතීත හෙළයා අවබෝධ කරගෙන සිටියා. ඒ වගේම යන්ත්‍ර මන්ත්‍ර තන්ත්‍ර ශාස්ත්‍රයත් හෙළ වෙදකම සමඟ තදින්ම බැදී තිබෙන දෙයක්. යන්ත්‍ර මන්ත්‍ර තන්ත්‍ර ශාස්ත්‍රය නැතුව හෙළ වෙදකමටද, හෙළ වෙදකම නැතුව ‍යන්ත්‍ර මන්ත්‍ර තන්ත්‍ර ශාස්ත්‍රයටද පැවැත්මක් නැත. ඔබ දන්නවා බන්ධනයක් කළ අයෙකුට මන්ත්‍ර ශාස්ත්‍රය ආධාරයෙන් එය ඉවත් කළද බඩේ ඇති දෙයක් ඉවත් කිරීම සඳහා ඇඹුල්පහ දෙනු ලබනවා, එසේ හෙළ වෙදකම සහ මන්ත්‍ර ශාස්ත්‍රය බැදී පවතිනවා. හෙළ වෙදකම ගත්තාම,

• සර්වාංග වෙදකම
• සර්ප වෙදකම
• කැඩුම් බිදුම් වෙදකම
• ඔඩුවන් පිලිකා වෙදකම
• දැවුම් පිළිස්සුම් වෙදකම
• විදුම් පිළිස්සුම් වෙදකම
• කැපුම් තුවාල වෙදකම
• ඇස් වෙදකම
• උමතු රෝග වෙදකම
• චර්ම රෝග වෙදකම
• නිල වෙදකම
ආදී වශයෙන් හෙළ වෙදකම කොටස් කිහිපයකට බෙදී පවතිනවා. ඒ වගේම කියන්න ඕනේ හෙළ වෙදකම සමඟද අපේ ඉපැරණි කාව්‍යත්වය බැඳී තිබුණා. එම බැඳීමද හෙළ වෙදකමට ගෙන ආවෙ කතාකර නිමකරන්නට නොහැකි තරමේ සුන්දරත්වයක්. ඒ වගේ කවි ටිකක් රස විදින ගමන් හෙළ බෙහෙත් වට්ටෝරු කිහිපයක් ඉගෙනගමු...

🔰දසමූල හාතවාරිය බේත් එඬරු එරමුසු                             ගන්නේ
ත්‍රිපළුත් ලශුනද රසකිඳ සහ ඉරිවේරිය සමකර                 ගන්නේ
චාපය වැඩි නම් සවිඳ ලුණුත් සහ අඩු වී නම් මී පැණි       ගන්නේ
තිරසර බේතකි රක්ත චාපයට පැවසූ ඉසිවර පෙර           උන්නේ

මෙම කෂායෙහි විශේෂත්වය නම් අධි රක්ත පීඩනයට අවරක්ත පීඩනයට ද මෙය යෙදිය හැකි වීමයි.
දසමූළ – හාතවාරිය, ඉදිබොඩ, එඬරු මුල්, එරමුසු   – ත්‍රිඵල් – රසකිඳ, ඉරිවේරිය යන මෙම ක්ෂාය රුධිර පීඩනය වැඩි රෝගීන්ට සවිඳ ලුණු ලා දිය යුතුය. රක්ත පීඩනය අඩු නම් මී පැණි දමා දිය යුතුයි.

🔰දරු ප්‍රසූතියෙන් පසුව හටගැනෙන වැදුගෙයි සන්නියට දේශීය කෂායක් කවියෙන් දක්වා ඇත්තේ මෙසේ ය.

මුල්ගෙන නිඹ කුඩුමිරි මදු                                                   රෙන
කොල්ලුද වදකහ ත්‍රිඵලුත්                                            ඉඟුරෙන
ඇල්ලීනම් වැදුවත් සන්නිය                                                 දැන
කල්දැන ක්ෂාය කරදෙනු වන                                           මෙන

මෙම කෂායෙහි ද්‍රව්‍ය සංයෝගයට අනුව වැදුගෙයි සන්නියට පමණක් නොව සියලුම සන්නි රෝගවලට මෙන්ම පක්ෂාගාත මුල් අවස්ථාවට ද යෙදිය හැක.
නිකමුල්, කොහොඹ මුල්, කුඩුමිරිස්, මදුරුතලා, කොල්ලු වද කහ, අරළු, බුළු, නෙල්ලි, වියළි ඉඟුරු මෙම කෂායට ඇතුළත් ය.

🔰අර්ශස්, ගුල්ම, උදාවර්ථ යන රෝගයන්ට විරේක වීමට දෙන කෂායක් කවියෙන් දක්වා ඇත්තේ මෙසේ ය.

ගුල්ම. උදාවර්ථ දුටොත් තිප්පිලි අරලුද                        ලශූණා
මුල් කරදේ පොතු, එඩරුත් සමව ගෙනා                කෂායෙනා
යවකර සිඳ ලුණු දමමින් දුනහොත් පානෙන්              පෙමිනා
ගුණකර සැප දෙයි සිරුරට විරේක වීමෙන්                   නිසිනා

මෙහි අන්තර්ගත ද්‍රව්‍ය වන්නේ  තිප්පිලි අරළු සුදු ලූණු. කරඳ පොතු, එඬුරු මුල්ය.  මෙයට යවකර ලුනු හා සවිඳ ලුණූ එක්කර දිය යුතුය.

🔰කිවි රෝග සඳහා යොදන කල්කයක්  කවියෙන් දක්වා ඇත්තේ මෙසේය.

පණුවැන්  ලශූනු සුගුමහ  ඔසු කුඹුරු                                  ඇට
ලුණුවරණතත් සහ අඹරා කල්ක                                     කොට
දෙනු කල්කය ලා අමු ඉඟුරු                                             යුෂට
පණු ගුල්මත් කුසරදය  ද නැත                                      මොහුට

වෙනිවැල් ගැට සුදු ළුෑනු පෙරුම්කායම්, ඉඟුරු, කුඹුරු ඇට මද ලුණු වර්ණ පොතු අඹරා කල්ක කර කළං 1/2 භාගය බැගින් අමු ඉඟුරු යුෂ දියකර දීමෙන් පණුවන් හේතුවෙන් එන සියලු කුස රුදා පහව යයි.

ගර්භනින්ගේ  ගැබ ආරක්ෂා කර ගැනීමට දේශීය වෛද්‍ය ක්‍රමයේ කෂාය යෝගයන්  රාශියක් දැකිය හැක. අවසන් වශයෙන් මෙයින් එක් යෝගයක් මෙසේ දක්වමි.

ඉවද පැපිලියක කසබිලිය සඳුන් බෙලි දුන්                          සඳ
ගැබද රැකෙනුව ආමනසමින් ගැබිණියන්ගේ  දොස         මුදා
අලද, කිරිබදු, මදුක හාතා වාරි දුන් අටින එක                   සිදා
නිබඳ පැමිනෙන රක්ත දොස හැර ගැබය රැකෙනුය  නිවරදා
(මෙම කවිවල අයිතිය වෛද්‍ය වසන්ත ලාල් වීරමන් මහතා සතුය.)

මෙසේ අතීත කවියත් සමඟ හෙළ වෙදකම බැඳී පැවතුනි. හෙළ වෙදකම සමඟ බැඳී තිබු තවත් එක් දෙයක් ගැන කතා කරන්න ඕනේ ඒ තමා රස වෙදකම... රස වෙදකම කියන්නෙ, කෙටියෙන් කිව්වොත් රසදිය භාවිතා කර සිදුකරන වෙදකමක්. රසදිය කියන්නෙ මිනිසාගෙ වකුගඩුවලට අහිතකර ලෙස බලපාන බැරලෝහයක්. නමුත් එදා හෙළයා ඒවයි විස නසලා ප්‍රයෝජනවත් කොටස පමණක් භාවිතයට ගත්තා. එහෙම විස නසන්න පුලුවන්ද? ඔව් ඕනෙම දේක විෂ නසන්න පුලුවන් තාක්ෂණයක් හෙළයාට තිබුණා. කැවොත් මැරෙන නියඟලා අලයේ ද විස ඇත්තේ දවසින් එක් කාලයකදී පමණයි. ඒ කියන්නෙ වෙලාවක් තියෙනවා නියඟලා අලයේ විස බහින... ඒ වගේ තමා ඕනෙම දේක විස නසන්න හෙළයා දැනන් උන්නා. මං තව උදාහරණයක් කියන්නම් රස වෙදකමට යන්න කලින්. ඔබ දන්නවා සරස්වතී තෛලය ගැන. දන්නවා කිව්වට දන්නෙ නෑනෙ අහලා ඇති. ඒක තමා දැනට තියෙන බලවත්ම තෛලය(මහා හෙණරාජය සහ රාජතරංගනියටත් වඩා... කොටින්ම කිව්වොත් මිනිහෙක්ට ඉගිලීමට තරම් බලයක් ලැබෙන බවයි සත්‍ය) ඉතිං මේ සරස්වතිය හදද්දි යොදාගන්නවා වෙඩි බෙහෙතක්... ගින්දර පත්තු කරන්න වෙන්න ඇති? නෑ නෑ එක අමුද්‍රව්‍යයක් තෛලයට එකතු කරන. අධික විස සහිත මෙය ඉඟුරු යුෂ සමඟ ගලේ අඹරා විස නැසිය යුතුයි.(වැඩිවිස්තර පසුවට) ඒ වගේ විස නැසීමේ ක්‍රම එදා තිබ්බා. ඉතිං රසදිය ගත්තාමත් ඒ වගේ තමයි. රසදියේ විස නසන්න බුලත්කොළ යුෂ සහ සුදුළූණු යොදාගන්නවා. එය නිසි ක්‍රමවේදයකට අනුව විස නැසිය යුතුයි. මීට අමතරව දශමූල කසායෙන් අඹරා රසදියෙහි විස නැසිය හැකි වේ. ඉතිං මෙහෙම විස නසාගන්න රසදිය විවිධාකාරයෙන් ඖෂධ සඳහා යොදාගනු ලබනවා.



දැන්තමයි අපි අපේ මාතෘකාවට එන්නෙ... මං දැන් කතා කරන්න යන්නෙ රාවණ නම් වූ වෛද්‍යවරයා ගැන. ඉතිහාසයේ විසූ ශ්‍රේෂ්ඨතම වෛද්‍යවරයකු ලෙස බොහෝ තැන්වල රාවණයන් පිළිගනු ලබනවා. හිමාලයේ පැවැත්වූ වෛද්‍ය සමුළුවලදී ඒවා රාවණයන්ගේ මූලිකත්වයෙන් පැවැත්වූ බවට ලිඛිත සාක්ෂි තියෙනවා. මීට අමතරව රාවණයන් විසින් කුමාරතන්ත්‍රය(ළමුන් සඳහා රචනා වූ ලොව ප්‍රථම වෛද්‍ය ග්‍රන්ථය), ඔඩ්ඩිශතන්ත්‍රය , අර්ක් ප්‍රකාශය, නාඩි ප්‍රකාශය වැනි ග්‍රන්ථ රැසක් රචනා කර තිබෙනවා. වැදගත් දෙයක් කියන්න ඕනේ... මේ නාඩි ප්‍රකාශය සහ තවත් බොහෝ පුස්කොළ පොත් අධ්‍යනය කළ සුද්දා ඒවා අධ්‍යනය කරමින් මෙම නාඩි ශාස්ත්‍රයට තාක්ෂණය එක් කරමින් අදඒවා වෙළද පොළට එවනවා. තේරුනේ නෑනෙ? ඔබ අද පළදින... health band, health watch, heart rate monitor ආදිය හැදුවෙ අපෙන් උස්සන් ගිය තාක්ෂණයත් එකතු කරලා තමයි. රාවණයන් කියන්නෙ කුරා කුහුඹුවෙකුටවත් හිංසා කරන්න අකමැති අයෙක්. ඔහු තරම් සොබාදහමට ආදරය කළ අයෙකු නැති තරම්. ඔහු බටහිර වෛද්‍ය විද්‍යාවට ළංවෙන්න තියා හිතාගන්නවත් බැරි තරමට දියුණු වෙදකමක් බිහිකළා(දියුණු කළා). මිනිසාට හැදෙන , බටහිර වෛද්‍ය විද්‍යාවට නිට්ටාවට සුවකළ නොහැකි ආතරයිටිස්, ඔස්ටියෝපොරෝසිස්, ස්නායු ආබාධ, පිළිකා, වකුගඩු රෝග සහ ඒඩ්ස් වැනි මාරාන්තික රෝගවලට පවා නිට්ටාවට සුවකළ හැකි ඖෂධ පවතින්නෙ හෙළ වෙදකමේ පමණක් බවයි සත්‍ය. රාවණයන් දියුණු කළ හෙළ වෙදකමේ මිනිසාට ඇතිවෙන සියලු රෝග සහ අනාගතයේ ඇති වෙන්නට තියෙන සියලුම ලෙඩරෝගවලට ඖෂධ කළහැකි ක්‍රමවලින් සමන්විතයි. ඒ වගේම වැදගත් කරන්න එපා සිංහලයා මරණයටත් අභියෝග කළේ හෙළ වෙදකම තිබ්බ නිසා... පැය 72ක් ඇතුළත මැරැණ අයෙකුට පණ දිය හැකි විශ්මිත ඖෂධ මේ පිංබිම තුළ පැවතුනා, ඒ වගේම තාමත් පවතිනවා කියලා මං වගකීමෙන් කියනවා. හනුමන් ඉන්දියාවෙන් නෙමෙයි ඒවා ගෙනාවේ... සමනල කන්ද ආශ්‍රිතව තිබ්බ පුලස්ථි ඍෂි තුමාගෙ ඖෂධ වනයෙන්... ඒ වගේම ඊට අමතරව ඒවා වසරේ එක් කාලයකදී (කාලය කියන්නෙ නෑ) උණවටුනේ සිට කතරගම දක්වා වූ ප්‍රදේශයේ අදටත් පැලවෙනවා. මෙන්න වෙදකම... ඒකයි කියන්නෙ මේක විශ්වයේ බලවත්ම වෙදකම කියලා... ඇයි අද ඒකට මෙහෙම මැරෙන්න දෙන්නෙ??? එච්චර වටින දෙයක් අපි ලේසියෙන් නැතිකරගන්නවද? නෑ නෑ නෑ සිංහලයිනි! මේක මැරෙන්න කාලේ නෙමේ! ☝️❤️🇱🇰

🍁♾☀️ හෙළ තාක්ෂණය ☀️♾🍁 ⚕️🔱05 වන කොටස (කාල තරණය)🔱⚕️

කාලය...🤔 මේක හරි අපූරූ දෙයක්. ඒත් ඒකට යන්න කලින් කියන්න ඕනේ මේකෙදී මං කොටස් දෙකක් කතා කරනවා. එක : බටහිර ලෝකයේ කාලතරණ විද්‍යාව... දෙක : හෙළයන්ගේ කාලතරණ විද්‍යාව ගැන. මං ඔය මුලින් කිව්ව බටහිර කාල තරණය ගැන නම් වැඩිය දන්නෙ නෑ. ඒත් නොදන්නෙමත් නෑ...

🔰ඔවුන්ගේ භෞතික විද්‍යාව ගත්තොත් ඒක හැමවෙලේම පෙනෙන භෞතිකය මත පදනම් වෙලා තිබුණු දෙයක්... ඒ කියන්නේ ඔවුන් දෙයක් විශ්වාස කරන්නෙ ඇස් දෙකෙන් දැක්කොත් විතරයි... අන්න එහෙම පදනම් වුණු කාල තරණ විද්‍යාව ගැන මං දන්න සොච්චම කියන්නම්... ප්‍රධාන වශයෙන් ඔවුන්ට කාලය හරහා යන්න විදි කිහිපයක් තියෙනවා. ඒ තමා කාල යන්තයක්, වෝර්ම්හෝල් එකක් හෝ කළු කුහරයක් යන ක්‍රමයි. බටහිර මිනිස්සු හිතන් හිටියේ කාලය කියන්නෙ වෙනස් වෙන්නෙ නැති සන්තතික දෙයක් කියලා. ඊටපස්සෙ එහෙට ආවා අයින්ස්ටයින් ඔහු කියලා දුන්නා කාලය කියන්නෙ නිකන් අපේ ජීවිතේ වගේ මායාවක් කියලා. ඒ කියන්නෙ ඒක අපිට සාපේක්ෂව වෙනස් වෙන දෙයක්. සාපේක්ෂ කියද්දී මතක් වුණේ... මේකෙදි අපිට වැදගත් වෙනවා සාපේක්ෂතාවාදය... මොකක්ද ඒ සාපේක්ෂතාවාදය කියන්නෙ? එහෙම ඇහුවොත් ඒකට උත්තර දෙන්න දවසකට වඩා කාලයක් යනවා. ඒත් මේක අපිට ඕනේ වෙන නිසා මං මේක තේරෙන භාසාවෙන් කියන්නම්. මෙහෙමයි, "විශ්වයේ නියත එකම දේ රික්තයේදී ආලෝකයේ වේගය පමණයි, අනෙක් සියළු දේ තවත් දෙයකට සාපේක්ෂව ත්වරණය වෙනවා" කියන එක තමා සාපේක්ෂතාවාදයේ මූලධර්මය. ඒ වගේ තමා කාලය කියන එකත්. ඒකත් මිනිසාට සාපේක්ෂව ත්වරණය වෙන දෙයක්. ඒත් තේරුණෙ නැද්ද? එහෙනම් මෙහෙම හිතන්න. අපි කොලේක චිත්‍රයක් අදිනවා ඒකට තියෙන්නෙ දිගයි පළලයි විතරයි. ඒ කියන්නෙ ඒක ද්වීමානයි. අපි ගත්තොත් පෙට්ටියක්, ඒකට දිගයි, පළලයි ඒ වගේම උසකුත් තියෙනවා. ඒ කියන්නෙ ඒ පෙට්ටිය ත්‍රිමාණයි. එතකොට කාලය අයිති වෙන්නෙ ඔය කියන ඒවයින්... එකකටවත් නෙමේ. ඒක තියෙන්නෙ හතරවෙනි මානයේ. ඒ කියන්නෙ ඔය කාලයේ වේගය අඩු වැඩි වෙනවා අපි ගමන් කරන වේගය මත. ඒ මොකක්ද ඒ හරුපේ? අපි මොන වගේ වේගෙකින්ද ගමන් කරන්නෙ? වෙනස් කරන්න ඕනේ නම් ගමන් කරන්න ඕනේ නම් අපි යන්න ඕනෙ වේගය මොකක්ද? මෙහෙමයි, ඔබ මේ කාරණය දැනටමත් දන්නවා. ඒත් මං මුල ඉදලම කියන්නම්කො...

හිතන්න ඔබේ යහළුවෙක් ඉන්නවා. ඔහු ඔබේම වයසේ අයෙක්. ඔබ දෙදෙනාටම වයස 20ක් කියලා උපකල්පනය කරමු. ඔබ වයස විස්සෙදි ආලෝකයේ වේගයට සමාන වේගයක් තියෙන යානයක නැගලා පෘථිවිය වටේ අවුරුද්දක් ගමන් කරනවා. ගමන් කරලා ආයේ පෘථිවියට එනවා. එනකොට මොකක්ද වෙලා තියෙන්නෙ..? ඔබ පෘථිවිය වටේ අවුරුද්ද ආලෝක වේගයෙන් ගමන් කළා. එතකොට ඔබට දැන් වයස 21යි. ඒත්... ඔබේ යාලුවා ඔබට වඩා වයසට යනවා. ඒ කියන්නෙ, ඔබට වයස 21 වුණාට යාළුවාට වයස අවුරුදු 30ක් විතර වෙන්න පුලුවන්. ඒක කොහොමද වුණේ? ඒක වුණේ අර මං කිව්ව එක නිසා, අපි ගමන් කරන වේගයට අනුව කාලය ගමන් කරන වේගයත් සාපේක්ෂව අඩු වැඩි වෙන නිසා. මේක තවත් පැහැදිලි කලොත්..., ඔබ ආලෝකයේ වේගයෙන් 99.99%ක වේගයෙන් ගියොත් ඔබට තත්පරයක් ගතවෙන්න තත්පර 10ක් විතර යනවා. ඔබ ආලෝකයේ වේගයෙන් 99.999%ක වේගයෙන් ගියොත් ඔබට තත්පරයක් ගතවෙන්න තත්පර 100ක් විතර යනවා. එතකොට ඔබ ආලෝකයේ වේගයෙන්ම ගමන් කළොත් මොනා වෙයිද?🤔
*විශ්වාස කරන්න එතකොට කාලය නවතිනවා..!* ඔබ කාලයට වඩා වැඩි වේගයකින් ගියොත්... ඒ ගැන හිතලම බලන්න. ඕක තමා කාල යන්ත්‍රයක මූලධර්මය. හැබැයි ඉතිං ඒක ප්‍රායෝගිකව කරන්න අමාරු දෙයක් මොකද අලෝකයේ වේගයෙන් ගමන් කරද්දි ඒකට හරියන්න අපේ ශරීරයත් හැඩගස්සන්න ඕනේ එහෙමත් නැත්තං ඒක දරාගන්න පුලුවන් වෙන විදියට සුදුසු ඇදුමක් සකස් කරන්න ඕනේ. ඒ වගේම මේ ක්‍රමයෙන් නම් ඉතිං කාලයේ ඉස්සරහට ගමන් කරන්න පුලුවන් ඒත් ආයේ පස්සට ඒමක් නම් නෑ සහෝදර සහෝදරියනි...

බටහිර විද්‍යාවට අනුව යන්න පුලුවන් තව ක්‍රමයක් තමා වෝර්ම්හෝල් කියන්නෙ. ඒකෙන් කාලය හරහා ලක්ෂ දෙකක් අතර ගමන් කරන්න පුලුවන් කියන එකයි මතය. ඒත් ප්‍රශ්නේ තියෙන්නෙ තාම කවුරුත් ඒකක් දැකලා නැති එක... දැක්කත් මේක ඉතා කුඩා කාලෙකින් නැතිවෙලා යනවා කියලා තමයි කියවෙන්නෙ. ඒකත් ඉතිං කරන්න අමාරු වැඩක් නෙමෙ බැරි වැඩක්නෙ.

ඔවුන්ට අනුව ඊළඟ ක්‍රමය තමයි කළු කුහර. මෙකේ මූලධර්මය වෙන්නේ කළු කුහරයක් වටේට අධි වේගයකින් භ්‍රමණය වෙන යානාවක් කාලය හරහා යනවා කියන එක. ස්ටීවන් හෝකින්ස් කියන විදියට කළු කුහරයට ඈතින් ඉන්න අය අත්දකින කාලය ගලායෑමෙන් බාගයක් වෙනකල් වගේම කාලය මන්දගාමී වෙන්න ඕනලු මේ ක්‍රමයට. ඒ නිසා ඒකත් කරන්න අමාරු වැඩක් නෙමේ බැරි වැඩක් දැනට.


🔰දැන් තමා මං කතා කරන්න කැමති විදිය එන්නෙ. හෙළ විද්‍යාවට අනුව කාලය හරහා යාම... වැඩිකතා ඕනේ නෑ අපේ විද්‍යාවට අනුව මං දන්න කාලය හරහා යන්න පුලුවන් ක්‍රම තුනක් තියෙනවා. පළවෙනි එක තමා කුණ්ඩලීනීය...

කුණ්ඩලීනීය කියන්න අද හෙට කතා කරලා ඉවර කරන්න පුලුවන් දෙයක් නෙමෙයි. ඒ වගේම මේක ඕන ඕන විදියට අවධි කරගන්න පුලුවන් එකකුත් නෙමෙයි. මං දැක්කා ගොඩක් අය මේක කරන විදිය කියලා දෙනවා. මං ඒ අයගෙන් අහන්න කැමති එයාලා කුණ්ඩලීනීය අවධි කරගෙනද ඒක කියලා දෙන්නෙ කියලා? දෙයක් තමන් නොකර ඒ දෙය අනුන්ට කරනවා කියන එක වරදක් අනිවාර්යයෙන්ම. මොකද ඒ කරන කෙනාට මොකක් හරි වෙලා ඒක වැරදුණොත් ඒකෙ වගකීම කියලා දුන්න කෙනාට භාර ගන්න වෙනවා. මෙච්චර දේවල් කියලා දුන්න මේ ගෲප් එකේ ඒක කියලා දුන්නෙ නැත්තේ ඒකයි. මොකද මං කුණ්ඩලීනීය අවධි කරන්න තරම් සමත්වුණ කෙනෙක් නෙමේ තාම... දන්නෙ නැතුව නම් නෙමෙයි.
හරි මට ඒක කියන්න ඕනිම වුණා ඒකයි කිව්වේ. ඒත් ඒක අපේ මාතෘකාවට අදාළ නෑ. කුණ්ඩලීනීය ගැන දන්නෙ නැත්තන් දැන්ම අපේ බ්ලොග් එකට ගිහින් ඒක කියවලා එන්න. කුණ්ඩලීනීයේ තියෙනවා අඥා කියලා චක්‍රයක්. එකෙන් අපිට තුන් කල් දකින නුවණ සහ අපේ සහ අන් අයගේ අතීතය හෝ අනාගතය දැකීමේ හැකියාව. ඊට අමතරව කාලය හරහා ගමන් කිරීමත් මේ අසිරිමත් කුණ්ඩලීනීයට කළ හැකියි. ඔබ මේ වන විටත් බලලා ඇති අකාලසන්ධ්‍යා නොහොත් කාලයේ තීර්ථ යාත්‍රකයා කිය ටෙලිසිතුවම. අන්න එකෙත් තියෙන්නෙ කුණ්ඩලීනීය භාවිතා කරලා කාලය හරහා ගමන් කරන්නෙක් ගැන.

දෙවෙනි කාරණය තමයි සූක්ෂම දේහ සංචරණය කියන එක. තේරෙන සිංහලෙන් කිව්වොත් ASTRAL PROJECTION එක. මේකෙන් කොහොමද කාලය හරහා යන්නෙ...? ගොඩක් අය කරන්න කැමති දෙයක් තමයි මේක. නමුත් කරන්න බයයි. (සමහරවිට ඉදිරියේදී කරන විදිය කියලා දෙන්න පුලුවන් වෙයි... දැන්ම නම් බෑ) මේකෙදි වෙන්නෙ අපේ විඥානයෙන් කොටසක් ශරීරයෙන් ගලවලා අපිට ඕනම දෙයක් කරන එක... මං කිව්වේ ඕනම දෙයක් කියලා... ඒකට කාලය හරහා ගමන් කිරීමත් අයිතියි. අපිට පුලුවන් මේ සූක්ෂම දේහ සංචරණය මගින් කාලය හරහා ගමන් කිරීම. තේරෙන භාෂාවෙන් කිව්වොත් ශරීරයෙන් එළියයට අපේ මනෝකාය අරගෙන අපිට කරන්න තියෙන්නෙ අපිට යාමට අවශ්‍ය තැන සිතීම පමණයි. එය අතීතයද අනාගතයද යන්න කිසිම ප්‍රශ්නයක් නැත. තව ගොඩක් රසවත් දේවල් තියෙනවා මේ සූක්ෂම දේහ සංචරණය ගැන නම්... ඒත් මට කියන්න අවශ්‍ය කාලය හරහා යන එක ගැන විතරයි.
ඒ වගේම අන්තිම කාරණය කාල දොරටු. මේක මං අහලා තියෙන දෙයක් විතරයි. නමුත් විශ්වය හරහා ගමන් කල හැකි තරු දොරටු වගේම කාලය හරහා ගමන් කළ හැකි කාල දොරටුත් පවතින බවයි මතය. අන්තිමට තව එක දෙයක් කියන්න ඕනෙ... මං මේ ගෲප් එකේ කිව්වා රාවණයන්ගේ නැවත ඉපදීම සිද්ධ වෙන විධි බොහෝමයක්. දැනුත් කියන්න යන්නෙ ඒවයින් එකක් තමයි. ඒ තමා රාවණයන් කාලය හරහා පැමිණෙනවා කියන එක... රාවණයන්ගෙ අමරණීයත්වය අවිශ්වාස කරන කෙනෙක් ඉන්නවනම් අන්න එයාට මේක හොඳ ආරංචියක්... තවත් අලුත් තාක්ෂණයක් එක්ක හමුවෙමු ඉක්මණින්...

🍁♾☀️ හෙළ තාක්ෂණය ☀️♾🍁 ⚕️🔱04 වන කොටස (ආකාශ මාළිගය)🔱⚕️

මං මේ ලිපියෙදි නම් තාක්ෂණය ප්‍රායෝගිකව භාවිතා කරන ආකාරයක් කියලා දෙන්නෙ නෑ. නමුත්... මං බලාපොරොත්තු වෙනවා මෙච්චරකල් රහසක් වෙලා තිබ්බ සීගිරියේ තාක්ෂණය ඔබට පෙන්වා දෙන්න...

ඔබ දැනටමත් දන්නවා ආලකමන්දාව, ආකාශ මාළිගය, ගිරිබලකොටුව වගේ නම් වලින් හඳුන්වන්නේ සීගිරිය කියලා. මේ සීගිරිය නම හැදුන විදිය ගත්තොත්, ඔබ දන්නවා 'සිව' යනු හිරුයි. ගිරිය යනු පර්වතයක්.(වැඩි විස්තර පහළින්) ඒ අනුව අතීතයේ මිනිසුන් සූර්‍යයාට නමස්කාර කිරීමට ගිය ස්ථානය සිවගිරිය ලෙස හැඳින්වුණි. පසු කලෙක මෙම සිවගිරිය සීගිරිය බවට පත් විය. ආකාශ මාළිගය හැඳෙන්නෙ කුවේර සඳහා. ඒ පුලස්ථි ඍෂි තුමාගෙ අණ යටතේ. නමුත් පුලස්ථි ඍෂි තුමා හැරෙන්නට වෙන කවුරුත් දැනන් හිටියේ නෑ මේක *ඇත්තටම* හැදුණේ කුවේරට නෙමේ කියලා. කුවේරට හිමිවුණේ පිටත පිහිටි, එනම් මුදුනේ පිහිටි මහල් 3ක මාළිගය පමණයි. පිටත මාළිගයක් තියෙනවා කියන්නෙ ඇතුළෙනුත් මාළිගයක් තියෙන්න එපායැ! පර්වතයක් ඇතුලේ කොහොමද මාළිගයක් තියෙන්නෙ? සීගිරිය කියන්නෙ පර්වතයක් නෙමේ ඒක ගිරියක්, ඒ කියන්නෙ ගොඩ කාලෙකට කලින් පුපුරලා ගිහින් නිෂ්ක්‍රිය වුණු ස්ථානයක්. ඒ කියන්නෙ ගිරියක් ඇතුලේ කුහරයක් තියෙනවා. මේක දැනගෙන හිටියා පුලස්ථි ඍෂි තුමා. ඔහු මයදානවයන් කැඳවලා කිව්වා බාහිරින් තට්ටු 3ක මාළිගයකුත් අභ්‍යන්තරයෙන් මාළිගයකුත් අවශ්‍ය බව. මයදානවයන් පුදුමයෙන් ඇහුවා පර්වතයක් ඇතුලේ මාළිගයක් හදන්නෙ කොහොමද කියලා... එතකොට තමා පුලස්ථි ඍෂිතුමා මයදානවයන්ට රහස හෙළි කලේ.

පසුව මයදානවයන් ගිරි මාළිගයේ සැලැස්ම විශ්මිත ලෙස සකස් කලා. බාහිර මාළිගය තට්ටු 3කිනුත්, අභ්‍යන්තර මාළිගය තට්ටු 7ක් වන ලෙසත් සකස් කළා. නමුත් මෙහිදී එක ප්‍රශ්නයක් මතුවුණා ඒ තමා කුහරය ඇතුළට ගෙනියන භාණ්ඩ උඩට ප්‍රවාහනය කිරීම. මේක කරන්න විදියක් තිබ්බෙ නෑ මොකද කුහරය ඇතුළට යන්ත්‍ර ගෙනියන්න හැකියාවක් තිබ්බෙ නෑ. ඒ නිසා මයදානවයන් ජන්තුව කැදෙව්වා. ජන්තුට ප්‍රශ්නය කිව්වාම ජන්තු බටදඬු කැලේට දිව ගියා. ගිහින් ධ්‍යාන සුවයෙන් ටික වෙලාවක් හිටියා. ඔන්න ජන්තුට ආවා අදහසක්. ඔහු උණ පඳුරකින් උණ බටයක් අරගෙන පුරුක් ටික පළුඳු කරලා අවශ්‍ය විදියට සකසා ගත්තා. පසුව කුඩා උණපතුරක් අරන් එම උණ බටයේ කෙළවරට ඇතුල් කරලා ඒක ජලයේ ගිල්වුවා. ජන්තු හිතුවා වගේම වතුරේ ගිල්ලද්දි කුඩා උණ පතුර උඩට ආවා. ජන්තු ගියා මයදානවයන් හමුවෙන්නට. ගිහින්...

ජන්තු : මයදානවයනි, අප ගිරිය සම්පුර්ණයෙන් ජලයෙන් පිරවිය යුතුයි.
මය : ඒ කුමටද? අනික එසේ කරන්නෙ කොහොමද ?
ජන්තු : අපිට ගිරිය ජලයෙන් පිරිවීම සඳහා උමං යොදාගත හැකියි. අපි ඇතුලට යමු. ඉතුරු ටික විස්තර කරන්නම්.

දෙදෙනා ගිරිය අභ්‍යන්තරයට ගියා...

මය : හොඳයි ජන්තු, දැන් පැහැදිලි කරන්න ඔබේ උපාය.
ජන්තු : මයතුමනි, අපි මෙය සම්පුර්ණයෙන් ජලයෙන් පිරවූවිට දැව ජලයේ පාවෙනවා එම නිසා එම ඉපිලීමේ තාක්ෂණය භාවිතා කර අපට උඩට භාණ්ඩ ප්‍රවාහනය කළ හැකියි.
මෙය කියූ විට මයදානවයන් සිනාසී මෙසේ පැවසුවා.
මය : හහ් හා... ජන්තු දැව නම් ජලයේ පාවේවී නමුත් ඔබ කොහොමද ගල්කණු ජලයේ පා කරන්නෙ.
ජන්තු : එයටත් මා සතුව උපායක් පවතිනවා මයතුමනි. මෙම ගල්කණුවල අප විශේෂයෙන් සකස් කරන ලද මයුරදණ්ඩ දැව කඳන් බදිනවා. එවිට ඒවාද අපිට ජලයේ පාකළ හැකියි.
මය : හහ් හහ් හා... අගෙයි මිත්‍රයා බොහොම අගෙයි.

මෙය තමා අදටත් රහසක්ව පවතින ලොව 8වෙනි පුදුමයේ රහස. ඔවුන් මේ පිළිබඳව පුලස්ථි ඍෂි තුමාට පැවසුවා. පුලස්ථි ඍෂි තුමා ඔවුන්ව තවත් දිරිගන්වා මාළිගය සෑදීම ආරම්භ කරන ලෙස පැවසුවා.

පුරහඳ පායන දිනයට පසු දිනයේ ප්‍රථම හිරු කිරණ පොළොවට වැටෙන විට මාළිගය සෑදීම ආරම්භ වුණා. යක්ඛ, නාග, දේව සහ රාක්ෂ සිව්හෙළයින් ගිරි මාළිගය සෑදීමට එක් වුණා. මුළු සිංහලේම එකම අරමුණකට යොමුවුණා. නමුත් මේ බොහෝ දෙනා දැන සිටියේ පිටත මාළිගය ගැන පමණයි. සියල්ලන්ම බාහිර මාළිගය සාශන අවස්ථාවේ ජන්තු පමණක් පෙනෙන්න හිටියේ නෑ. ඔහු සිටියේ උමගක් කටිමින්. ඔහු උමඟ සාදා කුහරය ජලයෙන් පිරෙව්වා.

මේ අතරේ...

මය : අප මේ සඳහා තවත් විශේෂඥයන්ගේ උපකාර ලබා ගත යුතුයි.
පුලස්ථි ඍෂි : අප ඒ සඳහා විශ්වයේ සහය ලබා ගනිමු. ශිරාලියේ සිටින අපගේ ඥාතීන් මේ සඳහා කැමති කරවා ගැනීම මං කරන්නම්.
නමුත් ඔවුන් භෞතිකව ගෙන්වාගත නොහැකි. ඔවුන්ගේ දැනුම පමණක් ගෙන්වා ගන්නම්.

පසුව...

වැඩබිමෙන් දිය අගලටත් ඉන් සීගිරිය මුදුනටත් භාණ්ඩ රැගෙන යා හැකි අතර ඒ සඳහා පීඩනය ලබා දිය යුතු ආකාරය පුලස්ථි ඍෂිට පැහැදිලි කරමිනුයි ජන්තු හිටියේ... ජන්තු දිය අගල පතුලෙත්, දිය අගලත් සිව ගිරියත් අතර ස්ථාන දෙකකිනුත්, සිවගිරිය පතුලේ ඉඳන් මුදුනට ස්ථාන දෙකකිනුත් ආදී වශයෙන් දොරටු 5ක් ඉදි කලා.
භාණ්ඩ ප්‍රවාහනය කෙරුණේ මෙහෙමයි,

දිය අගලේ ඉදන් සිවගිරිය මුදුනටම ජලය පුරවලා දොරටු 5ම වැහුවා. ඊටපස්සෙ දිය අගලේ ඉදන් භාණ්ඩ ප්‍රවාහනයේදී පිළිවෙලින් දොරවල් විවෘත කර වසා දැමුවා. ඒ ඒ කොටසින් භාණ්ඩ අනෙක් ස්ථානයට ගියේ එම හේතුවෙනුයි. (අපැහැදිලි නම් ප්‍රශ්නය ඉදිරිපත් කරන්න ප්‍රශ්න ගෲපය තුළදී.)

"අගෙයි අගෙයි ජන්තූ... ඉතාම ඥානාන්විතයෙක් නොවෑ... ම්... ඔබ නම් හැබෑම දක්ෂයෙක්... යක් රැහේ උනේ නිකම්ම නෙමෙනේ."
තවද කර්කටක යන්ත්‍ර සහ තවත් බොහෝ තාක්ෂණික උපකරණ සමඟ මාළිගය දැඩි ආරක්ෂාවක් සහිතව නිමවුණා.

මෙය තමා අද ඉංජිනේරුවන් විශ්මයට පත්කළ හෙළ තාක්ෂණය... මෙය ආකාශයේ ඉදිකළ මාළිගාවක් ලෙස ජනයාට පෙනීමට තරම් කෙතරම් අලංකාර වන්නට ඇතිදැයි ඔබම හිතලා බලන්න. ලංකාපුරයට හනුමන් ආව වෙලෙ හනුමන් ලංකාපුරය වර්ණනා කරන ආකාරය ඔබට මතකද? හිතලා බලන්න උඩ කියපු තාක්ෂණික මූලධර්ම ටික ගැන තවත්... මෙයයි අපේ හෙළ ආඩම්බරය... තවමත් මකර සෙන්පති ආරක්ෂා කරන්නෙ මෙම ආඩම්බරයයි...❤️🇱🇰

🍁♾☀️ හෙළ තාක්ෂණය ☀️♾🍁 ⚕️🔱03 වන කොටස (ප්‍රාණයාම)🔱⚕️

ප්‍රාණයාම කියන්නෙ කෙටියෙන් කිව්වොත් ආශ්වාස ප්‍රාශ්වාස කිරීමේ ක්‍රමයක්. හැබැයි මෙම ක්‍රමයට කුණ්ඩලීනීය පවා අවධි කරවීමේ ශක්තියක් ගැබ්වී පවතිනවා. අප අවට පරිසරයේ විශ්ව ශක්තියෙ එක් එක් ආකාර තියෙනවා. ඒ කියන්නෙ ගස්වැල්වල තියෙනවා එක ශක්ති ආකාරයක්. ග්‍රහලෝකවල තියෙනවා තව ආකාරයක්. අවකාශයේ තියෙනවා තව ආකාරයක්. ඒ වගේම මේ වායුගෝලයෙත් විශ්ව ශක්තිය ගබඩා වෙලා තියෙනවා. අපි ගන්න හුස්මත් සමඟ එම විශ්ව ශක්තිය අපේ තුළට ඇතුල් වෙනවා. මේක තමා ප්‍රාණ ශක්තිය කියන්නෙ. ඒ වගේම අපේ ඇග ඇතුලෙත් ශක්තියක් තියෙනවා. ඒක අපේ ශරීරයේ තියෙන චක්‍රවල ගබඩා වෙලා තියෙන්නෙ. ඒකට තමා කුණ්ඩලීනී ශක්තිය කියන්නෙ. මේ ශක්තිය ගැන දැනටමත් දන්නවා ඇතිනෙ ඒ නිසා වැඩි වැල්වටාරම් නැතුව කතාවට යමු... අපේ ශරීරයේ සුශුම්නාව තුළිනුත් ඊට දෙපසිනුත් ශක්ති රැහැන් 2ක් පවතිනවා. සුශුම්නාව තුළින් යන ශක්ති කදම්භය සුශුම්නා නාඩිය ලෙසත්, වමෙන් තියෙන ශක්ති කදම්භය ඉඩා නාඩිය ලෙසත් දකුණෙන් තියෙන ශක්ති කදම්භය පිංගල නාඩිය ලෙසත් හැඳින්වේ. මෙම ඉඩා සහ පිංගල නාඩි කොදුනාරටිය දිගේ හිස දක්වා ගොස් වම දකුණ මාරු වී නාස්පුඩුවලින් එළියට එනවා. මෙම ඉඩා නාඩිය චන්ද්‍ර නාඩි ලෙසද හඳුන්වන අතර එයින් සෞම්‍ය ගුණ සහ ශීත ස්වභවයන්ට සම්බන්ධයි. ඒ වගේම පිංගල නාඩිය තේජස් ගුණ සහ උණුසුමට සම්බන්ධයි.

ප්‍රාණ ශක්තිය ශරීරයට ඇතුළු වෙන රිද්මය පාලනය කර අපිට අපේ ඇගේ තියෙන ශක්තීන් අවධිකරගන්න පුලුවන්. ඒ සඳහා හුස්ම පාලන අභ්‍යාස භාවිතා කරනවා. මෙන්න මේ හුස්ම පාලන ක්‍රම වේදයට තමයි ප්‍රාණයාමය කියන්නෙ. හුස්ම ගන්නෙ නැතුව හිටියොත් මැරෙයිද? නෑ එහෙම වෙන්නෙ නෑ. හුස්ම හිරවුණොත් තමයි මැරෙන්නෙ. හුස්ම ගන්නේ නැතුව ඉදලා අපිට අපේ ඇඟ ඇතුලේ ශක්තියක් ගබඩා කරගන්න පුලුවන්. ඒක කුණ්ඩලීනීය අවධි කරන්නට යොදාගන්න පුලුවන් විදිත් තියෙනවා... කොහොමහරි මට කියන්න ඕනෙ වුණේ මේ හුස්ම පාලනයෙන් ගොඩක් දේවල් කරන්න පුලුවන්. මං කලින් දැම්ම පිටසක්වල ජීවීන් පිළිබඳ ලිපිය මතකද? ඒකෙදි මට දෙයක් කියන්න අමතක වුණා ඒ තමා ඔවුන්ගේ ආයුකාලය ඉතා වැඩි. හුස්ම පාලනය කරලා තමා ඔවුන් ඒක කරන්නෙත්. ඒ කියන්නෙ මෙහෙමයි ඔබ දන්නවා ඉබ්බගෙ ආයු කාලය ඉතා අධිකයි, ඒ වගේම හාවෙක් ගත්තොත් ඌගෙ ආයු කාලය අල්පයි. ඒ ඇයි? මොකද ඉබ්බා හුස්ම ගන්නෙ හෙමින්, හාවා හුස්ම වේගයෙන් ගන්නවා. අන්න ඒ හේතුව නිසා තමාඒ දේ වෙන්නෙ. අපිට මේ හුස්ම පාලනය කරලා නිරෝගිමත් වීම, දීර්ඝායුෂ ලැබීම සහ විවිධ අධිමානසික ශක්තීන්ට ලඟා වෙන්න පුලුවන්.

මං කියලා දෙන්නම් මේ ප්‍රාණයාමය ප්‍රායෝගිකව භාවිතා කරන්න පුලුවන් විදියක්. ඊට කලින් කියන්න ඕනේ මේ ප්‍රාණයාම කරන්න ඕනේ කාලයක් තියෙනවා. ඒ තමයි අළුයම සිට දහවල් 11 දක්වා සහ සවස 4 සිට සවස 7 දක්වා වූ කාලය තුළයි. ඒ වගේම මේ ප්‍රාණයාම සිද්ධ කරන්න කලින් හොඳට පිරිසිදු වෙලා ඉන්න ඕනෙ. වැසිකිළි කැසිකිළි යාම් කරලා ඉන්න ඕනේ. හරි එතනින් පස්සෙ අපි යමු කාරණාවට...


🔰 දුර සිටින රෝගියෙක් ප්‍රාණයාම ශක්තියෙන් සුව කිරීම.

මෙහෙමයි, මං කිව්වා ප්‍රාණයාම කියන්නෙ හුස්ම පාලන අභ්‍යාසයක්. ඒකට තියෙනවා ක්‍රම වේදයක්. ඉස්සෙල්ලම කියන්න ඕනෙ මේ අභ්‍යාසය කරන්න ඕනේ අනුපාතයකට අනුව. තව දුරටත් පැහැදිලි කළොත් අපි අභ්‍යාසය බෙදනවා කොටස් 3කට. ඒ තමයි හුස්ම ගැනීම(ආශ්වාසය), හුස්ම රඳවා ගැනීම සහ හුස්ම පිටකිරීම(ප්‍රාශ්වාසය). මේ තුන සිද්ධ වෙන්න ඕනේ 1:4:2 අනුපාතයට. ඉස්සෙල්ලම තත්පර 5කින් අපි හුස්ම උඩට ගන්නවා. තත්පර 20ක් ඒ හුස්ම පපුවේ තියන් ඉන්නවා. තත්පර 10ක් ඇතුළත තමා මේ හුස්ම පිට කරන්න ඕනේ. අනුපාතයට සමාන වෙන්නෙ එහෙමයි.(1:4:2 = 5:20:10) මේක තමා මූලධර්මය. නමුත් ඒක වෙන්න ඕනේ මේ විදියට...

ඉස්සෙල්ලම නාස්පුඩු 2න්ම තත්. 5ක් හුස්ම අරන් තත්. 20ක් ඒක පපුව ඇතුලේ තියාගෙන තත්. 10ක් ඇතුළේ පිට කරන්න ඕනේ. ඊටපස්සෙ දකුණු නාස් පුඩුව වහන්න. වම් නාස්පුඩුවෙන් එම කාර්‍යයම නැවත කරන්න. ඊළඟට වම් නාස්පුඩුව වහලා දකුණෙන් ඒක කරනවා. එහෙම්ම දකුණු නස් පුඩුවෙන් තත්.5ක් අරන් තත්.20ක් තියාගෙන තත්.10කින් ඒක *වම් නාස්පුඩුවෙන්* පිට කරනවා. එතනින්ම ඒ කියන්නෙ වම් නාස්පුඩුවෙන් තත්.5ක් අරගෙන තත්. 20ක් තියාගෙන *දකුණු නාස්පුඩුවෙන්* තත්.10ක් පිටකරනවා. ඔන්න ඕක එක වටයක්. මේක පුලුවන් තරම් වටගානක් කරන්න ඕනේ. එක පාර කරන්න බෑ ඉතිං, කරලා කරලා පුරුදු වෙන්න ඕනේ.
දැන්, රෝගියාව කලින් දැනුවත් කරලා වේලාවක් යොදාගන්න ඕනේ. ඔහුට කියන්න පහනක් පත්තු කරලා මෙහෙම හිතන්න කියලා... "අහවල් පුද්ගලයා(ප්‍රාණයාමය කරන්නාගෙ නම) සිද්ධ කරන යෝගයේ බලයෙන් මාගේ සියලු ලෙඩ රෝග සුවවේවා. ඔහු තුළ ගැබ්වන ශක්තිය මා තුළට පැමිණේවා..." . එච්චරයි. කරලම බලන්නකො ප්‍රතිඵලය. මේක කරන්න බය වෙන්න එපා කරලා බලන්න. ඔබ හොඳින් මෙය පුහුණු වුවොත් නොදැනීම ඔබ තුළ කුණ්ඩලීනීය පවා අවධි වේවී...

ගොඩක් අයට මේක විශ්වාස කරන්න අමාරුවෙයි. මොකද ඔවුන්ට මේක ඔප්පු කරන්න පෙනෙන සාධක එපැයි.(බටහිර විද්‍යාවට අනුව) නමුත් අන්න එයාලා මතක තියාගන්න මේක අයිති වෙන්නෙ හෙළයන්ගේ විද්‍යාවේ නොපෙනන භෞතිකයට කියලා. දැනුමෙන් පිරිපුන් හෙළයක් නැවත මේ සිංහලේ භූමය තුළ බිහි වේවා...

🍁♾☀️ හෙළ තාක්ෂණය ☀️♾🍁 ⚕️🔱02 වන කොටස (අන්තරීක්ෂ ශක්තිය)🔱⚕️

හොඳයි මොකක්ද මේ අමුතු ශක්තිය? නෑ නෑ අමුතු දෙයක් නෙමෙයි මේ කියන්නෙ විශ්ව ශක්තිය ගැන. සිංහලෙන් කිව්වොත් cosmic power එක ගැන. මේ අන්තරීක්ෂ කියන වචනය සංස්කෘත භාෂාවෙන් බිඳී එන්නක්. එනම් න'අන්තලික්කේන කියන වචනයයි. හොඳයි මොකක්ද මේ ශක්තිය? මෙහෙමයි මේක විශ්වීය පරිසරයේ ගැබ් වී තිබෙන ශක්තියක්. මේක අපිට ජීවත්වීම සඳහා අත්‍යාවශ්‍යයි. නමුත් මේ ශක්තිය සෘජුවම අපේ ශරීරයට ලබා ගන්න බෑ. ආහාරවලින් හෝ නින්දෙන් තමා මේ ශක්තිය මිනිස් ශරීරයට ලැබෙන්නෙ. වැඩියෙන් ලබාගැනීමටනම් භාවනාව, යෝගී ක්‍රම වැනි විවිධ ක්‍රම භාවිතා කෙරේ. මෙම විශ්ව ශක්තියෙන් අසීමිත ලෙස ප්‍රයෝජන ගත් පුද්ගලයා වන්නෙ මහා රාවණ රජුයි. මේ අන්තරීක්ෂ ශක්තිය ඍජුවම අවශෝෂණය කරගත හැකි ජීවියා වන්නෙ ශාක ජීවියායි. අන්තරීක්ෂ ශක්තිය ගැන වර්ගපූර්ණිකාවේ දීර්ඝ ලෙස විස්තර කර තිබේ. තවද තිලක් කන්දේගම මහතා පවසන ආකාරයට,

ලෝකයේ එතෙක් මෙතෙක් පහළ වූ ශ්‍රේෂ්ඨතම විද්‍යාඥයා වන්නේ *ලෝකවිදු* සම්මා සම්බුදු රජාණන්වහන්සේ ය.(අවිවාදාත්මකයි) මෙම ශක්තීන් පිළිබඳව විශාලම දැනුම් සම්භාරයක් තිබී ඇත්තේ බුදුන් වහන්සේටය. කෙසේදයත් බුද්ධත්වයට පත්වීමද සිදුවන්නේ යම්කිසි විද්‍යාවකට අනුවය. එනම්, බුද්ධත්වයට පත්වන්නට අවශ්‍ය ශක්තියද විශ්වයෙන් ලබා ගත යුතුය. එම නිසා අන්තරීක්ෂ ශක්තිය අවශෝෂණය කරගැනීමට නම් අනිවාර්යයෙන් ශාක ජීවියෙක්ද අත්‍යාවශ්‍ය වේ.
මනසට අධිපති චන්ද්‍රයාගෙන් නිකුත්වන ධාලිස්ස කිරණය වැඩිම බල සහිත වේලාව වන පසලොස්වක දිනට බ්‍රහ්ම මූර්තිය හෙවත් හිරුගේ සංසුන්ම වේලාව සමඟ එකතු වුනොත්...
අන්න ඒ වෙලාවට ශාක ජීවියා ආසන්නයේ සිටින මනසින් උසස් ජීවියා(මිනිසා) අනිවාර්යයෙන් *සම්මාසම්බුද්ධත්වයට* පත් වෙනවා.

පේනවනෙ මෙන්න විද්‍යාව... ගවේෂණය කරන්න පැති... ඒත් ඉතිං මෙහෙම කිව්වා කියලා හිතන්න එපා හැමකෙනාටම සම්මාසම්බුද්ධත්වයට පත්වෙන්න පුලුවන් කියලා. එහෙම නෙමේ ඒ විෂය ගොඩක් දියුණුයි. මට කියන්න අවශ්‍ය වුණේ අන්තරීක්ෂ ශක්තිය භාවිතා කරන්න පුළුවන් බලවත්ම ආකාරය ගැනයි.



හරි ඒ කතාව දැනට ඇති මොකද අපේ මාතෘකාව ඒක නෙමේනෙ. අන්තරීක්ෂ ශක්තිය අපිට ප්‍රායෝගිකවත් එදිනෙදා ජීවිතයේදී භාවිතා කරන්න පුලුවන්. වැඩි කතා නැතුව මං යන්නම් කෙළින්ම මාතෘකාවට...

අන්තරීක්ෂ ශක්තිය එකතු කර ගන්න පුලුවන් ප්‍රධානම ආකාරය තමයි පිරමීඩය. එහෙමත් නැත්තං චෛත්‍ය... මේ අන්තරීක්ෂ ශක්තිය පිරමීඩයක් මැදට මධ්‍යගත කරලා එම එකතු වෙන අන්තරීක්ෂ ශක්තියෙන් බොහෝ දේවල් කළ හැකියි. මං කියලා දෙන්නම් ඒ මොකක්ද , කොහොමද ඒක කරන්නෙ කියලා... අපි ඒක බලලා වැඩි විස්තර කතා කරමු.

🔰 ප්‍රථමයෙන්ම ඔබ ඝනකම කඩදාසිවලින් පිරමීඩයක් සාදාගත යුතුයි. මෙම පිරමීඩය ස්වර්ණමය අනුපාතයට(GOLDEN RATIO) අනුව සකස් කළ හොත් ඔබට උපරිම ප්‍රයෝජන මෙම ක්‍රමයෙන් ලබා ගත හැකිය.(දිගටම කියවන් යන්න තව ටිකකින් කියන්නම් ස්වර්ණමය අනුපාතය කියන්නෙ මොකක්ද කියලා)
සාදාගත් පිරමීඩය මැද , එම පිරමීඩයේ උස 1/3ක් වන පරිදි විවිධ තබන්න. එනම්, රේසර් තලයක් තැබුවහොත් එය ඉබේ මුවහත් වේ. එළකිරි නරක් නොවේ. පොල්කිරි ඉබේ පොල් තෙල් බවට පත්වේ. ප්‍රතිඵල උපරිම කරවන මිනුම හෙවත් ස්වර්ණමය අනුපාතය වන්නේ, පිරමීඩයේ මැද උස මෙන් 1.47ක් බැගින් වන පරිදි පිරමීඩයේ ඇළදාර 4ත් , 1.57ක් වනපරිදි වූ පිරමීඩ පතුලේ දාරවල දිගත්වූ පිරමීඩ හැඩයයි.
ත්‍රිකෝණ හතර වෙන වෙනම ගෙන බැලු විට එකී ත්‍රිකෝණයේ උස පාදස්ථයෙන් හරි අඩක් ගෙන බෙදූ විට 1.618කට ආසන්න බවද පෙනෙනු ඇත. ස්වර්ණමය අනුපාතය යනු මෙයයි.

🔴 පෘථිවියේ අරය හා සඳේ අරය ගෙන එය ස්වර්ණමය අනුපාතයට සකසා ගීසාහි පිරමීඩය සිංහ දේශයේ සිට පැමිණි සිංහ මිනිසුන් විසින් සකසා ඇත.

🔰මෙය ගැලීලියෝ ගැලීලි මෑත ඉතිහාසයේදී මිනිසෙකුගේ ශරීරය උදාහරණයට ගෙන ඔප්පු කර ඇත. එනම්, මිනිසෙකුගේ උස ඔහුගේ නාභියේ සිට පාදාන්තයට ඇති උසෙන් බෙදූ විටත්, නාභියේ සිට පාදාන්තයට ඇති උස කේෂාන්තයේ සිට නාභියට ඇති උසෙන් බෙදූ විට ලැබෙන බව ගැලීලියෝ පවසා ඇත.

🔰 ආකලන ශ්‍රේණියක (0,1,1,2,3,5,8,13,21,34,55,89,...) ඉහළ පද ඉහළ පද ඕනෑම එකක් ඊට කලින් පදයෙන් බෙදූ විටද ආසන්නව මෙම ස්වර්ණමය අනුපාතය(1.618) ලැබේ. දැනට ප්‍රසිද්ධ හා වැඩිම ආදායම් ලබන සමාගම්වල ලාංඡනය නිර්මාණය කර ඇත්තේ මෙම ආකලන ශ්‍රේණියේ ස්වර්ණමය අනුපාතයට අනුවය. (උදා:- APPLE, TOYOTA, ...)

🔰 මෙම ස්වර්ණමය අනුපාතය යොදාගන්නා තවත් අවස්ථාවක් වන්නේ රථ වාහන නිපදවීමේදීය.(මෝටරථයේ සිට ගුවන්‍ යානා දක්වා) ගුවන් යානයක් නිපදවීමේදී යානය නිපදවන ද්‍රව්‍ය වායු ප්‍රතිරෝධය දැරිය හැකි තරම් ශක්තිමත් සේම බරින් ද අඩු විය යුතුය.


මං පොඩි උදාහරණ ටිකක් අරන් පෙන්නුවේ ස්වර්ණමය අනුපාතය ගැන... ඒ වගේම මං කියලා දුන්න පරීක්ෂණයත් වැදගත් ආකාරයට ප්‍රයෝජනයට ගන්න. එය තව තවත් වැඩි දියුණු කරන්න. එතනින් නවතින්න එපා. අන්තරීක්ෂ ශක්තිය කියන්නෙ ඔබ නිකමටවත් හිතන්නෙ නැති තරම් බොහොම බලවත් දෙයක්... එකෙන් රාවණයන් තරම් ප්‍රයෝජන ගත් තවත් අයෙකු නැති තරම්. අලුත් දෙයක් හිතන්න අලුත් දෙයක් කරන්න. මේ ඔබව හෙළයට අවශ්‍යම කාලයයි...

🍁♾☀️ හෙළ තාක්ෂණය ☀️♾🍁 ⚕️🔱01 වන කොටස (හැඳින්වීම)🔱⚕️

හෙළයාගේ තාක්ෂණය අදටත් ලොවට සොයාගන්න බැරි බොහෝ අභිරහස් ඉතුරු කරලා කාලයේ වැලි තලාවෙන් වැසී ගිහින් තියෙන්නෙ. හෙළ තාක්ෂණයේ බොහෝ දේ මේ වෙනකොටත් බටහිර රටවල්වලින් හාර හාර හොයනවා මේ මොහොත වෙනකොටත්. මේ අසිරිමත් තාක්ෂණය ගැන නොදන්න කෙනෙක් ඉන්නවනම් මං කියන්නම් ඒ තාක්ෂණයට උදාහරණ කිහිපයක්.

🔘 එකක් තමා බ්ලැක්නයිට් කියලා නාසා ආයතනය හඳුන්වන චන්ද්‍රිකාව. මේකට ළං වෙන්න තාම අද තියෙන තාක්ෂණයට බැරි වෙලා තියෙනවා. මොකද මේක තියෙන්නෙ වේරම්භ වාතයේ. අද තියෙන යානාවලට වේරම්භ වාතයේ ගමන් කරන්න බෑ. මොකක්ද මේ වේරම්භ වාතය? වේරම්භ වාතය කියන්නෙ අඩි 36000ත් 40000ත් අතර ඇති වායුගෝලය. මේ වායුගෝලීය කොටසේ එක් පැත්තකට සමාන්‍ය වායුගෝලයේ මෙන් දෙගුණයක වේගයෙන් ගමන් කළ හැකි අතර අනෙක් අතට(විරුද්ධ දිශාවට) ගමන් කළ හැක්කෙ සමාන්‍ය වායුගෝලයේ මෙන් අඩක වේගයකින් පමණි. මේක එදා හෙළයා හොඳින් අවබෝධ කරගෙන තිබුණා.

🔘 තව උදාහරණයක් තමා සීගිරිය. සීගිරිය කියන්නෙ කෙටි හැඳින්වීමක් කරලා ඉවර කරන්න පුලුවන් මාතෘකාවක් නෙමෙයි. කෙටියෙන් මෙහෙම කියන්නම්. අලංකාර බාහිර මාළිගයකිනුත්, තට්ටු 7ක අභ්‍යන්තර මාළිගයකිනුත් , විශ්මිත ජල නිර්මාණවලිනුත් සපිරුණු ස්ථානයක් තමයි සීගිරිය ලෙස හැඳින්වෙන්නෙ.

🔘 තව එක උදාහරණයක් මං දක්වන්නම්. ඒ තමා කෘතිම වැසි ඇති කිරීම. මේක විහිලුවක් නෙමෙයි. පහුගිය දවස්වල කතාවකුත් ගියානෙ හෙළවෙදැදුරු අනෝජ් ද සිල්වා මහතා වැසි වස්සලා ඇමරිකාව යට කරන්න යනවා කියලා. ඒක මාධ්‍ය ආයතනයකින් ගොතපු බොරුවක්. නමුත් සියල්ලම නෙමෙයි. එහෙම වැසි වස්සන්න පුලුවන්. යට කරන්න තරම් නෙමෙයි, කෘෂිකර්යට අවශ්‍ය තරම්. මේකත් එක්තරා වූ හෙළ තාක්ෂණයක්...

මීට අමතරව අකුණු සන්නායක, දහනයට ඔක්සිජන් අවශ්‍ය බව, මිනිසාට සෑදෙන ලෙඩ රෝගවලට අනාගතයේ සෑදෙන්න තිබෙන ලෙඩ රෝගවලට බෙහෙත් ඖෂධ, සූර්‍ය ශක්තියෙන් මිනිසෙකු ශක්තිමත් කරන ආකාරය, නිල ශාස්ත්‍රය, සූර්‍ය ශක්තිය භාවිතා කර එක් කන්නයකින් පමණක් මුළු රටටම පුරා අවුරුද්දක් බත සැපයිය හැකි තාක්ෂණයක් මේ රටේ තිබුණා.

බටහිර රටවල්වල තාක්ෂණය පදනම් වෙලා තියෙන්නෙ පෙනෙන භෞතිකය සහ පෙනෙන රසායනිකය ආශ්‍රයෙන් පමණයි. නමුත් හෙළ විද්‍යාව පදනම් වී තිබෙන්නෙ පෙනෙන භෞතිකය සහ නොපෙනෙන භෞතිකය, පෙනෙන රසායනිකය සහ නොපෙනෙන රසායනිකය ආශ්‍රයෙනි. හෙළ විද්‍යාව බටහිර විද්‍යාවට වඩා දියුණු වන්නට ප්‍රධාන හේතුවක් ලෙස මෙය පෙන්වා දිය හැක. බටහිර රටවල් නොපිළිගන්නා යන්ත්‍ර මන්ත්‍ර තන්ත්‍ර විද්‍යාව, ශබ්ද විද්‍යාව වැනි නොපෙනෙ භෞතිකය සහ නොපෙනෙන රසායනිකය මත පදනම් වූ විද්‍යාවන් බොහෝමයක් හෙළ දේව අධ්‍යාපන ක්‍රමවේදය තුළ ඉගැන්වීම් කරනු ලැබුවා.

මං මේ ලිපි පෙලෙන් හෙළ තාක්ෂණයන් සුළු වශයෙන් කියලා දෙනවා. එදිනෙදා ජීවිතයේදී භාවිතා කළ හැකි ඒවා. නමුත් එයින් එහාට ඔබ යායුතුයි. එම තාක්ෂණයන් භාවිතා කරලා අලුත් දේවල් ඔබ නිෂ්පාදනය කළ යුතුයි. මේ තාක්ෂණය ඔබට ලබා දෙන්නෙ ඒ අරමුණ මත පමණි. නමුත් සියල්ලම ලබා දෙන්නෙ නෑ කියන එකත් කියන්න කැමති. ඒ වගේම මේ ලිපිය ලියන මොහොත වෙනකොට මං හිතලා නෑ මේ ලිපි පෙළ දාන්නෙ කවදා කොයි වෙලේටද කියලා. ඒකත් ළඟදීම ගේන බලාපොරොත්තුවෙන් දැනට සමුගන්නම්...

🔱කව්ද මේ අසුර🔱

අද මං කතා කරන්න අසුර හෙවත් යක්ඛ ප්‍රජාව නිර්මාණය උන හැටි. එච්චර දිග වෙන එකක් නෑ හොදේ.                 

💎 කවුරුත් දන්නව මේක යක්කුන්ගෙ හෙළය කියල. ඒත් යක්කු කියන්නෙ කව්ද දන්නෙ කීයෙන් කී දෙනාද, කාගෙන් හරි යක්කු, යක්ඛ ගෝත්‍රික කියන්නෙ කව්ද ඇහුවොත් කියයි "උල් දත් තියෙන, ඇඟ පතින් විශාල, ගස් ගල් කඩන්න හයිය හත්තිය තියෙන, නපුරු, දුෂ්ට පිරිසක්" කියල. ඒත් එහෙම නෑ කිව්වොත් ඔයාල විශ්වාස කරනවද?                    ආතීතයේ මිනිස්සු හිතන් හිටිය ලෝකය මැව්වෙ දෙවියො කියල, එයාල අහසින් වැටුන කියල හිතන් හිටිය( වේද ග්‍රන්ථ වල තියේනෙ මිනිසුන් වර්ග 4 ගැන බ්‍රාහ්මණ, වෛශ්‍ය, ක්ශස්තීය, ක්ෂුද්‍ර කියල එයා බිහි උනේ බ්‍රහ්මයාගෙ එක එක ස්ථාන වලින් කියලනෙ ඔවුන් හිතන් හිටියෙ) ඉතින් එහෙම හිතන් හිටපු මිනිස්සු කිව්ව අපිව දෙවියන් විසින් මවපු නිසා අපි දේව ගෝත්‍රික කියල, ඉස්සර අපේ හෙළයෙ මිනිස්සු එහෙම කියපු පළියට දේවල් විශ්වාස කරේ නෑ. ඔව්න් විමර්ශනශීලීව කටයුතු කරා. ඔව්න් බවුන් වැඩුව. ආධ්‍යාත්මික තල වලට එළඹුනා. මිනිසාගේ ආරම්භය, අවසානය බුදුන් තරම් ගැඹුරට ඒ ආකාරයටම නොවුනත් හේතුවක් ඇතුව මේ දේවල් සිද්ද වෙන බව වටහා ගත්ත, අධිකව භාවනාව සිදු කල ඔවුන් මේ පංචස්ඛණ්දයෙන් මනෝකාය ඉවත් කරා සම්බන්දය එලෙසම තියාගෙන, මනෝකාය විශ්වයට මුදාහැරිය.  ඒකෙන් ඔවුන් තේරුම් ගත්ත ඔවුන්ව මවන ලද්දෙ දෙවියන් නොවන වග. මනෝකාය ශරීරයෙන් ඉවත් කරපු නිසා මනුස්සයෙකුත් නෙවේ, ඒත් ශරීරය සමඟ සම්බන්ද නිසා දෙවියෙකුත් නෙවේ,(ඒ ආධ්‍යාත්මික තල වලට පැමිනි අය ඍෂි කියල හදුන්වනව) ඉතින් ඔවුන්ව දෙවියන් මවපු නැති නිසා අපි සුරයන් නොවේ, අපි අසුර කියල ඔවුන් විශ්වාස කරා. අන්න එහෙමයි අසුර හෙවත් යක්ඛ ගෝත්‍රය නිර්මාණය උනේ. නැත්තන් අසුරයො කියන්නෙ මිනිස්සු හිතන යකා නෙවේ. මං කිව්වෙ අසුර ගෝත්‍රය ගැන විතර විතරයි, මොකද ඕගොල්ලො හිතන් ඉන්න යක්කුත් ඉන්නව පව් කරල සතර අපාය වල ඉන්න. උනුත් ඉතින් හඳුන්වන්නෙ යක්කු කියලනෙ. 😆                           
අන්න එහෙමයි මේ අසුරයො අනිත් යක්කුන්ට වඩා වෙනස් වෙන්නෙ.                                   

💎 අපි පැවත එන්නෙ එහෙවු අභිමානවත් යක්ඛ ගෝත්‍රයකින්. අපි වගේම අපිට ලැබිල තියෙන පුන්‍යභූමියත් විශේෂයි. ලංකාව පෘථිවියේ හරි මැද කියල දන්නවද? කවුරු හරි කෙනෙක් කියයි කොහොමද එහෙම වෙන්නෙ ග්‍රිනීච් රේඛාව ලංකාවට පහලින්නෙ තියෙන්නෙ කියල.  ඔව් ග්‍රිනීච් රේඛාව නම් තියෙන්නෙ ලංකාවට පහලින් තමා. ඒත් ඒ ඇදේට ඉන්න පිරිසක් ඇදේටම ඇඳපු රේඛාවක්. පෘථිවිය අංශක 23.5 ඇලයි. ඔය ඇදේ ඇරියොත් ලංකාව පෘථිවියේ හරිමැදයි. (ලක්ගල කඳු මුදුන ස්වභාවික පිරමීඩය) ඉතින් ගුරුත්වාකර්ෂණය අඩුම ස්ථානය එයයි, කවද හරි මේ ලෝකය හිම වලින් වැහිල විනාශ වෙලා ගි‍යත් ලංකාපුරය සුරක්ෂිතයි. ඒ බව අතීත මුතුන් මිත්තො දැනන් හිටිය, විද්‍යාව තාක්ෂණය අදට වඩා දියුණුව පැවතුනා එකල මිනිස්සුන්ගෙ ආධ්‍යාත්මික බලයත් සමඟ. අද මිනිස්සු ආධ්‍යාත්මිකව පිරිහිලා. හිත් කිළිටි වෙලා, පරිසරයත් කිළිටි කරනව. නැවත පරණ ඒ සුවිශේෂී යුගයක ආරම්භයක් දකින්න ලෝකය සුද්ද වෙමින් පවතින්නෙ අද. සැලකිලිමත්ව ඒ අතීත හෙලයන්ගෙ පරම්පරාව වශයෙන් අපේ යුතුකම අපි ඉටු කරමු. එතකොට ඉබේම අපිට අනාගථ ඒ සුවිශේෂී යුගයෙ උරුමක්කාරයො වෙන්න පුලුවන්. රටට දැයට බරක් නොවී මේ ටික කාලය පරිස්සමින් ගෙදර ඉමු.
තෙරුවන් සරණයි☸️
ස්වස්ථි සිද්දම්🙏           

සියලුම අයිතිය ඇඩ්මින් සිතුමිණි පාරින්ද්‍යා සතුය.

                                     🇱🇰🔥…රාවණ…🔥🇱🇰

✈️ වෛමානික ශාස්ත්‍රය 🛸

නම ඇහුව ගමන් දන්නවනෙ මොකක්ද කියලා... දන්නෙ නැති අයට කියලා දෙන්නම්... මේක පොතක්. මුල් කතෘ භාරද්වාජ් ඍෂි තුමා. මේකෙ තියෙන්නෙ විමාන ගැන. විමාන කිව්වට පෙරදිග තිබුණු විමානවල යාන්ත්‍රක ක්‍රියාකාරිත්වය ගැන තමා මේකෙ සඳහන් වෙන්නෙ. විමාන කිව්වේ? විමානයක් කියන්නෙ අතීතයේ තිබුණු ගුවන් යානාවලට කියපු නමක්... " යකාගෙ හැරියටනෙ විමානේ " මේවා හැදුණේ නිකන්ම නෙමේ... විමානයක් හදාගන්න විදිය අග ඉදන් මුලටම මේකේ පැහැදිලිව තියෙනවා. විමානයක් හදනවා කියන එක තනි කෙනෙකුට කරන්න පුලුවන් දෙයක් නෙමේ. තනියෙන් කරනවනම් ඔහු විශ්ව කර්ම විය යුතුයි. මං මේක දැකලා තියෙනවද? නෑ. හැබැයි මට ඉංග්‍රිසි පරිවර්තනය හම්බුනා. ඒ වගේම මං ඒක සිංහලට හැරෙව්වා. පළවෙනි පාරට පරිවර්තනය කළේ මම වෙන්නත් ඇති, අනේ මන්දා හරියටම දන්නෙ නෑ. මං කිව්වා ඉස්සෙල්ලම මේක තනියෙන් කරන්න පුලුවන් දෙයක් නෙමේ. මට බෑ. ඔබටත් බෑ. ඒත් අපිට පුලුවන්... මොකද අපි සිංහල... එකමුතුයි... සිංහලයගෙ එකමුතුකම තිබ්බ තැන විශ්වයේ කාටවත් ඔවුන්ව නවත්තන්න බැරි වුණා... ඒ වගෙව් තමා අපි එකතු වුණොත් අනිවාර්යයෙන් වැඩි කල් නොයා අපේ මේ සිංහල අහසේ විමානයක් ගමන් කරයි... මං ඒක(වෛමානික ශාස්ත්‍රය) ඔබට ලබාදෙන්නම් ඔබට වුවමනාව තියෙනවනම්... එකේ භාෂාව පොඩ්ඩක් තේරුම් ගන්න අමාරු රළු භාෂාවක් තියෙන්නෙ. ඒත් අවශ්‍ය කෙනාට ඒක එක පාරින් තේරෙයි. ඒ වගේම තව දෙයක්. අවසන් කාරණාව, මේක තව කාටවත් දෙන්න එපා. මොකද වැරදි කෙනෙක් අතට ගියොත් ඒක අපිට පාඩුවක්. දන්නවනෙ ඇමරිකාව මේ වෙනකොටත් ඕක පාවිච්චි කරලා විමානයක් හදලා තියෙන්නෙ. ඔවුන්ට ඒක ගුවන්ගත කරන්න විතරයි බැරි. මොකද යන්තරේ තිබ්බට වැඩක් නෑනෙ මන්තරෙත් ඕනේ...



වෛමානික ශාස්ත්‍රය සිංහල පරිවර්තනය - https://drive.google.com/file/d/1DUymDKVfyze0KsEbBL3_JeS1bV8HefAD/view?usp=drivesdk

🇱🇰♾卐 ස්වස්ථිකය 卐♾🇱🇰

මේක ගැන මං කලින් කතා කලා. ඒත් මට වැරදුනා මොකද ඒකෙ තිබ්බ සමහර දේවල් වැරදි කියලා කරපු පරීක්ෂණවලින් තේරුම් ගියා. ඒ නිසා මේක අනිවාර්යයෙන් කියවන්න. නිතරම කියවෙන අදහස් ටිකක් තමයි මං කලින් කිව්වෙ. ඒත් මෙච්චරකල් අහපු නැති දේවල් ටිකක් මං කියන්නම්. තව දෙයක්... කලින් එකෙ තිබ්බ ටිකක් මං එහෙම්ම තියෙනවා මොකද ඒවා සත්‍ය කරුණු. සිදුවූ වරදට සමාව ඉල්ලන ගමන් අපි යමු ලිපියට...

මොකක්ද මේ ස්වස්ථිකය කියන්නෙ ඇත්තටම? ස්වස්ථිකය කියන්නෙ සූර්‍ය හැඩය සංකේතවත් කරන්න. වක්ව කැරකී යන ඉරි දෙකක් එකිනෙකා හරස් වී යයි. ඇත්තටම එතන පෙන්වන්නෙ සූර්‍යයාගෙ රශ්මිය විහිදෙන ආකාරය. ඔබ දන්නවා රශ්මියට අපි කියනවා ශ්‍රීය කියලා. බලන්න ශ්‍රී අකුර සෑදී තිබෙන ආකාරය. එහි හැඩයත් ස්වස්ථිකයේ හැඩයට සමානයි නේද? අතීතයේ ඉදන්ම ශ්‍රී අකුර වැඩිපුර යොදාගන්නත් මෙය එක් හේතුවක්. 'ස්වස්' කියන්නෙ නීරෝගීකම සහ සෞඛ්‍යයට. ස්වස්ථිකය කියන්නෙ නීරෝගීකම ගෙන ආ ස්ථානයට. පුලස්ථි ඍෂිගෙ ඖෂධාලයට කියපු නමත් ස්වස්ථිකය බව මතක තබාගන්න. ගොඩ දෙනෙක් මගෙන් අහන එකක් තමයි ස්වස්ථි සිද්ධම් කියන එකේ තේරුම මොකක්ද කියලා. ඔබ දන්නවා දැන් ස්වස්ථි යන්නෙන් අරුත් ගැන්වෙන්නේ නීරෝගීකම සහ සෞඛ්‍ය ගැන කියලා. එතකොට සිද්ධම් කියන්නෙ සිද්ධි කිරීමක්. ඒ කියන්නෙ එතනදී වෙන්නෙ නීරෝගීකම සිද්ධි කිරීමක්. ඔබ හිතනවට වඩා ඒ වචන දෙක ප්‍රභලයි... ස්වස්ථි සිද්ධම්!!!

ස්වස්ථිකයේ ආකාර දෙකක් තියෙනවා. ඒ තමා එකක් දක්ෂිණාවර්තව කැරකුණු ස්වස්ථිකය. අනිත් එක වාමාවර්තව කැරකුණු ස්වස්ථිකය. පළවෙනි එක ඒ කියන්නෙ වාමාවර්ත ස්වස්ථිකය බුදුන්වහන්සේ කියා දුන් ලෝකෝත්තර දර්ශනය. එයින් කියවෙන්නෙ සසර ගමන අවසන් කිරීම. මෙය මහායාන බුදුපිළිමවල පපුවේ හෝ අත් ප්‍රදේශයේ දක්නට ලැබෙනවා. දෙවෙනි එක රාවණයන් පෙන්නා දුන් ලෞකික දර්ශනය. එයින් සසර ගමන දිගු වීම සහ එයට අවශ්‍ය තාක්ෂණය ගැන කියවෙනවා. නමුත් අලුතෙන් එකතු වූ කරුණු එක්ක අපිට මේක ටිකක් වෙනස් කරන්න වෙනවා. දක්ෂිණාවර්තව භ්‍රමණය වූ ස්වස්ථිකයෙන් අර්ත ගැන්වෙන්නෙ නීරෝගීමත් සසර ගමනකට අවශ්‍ය තාක්ෂණය ගැන බවයි සත්‍ය...

මේක නිකරුණේ පැළදීම වැරැද්දක්. දඩුවම් ලැබිය හැකි වරදක්. කවුද දඩුවම් දෙන්නෙ? විශ්වය! විහිලුවක් කියලා හිතෙනවද? නෑ නෑ... හොදම උදාහරණයක් තමා ඇඩොල්ෆ් හිට්ලර්... ඔහු රාවණ තාක්ෂණය සොරකන් කර ස්වස්ථිකයද වැරදි අයුරෙන් භාවිතා කළා. ස්වස්ථිකය පිටුපස සිට ඔහු කලේ නිකරුණේ ලේ වැගිරීම් පමණයි. එයට දඩුවම ඔහුට විශ්වය මගින්ම ලබා දුන්නා. ඔබ ස්වස්ථිකයක් පැලඳ ඉන්නවනම් හරිහමන් විස්තරයක් නොදැන, දැම්ම ඒක ගලවලා දාන්න... ප්‍රථමයෙන්ම එය පැළදීමට ඔබ සුදුස්සෙක් විය යුතුයි. නිර්මාංශී විය යුතුයි. පන්සිල් රැකිය යුතුයි. ස්වස්ථිකය ජීවම් කර සිද්ධි කළ යුතුයි නිසි ආකාරයට... ප්‍රධානම දේ දර්ශනය විශ්වාස කළ යුතුයි. ඔබ මේ සියල්ල සිදු කරන ස්වස්ථිකයක් පැළඳ සිටින අයෙක් නම් විශ්වයේ ආශිර්වාදය ඔබ සමඟයි. රාවණ අප්පච්චිගේ ආශිර්වාදය ඔබ සමඟයි...

❌රාමාගෙ හී පහරට කලින්...❌

හොඳයි, මං අද කියන්න යන්නෙ මං කියවපු කතාවක්. මේ කතාවේ ඇත්ත නැත්ත ඔබට සිතෙන ආකාරයට සිතාගත හැක.(මොකද සමහරු රාවණ නැවත නැගිටින බව විශ්වාස කරනවා. තවත් සමහරු නැගිටින්නෙ නැහැ කියලා දැඩිව විශ්වාස කරනවා. මං මධ්‍යස්ථව ඉන්න කෙනෙක්. ඔබට කැමති නම් මේ කතාව විශ්වාස කරන්න. අකමැති නම් විශ්වාස නොකරන්න. නැත්තං මං වගේ මධ්‍යස්ථව ඉන්න.) කොහොම වුණත් මං කැමති රාවණයන් නැගිටිනකන් නොසිට තමාට කරන්න තියෙන කාර්‍යය අදම ඉටු කරනවට. මොකද කොහොම වුණත් ඉස්සරහට එන්නෙ රාවණ යුගයක්. එහි රාවණයන් සිටින්නත් නොසිටින්නටත් හැකියාවක් තියෙනවා. එම නිසා බුද්ධියෙන් සිතා වැඩ කරන්න. වැළලී ගිය තාක්ෂණය නැවත සොයා ගන්න කියන එකයි මගේ අවවාදය...

හරි, මේ කතාව මං නෙමේ කියන්නෙ. ඒක කියන්නෙ සුසන්ත සත්‍යා යෝගීතුමා...(කවුද කියලා බලන්න ඕනේ නම් අන්තර්ජාලයේ සොයා බලන්න.) මේ කතාව කියලා තිබ්බේ මව්බිම පත්තරේ, ටිකක් තේරෙනවා අඩුයි. ඒ නිසා මං මේක තේරෙන සිංහලෙන් කියන්නම්...

ඔබ දන්නවා නීලකුම්බීලා දේව මාතාව ගැන. ඔව් ඔව් යුද්ධයට යන්න කලින් මේඝනාධ 'අග්නිහෝම' යාගය පැවැත්වුයේ මෙම දේවතාවියටයි. නීලකුම්බීලා දේව මාතාව කියන්නෙ භද්‍ර කාලී මැණියන් හටයි. ඒ වගේම ඔබ දන්නවා මේ ගෙවෙන්නෙ භද්‍ර කල්පය... යෝගීතුමා පවසන ආකාරයට භද්‍ර කල්පයේ දැන් මේ ගෙවන කාලයේ නැවත විශාල පිබිදීමක් සිද්ධ වෙනවා. මොකක්ද ඒ?

නීලකුම්බීලා දේව මාතාවගේ බලය ලබාගන්න පාර්ශව දෙකක් මේ වෙද්දි තරඟ වදිනවා. ඒ හෙළ පාර්ශවය සහ රාමා සීතා පාර්ශවයයි. ඔව් අපේ අසල්වැසි මිතුරු ඉන්දියාව(මෝධි ලංකාවට ඇවිත් රාවණ බලය ගන්නෙ අහවල් කෙංගෙඩියකට කියලද හිතන්නෙ?). ඒ අතරේ අපේ උන්? උන්ට රාවණ කියන්නෙ බොරුවක්. ඇත්තටම දුකයි.
හරි අපි කතාවට යමුකෝ. නිසි වෙලාව ආවාම දේවමාතාවට මංගල්‍යයක් පැවැත්විය යුතුයි. ඒ කතාව මං ටිකක් පැත්තකින් තියන්නම්. ඊට වඩා වැදගත් කතාවක් කියන්න ඕනේ. (මංගල්‍යය ගැන මතකේ තබා ගන්න.)

මෙහෙමයි, රාවණයන් මේ වෙලේ ඉන්නෙ නිද්‍රා යෝගයට සම වැදිලා. මේ නිද්‍රා යෝගය කියන්නෙ ඉතා ගැඹුරු යෝගයක්. මේක කොටස් දෙකකින් යුක්තයි. ඒ කය සහ ආත්මය වශයෙන්. මේකෙදි වෙන්නෙ කයෙන් ආත්මය ඉවත්වී යාම. එතකොට කොටස් දෙකක් තියෙනවා. ඒ ප්‍රාණය නිරුද්ධ කය සහ ප්‍රාණය සහිත ආත්මයයි. මෙන්න මේ විදියට තමා කායිකව අමරණීයත්වයට පත්වුණේ. සහ ආධ්‍යාත්මිකව අමරණීයත්වයට පත්වුණේ. එතකොට ඇයි රාවණයන් මේ යෝගයට සම වැදුණේ?
රාමාගේ හී පහරින් රාවණයන් සිහිනැතිවෙන බව රාවණයන් කල්තියා තම ආධ්‍යාත්මික බලයෙන් දැන සිටියා. මේ සඳහා රාවණයන් කල් තියාම උපායක් යෙදුවා. මොකද ඒ වෙන්න තිබ්බ දේ නවත්තන්න බැරි දෙයක්. ඒක නියමයක්. ඒ වගේම යෙදූ උපාය රාමා විශ්වාස කරන එකක් වෙන්න ඕනේ, ඒ කියන්නෙ රාවණ යෝගයකට සම වැදුණා කියලා රාමා දැනගන්න බෑ. ඒකට සුදුසුම උපාය වුණේ නිද්‍රා යෝගයයි. මේක රාවණයන් තනියම කළේ නෑ. ඒකට ශිව දෙවියන්ගේ සහ නීලකුම්බීලා දේව මාතාවගේ ආශිර්වාදය සහ කැමැත්ත හිමි වුණා. ඒ වගේම ශිව සහ නීලකුම්බීලා දේව මාතාවගේ පොරොන්දුවකුත් සමඟයි...

අවධානය යොමු කළ යුතු වන්නේ භද්‍ර කල්පයේ මෙම කාලය තුළදී දේව මාතාව යළි බලවත් වූයේ ඇයිද කියන එකටයි. එහෙම වෙන්නෙ යුගාන්තර බලවත්වීම මත. ඒ කියන්නෙ නිද්‍රා යෝගයට පත්වූ මහා රාවණ රජුව නැවත බලගැන්වීමේ කාර්‍යයයි. ඔව් යක් රැජිණිය නැවත බලවත් වෙනවා රාවණයන් අවධි කිරීමට සහ පොරොන්දුව ඉටු කිරීමට. මං කිව්වා අර මංගල්‍යය ගැන මතක තියාගන්න කියලා. මෙතනදි තමා ඒක අවශ්‍ය වෙන්නෙ. ඔබ දන්නවා හන්තාන කඳු වැටිය. මට(unknown) තේරුණ විදියට මේ හන්තාන කඳු වැටියට තමා නීලකුම්බීලා දේව මාතාවගේ බලය මධ්‍යගත වෙන්නෙ. ඒ නිසා එම ස්ථානයේ නීලකුම්බීලා දේව ප්‍රතිමාවක් නෙළා එය එතන තාවකාලිකව තැන්පත් කළ යුතුයි. එසේම අනාගතයේ එතන දේවාලයක් ඉදිවිය යුතුයි. හන්තාන කඳු වැටිය තුළ මෙම දේව ප්‍රතිමාව තාවකාලිකව තැන්පත් කර නීලකුම්බීලා දේව මාතාවට නේත්‍රා මංගල්‍යය පැවැත්විය යුතුයි. මෙයට රාවණ විශ්වාස කරන්නන් පැමිණිය යුතුයි. සිව්හෙළයම එතනට එකමුතුව රැස් විය යුතුයි. යෝගී තුමන්ට අනුව රාවණයන්ගේ නැවත පැමිණීම එහෙමත් නැත්තං නැවත ඉපදීම සිද්ධ වෙන්නේ මෙසේයි...