🇱🇰🔺 පිරමීඩ 🔺🇱🇰

 

☀️ පිරමීඩ කියන නම ඇහෙද්දි මට නම් මතක් වෙන්නෙ ශ්‍රේෂ්ඨ සිංහල ජාතියේ උප්පත්ති කතාවයි. *කතාව* කිව්වට එක කතාවක් නෙමෙයි කතා දෙකක් මං අහලා තියෙනවා. සමහරවිට මේ දෙකේම සම්බන්ධයක් ඇති කියලා මට හිතෙනවා. අපි ඒ කතා දෙකම අහලා යමුකො පිරමීඩ සම්බන්ධ කතාවට.

🔰 මේ කතා දෙකම එක වගේ අපේ හිත් ගන්නවා. කමක් නෑ මට හිතෙනවා මේ කතාවෙන් පටන් ගත්තොත් හොදයි කියලා. මේක සිද්ධ වෙන්නෙ මේ දියතෙ තියෙන ශ්‍රේෂ්ඨතම ස්වභාවික පිරමීඩය උඩ... ඒ තමයි සමනල කන්ද. මේ කන්ද උඩට නැගෙනහිරින් ප්‍රථම හිරු කිරණ වැටෙද්දි ඒ හිරු කිරණ හරහා හිරු කුමරුවන් මෙම කන්ද වෙත ආවා. එහෙම ආව හිරුකුමරුවන් දහවල කෙළිදෙලෙන් ගත කරලා සවස් යාමයේ බටහිරින් හිරු බැස යද්දී එම හිරු කිරණ හරහා හිරු කුමරුවන් නැවත හිරු වෙතට ගියා. ප්‍රථම සඳ කිරණ වැටෙන විට එම සඳ කිරණ හරහා සඳ කුමරියන් සමනල කන්ද උඩට එනවා. ඔවුන් රාත්‍රිය කෙළිදෙලෙන් ගත කරලා, අවසන් සඳ කිරණත් සමඟ නැවතත් සඳ වෙත ගමන් කළා. කොහොම වුණත් කවදාවත් මේ හිරු කුමරියන් සහ සඳ කුමරියන් එකිනෙකා හා හමුවුණේ නෑ. මොකද සඳ පායන විට හිරු කුමරුවන් සිටියේ නෑ. ඒ වගේම හිරු පායන විට සඳ කුමරියන් සිටියේ නෑ. ඉතිං ඔහොම ඉද්දි දවසක් හිරු කිරණ හරහා පැමිණි ආදම් නම් හිරු කුමරෙක්ට වේලාව ප්‍රමාදවීම නිසා නැවත හිරු වෙත යන්න බැරි වුණා. මේ වෙලෙ සඳ පායා ආවා. ඒත් සමඟම ඊව නම් සඳ කුමරියකට මේ ආදම් නම් හිරු කුමරාව හමුවුණා. මේ හමුව නිසා හිරු කුමරාටවත් සඳ කුමරියටවත් නැවත තමන්ගෙ රාජ්‍යයන්වලට යාමට අවශ්‍ය වුණේ නෑ. මේ නිසා ඊව නම් සඳ කුමරිය සමඟ ඇයගෙ යහළුවනුත් මේ භූමියේ නැවතුණා. ඒ වගේම ඊළඟ දිනයේ උදයේ පැමිණි හිරු කුමරුගෙ යහළුවන්ද ඔහු සමඟ මෙහි නැවතුණා. ආදම් සහ ඊව ආදරයෙන් බැදුණා, සහ අනිත් හිරු කුමරුවන් සහ සඳ කුමරියන් තම තමන්ගේ සහකාරයා, සහකාරිය තෝරාගත්තා. ඔවුන්ගෙන් බිහිවූ දරුවන් නිසා මේ හෙළ ජාතිය බිහිවුණා. හිරුගෙන් උපන් ජාතිය හෙළයන් නම් වන්නෙ මේ නිසා බවත්, සමනල කන්ද ආදම්ගේ උයන වුණේ මේ නිසා බවත්‍ ලෙස එම කතාවෙහි සඳහන් වේ. ඔන්න ඕක තමයි පළවෙනි කතාව... දෙවෙනි කතාව තවත් රසවත් අපි ඒකෙන්ම පිරමීඩවලට ප්‍රවේශය ගමු.

🔰 මේකට සම්බන්ධ වෙන්නෙ ඔරායන් එහෙමත් නැත්තම් දඩයක්කාරයා නම් තරු රටාවේ බඳ පටියේ මධ්‍යයේ ඇති තරු රටාවයි. එය ඇත්තටම ග්‍රහයෙකි. එහි නම් 'ඇල්නියම්' වේ. මෙය දෙපස ඇති අනෙක් ග්‍රහයන් දෙදෙනා මීට අවුරුදු දහස් ගණනකට පෙර ත්‍රිකෝණාකාරව තිබූ බවත්, එහි චුම්භක ක්ෂේත්‍රවල සිදුවූ වෙනසක් නිසා මෙම ග්‍රහයන් තිදෙනා එක පෙළට පිහිටි බව නූතන බටහිර තාරකා විද්‍යාඥයන් විසින් තහවුරු කරගෙන තිබේ. එම ග්‍රහලෝක ත්‍රිත්වය වන්නේ ඇල්නිටැක්, ඇල්නීලම් හා මින්ටාකා ය. මෙම ග්‍රහලෝක ත්‍රිත්වයේම සිට ඇත්තේ එකම ජීවීන් කොට්ටාසයකි. බුදු දහමට අනුව මෙය ආභස්සර බඹ ලොවයි. කොහොමින් කොහොමහරි ඔන්න ඔහොම ඉද්දි මේ ග්‍රහලෝක තුනටම එකවර ප්‍රභල පිටසක්වල ආක්‍රමණයක් එල්ල වෙනවා. මේ ආක්‍රමණයේ ප්‍රභලත්වය කොහොමද කිව්වොත් එය නිසා මේ ග්‍රහලෝකවල පරිසර පද්ධති බිඳ වැටෙනවා. මේ පරිසර පද්ධතිත් එසේ මෙසේ ඒවා නෙමෙයි. ඒවා පෘථිවි පරිසර පද්ධතිවලට වඩා අවුරුදු හැට දාහකින් එහා තියෙන පරිසර පද්ධති විශේෂයක්. මෙසේ බිඳ වැටෙන පරිසර පද්ධති නැවත ගොඩනගන්න ඔවුන් ක්‍රමයක් සොයා යද්දි තමයි මේ පිරමීඩ තාක්ෂණයෙන් ප්‍රයෝජන ගන්න ඔවුන් සිතන්නෙ. මේකට හරියන පිහිටීමක් ඇති ග්‍රහලොවක් සොයා යද්දි ඔවුන්ට පෘථිවිය හමුවෙනවා. ඒ කාලෙ මේ පෘථිවියේ මිනිස් ජනාවාසයක් නෑ. ඩයිනෝසරයන් විතරයි ඉන්නෙ. ඉතිං මෙම ඇල්නියම් ජීවීන් පෘථිවියේ විශාල න්‍යෂ්ටික පිපුරුමකින් එහි ඉන්න ජීවීන් බොහෝමයක් වඳ කරනවා. එහෙම වඳ කරලා ඉතුරු වුණු තෝරාගත් සත්ත්ව විශේෂයක් මගින් මිනිසුන් නම් අද පවතින ජීවීන් කොට්ටාසය නිපදවනවා. මේක නවීන බටහිර විද්‍යාවෙනුත් සනාථ වී හමාරයි. ඒ කියන්නෙ මිනිසා යනු නිර්මාණය කළ කෘතිම සත්ත්වයෙක් බව. එනම් පරිණාමවාදයේ අංශ දෙකක් අතුරුදහන් වීම එක ප්‍රබල හේතුවක්. ඒ වගේම ඇල්නියම් ජීවීන් තමන්ගේ වාසස්ථානය ලෙස තෝරාගන්නෙ මේ හෙළ දීපය. ඒකට හේතුන් වන්නෙ, මේ හෙළ දීපය පිහිටා තිබුණේ ලෝකයේ මධ්‍යයේ.[අතීතයේ] ඒ වගේම විශ්ව ශක්ති කේන්ද්‍ර දෙකක් මේ හෙළයේ පිහිටා තිබී තියෙනවා. ඒ එකකින් පෘථිවියට පහසුවෙන් ඇතුල් වෙන්නත් අනිකෙන් පහසුවෙන් පිටවෙන්නටත් හැකියාව තිබී තියෙනවා. රාවණ පරපුර යනු මෙම ඇල්නියම් ජීවීන්ගෙ ජාන මිශ්‍රවීමෙන් පැවතෙන අනුනාකිවරු කොටසක් හෝ ඇල්නියම් ජීවීන්මය. කොහොමහරි මොවුන් ඇවිල්ලා පෘථිවිය මත ප්‍රධාන ජනපද 7ක් පිහිටෙව්වා. මේ ජනපද හතේ සංකේතය වුණේ දම්පැහැති ආලෝකයක් විහිදන චන්ද්‍රහාස නම් අසිපතයි. මායා, මිසර, පේරු ආදී ශිෂ්ටාචාරවලින් අසිපතක සංකේතයක් හමුවන්නෙ මේ නිසායි. මේ හැම ජනාවාසෙකටම ඇල්නියම් ජීවීන් විසින් පිරමීඩ තුන බැගින් ඉදිකළා. මේ පිරමීඩ ත්‍රිත්ව හතෙන් කරන්නෙ ඇල්නියම් ග්‍රහලෝක තුනෙහි බිඳවැටුණු ප්‍රධාන පරිසර පද්ධති හතක්[උණුසුම, ජලය,...] විශ්ව ශක්තිය මගින් ගොඩ නැංවීමයි. ඉතිං ඔන්න ඔහොම අපි කතාව ඉවර කරලා අපේ මාතෘකාවට එනවා.



ඇත්තටම මේ පීරමීඩයෙන් වෙන්නෙ මොකක්ද❓


ඇත්තටම පිරමීඩයක් කියන්නෙ විශ්ව ශක්තිය ගබඩා කරගන්න ස්ථානයක්. මං නිවැරදිව පිරමීඩයක් හදලා ඒකෙන් ගෙදර ඉදන්ම වැඩගන්න හැටි හෙළයන්ගෙ තාක්ෂණය ලිපියෙන් දීර්ඝව විස්තර කළා.[බැලුවේ නැත්තං ඒක කියවලම එන්න.] නමුත් මෙහි ඇති රහස, නවීන විද්‍යාඥයන්ට අනාවරණය කරගත නොහැකි වූ රහස වන්නේ, මෙම ගබඩා කරගන්නා විශ්ව ශක්තිය වෙනත් ග්‍රහලොවක් දක්වා ප්‍රවාහනය කිරීමයි. එය මං දෙවෙනියට කිව්ව කතාවෙන් තේරෙයි. ඇත්තටම දෙවෙනි කතාව මෙම පිරමීඩවලට ඍජුවම සම්බන්ධයි. මොකද එම ඇල්නියම් ග්‍රහතරු තුන ගීසා පිරමීඩ ත්‍රිත්වය සහ අනෙක් පිරමීඩ මත තැබූ විට ඒවාට ඉහළින් නිවැරදිව පිහිටීමයි. මෙම පිරමීඩ අභ්‍යන්තරයේදී විශ්ව ශක්ති බලපෑම නිසා අරුම පුදුම දේ සිදුකළ හැකි බවයි සත්‍ය. මං කලින් පිරමීඩ ගැන පැහැදිලි කරපු හෙළ තාක්ෂණය ලිපියෙ කිව්වා ස්වර්ණමය අනුපාතය ගැන. ගීසා පිරමීඩය හදලා තියෙන්නෙ හඳේ අරය සහ පෘථිවියේ අරය ස්වර්ණමය අනුපාතයට සකසලයි. ඇත්තටම කියනවනම් පෘථිවියේ පවතින අංශක 23 1/2ක ඇලය පවතින්නෙත් මේ ගීසා පිරමීඩයෙන් වෙනත් ග්‍රහලොවකට හටගන්නා චුම්භක ශක්තියක් නිසායි. පිරමීඩ ගැන කියද්දි තවත් වැදගත් පිරමීඩ ත්‍රිත්වයක් තමයි රුවන්වැලි මහා සෑය, මිරිසවැටිය සහ ජේතවනය. මේ තුනත් ඇල්නියම් ග්‍රහතරු තුනේ දුරවල්වලට අනුව තැනු සුවිශේෂි පිරමීඩ තුනක්. ඉතිං දැන් මේක කිව්වාම මුලින්ම හිතෙන්නෙ මේ දාගැබ් තුන ඉදිකළේ මේ මෑත ඉතිහාසයකදිනෙ කියලයි. මේකෙදි වුණේ කලින් මෙතන පිරමීඩ තුනක් ඉදිවෙලා තිබුණා, පසුකාලීනව බිහිවූ ශ්‍රේෂ්ඨ රජවරු එම පිරමීඩ තවත් විශාල කරලා තවත් බලවත් කරලා බැන්දා. ලංකාවේ තියෙන පිරමීඩ ත්‍රිත්වයේ විශේෂත්වය තමයි මෙම පිරමීඩවල තිබෙන පළිඟුව සහ ධාතූන් වහන්සේලා. කොහොමහරි මට කතා කරන්න ඕනෙ මේ පිරමීඩයේ පළිඟුව ගැන.



💎 පළිඟුවක් කියන්නෙ ස්වභාව ධර්මයෙ තවත් එක් විශිෂ්ට නිර්මාණයක් බවයි සත්‍ය. මෙම පළිඟුවකට යොදන කැපුම අනුව එම පළිඟුවලින් ප්‍රයෝජන ගෙන තිබේ. එනම් කැපුමක් අනුව පළිඟුවකින් සූර්‍ය ශක්තිය ගබඩා කිරීම, වර්ධනය කිරීම සහ පරාවර්තනය කිරීම සිදු කරනු ලබයි. මේ පළිඟු තාක්ෂණය තමයි ලේසර් අවි සහ විමානවල භාවිතා වුණේ. කොහොමද මේ පළිඟුවකින් ලේසර් කදම්භයක් නිර්මාණය වුණේ❓ මෙහෙමයි, මේ පළිඟුවක් අභ්‍යන්තරයට යොමුකරගන්නා සූර්‍ය ශක්තිය කිහිපවරක් පළිඟුව අභ්‍යන්තරයේ භ්‍රමණය කරවීම මඟින් ඉස්සෙල්ලම මේ සූර්‍ය ශක්තිය වර්ධනය කරවා ගන්නවා. මේ වර්ධනය කරවා ගන්න අධි ශක්තිය පළිඟුවේම ආධාරයෙන් එළියට යොමුකරනවා. මේ එළියට යොමුවෙන සූර්‍ය ශක්තිය නම් මාරාන්තික බවයි සත්‍ය. කොහොමින් කොහොමහරි මේ දාගැබ්වලට යොදන චූඩා මාණික්‍ය නම් විශේෂ පළිඟුව මගින් සිදු වෙන්නෙ විශ්ව ශක්ති ආකර්ශනය. එය සිද්ධ වෙන්නෙ එහි යොදා ඇති විශේෂ කැපුමට අනුව. පළිඟුවකට යොදන ප්‍රධාන කැපීම් තුනක් තියෙනවා. මං ඒකෙ රූපයක් දාන්නම් පහළින්. මොනවද මේ කැපීම් වර්ග තුන❓ පළවෙනි එක තමයි කෙටි කැපුම. මේකෙන් කරන්නෙ පිටත ඇති ශක්තිය ගල හරහා ගමන් කරවා එය කිසියම් කාර්‍යයකට මධ්‍යගත කරවීමයි. දෙවෙනි කැපුම මැදි කැපුමයි. මෙහිදී සිදුවන්නෙ පිටතින් පැමිණෙන ශක්ති පරාවර්තනය කරවීමයි. මෙම කැපුම සහිත පළිඟු රාවණ රජුගේ ඔටුන්නෙ ඔබ්බවා තිබූ බවයි සත්‍ය. මොකද රාවණයන් යනු ආධ්‍යාත්මික ශක්තියෙන් අගතැන්පත් අයෙක්. ඉතිං පිටතින් පැමිණෙන ශක්තීන් එතුමාට අවශ්‍ය වුණේ නැහැ වගේම අහිතකර ශක්තීන්වලින් ආරක්ෂා වීමට තමයි එම පළිඟු කැපුම යෙදූ පළිඟු වර්ගය භාවිතා කළේ. මීළඟට දිගු කැපුම. ඒකෙන් වෙන්නෙ පළිඟුවට යොදන කැපුමක් මගින් එයින් ලැබෙන ශක්තිය අවශ්‍ය ප්‍රමාණයට පාලනය කරවීමයි... ඉතිං ඔය වගේ දේවල් තමයි පළිඟුවට යොදන්නෙ. ඔබ ළඟ අපලවලට දමන මුද්දක් තියෙනවනම් බලන්න ඒකට යොදලා තියෙන්නෙ කෙටි කැපුමක්. ඒ එමගින් ඔබ තුළට විශ්ව ශක්තිය ලැබෙන නිසයි. ඔන්න ඔහොම කියනවනම් දවස් ගනන් විස්තර කරන්න දේවල් පළිඟු තාක්ෂණය තුළ අන්තර්ගත වෙනවා. මට කියන්න ඕනෙ වුණේ චූඩා මාණික්‍ය ගැනනෙ. චූඩා මාණික්‍යයට යොදන්නෙ මොනවගේ කැපුමක් ද❓ ඒ කැපුමට කියන නම නම් මං තාම දන්නෙ නෑ. කොහොමහරි ඒකට යොදන්නෙ විශ්ව ශක්ති ආකර්ෂණ විශේෂ කැපුමක්. ඒ වගේම අන්තිමට මට එක දෙයක් කියන්න ඕනෙ. ඒ තමයි හෙළයන් විසින් ගොඩනැගුව පළිඟු පිරමීඩය. සම්පූර්ණයෙන් පළිඟු වලින් ගොඩනගන ලද මෙම විශිෂ්ට පිරමීඩය උත්තර ධ්‍රැවයේ සැඟවී පවතිනවා. මෙය නුදුරු අනාගතයේම නැවතත් ගිනි කඳු පිපිරීමක් සමඟ ලොව මවිත කරමින් මුළු ලොවටම අනාවරණය වනු ඇත...



බුද්ධ ශක්තියෙනුත් බලවත් වූ විශ්වයේ බලවත්ම පිරමීඩ දෙක තියෙන්නෙ මේ උතුම් පිං බිමේ. එවායින් එකක් වන්නෙ බුදුන්වහන්සේගේ ධාතුන් වහන්සේලා තැන්පත් කර ශ්‍රේෂ්ඨ දුෂ්ටගාමිණි අභය මහරජු තැනූ විශ්වයේ බලවත්ම රුවන්වැලි මහා සෑයයි. අනික මොකක්ද❓ ඔබ දන්නවත් ඇති නොදන්නවත් ඇති, මේ දියතෙ පිරමීඩ 10000කට වඩා ඇති බව බටහිර විද්‍යාඥයන් විසින් තහවුරු කරගෙන අවසානයි. ඔය දසදහසෙම පාලන මධ්‍යස්ථානය ඇල්නියම් ජීවීන් විසින් ගොඩනැගුවේ අපේ හෙළ දීපයේ බවයි කතාව නම් තියෙන්නෙ. ඇත්ත නැත්ත කොහොම වුණත් ඒ ස්වභාවික පිරමීඩය වන්නේ, අති උතුම් සිරිපා පහස ලද සමනල ගිරයි. මෙය තමයි ලොව බලවත්ම අනෙක් පිරමීඩය. එයට හේතුව මං අමුතුවෙන් ඔබට කියලා දෙන්න ඕනෙ නෑනේ... හොඳයි ඔය තියෙන්නෙ පිරමීඩවල කතාව. ඒ වගේම අප්‍රසිද්ධ පිරමීඩ කිහිපයක් පිළිබඳව දැන් අපි සොයා බලමු.


🔺 ක්ලොස් ඩෝනා පිරමීඩය

මෙක්සිකොවෙන්  සොයා ගන්නා ලද පිරමීඩ ති‍්‍රත්වය ගීසා පිරමීඩ මෙන්ම වැඩි අවධානයට යොමු වූ තවත් එවැනිම පිරමීඩ ති‍්‍රත්වයකි. විශේෂිත හැඩ තුනකින් නිර්මාණය කර ඇති මෙම පිරමීඩ ඇස්ටෙක්වරුන්ට අයත් වන්නට ඇතැයි පර්යේෂකයෝ විශ්වාස කරති. ඉන්පසුව කරළියට පිවිසෙන්නේ චීනයේ සියෑන්හි පිහිටි පිරමීඩ ති‍්‍රත්වයයි. මෙය චීනයේ පිහිටි පිරමීඩ අතරින් විශේෂත්වයක් ගනු ලබන්නේ එහිද පිහිටීම ඔරායන් බඳ පටියේ තරු පිහිටීමට සමාන වීමයි. ඊජිප්තුවේ ගීසා පිරමීඩ ති‍්‍රත්වය, මෙක්සිකෝවේ පිරමීඩ ති‍්‍රත්වය මෙන්ම චීනයේ සියෑන්හි පිහිටි පිරමීඩ ති‍්‍රත්වය සම්බන්ධවද විශේෂිත කාරණාවක් ඇත. ලෝකය පැතලි තලයකට ගෙන කතාකළහොත්  මෙම පිරමීඩ පංති තුන පිහිටා ඇත්තේද ඔරායන් තරු පංතියේ පිහිටීමට සමාන වන ආකාරයෙන් වීම පර්යේෂකයන් මවිත කරවන්නට හේතු වූ කාරණාවකි.
පිරමීඩ කාලයත් සමගින් පස් හා ශාකවලින් වැසී ගොස් ස්වභාවික කඳු බවට පත්ව ඇති බව තේරුම්ගත්  පර්යේෂකයෝ නවීන තාක්ෂණික උපකරණ හා ‘ගූගල් මැප්’  උපයෝගි කරගනිමින් ඔරායන් තරු පිහිටීමට සමාන කඳු ති‍්‍රත්වක් හඳුනාගෙන පරීක්ෂා කරන්නට වූහ. එහි ප‍්‍රතිඵලය වූයේය ලොවම මවිත කරමින් ලෝකයේ සෑම තැනින්ම පිරමීඩ ති‍්‍රත්වයන් කරළියට පිවිසීමයි. බොස්නියාවෙන් සොයා ගන්නා ලද ඉර - හඳ හා පාථිවිය ලෙස නම් කරන ලද පිරමීඩ ති‍්‍රත්වය ගීසා පිරමීඩ  මෙන්ම ලොව අවධානයට  යොමුවූ පිරමීඩ ති‍්‍රත්වයකි. එයට හේතු වන්නේ එය අප පෘථිවියේ කි‍්‍රයාකාරිත්වයට දායක වන ඉර - හඳ ලෙසින් නම්කර තිබීමයි. කෙසේ වෙතත් එහි පිහිටීමද ඔරායන් බඳ පටියට සමානය.


🔺 රවුම් හැඩැති පිරමීඩ(දාගැබ්)

ඉන්පසුව ගෝතමාලාවේ ටිකාල් ප‍්‍රදේශයේ පිහිටි පිරමීඩ අසූවක පමණ ප‍්‍රමාණය අතරින් ඔරායන් බඳ පටියේ පිහිටීමට සමාන පිරමීඩ ති‍්‍රත්වයක්ද මතු කර ගැනීමට හැකිවිය. පිරමීඩ කියූ සැණින් අපේ මතකයට නැගෙනුයේ ති‍්‍රකෝණාකාර විශාල ගොඩනැගිල්ලක් වුවත් සෑම පිරමීඩයක්ම එලෙසින් ති‍්‍රකෝණාකාර හැඩයකින්ම නිර්මාණය වී නොමැති  බව පර්යේෂකයෝ පෙන්වා දෙති. එයට හේතුව වනුයේ මේ වනවිට ලෝකයේ තැනින්, තැනින් සොයාගත් පිරමීඩවල එකකට එකක් වෙනස් වූ හැඩ තල කිහිපයක් පැවතීමයි. යුරෝපයේ පිහිටි පිරමීඩ පිළිබඳ ලෝක අවධානය යොමු වන්නට හේතුවූයේ ඉතාලියෙන් ගීසා පිරමීඩවල පිහිටීමට නැතහොත් ඔරායන් බඳ පටියේ තරු රටාවට සමාන  පිහිටීමක් සහිත කඳු පද්ධති දෙකක් හඳුනා ගැනීමයි. ඉතාලියේ මිලාන්හි පිහිටි කඳු ති‍්‍රත්වය කාලයාගේ ඇවෑමෙන් සොබාදහමෙන් වැසී ගිය පිරමීඩ බව හඳුනා ගැනීමට මෙන්ම ඒ අවට විසිරී තිබූ පුරාවිද්‍යාත්මක සාධක  මතුකර ගැනීමටත් පර්යේෂකයෝ සමත් වූහ. ඉතාලියෙන් හමුවූ දෙවැනි පිරමීඩ පංතිය පිහිටා තිබුණේ ෆ්ලොරෙන්ස් නුවරට ආසන්නයේය. මෙම සොයා ගැනීම් දෙක සමගම යුරෝපයට පිරමීඩ පිළිබඳ නව උනන්දුවක් නිර්මාණය වීමට පසුබිම සකස් විය. ඒ හේතුවෙන්ම යුරෝපීය ගවේෂණ කණ්ඩායම් ලෝකය පුරා පිහිටි  පිරමීඩ පිළිබඳ නව පර්යේෂණ බොහොමයක් අරඹන්නට විය. පිරමීඩ හා විශ්වීය ඥානයන් උකහාගෙන එය තාක්ෂණික දියුණුවට යොදාගත් රටක් ලෙස නිල නොවන පිළිගැනීමක් ඇත්තේ ජර්මනියටයි. ජර්මනිය යම් යම් ක‍්‍රමවේද හරහා පිටසක්වළයන්ගෙන් තොරතුරු ලබාගත් බවටද විශ්වාසයක් පවතී. එය කෙසේ වෙතත් ජර්මනියෙන්ද පිරමීඩ පංතියක් සොයා ගන්නට හැකිවීමත් සමග මුලින් සඳහන් කළ ඇල්නීලම් තරුව හා ජර්මනියේ සබඳතාවක් පවතින බවට ඉඟි පළ වෙමින් පවතී. මොකද ඔවුන් සියලු තාක්ෂණයන් දෙන ලෝක යුධ සමයේ හොරාගත් බැවිනි.

රවුම් හැඩයෙන් යුතු පිරමීඩ සොයා ගැනීමත් සමග තෙරුම් ගත හැකි වූ කාරණය වනුයේ එක් එක් ආකාරයේ ශක්ති ක‍්‍රියාත්මක වීම උදෙසා බලපාන හැඩයන්ගෙන් මෙම නිර්මාණ සිදුවන්නට ඇති බවය. අනෙක් කාරණාව වනුයේ ගල්, මැටි, කොන්ක‍්‍රීට් මිශ‍්‍රිත බදාම ආදී ඒ ඒ රටේ ඇති සම්පත් හරහා මෙම පිරමීඩ නිර්මාණය කිරීම සිදුව ඇත. අනෙක් කාරණාව වනුයේ ත‍්‍රිකෝණාකාර හැඩය අග්නි පිරමීඩ ලෙසත් රවුම් හැඩය ජල පිරමීඩ ලෙසත් බටහිර පර්යේෂකයෝ නම් කරති.  ඒ අනුව අනුරාධපුරයේ නැතහොත් වැව් බැඳි රාජ්‍යයේ නිර්මාණය වන්නේ ජල පිරමීඩයි. එනම් දාගැබ්ය. මේවා පසුකාලීනව වරින් වර නවීකරණය වීමක් හා බුදු දහමට ආදේශ වීමක් සිදු වුවත් එහි මුල් පදනම පිරමීඩම බව හෙළිවෙමින් පවතී. දාගැබක් අසලට ගිය විට දැනෙන සුවය ලැබෙන්නෙ නිකම්ම නොවේ. ඒ දාගැබට ඇදී එන විශ්ව ශක්තිය නිසායි.

☀️🔺☀️ ඊජිප්තු පිරමීඩයක් තුලින් හමුවූ සූර්ය බලයෙන් ක්‍රියාත්මක වන ආකාශ යානයක් දක්නට ලැබේ. මොකක්ද ඒ❓ එම කාලයේ ආකාශ යානා සෑදුවේ කවුරුන්ද❓ ඒ ගැන සිතීම ඔබ සතුයි. මීට අමතරව ඊජිප්තු පිරමීඩ තුළසිදුකරන ලද කැණීම් වලදී හමු වු රන් පත්ඉරු ද මේ සඳහා සාක්ෂ්‍ය සපයයි. ඒම පත්ඉරු වල ,

             ලංකා පුරයේ සිට අහසින් ආ  සිංහ මිනිසුන් පිරමීඩ තැනීමට මූලික වූ බව දැක්වේ.

ඉහත කුමන සාධකයක් දෙස බැලුව ද පිරමීඩ සෑදිමේ තාක්ෂණය උදෙසා හිමිවන ගෞරවයෙහි අයිතිය හෙළයන් සතුවන බව මනාව පැහැදිලි වේ. ඒපමණක් නොව මෙක්සිකෝවේ ඇස්ටැක්වරුන් විසින් නිර්මාණය කරන ලද පිරමීඩ ත්‍රිත්වයත් (Aztec) , චීනයේ (Xiam) පිරමීඩ ත්‍රිත්වයත් ඔරායන්ගේ බදපටියට ලම්බකව ඉදි කර තිබීම සුවිශේෂී වේ. ඒය කෙසේ වෙතත් අහඹු ලෙස හෝ ඊජිප්තු පිරමීඩ පිහිටි ස්ථානයත් ,මෙක්සිකෝවේ පිරමීඩ පිහිටි ස්ථානයත් , චීනයේ පිරමීඩ පිහිටි ස්ථානයත් මෙම තාරකා ත්‍රිත්වයට අනුව පිහිටා තිබේ.



☀️🔺🇱🇰 ඉතිං ඕවා තමයි පිරමීඩ ගැන කතාව... සමහරවිට මේක කියෙව්වාම ඔබටත් ආශාවක් එයි පිරමීඩය අභ්‍යන්තරයට යන්න, එහෙමත් නැත්තං පිරමීඩයකින් වැඩ ගන්න. පිරමීඩයකින් වැඩගන්න හැටි මං කලින් කියලා දුන්නනෙ. ඒ ලිපියත් කියවලා පිරමීඩ ගැන පැහැදිලි අවබෝධයක් ලබාගෙන පිරමීඩයක් නිර්මාණය කරන්න. අපි නැවතත් ඒ ශ්‍රේෂ්ඨ රාවණ පරපුර මේ සිංහලේ රට තුළ නිර්මාණය කරමු. කිසිවෙකුට අදහාගත නොහැකි වූ නිර්මාණ කළ, ලොවට බොහෝ අභිරහස් ඉතුරු කළ, අභිමානවත් අභිරහස් ශ්‍රේෂ්ඨ යගු කෞරාණ මන්ඨක නම් හෙළ ජාතියට නැවත පණ දෙමු... හෙළය සදාකල් වැජඹේවා...❗❗❗ ජය ශ්‍රී❗❤️🇱🇰


මීළඟ ලිපියෙන් හමුවෙමු.
එතෙක් ඔබට,
ආයු රක්ඛංතු ආවඩා ආයු බොහෝ වේවා🙏☀️
ස්වස්ථි සිද්ධම්🙏🇱🇰

💢💬 ටෙලිපති 💬💢

 

මොකක්ද මේ ටෙලිපති❓ටෙලිපති කියන්නෙ ග්‍රීක වචනයක්. එහිතේරුම දුරසිට අදහස් හුවමාරුවයි. මිනිස් චිත්තවේග හඳුනාගෙන ඒවා ග්‍රහණය කරගෙන සන්නිවේදනය කරන ක්‍රමවේදයක් තමයි මේ ටෙලිපති කියන්නෙ. දන්නවනෙ ඉස්සර මේ සිංහලේ රටේ ජංගම දුරකථන තිබ්බෙ නෑ. ඒත් ඔවුන් සන්නිවේදනය කළානෙ. මතක ඇති අකාලසන්ධ්‍යා කියන ටෙලිසිතුවමේ කුණ්ඩලීනීය අවධි කිරීම මගින් සිතකින් සිතකට කතා කරන ආකාරය. ඒ වගේ අපිටත් යම් සීමාවකට මේක කරන්න පුලුවන් කුන්ඩලීනිය අවධි නොකරම.

📂 මේ පිළිබඳව නූතන බටහිර විද්‍යාවද සාක්ෂි දරා ඇති බව නොරහසකි. ඒ පිළිබඳව පර්යේෂණය සිදුවන්නෙ ඊසානදිග ප්‍රංශයේ ස්ට්‍රාස්බර්ග් විශ්ව විද්‍යාලයේයි. විද්‍යාඥයාගේ දෑස් පිටතින් ආලෝකයක් හෝ නොපෙනෙන සේ බැඳ තිබුණා. පිටතින් කිසිදු හඬක් නොඇසෙන සේ දෙකන්වලට ඇබ ගසා තිබුණා. අති නවීන පර්යේෂණාගාරයක් ඇතුළේ මේ විධියට ඇස් බැඳ, කන් වසා තිබුණේ ආචාර්ය මයිකල් බර්ග් නම් විද්‍යාඥයාගෙයි. මේ පර්යේෂණය හා සම්බන්ධ වූ අනෙක් පර්යේෂණාගාරය පිහිටියේ සැතැපුම් 5000ක් පමණ දුරින් ඉන්දියාවේ කේරලයේයි. එහි මේ ආකාරයන් ම ඇස් බැඳ කන්වල ඇබ ගසා සිටියේ ස්පාඤ්ඤ ජාතික තරුණ විද්‍යාඥයෙකි. ඔහු ආචාර්ය ඇලියන්ද්‍රෝ රියිරා යි. මොවුන් එකිනෙකාට රහසේ යවන පණිවිඩය මතකයේ තබා ගත්තා. ඉතා රහසිගතව සිදු කෙරුණු මෙම අපූරු පර්යේෂණයෙන් ඔප්පු වූ කරුණු හෙළිදරවු වූයේ පසුගිය දා මේ පර්යේෂණය පිළිබඳ විද්‍යාත්මක වාර්තාව ‘ප්ලොස් වන්’ නම් අන්තර් ජාල ජර්නලයෙන් ප්‍රසිද්ධ වීමත් සමගයි. 2014 මාර්තු 28 වැනිදා, හරියටම සැතැපුම් 4600ක් ඈතින් පිහිටි නවීන තාක්ෂණික පහසුකම් ඇති විද්‍යා පර්යේෂණාගාර දෙකක එක ම වේලාවක වාඩි වී හිඳ ගෙන, කිසිම සන්නිවේදන උපකරණයක් භාවිත නොකර මේ විද්‍යාඥයන් දෙදෙනා සිතෙන් පණිවිඩ දෙකක් හුවමාරු කර ගත්තා. මොකක්ද මේ පණිවිඩ දෙක❓එකක් ස්පාඤ්ඤ භාෂාවෙන් ‘ ඕලා’ (හොලා යන වදනත්), අනික ඉතාලි භාෂාවෙන් ‘ච්යා ඕ’ යන වදනත්ය. ඒවා භාෂාවලින් සුබපැතීමට යොදා ගන්නා වදන්. හරියට ඉංගිරිසියේ ‘හලෝ’ කියනවා වාගේ. මෙම පණිවිඩ දෙක ඔවුන් ඉතා සාර්ථකව හුවමාරු කරගත් බවටයි විස්තර හමුවන්නෙ. මේ අතර ස්ට්‍රෝස්බර්ග් පර්යේෂණායනයේ ආචාර්ය බර්ග් හා අනෙක් ග්‍රාහකයන් දෙදෙනා ඇස් බැඳ යන්ත්‍රයකට සම්බන්ධ කර තිබුණා. ඒ යන්ත්‍රය මගින් ද්විමය පණිවිඩය විද්‍යුත් ස්පන්දක බවට හරවනු ලැබූ අතර ඒවා ඔවුන්ගේ මොළයේ පෙනීම පාලනය කරන අපරකපාල ඛණ්ඩිකාවට යවනු ලැබුවා. ඒ විද්‍යුත් ස්පන්දක යැවූ මොහොතේ ඔවුන්ට දැනුණා, ෆොස්ෆීන ආලෝකයක් ක්ෂණිකව ඇති වී නැති වී යන බව. එය දිස් වූයේ ඔවුන්ගේ ඇස් ඉදිරියෙයි. ඔවුන් සිටියේ සම්පූර්ණයෙන් ම අඳුරු කාමරයකයි. ඒ ෆොස්ෆීන, ග්‍රාහක යන්ත්‍රයක් මගින් ද්විමය කේතවලට පෙරළනු ලැබුවා. ඊළඟට ඒවා ‘ ඕලා’ හා ‘ච්යා ඕ’ යන වදන්වලට යාන්ති‍්‍රක පෙරළා ගැනීමේ කි‍්‍රයාවලියට තවත් පැය භාගයක් ගත වුණා. සිතෙන් එසැණ හුවමාරු කර ගත් පණිවිඩය විද්‍යාත්මකව සනාථ කිරීම සඳහා යන්ත්‍රරසූත්‍ර යොදාගෙන කළ කි‍්‍රයාවලිය සිදු වූයේ ඒ ආකාරයටයි. ”මේ කාර්යය නිවැරදිව සිදුවෙයි කියලා අපට ඒ අවස්ථාවේ දී සිතා ගන්න පුළුවන්කමක් තිබුණේ නැහැ. අපි කටයුතු කළේ සම්පූර්ණයෙන් ම අඳුරු කුටියක සිටයි. අපි දැඩි ලෙස සිත ඒකාග‍්‍ර කර මේ කටයුත්තේ යෙදුණා. කාර්යය අවසන් වූ පසුවයි, අපට දැන ගත හැකි වූයේ පණිවිඩය සියයට 90ත් 95ත් අතර නිරවද්‍යතාවකින් සන්නිවේදනව තිබූ බව.” ආචාර්ය බර්ග් පවසනවා. මේ විද්‍යාත්මක කටයුත්තේ දී පැයක කාලයක් තුළ අකුරු හතරේ වචන දෙකක් හුවමාරු කර ගැනීමත් සංකීර්ණ සංවාදයක් පවත්වාගෙන යාමත් අතර අති විශාල වෙනසක් තියෙනවා. ඒත් මේ ඔස්සේ කරන පර්යේෂණ මගින් ඉදිරි දශක දෙක ඇතුළත ප්‍රයෝජනවත් වන ආකාරයට මේ තාක්ෂණය භාවිත කළ හැකි වනු ඇතැයි ආචාර්ය බර්ග් විශ්වාසය පළ කරනවා, සමහරු මීටත් වැඩි කාලයක් ගත වේවි යැයි සැක පහළ කරනවා. ආචාර්ය බර්ග් ඇතුලූ කණ්ඩායම සිය පර්යේෂණයට පමණ ඉක්මවා වැඩි වැදගත්කමක් දෙන්න හදනවා කියලා චෝදනා කරන අයත් ඉන්නවා. කොහොම වුණත් මටනම් මෙකේ ලොකු පුදුමයක් නැහැ. මොකද සුද්දා ගස්වල ගෙඩි කඩන් කන කාලේ තමයි අපේ රටේ මිනිස්සු ඔය තාක්ෂණය භාවිතා කළේ.

❗ මං තව වැදගත් දෙයකට ඔබව යොමු කරවන්න කැමතියි. මේ මුළු මහත් ලෝකය ම පිරිසිඳ අවබෝධ කළ තථාගත අරහත් සම්මා සම්බුදුරජාණන් වහන්සේ මේ සන්නිවේදන ක‍්‍රමය භාවිත කරමින් මිනිසුන්ටත්, දෙවියන්ටත් මහත් වූ යහපත උදා කර දුන්නේ මීට වසර 2500කටත් එහා අතීතයේ දී යි. දූතයන් මඟින් සිදු කරන සන්නිවේදනයක් හැර සන්නිවේදන උපකරණ හෝ සන්නිවේදන ජාල පිළිබඳ හෝඩුවාවක්වක් නො තිබුණ එ් අතීතයේ දී සම්බුදුරජාණන් වහන්සේ දෙව් මිනිස් ලෝකයා සමග චිත්ත තරංගවලින් සිදු කළ සන්නිවේදනය සැබැවින් ම ආශ්චර්යවත්ය… අන්න එසේ සියලු විද්‍යාවන් අවබෝධ කරගත් නිසා බුදුන්වහන්සේ ලෝක විදු නම් වෙනවා. නවීන බටහිර විද්‍යාවද බුදුන් වහන්සේ ඉදිරියේ ළදරුවෙක්ම පමණක් වන්නෙ අන්න ඒ නිසයි.

ඉතිං මේක අපිට කරගන්න බැරි වෙයිද❓

කළනොහැක්කක් නොමැති ජාතියකට මේක කරගන්න බැරි වෙන්නෙ නෑ. මොකද සිංහලයා කියන්නෙ හිතාගත නොහැකි තරමේ චිත්ත බලයක් ඇති ජාතියක්. ඒ වගේම චිත්ත බලයෙන් ප්‍රයෝජන ගත් ජාතියක්. නවීන බටහිර විද්‍යාව ඉක්මවා ගිය හෙළ විද්‍යාවක් තිබුණු ජාතියක්. මේකට මං ප්‍රසිද්ධ උදාහරණයක් අරන් පෙන්නන්නම්. ඒ තමයි *ආයුබෝවන් සංකල්පය.* මේකේ විද්‍යාත්මක පදනම වෙන්නෙ යහපත් චිත්තබලවේග මගින් යම්කිසි කාර්‍යයක් අරමුණු කර එය ක්‍රියාත්මක කරවීම. ඒ කියන්නෙ අපි යහපත් සිතකින් යම්කිසි අයෙක්ට ආයුෂ වර්ධනය වෙන්නට ප්‍රාර්ථනා කළහොත් එය නිසැකවම සිදු වෙනවා. ඒ නිසයි සිංහලයා ආයුබෝවන් සංකල්පය භාවිතා කළේ. ඔබත් පිරිසිදු චේතනාවෙන් ආයු වර්ධනයට ප්‍රාර්ථනා කළහොත් ඔහුගේ ආයු වර්ධනය වෙනවා. කියන්නන් වාලෙ කියල නම් වැඩක් නෑ ඉතිං. ඒ වගේම මේ ප්‍රාර්ථනා කියන දේත් වෙන්නෙ අපේ චිත්තබලයට අනුවයි. අපි බොහෝවිට ප්‍රාර්ථනාවක් කරන්නෙ පන්සලේදී. මේ පන්සලේදී කරන ප්‍රාර්ථනා බොහොමයක් සඵල වන්නෙ අපේ සිත ඒ වෙලාවට පිරිසිදු නිසයි, පිරිසිදු සිතෙන් කරන ප්‍රාර්ථනාව බොහොම බලවත්. ඒ වගේම මං හෙළයන්ගේ තාක්ෂණය ලිපි මාලාවෙන් කියලා දුන්නා ප්‍රාණයාම මගින් රෝගියෙකු සුවකරන ආකාරය ගැන. මේකටත් මුල් වෙන්නෙ සිතුවිල්ලම තමයි. ප්‍රාණයාමය මගින් කරන්නෙ එම සිතුවිල්ල තවත් බලවත් කරන එක. එසේ සිතුවිල්ල මගින් රෝගියෙක් සුවකළ හැකියි. තාරකා දොරටු, තාරකා ප්‍රක්ෂේපනය(සියුම් කය සැරිසැරීම) වගේ දේවල් වලදිත් මේ සිතුවිල්ලේ බලය පාවිච්චි වෙනවා. කොහොමහරි මට කියන්න ඕනේ වුණේ සිතුවිල්ලේ බලය ගැන. ඉතිං මේ වගේ හිතාගන්න බැරි බලයක් සිතුවිල්ල සතුයි. මේවා බටහිර විද්‍යාවන්ට හොයාගන්න බෑ. මොකද ඔවුන්ගේ විද්‍යාව පදනම් වෙලා තියෙන්නෙ පෙනෙන භෞතිකය හා පෙනෙන රසායනිකය මත පමණයි. නමුත් හෙළයන්ගේ විද්‍යාවන් පදනම් වෙන්නෙ පෙනෙන භෞතිකය, නොපෙනෙන භෞතිකය සහ පෙනෙන රසායනිකය, නොපෙනෙන රසායනික මතයි. ඒ නිසා ඔවුන්ට මේ ටෙලිපති කියන දේ සැබෑවක් කරගන්න කාලයක් යයි...


💬 "මං මේ ඔයාව මතක් කළා විතරයි එතකොටමයි කෝල් එක ආවේ"
💬 "ඔයා කොහොමද මං හිතපු එකම හිතුවේ"

ඔබත් සමහරවිට මේ දේවල් අහලා ඇති. මේක කොහොමද වෙන්නෙ. කිසියම් පුද්ගලයෙක් නිදහස් ඒකාග්‍ර මනසකින් කිසියම් දෙයක් පිළිබඳව සිතුවහොත් එම චිත්තය(සිතුවිල්ල) අවශ්‍යතාවයේ ප්‍රමාණය මත චිත්තතරංගයක් බවට පත් වේ. එවිට එම චිත්තතරංගය අදාළ පුද්ගලයා වෙත ගමන් කරයි. මේ නිසා ඉහත දැක්වූ දේවල් සිදු වේ. අපටත් මෙය සිදු කළ හැකියි. එයට අවශ්‍ය වන්නෙ උත්සාහය පමණයි. හැමදේම වගේ මේකත් එකපාර කරන්න පුලුවන් දෙයක් නෙමෙයි. මේකටත් අවශ්‍ය වෙන්නෙ පුහුණුව. අඩුම තරමේ දවසට විනාඩි 40ක් වත් භාවනා කිරීමෙන් මේක තවත් පහසු කරගන්න පුලුවන්.

💢 ඉස්සෙල්ලම තමන්ට පහසු ඉරියව්වකට මාරු වෙන්න. ඊටපස්සෙ තමන්ගේ ශරීරය සැහැල්ලු කරලා සියලු ආතතිවලින් මනස මුදවා ගන්න. හිස්, නිදහස්, සංසුන් මනසක් ලබා ගැනීමෙන් අනතුරුව තමා පණිවිඩය යැවීමට අරමුණු කරන පුද්ගලයා තමන් ඉදිරියේ ඇත්තටම සිටිනවා යැයි මවා ගන්න. ඉන්පසු සරල වචනයක් හෝ හැඟීමක් එම පුද්ගලයා සමඟ හුවමාරු කරගන්න. මෙය පුහුණුවන කාලයේදී එක් පුද්ගලයෙක් තෝරාගෙන ඔහු සමඟම හැඟීම් , වචන හුවමාරු කරගැනීමට යොමුවෙන්න. මෙය ටික දවසක් සිදුකර එම පුද්ගලයා සමඟ කතාකර ප්‍රගතීන් ගැන අදහසක් ලබා ගන්න. සමහරවිට ඔබ පුදුම කරවමින් විශාල ප්‍රගතියක් අත්කරගනු ඇත. එය රඳා පවතින්නෙ ඔබේ උත්සාහය සහ මෙය සිදු කිරීමට ඇති ආශාව මතයි...


එහෙනම් කරලා බලන්න මං කියපු විදියට. මාව විශ්වාස කරන්න එපා ඔබ කරලම බලන්න. නැවතත් නුදුරු අනාගතයේ බිහිවන රාවණ යුගයට මෙය පොඩිම හරි උදව්වක් වෙයි...

මීළඟ ලිපියෙන් හමුවෙමු
එතෙක් ඔබට,
ආයු රක්ඛංතු ආවඩා ආයු බොහෝ වේවා🙏☀️
ස්වස්ථි සිද්ධම්🙏🇱🇰

අවසානය නොවේ... 

🗓️ කැලැන්ඩරේ කතන්දරේ 🗓️

 

අපහසු අභියෝගයකින් පස්සෙ එහි අග්‍ර ඵලය ලබන්න කාලයක් ඉවසන්න ඕනෙයි කියල කතාවක් තියෙනවනෙ, ඉතින් ඒ කාලෙ නිකන් ඉන්නැතුව සුපුරුදු පරිදි වැඩ පටන් ගන්න හිතුව. අද මං කියන්න යන්නෙ කැලැන්ඩරේ ගැන. ඕන් අහ ගන්ටකෝ 😎

වර්තමාන කැලැන්ඩරේට අනුව අවුරුද්දකට මාස 12යි, අවුරුද්දෙ මුල්දවස ජනවාරි 1 කියලයි සලකන්නෙ, අවුරුද්දෙ ඉතිහාසය හාරව්ස්සනකොට අපිට කල්ප වර්ෂ, කල්‍යබ්ද හෙවත් කලියුග වර්ෂ, සුහතාබ්ද හෙවත් බුද්ධ වර්ෂ, කෘෂ්ඨාබ්ද හෙවත් ක්‍රිස්තු වර්ෂ, ශකාබ්ද හෙවත් ශක වර්ෂ, ප්‍රහවාද්‍යබ්ද හෙවත් ප්‍රහවාදී වර්ෂ කියල ගොඩක් වර්ෂ හොයා ගන්න පුලුවන් ( ඒව ගැන වැඩි විස්තර සොයා ගන්න බැරිඋනා මිත්‍ර වරුනි, ඒ ගැන සාතිෂය සංවේගය 😔). අපි දැනට පාවිච්චි කරන්නෙ ක්‍රිස්තු වර්ෂ. ඒ වගේ ලෝකයේ වෙනත් රට වල සංකෘතීන් අනුව, කාල වකවානු අනුව විවිධ දින දර්ශන භාවිතා වෙනව, ඒවැයින් කිහිපයක් තමා මේ... 👇
🌝 පැරණිම චන්ද්‍ර දින දර්ශනය 🌚

දින දර්ශන ඉතිහාසය අවුරුදු 10000ක් විතර ඈතට යන බව මධ්‍ය ශිලා යුගයේ හෙවත් මෙසලොතික යුගයේ පුරාවස්තු වලින් හොයාගෙන තියේ, ඒ වගේම අවුරුදු 8000 පැරණි අතේ රැගෙන යා හැකි දින දර්ශනයක් පවා හොයා ගෙන තියෙනව.
බ්‍රිතාන්‍යයේ, ස්කොට්ලන්තයේ, ඇබන්ඩීන්ෂයර් කියන ගොවිපලේ කැණීම් මගින් අසාමාන්‍ය වලවල් 12ක් හමු වෙලා තියෙනව, විද්වත් මතය නම් ඒ වලවල් වලින් චන්ද්‍ර කලා පෙන්නුම් කරනව කියලයි

🤏 අතේ ගෙනයන දින දර්ශනයක් 🙄

සයිබීරියාවෙ කරපු කැණීමකින් නව ශිලා යුගයට අයත් කුඩා දින දර්ශනයක් හමු වෙලා තියෙනව. ඒක වල් ඌරු දතකයි කොටල තීල තියෙන්නෙ. ඒක චන්ද්‍ර කලා සටහන් වුනු දින දර්ශනයක්ලු, අවුරුදු 8000ක් විතර පරණයිලු, වගා බිම් වල පැළ සිටුවන්න, අස්වනු නෙලන කාලය දැනගන්න වගේ දේවල් වලට භාවිතා කරන්න ඇති කියල විද්‍යාඥයො කියන්නෙ.

🕰️ සුමේරියන් දින දසුන

ආදි මිසර, ග්‍රීක හා සෙමටික් වැනි දියුණු ශිෂ්ටාචාර හැම එකක්ම වගේ එකකට එකක් සමාන දින දර්ශන භාවිතා කරල තියෙන බවට සාක්ෂි හොයා ගෙන තියෙනව. ඒ හැම දින දර්ශනයකට වගේම පාදක වෙලා තියෙන්නෙ චන්ද්‍රයාගෙ වෙනස් වීම. මේ ලඟක් වෙනකන් ලොව පැරණිම කැලැන්ඩරේ හැදීමේ ගෞරවය හිමි වුනේ බැබිලෝනියාවේ සුමේරියන් ශිෂ්ටාචාරයට. ඒ කැලැන්ඩරේට අනුව චන්ද්‍රයාගෙ වෙනස් වීම අනුව මාස 12 ගත වීම වසරක් විදිහට පෙන්වා දීල තියෙනව. පස්සෙ ඍතු වෙනස් වීම මත හදපු කැලැන්ඩරෙයි චන්ද්‍ර මාස කැලැන්ඩරෙයි අතර වෙනසක් තියෙන නිසා ඒ වෙනස මග හරවන්න අවුරුදු 4කට වරක් වැඩිපුර මාසයක් එකතු කරන්න කටයුතු කරල තියෙනව.

👹 මායාවරුන්ගෙ දින දර්ශනය 👹

මේ කතා කරන්නෙ උඩින් තියෙන පොටෝ එකේ තියෙන කැලැන්ඩරේ ගැන.
දකුණු ඇමරිකානු ස්වදේශිකයන් හා ඇස්ටෙක්වරුන් ලඟ ඉතාමත්ම දියුණු දින දර්ශනයක් තියෙන බවට සාක්ෂි තියේ. මීට අවුරුදු 8කට විතර කලින් අපිව සෑහෙන්න බය කරපු කැලැන්ඩරයක්නෙ ඕක, මේක නම් නොදන්න කෙනෙක් නැතුව ඇති. මේ දින දර්ශනයට අනුව දින යෙදීම් ක්‍රම 3ක් තියෙනව, ඒ,
⭕දීර්ඝ ලෙස ගණන් කෙරෙන දින
⭕දිව්‍යමය දින
⭕සාමාන්‍ය මිනිස් දින විදිහට
මේවෑයින් හරියට වසරක දින නිශ්චිතවම සඳහන් වෙන්නෙ මිනිස් දින විතරයි. ඒ මිනිස් දින දර්ශනය හදුන්වන්නෙ "හාබ්" කියල, මේ දින දර්ශනයට අනුව දින 260කින් යුක්ත දින දර්ශනය "ට්සොල්කින්" විදිහට හදුන්වන අතර හාබ් කියන දින දර්ශනයට දින 365 තියෙනව.

🧭 ඉන්කා වරුන්ගේ දින දර්ශනය

මේගොල්ලොන්ටත් එසේ මෙසේ එකක් නෙවේ තීල තියෙන්නෙ, ගවේෂකයො කියන විදිහට ඉරයි, හඳයි දෙකේම නිරීක්ෂණ අනුව‍යි මේ දින දර්ශනේ හදල තියෙන්නෙ. මේ කැලැන්ඩරේට අනුව සතියට දින 9යි, මාසෙට සති 3යි, ඒ අනුව මාසෙට දින 27යි, ඒ වගේම උදාවෙන හැම අවුරුදු 3කට පස්සෙ අවුරුද්දට මාස 13කුත් සෙට් කරලයි මේ දින දර්ශනේ හදල තියෙන්නෙ.

🎎 චීන දින දර්ශනය

චීන ජාතිකයන්ගෙ වගේම අග්නිදිග ආසියානු ජාතිකයන්ගෙ සාම්ප්‍රදායික දින දර්ශනය මේ චීන දින දර්ශනයයි, මේකත් චන්ද්‍ර හා සූර්‍ය් දින දර්ශන එකතුකරල හදපු එකක්, පෙරදිග ලෝකයේ පැරණිම කැලැන්ඩර අතුරින් එකක් තමා මේ, මේකට අනුව එකක් ඇර එකක් මාස වලට දින 29ක් හා ඉතිරි මාස වලට දින 30 ගානෙ මාස 12යි. මේ මාස වලට ඒගොල්ලො වෙන වෙනන නමුත් දාගෙන තිබිල, ඒ සත්තුන්ගෙ නම් වලින්, අවුරුදු 12 පිළිවෙලි,
📍මීයා 📍ගවයා
📍 ව්‍යාඝ්‍රයා 📍හාවා
📍මකරා 📍සර්පයා
📍අශ්වයා 📍බැටලුවා
📍වඳුරා 📍කුකුළා
📍බල්ලා 📍ඌරා විදිහටයි,

⏳ රෝම දින දර්ශනය

ග්‍රීක දින දර්ශනයට අනුව වසරකට දින 304යි, ඒවගේම මාස 10යි, මාසෙකට දින 30 /31යි, ඒ දින දර්ශනේ වසරේ මුල් මාසය මාර්තු මාසයයි, ඒකෙ ජනවාරි, පෙබරවාරි මාස තිබිල නෑ. ක්‍රි.පූ 700 දි රෝම අධිරාජ්‍යයා වුනු නුමා පොම්පිලියස් මේ දින දර්ශනයට දින 30ගානෙ ජනවාරි, පෙබරවාරි කියල මාස දෙකක් අවුරුද්ද අගට එකතු කරල දින 365ක දින දර්ශනයක් නිර්මාණය කරපු බවට පැරණි ලේඛන වල සදහන් වෙනවලු. මේ දින දර්ශනය ක්‍රි. පු. 46 දක්වාම වගේ තිබිලත් තියෙනව.

🗓️ සීසර්ගේ සංශෝදන

ඒ කාලෙ දින දර්ශන හදල තියෙන්නෙ පූජක පක්ෂය, ඒත් ජුලියස් සීසර් නම් මේ වැඩේ ගැන වැඩි පැහැදීමක් තීල නෑ, ඒකට හේතුව පූජකයො හදපු දින දර්ශනේ ගිම්හාන මාසය වසන්ත මාසයට යොදා තිබීමයි, මේක වෙනස් කරන්න සීසර් මිසරයේ තාරකා විද්‍යාඥයෙක් වෙච්ච සොසිජින්ස්ගෙ උදව් අරන් දින දර්ශනේ වෙනස් කරල
කලින් කිව්ව විදිහට අවුරුද්දෙ මුල් මාසය මාර්තු, ජනවාරි කියන්නෙ 11 වෙනි මාසෙ, සංශෝදනයට අනුව වසරේ පළමු මාසය ජනවාරි වුනා, හැම වසර 4කට වරක්ම දිනයක් වැඩි වෙන විදිහට අවුරුද්දකට දින් 365 කළා, වසර 4කට පාරක් දිනයක් වැඩි වුනේ හැම අවුරුද්දකටම දින කාලක්(1/4) ඉතිරි වෙන නිසා, දින 366ක් විදිහට දිනයක් වැඩි වෙන අවුරුද්ද අධික අවුරුද්දක් විදිහට නම් කෙරුන, සීසර්ගෙ මේ නව සංශෝදනය ක්‍රි.ව. 1528 වෙන කොට වසරකට දින 365, 1/4ක් හැමෝම පිළිගත් එකක් වුනා. සීසර්ගෙ උපන් මාසය "ජුලි" කියල නම් කරල ඒකට දින 31ක් ඇතුලත් කරන්නත් සීසර් අමතක කරල නෑ. සීසර්ගෙන් පස්සෙ රජ වුනු ඔගස්ටස් සීසර් තමන්ගෙ නමත් මාසකෙට ඇඩ් කරල දින 30ක් තිබ්බ එක දින 31ක් කරල අගෝස්තු මාසය වෙනස් කරා.

🗓️ වර්තමාන දින දර්ශනය

අපි දැන් පාවිච්චි කරන කැලැන්ඩරේ හදුන්වන්නෙ "ග්‍රෙගරියානු කැලැන්ඩරේ" කියල, ඒක සීසර්ගෙ කැලැන්ඩරේ අඩු පාඩු නිවැරදි කරල හදපු එකක්, සීසර්ගෙ කැලැන්ඩරේ හැම රටකම ව්‍යාප්ත උනත් ඇතැම් තැන් වල වසරේ පළමු දිනය දෙසැම්බර් 25, තවත් තැනක මාර්තු 1, මේ හැම මතයක්ම සමතයකට පත් කරල ග්‍රෙගරියානු කැලැන්ඩරය මීට අවුරුදු 460කට විතර කලින් ඉදිරිපත් වුනා, අද වෙනකොට ලෝකෙම පිළිගන්න නීත්‍යානුකූල කැලැන්ඩරේ මේ ග්‍රෙර්ගරියානු කැලැන්ඩරේ

🌞 සිංහල දින දර්ශනය

ඕන් අපේ අනන්‍යතාවය. අපේ සිංහල දින දර්ශනය නිර්මාණය වෙලා තියෙන්නෙ සූර්‍යාගෙ ගමන් මාර්ගය අනුව, මේ දින දර්ශනයට අනුව වර්ෂයක් ශක වර්ෂයක් ලෙස හදුන්වනව, ශක වර්ෂ ගණනය කරන්නෙ පෘථිවිය හිරුවටා එක වටයක් (පරිභ්‍රමන කාලය) යන්න ගතවන කාලය අනුව හිරු මේෂ රාශියේ සිට මීන රාශියට ගමන් කිරීමයි, සිංහල අවුරුද්ද කියල අපි සමරන්නෙ මීන රාශියෙන් මේෂ රාශියට ඇවිල්ල සිංහල ක්‍රමයට අවුරුද්ද පටන් ගන්න ප්‍රීතිය, ඒ අනුව ශක වර්ෂය ආරම්භ වෙන්නෙ අප්‍රේල් 13 ආසන්න දිනයක, අවුරුදු 10000කටත් වඩා පැරණි මේ දින දර්ශන ක්‍රමයට ක්‍රි.ව. 87 දි ලංකාවෙ රජ කරපු ශාලිවාහන කියන රජු ශක වර්ෂ කියන නම මේකට යොදල තියෙනව, අදටත් සිංහල නැකැත් හදන්න ගන්නෙ මේ සූර්‍ය් කැලැන්ඩරයයි.

☸️ බෞද්ධ දින දර්ශනය

මේක නම් බෞද්ධයන්ට ආවේනික දින දර්ශනයක්, මේ කැලැන්ඩරේ මූලාශ්‍ර මුලින්ම හම්බවෙන්නෙ පළමු දර්ම සංඝායනාවෙදි. මේකට පදනම් වෙන්නෙ බුද්ධ පරිනිර්වානයයි, සූර්‍ය මාස ක්‍රමය වෙනුවට චන්ද්‍ර මාස ක්‍රමය ආදේශ කරල නිර්මානය කරපු දින දර්ශනයක්, මේ අනුව ඒ වර්ෂ "බුද්ධ වර්ෂ" ලෙස නම් කරනව, බුද්ධ වර්ෂ කියන වෙනමම ක්‍රමයක් තියෙනව.
1️⃣මුලින්ම බුද්ධ පරිනිර්වානයෙන් ඉක්මවූ අවුරුදු ගාන
2️⃣ඊට පස්සෙ සිංහල ක්‍රමයට මාසය (දුරුතු, නවම්,මැදින්.......)
3️⃣ ඊට පස්සෙ තිථිය. පොහොය ගෙවීම හා ලැබීම සලකලා යොදනව, සඳ පීරීම හා පිරී අඩුවීම මත දිනෙන් දිනට මෙන්න මේ විදිහට තිථිය නම් වෙනව.
📍පැළෑවිය- පළමු දින
📍දියවක- දෙවන දිනයදිනය
📍තියවක- තුන්වන දිනය
📍ජලවක- හතර වන දිනය
📍විසේනිය-පස් වන දිනය
📍සැටවක- හය වන් දිනය
📍සතවක - හත් වන දිනය
📍අටවක - 8වන දිනය(
පොහොය දිනයක්)
📍නවවක- 9වන දින
📍දසවක- 10වන දිනය
📍එකොලොස්වක- 11වන දිනය
📍දොලොස්වක- 12වන දිනය
📍තෙලෙස්වක- 13වන දිනය
📍තුදුස්වක- 14වන දිනය
📍පසලොස්වක- 15වන දිනය( ඒකත් පෝය)
පුර පක්ෂයෙන් පස්සෙ අව පක්ෂය ආයිම පැළෑවිය , දියවක.... විදිහට දිගට යනව,
4️⃣අන්තිමටම දිනය, ඒකත් සිංහල ක්‍රමයට
සඳුදා- සඳුදා
කුජදා- අඟහරුවාදා
බුධදා-බදාදා
ගුරුදා-බ්‍රහස්පතින්දා
කිවිදා- සිකුරාදා
ශනිදා-සෙනසුරාදා
රිවිදා-ඉරිදා

ඉතින් ඔන්න ඔහොමයි එදා මෙදා තුර කැලැන්ඩර් වල කතාව. ස්ටොක් කරන් ඉඳල ඉඳල එළියට එනකොට ලෝඩ් එක පොඩ්ඩක් වැඩි වුනා, ලිපිය නම් ටිකක් දිගයි.

ඒත් වැදගත් වෙයි කියල හිතනව. ආයිම වැදගත් ලිපියකින් එන්නම්.
තෙරුවන් සරණයි☸️
ස්වස්ති සිද්ධම්🙏
______________________________
⚜️🇱🇰 රාවණ 🇱🇰⚜️

අයිතිය ඇඩ්මින් සිතුමිණි පාරින්ද්‍යා සතුයි.

卐 සෞභ්‍යයේ _ස්වස්තිකය_ 卐 සහ විනාශයේ _විනාශම්_ තෙවන දිගහැරුම 🗞️

 

හෙළයේ සැඟවුණු ඉතිහාසය
🇱🇰 💯 🇱🇰

නවවැනි ගව්ව 📜



ඔන්න යාළුවේ ඊළඟ කොටස. 👇


විනාශම් ලකුණ හමුවන ස්ථාන 🧐

🔍 _ගණ සහ ලක්ෂ්මි දේව රූපවල අත්ලෙහි._

🔍 _සමහර දෛවඥයන් සහ සමහා ආයූර්වේදීන් තම නාම පුවරු වල , සේවා ස්ථානයේ ප්‍රදර්ශනය කර තිබීම._

🔍 _ග්‍රහ දෝෂයන් සඳහා පළඳින සමහර යන්ත්‍රවල කොටා තිබීම._

🔍 _විවිධ ආභරණවල_

🚫 මේවායින් මිදීමට නම් අප නිවැරැදි ලාංඡනය කවරේද යන්න දත යුතුය. තවද දේවරූපවල එම ලකුණු ඉවත් කර හෝ ආවරණය කර භාවිතා කිරීම , නාම පුවරුවල නියම ස්වස්තිකය ස්ථානගත කිරීම හා විනාශම් ලකුණ ඉවත් කිරීම , යන්ත්‍ර , ආභරණ පැළඳීමේදී සොයා බලා පැළඳීම වැනි ක්‍රියා මඟින් අපට ඒවා වළක්වා ගත හැකිය.


🔰 ස්වස්තික ලකුණෙන් ලැබෙන ප්‍රයෝජන

⚜️ _නිවසේ හා ව්‍යාපාරික ස්ථානයේ විශ්ව ශක්තිය උරා ගැනීම ප්‍රබල කරයි._

⚜️ _වාස්තු දෝෂ දුරු වෙයි._

⚜️ _ස්වස්තිකය දර්ශනය වීමෙන් මනස සැහැල්ලු වන අතර තම අරමුණු ඉටුවෙයි._

⚜️ _ලේ ධාතුව පිරිසිදු වෙයි._

⚜️ _දේව ඇල්ම බැල්ම ලැබෙයි._

⚜️ _දරුවන්ගේ අධ්‍යාපන කටයුතු සාර්ථක වෙයි._

⚜️ _සතුරු උවදුරු මඟහැරේ._

⚜️ _ධනය , බලය , කීර්තිය , පිරිස වැඩිවේ._

⚜️ _රෝග මැඬේ._

⚜️ _සියළු සැපම්පත් උදාවන්නට මඟ පෑදේ._


🔰 විනාශම් ලකුණෙන් ලැබෙන ප්‍රතිඵල

☣ _නිවසේ සහ ව්‍යාපාරික ස්‍ථානයේ විශ්ව ශක්තිය දුර්වල වීමෙන් වාස්තු දෝෂ ඇති වේ._

☣ _මනස ව්‍යාකූල වී ලේ ධාතුව අපිරිසිදු වෙයි._

☣ _ගෘහය සහ ව්‍යාපාරික ස්ථානය අමනුෂ්‍ය බලපෑමට ලක්වෙයි._

☣ _දරුවන්ගේ අධ්‍යාපන කටයුතු අසාර්ථක වෙයි._

☣ _සතුරු උවදුරු වැඩිවෙයි._

☣ _දිළිඳු වෙයි._

☣ _අඹු-සැමි ආරවුල් ඇති වෙයි._



ඒනම් ඔන්න අද ලිපියත් ඉවරයි. අනිත් ලිපියෙන් අපි කතා කරමු ස්වස්තිකය පළදින්න හොඳද ? නැත්තං නරක ද ? කියලා.තවත් මෙවන් හරබර රසපිරි ලිපියකින් හමුවෙමු...! 😇

රත්නත්තරේ පිහිටයි..!

ස්වස්ති සිද්ධම්

✒️ කතෲ අයිතිය සුරකින්න මිතුරුමිතුරියනි...

✍️ ලිව්වෙ
විෂාල් රවිශාන්
( Funny Mike )

卐 සෞභ්‍යයේ _ස්වස්තිකය_ 卐 සහ විනාශයේ _විනාශම්_ දෙවන දිගහැරුම 🗞️

 

හෙළයේ සැඟවුණු ඉතිහාසය
🇱🇰 💯 🇱🇰

අටවැනි ගව්ව 📜



ඔන්න යාළුවනේ අනිත් කොටස. 👇


හැමදේම විනාශවන _විනාශම් ලකුණ_ සහ තථාගතයාණන් වහන්සේගේ නැවැත්ම

වර්තමානයේදී බොහෝ ශ්‍රී ලාංකිකයින් අතට පත් වන්නේ ස්වස්තිකය නොව හුදෙක්ම " *විනාශම් ලකුණ* " ය. එහිදී මෙම ස්වස්තිකයටම හැඩයෙන් සමාන මෙම ලකුණද නොමසුරුව දී ඇත්තේ අපේ හිතාදර අස්වැසි ඉන්දියාවයි. දුකට කාරණය නම් අප රට තුළ ස්වස්තිකය කියා මෙම *විනාශම් ලකුණ* ජයටම පාවිච්චි කරන බවය. මෙය එසේ වීමට බලපාන ප්‍රධානතම කරුණ වන්නේ ඩිජිටල් ෆැන්ටසිවාදී මානසිකත්වයක තනිවී අතරමං වී සිටින නූතන මානවයා දැනුම සොයා යන අන්තර්ජාලය තුළ මෙම ස්වස්තික ලකුණ පිළිබඳව ඇති වැරදි ප්‍රචාරයන්ය. ඔවුන් එය දැන හෝ නොදැන විකෘති කර ඇති බව පෙනේ.


🧐 *තවත් මතයක්* 🧐

මා හට අප ප්‍රදේශයේ විහාස්ථානයේ ඇති ( ඉතා පැරණි ) ධර්ම ශාලාවට ඇතුළු වන පියස්සේ ඉහතින් මෙම ස්වස්තිකය සහ විනාශම් යන ද්විත්ව සංකේතයන්ම දක්නට ලැබුණි. එය මා හට පුදුමයකි. ප්‍රශ්නයකි. මුලින් මුලින් මා එය එම ශිල්පියාට වූ අත් වැරැද්දක් ලෙස සිතා එය අමතක කිරීමට නිරර්ථක උත්සාහයක යෙදුණි. නමුත් එය වඩාත් හොඳින් විමසීමේදී සහ කරුණු ගවේෂණයේදී මාහට හැඟී ගියේ වෙනස්ම කාරණයකි. එම සළකුණු ද්විත්වය තිබුණේද මා උභතෝකෝටික කරනා අයුරින් ය. එනම් ස්වස්තිකයට පරව එම විනාශම් ලකුණ සංකේතවත් කිරීමයි.

ස්වස්තිකයෙන් ස්වභාව ධර්මයේ සියළුම දේ අර්ථ නිරූපණය වේ. නමුත් විනාශම් ලකුණ එහි විරුද්ධ පැත්තය. එනම් කිසිම දෙයක් එහි නැත. සෞභාග්‍යය , වාසනාව හෝ අන් සැපතක් මෙහි නැත. එහි ඇත්තේ එකක් පමණි. ඒ කිසිවක් නැති බවය. එනම් ශූන්‍යය. අප තිලෝගුරු අමාමෑණියන් වහන්සේ දේශනා කරේ සියළු සංස්කාර ධර්මයෝ නැසෙන සුළු බවයි. එවිට ඉතුරු වන්නෙ එකී ශූන්‍ය තත්වය නොවේද ? එවිට අපගේ විඤ්ඤානය නිදහස්ය. නිරවුල්ය.

එහෙයින් සියළු සැප සම්පත් ලැබීම යනු මේ ගෝර සසරට තවත් ඇලීමයි. සියල්ල නැති වීම යනු නිරෝධයයි. එනම් නිර්වානයයි. නිවනයි. එය සංකේතවත් වන්නේ එකී විනාශම් ලකුණෙනි. ඉදින් ස්වස්තිකය සහ විනාශම් යනු විශ්වීය සංකේතයන්ය. නමුත් ඒවායින් ලැබෙන ප්‍රථිපල වෙනස්ය. පෘතක්ජනයින් ලෙස අපට කිසිවක් නැතුව ජීවත් විය නොහැකිය. එනිසා අපට විනාශම්ට වඩා වැදගත් වන්නේ ස්වස්තිකයයි. මන්ද අප ලෝකෝත්තර විය යුත්තේ පෘතක්ජනව වීම නිසාය. එහෙයින් නැවැත්මට යන ගමනේදි යහපත් අයුරින් පැවැත්මට මෙම මෙම ස්වස්තිකය ඉතා වටින සංකේතයකි.

පෙනුමෙන් මෙම ද්විත්ව සංකේතයන් සමානය. නමුත් මෙහි ක්‍රියාවන් එකිනෙකට විරුද්ධය. එය දැනගැනීම සඳහා එක් උපාය මාර්ගයක් ඇත්තේය. එනම් , *දක්ෂිණාවර්තව භ්‍රමණය වන්නේ " _ස්වස්තික_* " ලකුණයි. *වාමාවර්තව භ්‍රමණය වන්නේ _විනාශම්_* ලකුණයි. තවත් අයෙක්ගේ තර්කය නම් මෙම විනාශම් ලකුණෙන් අයපහත , අකුසල සහ අවාසනාව වඩා වර්ධනය කරන බවයි. මෙම මතය සමඟ ඔබ දරණ මතයද පැවසීමට කාරුණික වන්න.

ජර්මනිය වෙනුවෙන් දෙවන ලෝක යුධ සංග්‍රාමයට තරඟ වැදුනු " *ඇඩොල්ෆ් හිට්ලර්* " නම් අසහාය නායකයාගේ ලාංඡනය ද ඔහුගේ සේනාවේ ලාංඡනය මෙයයි. එතුමන්ගේ සේයාරුවක් දැක ඇත් නම් ඔහු එය තම අතේ පැළඳ සිටිනවා ඔබට දැක ගත හැකියි. මෙම ලාංඡනය ඔහුට ලැබීම පිළිබඳව මත දෙකක් පවතිනවා.

පළමු වැන්න වන්නේ " තම යුධ කාමීන් එක් යුද්ධයකට අවතීර්ණ වුවහොත් සෑම දේම විනාශ කර ජය ගන්නවා. " යන්න ලොවට පෙන්වීමට ඔහු මෙය භාවිතා කොට ඇති බවයි. එයින් ඔහු කීමට උත්සහ කරනුයේ තම ජාතියේ අභිමානය සහ ඔවුන් හා යුධ කොට ඔවුන්ව පරාජය කළ නොහැකි බවත් පරාජය කරත් ජය ලද පාර්ශවයට හුදු ජයග්‍රහණයේ සතුට පමණක් ලබාදී අන් සියල්ල විනාශ කරන බවත්ය. එය සත්‍යය ද ? නැතිනම් අසත්‍යය ද ? කියා ඔබට දෙවනි ලෝක මහා සංග්‍රාමයේදී පසුවට වූ ප්‍රතිඵල සලකා බැලීමේදී තහවුරු වෙයි.

අනෙක් මතය වන්නේ , හිට්ලර් විසින් එම සලකුණ ස්වස්තික ලකුණ බව හඳුන්වාදුනමුත් එය විනාශම් ලකුණ බව ඔහු නොදැන සිටි බවයි. ඉන්දියාවේ වාස්තු ශිල්පය ජර්මනියට ගෙන ගිය ඔහු තමන්ගෙ යුධ ජයග්‍රහණයට ඉවහල් වන විශ්වීය ලාංඡනයක් ඉල්ලූ විට ඔවුන් එය ස්වස්තික ලාංඡනය ලෙස ඔහුට ඒත්තු ගන්වා විනාශම් ලකුණ ලබා දුන් බවයි. එහි ප්‍රතිඵලය ලෙස ඔවුන් කියාපාන්නේ හිට්ලර්ගේ පරාජයයි...

ඔබත් පෞද්ගලිකව එකඟ වන්නේ කුමන මතේටද ? ඒ මක්නිසාද ? යන වගට අදහස් දක්වන්න. ඒනම් මම් ලිපිය අවසන් කරනවා. නමුත් තාම ස්වස්තික සහ විනාශම් ගැන කියා අවසන් නැහැ. ඊළඟ ලිපියෙන් තවත් තොරතුරු ගොන්නක් ඇරන් ඉක්මනින්ම එන්නම්. තවත් මෙවන් හරබර රසපිරි ලිපියකින් හමුවෙමු...! 😇

රත්නත්තරේ පිහිටයි..!

ස්වස්ති සිද්ධම්

✒️ කතෲ අයිතිය සුරකින්න මිතුරුමිතුරියනි...

✍️ ලිව්වෙ
විෂාල් රවිශාන්
( Funny Mike )

卐 සෞභ්‍යයේ _ස්වස්තිකය_ 卐 සහ විනාශයේ _විනාශම්_ පළමු දිගහැරුම 🗞️

 

හෙළයේ සැඟවුණු ඉතිහාසය
🇱🇰 💯 🇱🇰

සත්වැනි ගව්ව 📜


අද මම ගේන්න යන ලිපිය මීට කලින් ඔයාලා අහලා තියෙන්නත් පුලුවන්. ඔයාලා මේකෙනුත් යමක් දැනගනියි කියලා හිතනවා...😇

විශ්වයේ විශ්ව ශක්තිය මතු කරන්නා වූ කුසල් ශක්තිය ජීවමාන කරන්නාවු යම් සංකේතයක් නැතිනම් හැඩතලයක් වෙද්ද , එය " *විශ්ව ශක්ති ස්වස්තිකය* " ලෙස අද මුළු ලෝකයම කිසිම ආගම් ජාති භේදයක් නැතුව දැනගෙන අවසන්ය. නමුත් , ලෝකයා හමුවේ තිබෙන ගැටළුව නම් " නියම විශ්ව ශක්ති ස්වස්තිකය කුමක්ද ? 🤔 " යන්න හඳුනා ගැනීමට ඇති නොහැකියාවයි. ඒ නිසා එම විශ්වීය ලාංඡනය පිළිබඳව සත්‍යය , ප්‍රයෝජන සහ එය හඳුනා ගන්නා ආකාරය ඔබට කියා දීම මේ ලිපියෙන් මම උත්සහ කරනවා... ☝️😊

වාස්තු විද්‍යාවට මෙම විශ්වීය ලාංඡනය අයත් වෙනවා. *_මම නං අහලා තීන්නෙ මෙම ශිල්පයත් අපිට මහින්දාගමනයෙන් පසුව හම්බුන තවත් දායාදයක් කියලා. ඒත් දැං දැං මට හිතෙනවා ඒක ඒම නෙමෙයි කියලා. මොකද ලංකාදිපති ජනිත වෙන්නත් කලියෙන් ඉඳන්ම මෙම අගනා ශිල්පය තිබුණු බවයි මගේ පෞද්ගලික මතය. ඒක හරියමට දන්න කෙනෙක් මට පහදලා දෙන්න කියලත් ඉල්ලනවා..._*

වාස්තු විද්‍යාව සම්පූර්ණයෙන්ම බුදු දහම සහ සොබා දහම යන ධර්මතාවන් දෙක මත පදනම් වන ශිල්ප ක්‍රමයක්. මිනිසා ද එකී සොබා දහමේ එක් කොටසක් බැවින් වාස්තු ශිල්පයේ පූර්ණ බලපෑමට මිනිසා ලක්වෙනවා. පොළොව 🏞️ , අග්නිය🔥 , වාතය ☁️ , ජලය💧, සත්වයන් 🐅🐘 , වෘක්ෂ ලතාවන් 🌳 සහ සියළුම ශක්තීන් ⚡ මේ සොබාදම් මෑණිගේ දරුවන්ය. මේවා අතර පවතින ශක්තීන් අතරින් " *විශ්ව ශක්තිය* " ප්‍රධාන කොට ගත්තා වූ විවිධ ශක්තීන් සමූහයක් මේ මිහිමත පවතිනවා. විද්‍යුත් ⚡, ගුරුත්වජ 🌐 , තාප ♨️ ආදී තවත් සුවිශේෂී ශක්තීන් ගණනාවක්ම පෘථිවිය කේන්ද්‍ර කොට ගෙන පවතින බවට වාස්තු ශිල්පය සාක්ෂි දරනවා.

වාස්තු ශිල්පයේ එන " *දිශා ශක්තිය* " ඉතා වැදගත් තැනක් ගන්නවා. වාස්තු ශිල්පයට අනුව නිවාස සෑදිමේදී මෙම දිශා ශක්ති න්‍යාය යොදා ගැනීමෙන් නිවසින් කාන්දු වන විශ්ව ශක්තිය අවම කිරීමටත් , නිවසට පැමිණෙන ශක්තිය වඩා වර්ධනය කර ගැනීමටත් පුළුවන්. මේ නිසා ලෝකය තේරුම් ගැනීමට නම් , භෞතික සහ අධ්‍යාත්මික යන කෝණ දෙක පිළිබඳව බව වාස්තු ශිල්පය මිනිසාට පෙන්වා දී තියෙනවා. මම අද ඔබගේ අවධානය යොමුකර වීමට උත්සහ ගන්නේ , වාස්තු විද්‍යාවේ ඇති ශක්ති විශේෂයන් මිනිසාගේ කටයුතු කෙරෙහි බලපානු ලබන සුවිශේෂී අවස්ථාවක් පිළිබඳ පැහැදිලි කර දීමටයි. හොඳ සහ නරක යනු එකම කාසියක දෙපැත්ත සේම වාසනාව සහ අවාසනාවත් ඒ විදියටම ක්‍රියාත්මක වෙනවා.

තථාගතයාණන් වහන්සේගේ ධර්මයෙහි සඳහන් වී ඇති ආකාරයට " *අටලෝ දහම* " ක්‍රියාත්මක වන්නේද මේ ආකාරයටයි. දුක - සැප , නින්දා - ප්‍රශංසා , ලාභ - අලාභ , යස - අයස ලෙසින් තවත් ඒ සඳහා උපැහරන දෙන්ට පුළුවන්.

මේ ආකාරයට ඔබගේ නිවසට , ව්‍යාපාරික ස්ථානයට වාසනාව සහ අවාසනාව මෙන්ම සශ්‍රීකත්වය හෝ විනාශය ගෙන දෙන්නට සමත් විශ්වීය සංකේතයක් පවතින බව දන්නේ කීයෙන් කී දෙනාද ? මානව ශිෂ්ඨාචාරය තුළ ම්නිසාට මෙතරම් බලපෑම් කළ හැකි වෙනත් කිසිම සංකේතයක් නොමැති අතර මෙම ලාංඡනය " *ස්වස්තිකය* " ලෙස හඳුන්වනවා.


*මොකක්ද මේ _ස්වස්තිකය_ කියන්නෙ ?*🤔

" *ස්වස්තිකය* " යන වචනය ඔබ මීට පෙර අසා ඇති බවට සැකයක් නැහැ. ඇත්තටම ඔබ එය අසා තිබුනාට එම නම ඇති එම විශ්ව ශක්ති සංකේතය දැක තිබෙනවාද ? එයටත් ඔබ " ඔව් " ඇයි පිළිතුරු දෙන්නට පුළුවන්. නමුත් එකී නාමයෙන්ම ඔබ අතට පත්වී ඇත්තේ , නෙතට හසු වී ඇත්තේ නිවැරැදි සංකේතයද යන්න විමසා බැලිය යුතුය.

" ~ස්වස්ථිකය~ " ලෙසද මෙය හඳුන්වන අතර එය වැරදි භාෂා ව්‍යවහාරයකි. මන්දයත් " *ස්ව + අස්ථි + කය = ස්වස්ථිකය* " නිසාවෙනි. එවිට එහි තේරුම වන්නෙ _තම ඇටකටු සිරුර_ යන්නයි. එමනිසා " *ස්වස්තිකය* " යන්න නිවැරැදි ව්‍යවහාරයි. මෙය විශ්ව ශක්ති ආකර්ෂණ ලාංඡනයකි. මෙය " *විශ්වයේ විශ්ව පින පාදන විශ්ව බලය* " ලෙසටද හඳුන්වා දිය හැකිය. මෙම බලගතු ලාංඡනය ලෝකයාට දෘෂ්‍යමාන වන ඉතා දුර්ලභ අවස්ථාවන් ද්විත්වයක් ඇත. එනම් සම්මා සම්බුදුවරයකුගේ ශ්‍රී පා කමල්වල මෙන්ම සක්විත රජෙකුගේ මහා පුරුෂ ලක්ෂණයක් ලෙසටය. එම ලකුණ මඟින් සියළු සත්වයන්ට වාසනාව සහ සැපත උදාකරලීමට හැකිය.

මෙම සංකේතය මඟින් අපගේ සාංසාරික පින මතුකර ගත හැකිය. නමුත් එසේ වීමට නම් ඔහුට සාංසාරික පිනක්ද තිබිය යුතුය. මෙමඟින් ඔබගේ ගෘහයට , ව්‍යාපාර ස්ථානයට සශ්‍රීකත්වය හා වාසනාව උදා කර ගැනීමට හැකිය. මෙම බලගතු ලාංඡනය මඟින් අපගේ ආදි මුතුන්මිත්තන් සහ හෙළ රජවරු ගත් ප්‍රයෝජන එමටය. මෙහිදී අපගේ රවුළු රාවණයන්ගේ විශ්ව කර්ම දේ නිපදවීම සඳහා උපකාර කරගෙන ඇත්තේද මෙම සංකේතයයි. ජලය සහ වාතය පාලනය කිරීමේ විශේෂ බලයක් ඇති ස්වස්තික යන්ත්‍රය ගගන තලය ජයගැනීමට රාවණයන් මනා සේ යොදාගත් බව පෙනේ.

ලිපිය දිග වැඩි උනාද මන්දා. කියන්න ඕන උනු ටික නං ඉවර නෑ ඒත්. ඒ ටික තවත් මෙවන් හරබර රසපිරි ලිපියකින් ගෙන එනන්නං...! 😇

රත්නත්තරේ පිහිටයි..!

ස්වස්ති සිද්ධම්

✒️ කතෘ අයිතිය සුරකින්න මිතුරුමිතුරියනි...

✍️ ලිව්වෙ
විෂාල් රවිශාන්
( Funny Mike )

🇱🇰කුවේණි නොහොත් මහාපාලී කුමරිය🇱🇰

 

*හෙළයේ සැඟවුණු ඉතිහාසය*
🇱🇰 💯 🇱🇰

සයවැනි ගව්ව 📜



අපිට මේ කතාවට බහින්න නං අපිට යන්න වෙනවා බුදු හාමුදුරුවො අපේ ලක්දිව වැඩම කරන්න අවුරුදු 10කට 11කට කලින් ඈත අතීයට.....

ඒ කාලේ ධූම කන්ද කියන ප්‍රදේශයේ ( වර්තමාන කලා ඔය මිටියාවත ) ඉඳලා තීනව එක ප්‍රාදේශීය පාලයෙක් " *ගිරිබද්‍ර* " කියලා..... මෙතුමන් එකල එක් නාවික සෙම්පති වරයෙක්. මෙතුමාගෙ බිරිඳ තමයි " *කවිලාස පාලී* " කියන රැජිණ. කෝ අපි දන්න ඉතිහාසයෙ කෝ කවිලාස පාලි ල ? 🤔 කෝ ගිරිබද්‍ර ල ? 🤔

මෙන්න මේ කවිලාස පාලි රැජිණ ඉන්දියාවෙන් එන පුන්න කියන තිසරණ සරණ ගිය වෙළෙන්දගෙන් බුදු හාමුදුරුවන් ගැන දැන ගන්නවා. ඔහු ඒ කියන්නේ... ඒ උපාසකතුමා කරපු ඒ බුදු ගුණ වරුණ අහල එතුමිය සෝවාන් ඵලයට පත් වෙනවා... නමුත් අර ගිරිබද්‍ර මේක පිළි ගන්නෙ නෑ.... මොකද ඔහුට උවමනා වෙනවා බුදු හාමුදුරුවන්ව සියැසින් ම දැක බලා ගන්න... ඒ නිසා ඒ පුන්න අතේම පණිවිඩයක් යවනවා බුදු හාමුදුරුවන්ට අපේ ලක්දිවට වඩින්ට කියලා... ඒ ආරාධනාව උන් වහන්සේ පිළි ගන්නෙ තමන් වහන්සේ බුදු වෙලා සත් අවුරුදු නික්මවුණු පසුවයි... ( ☝️මතක තබා ගන්න මෙහිදී උන් වහන්සේ කළේ එම ආරාධනාව පිළි ගැනීමට කල් ගැනීම නොව එය බුදු හාමුදුරුවන්ට පුන්න ගිහින් දෙන්නෙ බුදු වෙලා හත් වෙනි වසර තුළයි. )

ඊට පස්සෙ බුදු හාමුදුරුවෝ ධූම කන්දට වැඩම කරලා ශ්‍රී පාදය තියනවා. ඊට පස්සෙ ඒ ආරාධනයෙන් තමයි ධර්ම දේශනා කරන්න යන්නෙ. එම ගිරිබද්‍ර සහ ඔහුගේ පිරිස දමනය කරන්න තථාගතයාණන් වහන්සේ යමා මහ පෙළහර පානවා. ඒ කියන්නෙ චිත්ත බලයෙන් ශරීරයේ තිබෙන විද්‍යුත් ශක්තිය පිට කිරීමයි. එම විද්‍යුත් තරංග තාපය බවට පත්වෙලා අග්නිය විදියට ශරීරයෙන් පිටවෙනවා. ඕං ඔය විදියට ගිරිබද්‍ර සහ ඔහුගේ පිරිස උන්වහන්සේ විසින් දමනය කරනවා.

අවසනයේදි උන්වහන්සේ මේ ගිරිබද්‍ර සෙනෙවිටට , ඔහුගේ බිරිඳ උනු කවිලාස පාලි රැජිනට සහ එම පිරිසට ධර්මය දේශනා කරනවා. ශාක නිමිත්ත කරගෙන තමයි මෙම සූත්‍ර දේශනාව සිදු වෙන්නෙ. එම ශාකයන්ගේ තිබූ ඖෂධීය ගුණ ගැන තමයි එම දේශනාවෙ සඳහන් වුනේ. එම සූත්‍රය තමයි " *විස කුම්බන සූත්‍රය* ". මේ සූත්‍ර දේශනාව අවසානෙදි කවිලාස පාලි රැජින සියළු කෙලෙසුන් නසා රහත් උනා කියලා ජනප්‍රවාදයේ සඳහන් වෙනවා.

කෝ ආයිබොවන් මෙව්වා අර මහ උන්දැලාගේ වංසෙ ? 😁🔨 මෙව්වා හොයන්ටෝනි ආයිබොවන්.🧐 ආං එතෝට උබලා අපිට තේරෙයි මෙව්වා තීන්නෙ අපි බොලා දන්න ඉතිහාසයේද නැත්තං , අපි බොල *නොදන්න සන්නායක සැඟවුණු , සඟවපු එක ප්‍රෞඩ ඉතිහාසය* ද කියලා...


ඊට පස්සෙ අර රහත් උනු කවිලාස පාලි තෙරණියට පේනවා තථාගතයාණන් වහන්සේව සියළුම රෝගයන්ට ඖෂධ සහිත එක මහා විශාල ඖෂධීය ශාකයක් විදියට.

" සත් හට වන බව දුකට වෙදාණන්... "

ඊට පස්සෙ ඇය තථාගතයාණන් වහන්සේව විශ්වයේ ඇති සියළුම රෝගයන්ට ඖෂධ සහිත ඖෂධීය ශාකයකට උපමා කරලා තමන්ගේ පිරිසට ඇය තවත් සූත්‍ර දේශනාවක් කරනවා. ආං ඒක තමයි " *විසකුම්බන සූත්‍රය 2* ".

මේන් මේ කවිලාස පාලි රැජිනගෙයි , ගිරිබද්‍ර සෙනෙවියාගෙයි දුවනිය තමයි අපේ කතා නායිකාව වෙන " *මහා පාලි කුමරිය* " නොහොත් " *කුවේණිය* " කියලා කියන්නෙ...

එතකොට කෝමැයි ආයිබෝවන් ඈ කුවේණි උනේ ?🤔


මේ මහාපාලී කියන කුමරියට තිබිලා තියෙනවා දිග කෙස් කළඹක්. ඕං ඔය කෙස් වලට පිං සිද්ධ තමයි ඈට මෙම " කුවේණි " කියන නම හැදුනෙ. " *වේණි* " කියා කියන්නෙ කෙස් වලට කියන නමක්. එතකොට " කු " කියන්නෙ " *නරක* කියන එකට සමාන පදයක්. එතකොට " කු + වේණි " කියන්නෙ *නරක කෙස් ඇත්තී* කියන එකයි. ( ඒකාලෙ අය ඈට විහිලු කරන්න දාපු නමක් කියලා හිතා ගන්ටකෝ....😇 ) ඕක ගැන හොඳින්ම සඳහන් වෙන මූලාශ්‍රය තමයි , " *කුවේණි හෑල්ල* ". ඕං ආයිබොවන් දැං සහසුද්දෙන්ම පැහැදිලියි නෙව , ඈ කුවේණිය උනේ කෝමද යන වග.


*එතකොට ආයිබොවන් , අර ජලනි කියන නම ඈට පටබැඳුනේ කෝමැයි ?* 🤔

ආං ඒකට හේතුව තමයි ආයිබොවන් , ඇය තරුණ වියේදි ධ්‍යාණ වඩනවා " *ධ්‍යාන පොකුණ* " කියලා තැනක. ඔයා අර මහ ඇත්තන්ගෙ වංසෙ කියෝපු උත්තමයෙක් නම් දන්නවා ඇති , අර කුවේණිය විසින් විජයගෙ හත්සීයක් පිරිස හංගලා හිර කරපු පොකුණ තමයි ඕක. 🤗 අනේ ඉතින් මේ සුට්ටං මම 🥺 මෙව්වට☝🏻 කොහෙන් කොහොම හිනා වෙන්නද කියලා....🤣 ඇත්තම කිව්වොත් මෙම ස්ථානයට මේ නම වැටුනෙ ඉස්සර ඉඳන්ම ඍෂිවරු ධ්‍යාන ලබන්න බවුන් වඩපු තැන නිසා. මේන් මේ ධ්‍යාන පොකුණ ළඟ බවුන් වඩපු මේ මහා පාලී කුමරියට ලැබෙනවා එක ධ්‍යානයක් ඒ තමයි " *ජලය මෝහනය කිරීම* " . ආං ඒ ධ්‍යානයේ එක අංගයක් තමයි ජලය මතින් ඇවිද යාම. ආං ඒ ශක්තිය නිසා ඈට නමක් තවත් නමක් පටබැඳෙනවා " *ජලනි* " කියලා. ඒවගේම ජලය පාලනය කිරීමත් එහි කොටසක්. හැබැයි අපරාදෙ කියන්න බෑ ආං ඒක නම් අ කුවේණි නාට්‍යයේ තීනවා...

*උපුටා ගැනීම :-*

_සත් සියක් කපු මල් වියන මම_
_සත් සියක් සක්වල සොයා මම_
_සත් සියක් *මායා බෙලෙන්* මම_
_ගෙන්නු කුමරුන් අද එතේ...._

*- උපුටා ගැනීම අවසන් -*


සැක්....🤕 බෑනි කරන්න.... මේකෙ කියලා තීන්නෙ ඈය අර තිරිසනාට ජාතක උනු කොණ්ඩෙයි රැවුලයි බාගයක් බූ ගාලා පිටු වහල් කරපු සල්ලාලයාව ලැබෙන්න කියලා පතමින් හිටියා කියලනි...🤨🤨🤨 කුණාටුවකට අහුවෙලා ලංකාවට ගොඩ ගහපු එක ඌගෙ පොට්ට චාන්ස් එකක්.

ඕං ඕම ටික කාලයක් යද්දී මෙයාලට ආරංචි වෙනවා තථාගතයාණන් වහන්සේ පිරිනිවනට පත් උනා කියලා. ආං ඒක දැනගත්ත ගමන් මේ යක්ඛ රජ පවුල එක් පහනක් නිවනවා.😔 එය එදා තථාගතයාණන් වහන්සේ තම රටට පැමිණ තමන් ඇතුළු සියල්ලන්ටම සත්‍යය අවබෝධ කරදුන් දා පටන් මෙතුවක් කල් උන්වහන්සේගේ ඒ ශ්‍රී නාමයට ඔවුන් දල්වා වූ ඒ පහන එදා ඔවුන් නිවා දමනවා.😔

ආං එදා තමයි ආයිබොවන් අර සල්ලාල විජය පිටුවහල් වෙන්නෙ. ඌයි අර උගෙ හත් සීයක් සල්ලාල මිත්තරයො ට්කයි මුහුදෙ යද්දි අපේ දේශ සීමාවට අනවසරයෙන් ආවා. ආං ඒකට ඔවුන්ව අත්අංගුවට ගන්නවා එවක නාවික හමුදාව භාර සිටි කපිතාන්වරයා වැනි ගිරිබද්‍ර සෙනෙවිතුමා. ඊට පස්සෙ ඔහු ඔවුන්ව ඇරන් එනවා මහාපාලී නොහොත් තම දියණිය ළඟට.


දැං අපි අහලා තීන්නෙ කොහොමද , කුවේණිය විජගෙ පිරිස හිර කරා , උගුල් වලට අහු කරා......🥴 අරම මේම ඒමනි...😬 නෑ... නෑ... නෑ... ඇය දකිනවා විජයව. අංග ලක්ෂණ විද්‍යාවට අනුව ඈට පේනවා විජය කියන්නෙ රාජ පරම්පරාවට අයත් අයෙක් කියලා. පිටුවහල් කොරාපු රාජ කුමාරයෙක්ට තවත් රාජ්‍යයකින් ඔහුගේ රාජ්‍යයට නොදන්වා දඬුවම් කිරීම නුසුදුසු නිසා ඇය ඔහුට දඬුවම් කරන්නෙ නෑ... ඒ වෙනුවට විජය සහ ඔහුගේ හත්සීයක් පිරිසට දෙනවා කෙත් වතුවලින් පිරි භූමියක්. මෙහි වගා කරන් ජීවත් වෙන්න කියලා.

ආං ඒ ප්‍රදේශය තමයි " *ආදිපාද වෙළ* " කියලා කියන්නෙ. ආං ඒ පෙදෙස පසු කාලීනව ආපු ආක්‍රමණ නිසා එහි සිටි මිනිස්සු එය අතහැර දමා ගිය නිසා එය " *ඈපා වෙළ* " නමින්ද එය විසකනය වී පසුව " *එප්පා වෙළ* " නමින් වර්තමානයේ ඇති පෙදෙස බවට පත්වූ බවයි ජනප්‍රවාදයේ සඳහන් වන්නේ.

*ආදිපාද වෙළ*
⬇️
*ඈපා වෙළ*
⬇️
*එප්පා වෙළ*

හැබැයි මෙච්චර උදව් කළාට පස්සෙත් අර සල්ලාලයට එනවා තමන්ගේ ජානගත වනචාර නැත්නම් *වනචර* ගතිය. ඌට හිතෙනවා මේකිව දැලේ දාගත්තොත් මට මේ භූමියෙ රාජත්වය අල්ල ගන්න පුළුවන් කියල....

ඔතනින් පස්සෙ උන ඒවා ඔයා දන්නවනේ.....😇✌🏻

පරසරවේදී:- තිලක් කන්දේගම මහතාගේ
සාකච්ඡාවකින් උපුටාගත්තකි.

තවත් මෙවන් හරබර රසපිරි ලිපියකින් හමුවෙමු...! 😇

රත්නත්තරේ පිහිටයි..!

ස්වස්ති සිද්ධම්

✒️ කතෲ අයිතිය සුරකින්න මිතුරුමිතුරියනි...

✍️ ලිව්වෙ
විෂාල් රවිශාන්
( Funny Mike )

🔱 වජ්‍රායුධය 🔱 අවසන් දිගහැරුම 🗞️

 

හෙළයේ සැඟවුණු ඉතිහාසය
🇱🇰 💯 🇱🇰

පස්වැනි ගව්ව 📜



ආයුබෝවන්..! සුබ දවසක්..! ඔන්න යාළුවා ඉතුරු ටික....👇

වජ්‍රයේ සැකැස්ම 🛠️ සහ ශක්තිය 🛡️

වජ්‍රයේ දෙපසට නෙළුම් පොහොට්ටු දෙකක් වැනි උපකරණයන් ද්විත්වයක් සම්බන්ධයි. මේවා අවකාෂයේ ☁️ සහ පොළොවෙහි 🌎 ඇති ඇති විශ්ව ශක්තිය උරාගැනීමට හැකි ලෙස නිමවා ඇති ජ්‍යාමිතික වූත් වාස්තු විද්‍යාත්මක වූත් උපකරණ ද්විත්වයකි. එම නෙළුම් පොහොට්ටු ආකාරයෙන් නිමවා ඇති පිරමීඩ ද්විත්වය නිසා එම උරා ගන්නා ශක්තිය ගුණනය වීමක් වීම අධික ශක්තියක් වී ඒ තුළට ගලා එයි.

එම උරාගත් ශක්තිය එහි මධ්‍යයේ ඇති ගෝලාකාර කොටසට ගොස් ඒ තුල ඒවා එක්රැස් වී එහි බලයද තව තවත් වැඩි වී එය අත දරන්නාට එකී මහා බලය සම්ප්‍රේෂණය වන අයුරින් එය නිමවා ඇත.

මෙම වජ්‍රය නිපදවා ඇත්තේ " *සුපිරි සන්නායක* " ( 👉 විද්‍යුතය ගමන් කිරීමේදි කිසිදු ප්‍රතිරෝදයක් නොදක්වන ලෝහ 👈 ) වලිනි. සුද්දගෙ විද්‍යාවට අනුව හොයන් තීන එකම සුපිරි සන්නායකය තමයි හීලියම් වායුවේ 💨 ඝන ❄️ අවස්ථාව. හැබැයි ආයිබොවන් තීන පස්නෙ තමයි ඕක උන්දැලට ප්‍රායෝගිකව පාලනය කොරන්ට බැරිකොම. 🤕 😵 නමුත් වජ්‍රය තනා ඇති ලෝහ එම හීලියම් ඝනයටත් වඩා වැඩි සන්නායක තාවයකින් යුක්තය. මන්ද එය සුපිරි සන්නායක ගණනාවක එකතුවකින් සෑදුන මිශ්‍ර ලෝහයක් නිසා වෙනි. හරියට පුෂ්පක විමාන තැනූ " *රාජ ලෝහය* " ලෙසිනි. එමෙන්ම එකී සුපිරි සන්නායකයේ සන්නායකතාවය කෙබඳු දැයි කිව්වොත් අකුණු සැර ⚡ දහසක ශක්තිය එක්තැන් කොට ඒ තුළ උරා ගත්තද එකී ශක්තිය එම ලෝහයට ඉතා සුළු ප්‍රමාණයකි. ඒවගේම එම සුපිරි සන්නායක ලෝහය දැනට සුද්දා හොයන් තීන ලෝකෙ ශක්තිමත්ම ලෝහය වන ප්ලැටිනම් ලෝහයටත් වඩා දහස් ගුණයක් ශක්තිමත් බවින් ඉහළය. 🤗
____________________________________________

හින්ට් එක ☝ 😇

එසේ විශ්ව ශක්තිය ඇදගන්න නං සුපිරි සන්නායක අත්‍යවශ්‍යයි. විද්‍යුත් කුසන්නායක වලින් කෝමත්ම කොරන්ට බෑනි. ඉතින් යකෝ අර හයක් හතරක් නොතේරන සුරයො අර ඍෂිගේ කොඳු ඇට පෙළෙන් ඕක හදලා අහවල් දෙකක් කොරන්ටද මං ආන්නෙ ? 🤣🤣🤣🤣🤣 මට තීන පස්නෙ මේකනි. කෝමද දන්නෑ උන් ඒකෙන් අසුරයන්ව පරාද කොළේ...? 😇 මං හිතන්නෙ ළඟට එද්දි දබෝරියං ගාලා ගහන්නැති 🤕 මයෙ හිතෙ... 🤣🤣🤣🤣🤣

ඒම විද්‍යුත් කුසන්නායක වලින් හදපුවා අර මැනින් මාරකැට් එකෙත් තියෙ...☝😇 නෑ... නෑ...සටන් කොරන්ට නෙමෙයි ආයිබොවන් , ගෙදර ඇරන් ගිහින් ලස්සනට තියන්න...😂😂😂

ඒකත් යකුනේ අහුනොවන්නට කියාපල්ලකෝ...😵 උන් ඒක කියන්නෙත් විශ්වකර්‍මයන් ලවා හැදුවාය කියලා...😂 අම්බෝ සාන්ත...😅 " *විශ්වකර්‍ම* " කියන ගෞරවනාමය ලැබුනෙ අපෙ " *මයතුමා* " ට කියලා ඒ අසරණයන් දන්නෑනි...😵 පව් නේද..?🤕 අනුකම්පා කරන්න මිතුර / මිතුරිය...😇

____________________________________________

එහි බලය තවත් වැඩි කරගනු වස් ඊට නිල් , රතු සහ සුදු යන දියමන්ති 💎 සුවිශේෂ ආකාරයට කපා , සුවිශේෂ ආකාරයට ඔබ්බවා ඇත.

මෙම වජ්‍ර විවිධ හැඩතල වලින් සහ විවිධ ප්‍රමාණයන්ගෙන් යුක්ත වෙනවා. මෙහි ඇති " *පද්ම පාද / පාර්ශුක* ( Ribbs ) ගණන විවිධ අවස්ථාවන් වලදී වෙනස් වෙනවා දැක ගන්න පුළුවන්.

උදාහරණ වශයෙන් කිව්වොත් මෙම වජ්‍රයන් පද්ම පාද දෙකෙහි සිට පද්ම පාද දහස දක්වා විවිධ අවස්ථාවන් සඳහා නිමවා ඇති අතර හෙළයන්ගේ ඉසුර වූ සුරයන් විසින් Hindu God ලේබලය ගසා ගැනීමෙන් පසු ශිව දෙවිඳු අත දරන ත්‍රිශූලයත් පද්මපාද තුනේ වජ්‍රයකි. වජ්‍රයක පද්ම පාදයන් මත එහි බලය වැඩි හෝ අඩුවන්නේ නැත. එය රඳා පවන්නේ එය අත දරන්නාගේ පුණ්‍ය ශක්තියත් , ආධ්‍යාත්මික ශක්තියත් මතය.

🔱 වජ්‍රයේ වත්මන් ස්වභාවය

වජ්‍රයන් වර්තමානයේදීත් නිර්මාණය කරන අතර ඒවා අර රාවණයන්ට තනා දුන් අවිය තරම් ප්‍රබල නැති බව මතක තබා ගත යුතුයි. මේ වෙද්දි ඔයාටත් ඔයාටම කියලා වජ්‍රයක් දිවයිනේ තීන ඕනෑම ස්වර්ණාභරණ වෙළඳ සැලකින් හරි මැණික් විශේෂඥයෙක්ගෙන් හරි හදාගන්න පුළුවන්.🤗 ඒවත් තමන්ගේ නැකතට අනුව ග්‍රහ චාරයන්ට අනුව නියමිත ආකාරයට සකසා භාවිත කළයුතු අතරම ඒ සඳහා වෙන්වූ පුද සත්කාරද නොකඩවා කළ යුතුය.

මන්ද එසේ නොකළහොත් ඉන් හොඳ ශක්ති නොව නරක ශක්තීන් උරා ගෙන නරකක් කීරීමට පුළුවන් අතරම , එහි බලය බිඳී යාමට වුව හැකිය.

වර්තමානයේ ඇති සෝචනීයම තත්වයක් වන්නේ මෙකී මහා බලගතු අවිය විසිත්ත කාරමයේ දූවිලි වදිමින් තිබෙන හුදෙක් එක විසිතුරු භාණ්ඩයක්ම වීමය.😓

🔱 වජ්‍රයෙන් ඇති ප්‍රයෝජන 😇

⚡ දිවිය සැපවත් වීම.

⚡ නීරෝගිමත් දිවියක් ලැබීම.

⚡ අකුසලයන් යටපත් වී කුසල ශක්තිය ඉස්මතු වීම.

⚡ යහපත් ශක්තීන් ශරීරයට ගෙන ඒවා වර්ධනය කිරීම.

⚡ අයහපත් ශක්තීන් පරාවර්තනය කිරීම සහ ශරීරය තුළ දැනටමත් ඇත්නම් ඒවා විනාශ කිරීම.

⚡ ධර්මය ස්ථාපිත කොට අධර්මය විනාශ කිරීම.

⚡ කීර්තිය වැඩිවීම.

⚡ ධනය , පිරිස් බලය වැඩි වීම.

⚡ ජීවිතයට සෞභාග්‍යය ළඟා කර ගැනීම.

⚡ චිත්තාකර්ශනය ලැබීම.

⚡ විශ්ව ශක්තිය ළඟා කර ගැනීමට හැකි වීම.

⚡ මනසේ නිරවුල්බව සහ ඒකාග්‍රතාවය ඇති වීම.

⚡ අසුබ බලපෑම් , අපල උපද්‍රව , අණ වින-කොඩි වින විනාශ වීම.

⚡ දිනෙන් දින රූපශ්‍රීය වැඩි වීම.

⚡ ව්‍යාපාර දියුණු වීම.

⚡ තම අභිවෘද්ධියට වැඩ කරන , තමන්ගේ දියුණුවේදී මුදිතාවෙන් යුතුව සතුටු වන හිතවතුන් වැඩි වීම.

⚡ තමන්ගේ අභිවෘද්ධියට පිටුපාන , ඊර්ෂ්‍යා කරන වින කටින්නන් නැතිවීම.



_මෙම බලවත් අවිය හොඳ දේ සඳහා පාවිච්චි කළොත් *යහපත් ප්‍රතිඵ* මෙන්ම මෙය නරකට පාවිච්චි කළොත් ~ඉතා දරුණු ප්‍රතිඵ~ ලැබිය හැකියි. ( 🚫 ජීවිත හානි පවා... )_

තවත් මෙවන් හරබර රසපිරි ලිපියකින් හමුවෙමු...! 😇

රත්නත්තරේ පිහිටයි..!

ස්වස්ති සිද්ධම්

✒️ කතෲ අයිතිය සුරකින්න මිතුරුමිතුරියනි...

✍️ ලිව්වෙ
විෂාල් රවිශාන්
( Funny Mike )

🔱 වජ්‍රායුධය 🔱 පළමු දිගහැරුම 🗞️

 

හෙළයේ සැඟවුණු ඉතිහාසය
🇱🇰 💯 🇱🇰

සිව්වැනි ගව්ව 📜



ආයුබෝවන්..! සුබ දවසක්..! ඔන්න යාළුවා මම අද ඔයාට කියන්න යන්නේ හෙළයේ අසුරයන් නිපදවා , ඉන්දීය සුරයන් විසින් *Made in India* ලේබලය ගසාගත් එක් ඉතාමත් බලගතු *අවිය* ක් ගැනයි. " *වජ්‍රය* " කියන මෙය එක් අවියක් , ශක්ති ප්‍රේරණ උපකරණයක් , ලාංඡනයක් , පූජා භාණ්ඩයක් උනත් , වර්තමානයේදී ඇතැම් නිවෙස්වල හුදු විසිතුරු භාණ්ඩයක් පමණක්ම වෙලා තියෙනවා.😞

ඒවගේම අද වෙද්දි මේක දිවයිනේ බලවත් ව්‍යාපාරිකයන් සහ දේසපාලුවන් මෙය භාවිතා කරනවා ඔවුන්ගෙ ආත්මාථකාමී අදහස් සපුර ගන්නට...😓

ඒත් මම කියන්නෝනි ඒම කොරන්න ඇහැක් වෙන්නෙ නෑ... මොකද වජ්‍රය කියන්නේ හොඳ ශක්තියට අනුබල දෙන අවියක් නිසා..

🔱 _වජ්‍රයේ ඉතිහාසය_ ️ 🔱


👉 ථෙරවාද බුදු දහමට අනුව ☸️

මාගේ අමාමෑණියන් වහන්සේ සියළු ලෝක සත්වයාගේ හිත සුව පිණිස හෙළි කළාවූ ඒ ධර්මය තුළ *වජ්‍රය* පිවිසෙන්නේ *වජ්‍රාසනය* අයුරින්. *මට හිතෙන විදියට* එයට ඒ නම ලැබිලා තීන්නෙ *වජ්‍රයක් වැනි ශක්තියක් ඇති ආසනය* ( වජ්‍ර + ආසනය ) ආකාරයෙන් විය යුතුයි. ( ☝ මෙය හුදෙකම මාගේ තර්කයක් පමණි. ) මන්ද මෙහි අසුන් ගන්නා තැනැත්තා හට සියළුම ශක්තීන් , ඥානයන් , විද්‍යාවන් හී අග්‍රස්ථානයට පත්වීමට හැකි නිසයි.

වජ්‍රාසනයේ ශක්තිය සහ එය පහළ වීම
⚡🔥⚡🔥⚡🔥⚡🔥⚡🔥⚡🔥⚡🔥⚡

පොත පතට අනුව එය ලොව පහළ වන්නේ සම්මා සම්බුදු රජාණන්වහන්සේ නමක් මෙලොවට පහළ වන විටයි. විවර්ත කල්පෙදි ලෝකෙ හට ගන්නිද්දි මුලින්ම හටගන්නෙ බෝසතාණන් වහන්සේගේ බුදුවන ස්ථානය , එනම් *වජ්‍රාසනය* යි. මතක තබා ගන්න මෙය හටගත්තාට මෙය මහ පොළොව මතු පිටට පැමිණෙන්නේ එකී මහා පුරුෂයාගෙ උප්පත්තියත් සමඟයි... ඒ වගේම මෙම ආසනය පිහිටන්නේ බුදුන් වහන්සේ ඉපදුණු වෙලාවෙම හටගත් ජය ශ්‍රී මහා බෝධීන් වහන්සේගේ සෙවණෙයි.

යම් බුදු රජාණන්වහන්සේ නමකගෙ ධාතු පරිනිර්වාණය වෙන්නෙත් එතනමයි. එතකොට ලොව විනාශ වෙද්දි අන්තිමටම විනාශ වෙන්නෙත් මෙකී වජ්‍රාසනය යි. මහ පොළොවෙහි මධ්‍ය ලක්ෂයත් මෙකී මහා බලගතු වජ්‍රාසනය පිහිටි භූමියයි. මේ වජ්‍රාසනයට ඉහළින් කිසිවෙකුට යන්නට බැහැ වගේම මේ මහා බලගතු වජ්‍රාසනයට ඉහළින් කිසිම දිව්‍ය , බ්‍රහ්ම ලෝකයක්වත් නැහැ.

ඒ පමණක්ම නොවෙයි , මෙම වජ්‍රාසනයෙහි අසුන් ගත්තෙකුට ඒමත කොපමණ වේලාවක් අසුන් ගෙන සිටියත් කිසිදු පීඩාවක් නොදැනෙන බවටද බෞද්ධ සාහිත්‍යය සාක්ෂි දරයි. මෙම වජ්‍රාසනය තනි කළු ගලකින් නිර්මාණය වී ඇති බවත් ඒ මත අසුන් ගන්නා මහා තෙද බල නැණ පිරි පුරුෂයාට විශ්ව ශක්තිය පවා ආකර්ෂණය වන බවට මතයක් ඇත. එසේ එය ලැබීමට නම් යම් අයෙක් සාංසාරික ගමනේදී මහා පුණ්‍ය ශක්තියක් රැස් කල යුතුය.

මේ ලෝකය හැදෙන ගමනේ දී මුලින් ම පස් පඬක් පහළ වන්නේ මේ වජ්‍රාසනය පහළ වෙන තැනයි. හේතුව කුමක් ද? මේ මහා පොළොවෙ කිසිම තැනකට බුදු කෙනෙකුගේ බුද්ධ ශක්තිය , බුද්ධ බලය , බුද්ධ ඍද්ධිය , බුද්ධ ධර්මය දරාගන්ට පුළුවන්කමක් නෑ. එය දරාගන්ට පුළුවන් වන්නේ බුද්ධගයා ශුද්ධභූමියේ පිහිටි වජ්‍රාසනය ළඟ පමණයි. ඒ නිසා සෑම බුදු රජාණන් වහන්සේ නමක් ම මේ ලෝකයේ බුදු වන්නේ දඹදිව බුද්ධගයා ශුද්ධ භූමියේ වජ්‍රාසනය පිහිටන ස්ථානයේ කියන එක දේශනාවේ සඳහන් වෙනවා.

ඒ වගේම ගෞතම අමාමෑණියන් වහන්සේ වසවර්ති මාරයා ඇතුළු දස මාර සේනාව පරදවන්නේද මෙම වජ්‍රාසනයෙහි විරාජමානව වැඩ සිටිමින් ය.


👉 මහායාන බුදු දහමට අනුව ☯️

මේ වජ්‍රය මහායාන බුදු දහමත් එක්ක සම්බන්ධ වෙන්නෙ මේන් මේමයි.

මහායාන බුදු දහම මූලික වෙලා තීන්නෙ " *සද්ධර්ම පුණ්ඩරික සූත්‍රය* " ආශ්‍රයෙනුයි. මෙම සූත්‍රයේ " *වජ්‍රානය* " කියලා දේශනාවක් තීනවා. මේ දේශනාවට පදනම් වෙලා තීන්නෙ " *වජ්‍රසත්ව* " කියලා බෝසතාණන් වහන්සේ නමක්. උන්වහන්සේ අදටත් විශ්වයේ වෙනත් ග්‍රහ ලොවක ජීවමානව වැඩවසන බවටයි මහායාන ධර්මය විශ්වස කරන්නෙ. ඉතින් මේ කියන බෝසතාණන් වහන්සේගේ ධර්මයේ සංකේතයක් ලෙස සිය හස්වතයේ දරා සිටින්නේ මෙම " *වජ්‍රය* " යි.


👉 හෙළයන්ගේ ඉතිහාසයට අනුව 🇱🇰

වසර දහස් ගණනකට පෙර මෙලොව සුරයන් හා අසුරයන් අතර ඇති වූ යුද්ධයේදි එම නොහික්මුණ සුරයන් යටපත් කොට සත්‍යය ජයගැනීමට පුලස්ථි ඍෂිගේ අති ප්‍රබල ආධ්‍යාත්මික ඥාන‍යත් , විශ්වකර්‍ම මයදානයන්ගේ විශිෂ්ඨ තාක්ෂණික ඥානයත් එක්තැන් කොට දසලෝකාධ්පති රාවණයන්ට තනා දුන් අවිය මෙයයි. එමඟින් අකුණු සැර වන් ශක්තීන් සුරයන් මත එල්ල කොට අසුර හෙළයන්ගේ පැවැත්ම තව තවත් තහවුරු කරන්ට සමත් උනා. එමෙන්ම පුලස්ථි ඍෂි විසින් රාවණ පරපුරට ලබා දුන් තවත් සුවිශේෂ අවියක් තමයි *වජ්‍රය* කියලා කියන්නේ.

ඒවගේම අපි කවුරුත් දන්න *දුෂ්ඨ ගාමිණී අභය* නොහොත් ලංකාව එක්සේත් කළ මතු බුදු වීමට පෙරුම් පුරන *දුටුගැමුණු* නරපතිදුන්ටත් රාවණයන් සතු වූ තරම් බලගතු නූනත් බලගතු වජ්‍රයක් තිබිලා තියෙනවා. හැබැයි ඒක සුද්දා අපෙන් හැංගුවා.

ඔයා දන්නෝනි මිරිසවැටි චෛත්‍යරාජයාණන් වහන්සේ. අපි දන්නෙ ඒක හැදුවෙ එතුමන් ඔහු අතින් උනු වරදට සමාවක් විදියට කියලනෙ. ඒවගේම ඒකට දඬුවම විදියට එතුමාගෙ *ජයකොන්තය* හෙවත් *කුන්තායුධය* එහි තැන්පත් කරා කියලනෙ.

නෑ... නෑ... නැ... මේ අවියක් තැන්පත් කොරාපු තැනට අපි ඇයි වඳින්නෙ ? මොකද එතුමා ඒක එහි තැන්පත් කරේ ලංකාවෙ ආරක්ෂාවට. මොකද ඒ කුන්තායුධය තමයි බොලව් යකෝ / යකිනියේ ඒ මහා බලගතු *වජ්‍රය*. සුවර් නෑ නේද ? 🤔 හරි කමක් නෑ... ඔයා එතනට ගියපු කෙනෙක් නං එතන චෛත්‍යරාජයාණන් වහන්සේට පසෙකින් පිහිටි ගල් කනුවෙ කොටපු කැටයම දිහා බලන්න. ( ඒකෙ පින්තූරයක් ඉන්ටර්නෙට් එකේවත් නෑ...😥 මම දවස් ගානක් හෙව්වා...😭 ඔයාට හම්බුනොත් මටත් එවන්න...😇 ) ඒවගේම මම මේ ලිපියෙ උඩින් දාපු පින්තූරයෙ තීන වජ්‍රය දිහා බලන්න. එක සමාන නැද්ද ? ඔයාම හිතන්න. වැඩේ කියන්නෙ ඒ ගල් කණුව ළඟ තීන පුරාවිද්‍යා දෙපාර්තමේන්තුවෙන් ගහලා තීන දැන්වීමෙත් තීන්නෙ *දුටුගැමුණු රජුගේ කුන්තායුධය* කියලා...🤗 කාට කියන්නද.. මොනා කරන්නද...🤕

අපේ ආච්චි මට පුංචි කාලෙ බයියං ☺️ කවද්දි කිව්ව කතාවක තිබ්බා දුටුගැමුණු රජුට ඕක දුන්නෙ කතරගම දෙවියොලු. එළාර රජුව පරද්දන්න. ආං ඒකට කෘතගුණ සැලකීමටලු එතුමා උන්නාන්සෙට කතරගම පුදබිම පූජා කලේ. ඒවගේම අපේ ආච්චිගෙ කතාවට අනුව නම් එම අවිය ගෙලේ පළඳින එකක්ලු. හැබැයි එය පැළඳූ විට මුලු පපු පෙදෙසම වැහෙන්න තරම් විශාලයිලු. ඒවගේම ඒක යුද්ධෙකට ඇරන් ගියොත් දිනලමයි ලු එන්නෙ.

විශ්වයේ ඇති විශ්ව ශක්තිය එක්තැන් කොට එයට තමන්ගේ ආධ්‍යාත්මික ශක්තියත් එක් කර මහා බලයක් ලෙස සතුරාට මුදා හැරිය හැකි ලෙස මෙය නිර්මාණය කරලා තීනවා. ඒකෙන්ම පේනෝ ඒකාලෙ ආධ්‍යාත්මික ශක්තිය සහ තාක්ෂණික ඥානය අතර පැවති මිතුදම කෝමද කියලා... හැබැයි දැං නම් ඒ දෙක හරියට අහසයි පොළොවයි වගේ...😵


👉 *හින්දූන්ගේ සුරයන්ට අනුව* 🕉️

කලින් මම කිව්ව සුරා-අසුර යුද්ධයෙන් සුරයන් දිනවීම උදෙසා ඔවුන් විශ්වකර්‍ම දිව්‍ය පුත්‍රයා ලවා ( අපේ අරක්කු වලින් අපිටම ගහනවා...☝️😂 ) සුර මුණි කෙණෙකුගේ කෂේරුකාවේ ඇති ඇට මිදුලු වලින් මෙම බලගතු අවිය තනා ඔවුන්ගේ දේව සේනාවේ නායකතුමා උනු අකුණුසැරට අධිපති ඉන්ද්‍ර නම් ශක්‍ර දෙවියන් හට ලබා දී අසුරයන් පරාජය කළාලු. ( අම්බෝ සාන්ත...😄 මෙව්වා කාට කියන්නද....😂 )

කෝම බැලුවත් ආයිබොවන් , *වජ්‍රය* කියන නාමය සෑම ආගමකම එන්නෙ නපුර පරදවන අවියක් අයුරින්. හින්දූන් එය ඔවුන්ගේ වාසියට හරවා ගත්තා...😔

හපොයි...🤦 ලිපිය දික් උනානේ....☝️🙄 කාරි නෑ... කාරි නෑ...💁 ඉතුරු හරියත් ඉක්මනින් එවංඤ්ඤංකෝ....🤗 ඒනම් මම ඒ ලිපියත් ඇරන් සුටුස් ගාලා එංඤ්ඤං...😁


රත්නත්තරේ පිහිටයි..!

ස්වස්ති සිද්ධම්

✒️ කතෲ අයිතිය සුරකින්න මිතුරුමිතුරියනි...

✍️ ලිව්වෙ
විෂාල් රවිශාන්
( Funny Mike )

👻☣️ මනෝකාය ☣️👻

 

මං මේක ලියන්නෙ කාරණා දෙකක් නිසා... එකක් තමයි මං ඉස්සරහට දාන්න ඉන්න තාරකා මානය නම් සම්පූර්ණ ලිපි පෙළට උදව්වක් වීම සඳහා... අනිත් එක මානව පිටපත්කරණය( ක්ලෝනිකරණය ) ගැන සුළු සුළු දේවල් ටිකක් ගැන කියන්න...

🔺 මොකක්ද මේ මනෝකාය කියන්නෙ?

මේකට ගොඩක් දෙනා විවිධ මත පළ කරලා තියෙනවා. හින්දුන් මනෝකාය ආත්මය ලෙස හඳුන්වනවා. නමුත් ආත්මය කියන එක බුදු දහම එක්ක ගැලපෙන්නෙ නෑ. මොකද මේ ආත්මය කියන එක ශරීරයක් මියගිය පසු එය හැර ගොස් නව ශරීරයකට ඇතුල් වෙනවා. මෙහෙම වුණොත් ආත්මය කියන එක අමරණීය දෙයක් වෙනවා. කිසිම දෙයක් අමරණීය නැත්තං ආත්මය විතරක් අමරණීය වෙන්න බෑනෙ. ඒ කියන්නෙ ආත්මය කියලා එකක් නෑ. මනෝකාය කියන්නෙ ආත්මයට නෙමෙයි. මනෝකාය කියන්නේ වෙනම දෙයක්. අපේ භෞතික ශරීරය හැදිලා තියෙන්නෙ පඨවි, ආපෝ, තේජෝ, වායෝ සහ ආකාශ කියන පංච මහා බූතයන්ගෙන්. මේ පහට සිත(සයවැනි ඉන්ද්‍රිය) සහ ප්‍රාණය කියන දෙක එකතු වුණාම හතක් වෙනවා. මේ හතෙන් හැඳුන කෙනාට තමයි හතා එහෙමත් නැත්තන් සතා කියන්නෙ. අපි මැරුණාම අපේ ප්‍රාණය නිරුද්ධ වෙනවා. එතකොට පංච මහා බූතයන්ගෙන් හැදුණු භෞතික ශරීරය මිය යනවා. ඉතුරු වෙන්නෙ සිත නම් වූ සය වැනි ඉන්ද්‍රිය විතරයි. ඉතිං මේ සය වැනි ඉන්ද්‍රියේ හැඩය වෙන්නෙ අපේ භෞතික ශරීරයේ ස්වරූපයමයි. මෙය භෞතික ශරීරය වෙනස්වන විට වෙනස් වෙනවා. මෙම මනෝකායේ අවසානය වෙන්නෙ නිර්වාණය පමණක් බවයි මං දන්නෙ. එහෙම නැතුව මේ මනෝකාය විනාශ කරන්න් විදියක් නෑ. මේක සූක්ෂම ශරීරයක් වන, ආත්මයක් නොවන දෙයක්.

🔺 බටහිර විද්‍යඥයින් විසින් මේ මනෝකාය භෞතික ශරීරයෙන් එලියට ඇදගන්න එකට ඇස්ට්‍රල් ප්‍රජෙක්ෂන්(තාරකා ව්‍යාපෘතිය) කියලා කියනවා. ඉතිං මේ මනෝකාය එළියට ඇදගන්න විවිධ අය විවිධ ක්‍රම පාවිච්චි කරනවා. හින්දු යෝගීවරු ශරීරයේ ශක්ති මධ්‍යස්ථාන සුසර කරලා මනෝකාය එලියට ඇදගන්නවා. තිබ්බත යෝග විද්‍යාවෙදි මේක ඊටවඩා ලේසියෙන් එලියට ඇද ගන්න පුලුවන්. මේකෙදි කරන්නෙ චිත්තරූප මගින් මනෝකාය එළියට ඇද ගැනීම. මීටම සමාන වූ ක්‍රමයක් තමයි බටහිර විද්‍යාඥයන් පාවිච්චි කරන්නෙ ඇස්ට්‍රල් ප්‍රජෙක්ෂන් කියලා. ඒ ගැන තාරකා මානය ලිපි පෙළෙන් දීර්ඝව විස්තර කරන්න මං බලාපොරොත්තු වෙනවා...

🔺 මේ මනෝකාය අපිට බලාගන්න බැරිද ❓ කළ නොහැක්කක් නොමැති ජාතියකට එය බැරි නෑ. මං ඉස්සෙල්ලම කිව්වා සිත නැමැති සයවැනි ඉන්ද්‍රිය ගැන. මේ ඉතාම බලවත් ආයතනයක්. ඒ නිසාම මේක විනාශ කළ නොහැකි ආයතනයක්. (මෙකෙන් කරන්න පුලුවන් විශ්මිත දේත් ඉස්සරහට කියලා දෙන්නම්) මේ සිත අධිමානසික තත්ත්වයට දියුණු කලොත් අපිට මනෝකාය පමණක් නෙමෙයි තව බොහෝ පියවි ඇසට නොපෙනෙන දේ බලාගන්න පුලුවන්. අවතාර[අබූතයින්(පංච මහා බූතයන්ගෙන් නොසෑදුණු සිතපමණක් ඇති ජීවීන්)] , වෙනත් පුද්ගලයන්ගේ සූක්ෂම ශරීර මේ අතර වෙනවා.
ඒ වගේම බටහිර විද්‍යාඥයන් විසින් මේ මනෝකායේ චායාරූප ගැනීමට හැකි කැමරාවක් නිපදවලා තියෙනවා. එය සොයාගත්තෙ රුසියානු විද්‍යාඥයෙකු වූ සිමියොන් කිර්ලියන් විසින්. ඔහුට ගරු කිරීමක් විදියට මේ ඡායාරූප කිර්ලියන් ඡායාරූප ලෙස හඳුන්වනවා. මෙම කැමරාව හඳලා තියෙන්නෙ ශරීරයේ ඇති ශක්තීන් ඡායාරූපයකට ගත හැකි ආකාරයට. එමනිසා මිනිස් ශරීරයේ ඡායාරූපයක් ගත් විට එම භෞතික ශරීරයේ අභ්‍යන්තරයේ විශේෂිත වූ ශක්ති කදම්භයක් ඇති බව එම ඡායාරූපවල සටහන් වුණි.

🔺 භෞතික ශරීරයට විශාල තුවාලයක් සිදුවූ විට එය මනෝකායේ කැළැල් ලෙස සටහන් වේ. මෙම සටහන් පසු භවයන්වලදී උපන්ලප ලෙස අපේ හමේ සටහන් වේ. මනෝකායට සිදු කරන විවිධ ප්‍රතිකාර මගින් භෞතික ශරීරයේ ලෙඩ රෝග සුව කරන රේකී නම් වෛද්‍ය ක්‍රමයක් ද තවමත් ජපානයේ පවතී.



🔺 මනෝමයකය

මනෝකායයි මනෝමයකයයි කියන්නෙ දෙකක්ද❓ ඔව් දෙකක් මනෝකාය මං හැදිවුවානෙ කලින්. එතකොට මේ මනෝමයකය කියන්නෙ ඊට හාත්පසින්ම වෙනස් දෙයක්. මේක සිත අධිමානසික තත්ත්වයට පත්කිරීම මඟින් මවන කෘතිම කයක්. හරියටම කිව්වොත් මිනිස් පිටපතක්(ක්ලෝනයක්) මේක කරන්න ගොඩක් විදි තියෙනවා. එකක් තමයි සිත දියුණු කිරීම. මේ සිත දියුණු කරනවා කියන්නෙත් මහ අමාරු දෙයක් නෙමෙයි. නිවැරදිව භාවනා කරොත් සිත පහසුවෙන්ම දියුණු කරගන්න පුලුවන්. ඒ වගේම අනිත් ක්‍රමය තමයි සතරවෙනි ධ්‍යානය ලබා ගැනීම. සතර වෙනි ධ්‍යානය ලබා ගන්නාට තම කය සේම වූ වෙනත් කයක් මැවීමට හැකියාව ලැබෙනවා. මේක නම් එච්චර පහසු ක්‍රමයක් නෙමෙයි. මේකට හොඳම සාක්ෂිය බුදු දහමෙන්ම අපට ලැබෙනවා. එනම් චුල්ලපන්ථක රහතන් වහන්සේගේ කතාවයි. රහත්බව කියන්නෙ හතරවෙනි ධ්‍යානයෙන් ගොඩක් දුර ගිය දෙයක්. ඒ නිසා රහතන් වහන්සේ නමකට මේ මනෝමය කායක් මවනවා කියන්නෙ මහ අමාරු දෙයක් නෙමෙයි. චුල්ලපන්ථක රහතන් වහන්සේ තම භෞතික ශරීරය වගේ මනෝමය ශරීරය පන්සියයක් මැවූ බව බුද්ධ දේශනාවේ සඳහන් වෙනවා. චුල්ලපන්ථක රහතන් වහන්සේට දනට ආරාධනා කිරීමට ගිය පුද්ගලයා මෙහිදී විශාල ගැටලුවකට මුහුණ පානවා නිවැරදි චුල්ලපන්ථක රහතන් වහන්සේව සොයා ගැනිමට ගිහින්. ඒකට බුදු රජාණන්වහන්සේ කදිම උපායක් යොදනවා. ඒ පළමුවෙන්ම තමා චුල්ලපන්ථක බව කියන භික්ෂූන් වහන්සේව එක්කරගෙන එන ලෙසයි.

🔺 ඒ වගේම මහා රාවණ රජු රටරටවල්වල සංචාරවල යෙදෙද්දි තාමගේ ශරීරයටම සමාන වූ ශරීරයක් සිංහාසනය මත හින්දුවා ගිය බවට සාක්ෂි හමුවී තියෙනවා. මේ නිසා ලංකාපුරයේ නීතිපති වූ විභීෂණ සමඟ වරින් වර මත ගැටුම් ඇති වී තියෙනවා. ඒ නිවැරදි රාවණයන් සොයා ගැනීමට නොහැකි වූ නිසාවෙන්. ඉතිං හෙට මේ මානව පිටපත්කරණය කරනය බටහිර ජාතීන් හොයාගෙන ඔවුන් කිව්වොත් ඔවුන් තමයි මෙය පළමුවෙන්ම හොයාගත්තෙ, මේක විද්‍යාවේ සුවිශේෂී සන්ධිස්ථානයක් කියලා... මං අමුතුවෙන් කියන්න ඕනි නෑනෙ කරන්න ඕනෙ එක... 👉🤣

🌎 ජීවය හා විශ්වය 🌎

⭐ ඔන්න කාලෙකට පස්සෙ අමුතු දෙයක් ගැන ගේන්න හිතුව. වැඩිය හිතන්න එපා. ඔන්න කලින්ම කිව්ව. මේ මාතෘකාව ගැන කතා කිරීම පවා බුදු දහම අනුව නිවන වලක්වන සාධකයක්ලු. අනේ මංද ඒක නම්. ඒම ගත්තොත් මේ කපේ නිවන් යන්න හම්බෙන්නෑ 🤭. බහිමු මාතෘකාවට 💥💥💥 දන්න විදිහට විශ්වය ඇතිවෙන්නෙ මහා පිපිරුමකින් ( Big Bang ). ඒක වෙන්නෙ මීට අවුරුදු බිලියන 18 කට පෙර කියලයි කියන්නෙ. අධික පීඩනයකින් හා සිසිලකින් යුත් වායු අංශු, දූවිලි අංශු ඉතා වේගයෙන් භ්‍රමන වීම නිසා ඇති වූවක් ලෙසත් මේ මහා පිපිරීම හඳුන්වනව. මේ මහා පිපිරුම් න්‍යාය මුලින්ම ලොවට හඳුන්වා දුන්නෙ ඇමරිකානු ජාතික ජෝර්ජ් ගැමෝව් කියන විද්‍යාඥයා 1929 වර්ශයේදි. ඒත් මේ වන විට මේ න්‍යාය කුණු කූඩෙට දාල අලුත් එකක් ඉදිරිපත් කරල. අලුත් එක හරි රසයි. ඒක තමා බිග් ස්ප්ලට්(Big Splat) . ඒකට අනුව මේ විශ්වයට අමතරව මීට සමාන හා සමාන්තර තවත් විශ්වයන් තියේ. ඒ වගේම ඒව අදෘශ්‍යමානයි කියල මතයකුත් තියේ. එක් විශ්වයක ප්‍රමාණය අනන්තය දක්වා විහිදෙන නිසා එවා අදෘශ්‍යමාන විය හැකියි. ඒ වගේම ඒව අපේ විශ්වය වගේ ත්‍රිමාණ හෝ බහුමානද විය හැකියි. අපි ජීවත් වන මේ මහා සංකීර්ණ මහා පිපිරුමටත් පෙර සිටම මේ *බිග් ස්ප්ලට්* පැවත එන්නක් කියලයි කියන්නෙ. මෙම න්‍යායට අනුව එම සමාන්තර විශ්ව වල සිද්දවෙන වෙනස් කම් නිසා ඒවා ප්‍රසාරණය වී එකිනෙක හා ලංවී ඒවා එකිනෙක ගැටීමෙන් මේ මහා පිපිරුම ( Big Bang) සිදු උනා යැයි විද්‍යාඥ මතයයි. මේ ආන්දෝලනාත්මක මතය ලොවට ඉදිරිපත් කරල තියෙන්නෙ පෝල් ස්ටේන් හාඩ් කියන විද්‍යාඥවරය. එතුමා ඒ මතය " පයි රොකට් ආකෘතිය" ලෙස නම් කරල තියෙනව. 

 ⭐ මං ඒ කිව්වෙ ජීවයක් තියෙන්න අවශ්‍යම සාධකයේ මූලාරම්භය. දැන් යමු ජීවයේ පදනම ගැන කයිය ගහන්න. අපි ජීවත් වන විශ්වය තුල මහා පිපිරීමෙන් පසු අනන්තයක් දක්වා පැතිරුනු දූවිලි අංශු, වායු අංශු හිස් අවකාෂය තුල අධික පීඩනය නිසා ඒකරාශී වෙලා කුඩා කුඩා ග්‍රහයින් ලෙස නිර්මාණය වෙලා. අධික ශක්තියක් ඒකරාශී උනු ග්‍රහලෝක ශක්ති උත්පාදක වශෙයෙන් හා අනෙකුත් පුංචි ග්‍රහයො ගුරුත්වාකර්ශන බලය අනුව ශක්ති උත්පාදක ග්‍රහලෝකයක් වටා භ්‍රමනය වෙමින් තියෙනව. මේ ශක්ති උත්පාදක ග්‍රහය තමා අපි සූර්යයා කියන්නෙ. ඔය අතර ප්‍රශස්ත උශ්නත්වය, ජලය, වාතය වගේ ජීවයට අත්‍යාවශ්‍ය සාධක පැවතිය හැකි ප්‍රදේශයේ (Habitable Zone) පවතින ග්‍රහලෝක තුල ජීවය ඇතිවෙන්න පුලුවන්. පෘථිවිය තියෙන්නෙත් මෙන්න මේ කොටහෙ තමා. අඟහරි තියෙන්නෙ ඒ ප්‍රදේශයේ මායිමේලුනෙ. මේ මහා පිපිරුම උන දා ඉදන්ම මේ සිද්ධිය වෙලා ඇති. අපේ පෘථිවිය නිර්මාණය වෙලා තියෙන්නෙ අවුරුදු බිලියන 4.6 කට විතර කලින්. ඒත් මහා පිපිරුම සිද්ධවෙලා තියෙන්නෙ අවුරුදු බිලියන 18කට කලින්. ඒකියන්නෙ අපිට කලින් වෙන සූර්යෙකුට දාව වෙන ජීවීන් ඉන්න ග්‍රහලෝක නැති වෙන්න බැරිද? නෑනේ. මේ වන විට ජීවීන් ඉන්නවාය කියන, කියල හිතන ග්‍රහලෝක ඒවා ලැබිය හැකි තාක්ෂණික දියුණුව අනුව අනුව ඒවා වර්ග කරල තියෙන්නෙ (Kadashow Scle) දියුණුවේ වර්ධනය අනුව වර්ගය 1, වර්ගය 2, වර්ගය 3 ආදී වශයෙන් කොටස් කීපයක් තියෙනව. ඒත් අවාසනාවකට වර්ථමානයේ නම් අපි ඒ මිනුමේ වර්ගය 1 කොටසටවත් අයිති නෑ. (ඒ එක් එක් වර්ගයට අදාලව සලකා බලන ලක්ෂණ අපි වෙනම ලිපියකින් සාකඡ්චා කරමු හොඳේ.) ඒකියන්නෙ අපි දියුණුවක් ලබලම නැද්ද? නෑ අපි ඔය මිනුමට අනුව වර්ගය 1 කොටසටත් ඉහලින් තමා අපි හිටියෙ ඒත් දැන් නෑ. අපි අපිවම විනාශ කරගෙන කියල හිටෙන්නැද්ද? මේ පෘථිවිය තුල ජීවයක් ආරම්භ වෙන්නෙ මීට අවුරුදු බිලියන 1.8කට පෙර( මුල්ම සූන්‍යශ්ටික ප්‍රොටිස්ටාවා) එදා ඉඳන් ලොකු සංවර්ධනයක් ලබා තිබුන අපි මීට අවුරුදු 5000කට අතීතයෙ. ඒ අතීතය ගැන මේකෙ අයට අමුතුවෙන් කියන්න ඕනෙ නෑනෙ. ඒවගේ තවත් මතයක් තමා පෘථිවියට ජීවය වෙනත් ග්‍රහයෙකුගෙන් පැමිණි බව. ස්ව්‍යන්සිද්ධ ජනන වාදයට අනුව නම් එය සත්‍යක් විය යුතුයි( මගේ මතය) මොකද කිව්වොත් මේ විශ්වයේ ඇසට ගෝචර ප්‍රදේශයේ පමණක් තරු ( සූර්යයන් ) බිලියන 10 ක් පමණ ගණනය කර තියෙනව. ඔයින් එක තරුවකටවත් ජීවීන් ඉන්න බැරිද? තව මං මුලින් කියපු සමාන්තර විශ්වවල වෙනත් දියුණු ජීවීන් ඉන්න බැරිද? 🤔 තවත් දෙයක් මං අහල තියේ. ඒ තමා රාවණ වංශය පැවත් එන්නෙ ඔරායන් තරු රටාවෙ බඳෙහි මැද තරුවට අයත් ග්‍රහලෝකයක හිටපු ජීවීන් කොට්ඨාසයකින් කියල. ඔරායන් කියන නමත් " ඔහු රාවණයන්" කියන වදනින් බිඳී ආවක් කියලා අහල තියේ ( ඔ+රා+යන්) ඒකේ සත්‍ය අසත්‍ය තාව ගැනනම් මං දන්නෙ නෑ. හැබැයි ලෝක ඉතිහාසයේ අභිරහසක් තියෙන ගොඩක් දේවල් එක්ක ඔරායන් තරු රටාවෙ සම්බන්දයක් තියේ කියන කතාව නම් අහල තියෙනව. ඉතින් ඇයි අපි අපේ දියුණුව පහලට දාගන්නෙ? කැප වෙලා වැඩ කරමු. හිටපු තැන පහු කරල යන්න උත්සහ කරමු. 

තෙරුවන් සරණයි ☸️

ස්වස්ථි සිද්ධම් 🙏 

 

සියලු හිමිකම් ඇඩ්මින් සිතුමිණි පාරින්ද්‍යා සතුය.

☀️🗡️🔥 චන්ද්‍රහාස අසිපත 🔥🗡️☀️

මේ ගැන මං කලිනුත් හැඳින්වීමක් කළා ලිපියකදි. ඒත් දැන් අපි යන්න හදන්නෙ ටිකක් දීර්ඝ විස්තර කිරීමකට. මොකක්ද මේ අසිපත❓ මේක විශේෂ ඇයි❓ මේකේ තියෙන බලය මොකක්ද❓

🇱🇰🗡️ හෙළයේ බොහෝ අසිපත් නිර්මාණය වුණා, බොහෝ අසිපත් භාවිතා කළා. ඒ අසිපත් අතරින් රාවණයන් භාවිතා කළ මහා රාවණයන් භාවිතා කළ අසිපත තමයි මේ චන්ද්‍රහාස අසිපත... චන්ද්‍රහාස කියන නම හැදිලා තියෙන්නෙ සඳේ සිනහව කියන අරුතෙන්. ඒ වගේම මේක එක් ශක්තියකින් පමණක් සමන්විත ආයුධයක් නොවෙයි, ශක්තීන් රැසක එකතුවක්. මෙය අත දරන්නා විශ්වයේම බලවතා වන්නේත්, විශ්වයේ ඕනෑම යුද්ධයකින් ජය ලබන්නෙත් ඒ නිසා වෙනි. මෙය අත දැරීමට නම් කරුණු කිහිපයක් සම්පූර්ණ කළ යුතුයි. ඒ අතරින් ප්‍රධානම කරුණ වන්නේ කායික සහ ආධ්‍යාත්මික ශක්තීන් එක හා සමාන කරගැනීම. මේක කරන්න බොහොම අමාරු වැඩක්. මොකද මේ ශක්තීන් දෙක හැම විටම උත්සාහ කරන්නෙ එකිනෙකා පරයා වෙනස් වීමටයි. මනා ඉවසීම සහ මනා හැකියාව ප්‍රගුණ කළ විටත්, සීමාවන් දැන විවිධ බන්ධනවලට හසු නොවී සිටීමෙන් මෙම ශක්තීන් දෙක සමතුලිත කළ හැකියි. මීට අමතරව තවත් අවශ්‍යතා කිහිපයක් සම්පූර්ණ කළ යුතුයි. එනම් යෝග ධර්ම වැඩීම, ශිව වරම් ලැබීම, දේව වරම් ලැබීම, මහා බ්‍රහ්මයාගේ ආශිර්වාදය ලැබිම, මහා රාවණයන් ඉක්මවා ගිය ඍෂිවරුන්ගේ වරප්‍රසාද ලැබීමයි. 

මේ අසිපතේ තියෙන ශක්තීන් මොනවද❓

⚡🗡️ මේකෙ ශක්තිය නම් මෙතෙකැයි කියා සීමා කරන්න බැහැ. විශ්වයේ කිසිම යුද්ධයකින් මෙය අත දරන්නා විනාශ කළ නොහැකියි. මෙය අතදරන්නාගේ අතත්, ශරීරයත් දෙකම කම්පනය වෙනවා. මෙය වෙව්ලීමකට සමානයි. එසේ කම්පනය වන්නෙ කඩුව තුළ පවතින ශක්තීන් නිසා. මේ තුළ පවතින ශක්තීන් කිහිපයක් වන්නේ විශ්ව ශක්තිය, කාන්දම් ශක්තිය හෙවත් විශ්වයේ පවතින ශක්තීන් බොහෝමයක්(හිරුගේ ශක්තිය, ජලයේ ශක්තිය, ජලයේ ශක්තිය, භූමියේ ශක්තිය, ආකාශයේ ශක්තිය...), අකුණු ශක්තිය(මෙතුළ විශ්වයේ ශිල්ප ශාස්ත්‍ර ඥානය ගැබ්ව පවතිනවා) චන්ද්‍රහාස අසිපත භාවිතයේදී විශේෂ ආලෝකයක් නිපදවනවා. ඒ සූර්‍යයාගෙ ශක්තියයි. මෙම ශක්තිය විශ්වයටත් විශ්වයෙන් එහා සක්වලටත් බලාත්මකයි. එසේම මෙය අකුණු බලයෙන් අනූන නිසා සැඟවීයාමේ හැකියාවක්ද මෙයට පවතිනවා. එසේම චන්ද්‍රහාස අසිපත භාවිත කරන්නාගේ සිතුවිලි සමඟ බැදී පවතිනවා. මේ නිසා එය නිවැරදි නොවන අයුක්ති සහඟත දේ සඳහා භාවිතා කරන සිතුවිල්ලක් පහළ වුවහොත් අසිපත අතුරුදහන් වී යනවා. එසේම අසිපත අත දැරුවද එය සෑමවිටම භාවිතා කළ නොහැකියි. එය අවශ්‍ය මොහොතට අනුව ක්‍රියාත්මක වන්නක්. එම නිසා අනවශ්‍ය කටයුතුවලට මෙය භාවිතා කළ නොහැකියි. 

🔥〽️ මෙම අසිපතේ ඇති තවත් විශේෂත්වයක් වන්නේ, මෙම අසිපත අඳුරේදී ආලෝකය විහිඳනවා. එයින් මෙම අසිපත අත දරන්නාට අඳුර සහ ආලෝකය පාලනය කළ හැකිවන බවද සංකේතවත් වෙනවා. 

☀️🗡️ තවද මෙම අසිපත අත දැරීමට නම් කුණ්ඩලීනී ශක්තිය දක්වා වූ සියලුම ශක්තීන්ද කුන්ඩලීනිය ඉක්මවූ අධි ශක්තීන් ද වැඩිය යුතුයි. මෙහිදී මූලික වන්නෙ සූර්‍ය සිද්ධාන්තයයි.(දීර්ඝව විස්තර කළ යුත්තක් බැවින් මෙහි එය සඳහන් කරන්නේ නැත.) මෙම සූර්‍ය සිද්ධාන්තයෙන් කරනු ලබන්නේ සූර්‍යයාගෙ පවතින අග්නි ධාතුව මෝහනය කිරීම. එනම් මෙහිදී සිදුවන්නෙ අග්නි ධාතුව තුළ නොදැවී, අකර්මණ්‍ය නොවී සිටීමයි. මෙය එක් නිෂ්චිත කාලයක් තුළදී සිදු කළ යුත්තකි. 

❕🇱🇰 එසේම මෙම චන්ද්‍රහාස අසිපත තවත් එක් විශේෂ ශක්තියකින් බලගැන්වී තියෙනවා. ඒ තමයි හෙළයේ යක් රැජිණ මහා නීලකුම්බීලා දේව මාතාවගේ ශක්තියයි. නීලකුම්බීලා දේවතාවිය යෝගයකට සමවැදුණු විට දේවතාවිය හෝ එම යෝගය සොයා ගැනීම දක්ෂ ඍෂිවරයෙකුටද කළ නොහැක්කක්. ඒ තරම් එම යෝගය ගුප්ත එකකි. අග්නි ධාතුව මූලික කරගමින් සිදු කරනු ලබන මේ අති ප්‍රබල ගුප්ත යෝගය හඳුන්වන්නේ නීලකුම්බර යෝගය ලෙසයි. මෙය වැඩිය හැක්කෙ නීලකුම්බීලා දේව මාතාවට පමණක් බවයි සත්‍ය. මෙහිදී සිදු කරන්නෙ සූර්‍යයන් දහසකගේ රශ්මිය ඇති ගිනි ජාලාවක් මැද පද්මාසනයෙන් වාඩි වී සිට යෝග වැඩීමයි. 

❗☀️🗡️ එසේම මෙය තවත් එක් විශේෂිත වූ මහා ශක්තියකින් අනූන වෙනවා. එයද නීලකුම්බීලා දේවමාතවගෙ ශක්තියට නොදෙවෙනි වන්නක්. එය නම් රාවණ පුත් මේඝනාධගේ මහා ශක්තියයි. මේඝනාධ කුමරු වැඩූ යෝගයද ශක්ති කරවූයේ නීලකුම්බීලා දේවමාතාවයි. ඒ ඇයට ශක්ති වරම් දීම සඳහා...

☀️🌙 මෙම මහා බලසම්පන්න චන්ද්‍රහාස අසිපත සූර්‍යයා සහ චන්ද්‍රයා මුල්වීමෙන් නිර්මාණය වූවක්. චන්ද්‍රයාගෙ සෞම්‍ය කිරණින් මේ අසිපත පෝෂිතයි. එනම් එයින් අදහස් කරන්නේ යහපත සඳහා මෙම අසිපත භාවිතා කළ යුතුය යන විශ්වීය නියමයයි. එසේම මෙහි අනෙක් විශේෂිත ගුණය වන්නෙ මෙය සූර්‍යයා මෙන් දැඩි වීමයි. එයින් අදහස් වෙන්නෙ චන්ද්‍රහාස අසිපත වැදුණු කලෙක එය අකුණු සැරයක් වැදුණු කලෙක මෙන් විනාශ වී යන බවයි... මේ නිසා මෙය අත දරන්නා අවශ්‍ය විටෙක චන්ද්‍රයා මෙන් මෘදු මොලොක් භාවයෙන් යුතු අයෙකු වීමද, අවශ්‍ය විටෙක සූර්‍යයා සේ දැඩි අයෙකු විය යුතු බවයි. මේ කරුණු සැලකූ විට මෙය අත දැරීමට මේ තුන්ලෝකයට පහළ වූ එකම සුදුස්සා වන්නේ චන්ද්‍රයා සේ මෘදු සූර්‍යයා සේ දැඩි හෙළයේ මහා රවුළු රාවණ රජු පමණමයි...

👹 මහසෝන් ප්‍රහාරය 👹

 ගොඩ කාලෙකින් ලිපියක් දාපු නැති නිසා දාන්න හිතුන. ගෲප් එකේ නමටත් සම්බන්දයි. මේ රෑ වෙලා මේක දැකල බය වෙන්න නම් එපා. මේක බය වෙන්න නෙවේ. බය නැති කරන්නයි ලියන්නෙ.

 💎හැමෝම දන්න විදිහට මහසෝන (ලොකු අයියා) දිශ්ඨියෙන් ඇවිත් පාපතර මිනිස්සුන්ගෙ, පුලුටු කාල පාරෙ යන මිනිස්සුන්ගෙ බෙල්ලටම බෙල්ල කැඩෙන්නම හගනවලුනෙ. ඉතින් එක එක තැන් වල මුනින් අතට වැටිල බය වෙලා වගේ ඇස් ගෙඩි ලොකු කරන්ම මැරිල වැටිල ඉන්නවනෙ. දැකපු අයත් ඇති සමහර විට. 🖐️ පාරකුත් තියේලු නේද? ඒ පිළිඹදව නම් හරි තොරතුරු නෑ. මං මේ කියන්නෙ බෙල්ල කැඩිල බයවෙලා මැරිල වැටිල ඉන්න මිනිස්සුන්ට යකා ගහපු හැටි ගැන.... 👹

 ⭕ යක්කු ගහනව කියන්නෙ පුලුටු කාල පාරෙ යන අය, පව් කරන අය කියලනෙ ලොකු විශ්වාසෙ. මෙහෙමයි යක්කු ගහන්නෙ. ඔන්න බලන්න. ඔන්න දැන් ඒ වගේ මනුස්සයෙක් සොහොනක් ලඟින් යනව. මෙහෙම යනව. එහෙම යනකොට පව්කාරයෙක් නම් කරපු පව් මතක් වෙනව. බය හිතෙනව. සිංදු කියවෙනව, ගාථ කියවෙනව. ඔන්න ඔහොම ටික දුරක් යද්දි ලඟ ගහකින් ගෙඩියක් වැටෙනව කියන්නකි. සද්දෙ දෝංකාර දීල ඇහෙන්නෙ ඇයි බය වෙලානෙ ඉන්නෙ. කන මඟින් ශබ්දය අවශෝෂණය කරල මොළය වෙත ගමන් කරනව. අන්න ඊට පස්සෙ තමා යකා කුලප්පු වෙන්නෙ. යකා තමා මධ්‍ය මස්තිශ්කය. අන්න එයා ප්‍රතීකයක් එවනවා හඬ දිශාවට වේගයෙන් හිස චලනය කරන්න. ඇයි ඒ? තමන්ට කරදරයක්ද? සතුරු ආක්‍රමණයක්ද කියල හදුන ගන්න. දන්නවද මිනිසට බෙල්ල හරවන්න පුලුවන් සීමාවක් තියේ. කුරුල්ලන්ට වගේ වටේටම කරකවන්න බෑ. අංශක 180 ක් විතර තමා පරාසය. ඒත් බයත් එක්ක මේ ප්‍රතීකයට පුලුවන් වේගවත්ව මේ පරාසය ඉක්මවා චලනය කරවන්න. කැරකැව්වම මොකද වෙන්නෙ. අපේ අක්ෂ කශේරුවයි, ඇට්ලස් කශේරුවයි සම්බන්ද වෙලා තියෙන තැන් වලන් ඇඹරිලා ශුෂුම්නාව කැඩිල යනව. ඒත් එක්කම මොළය මඟින් පාලනය බිඳීයාමත් සමඟ ඇඟේ බර වැඩි පැත්තට වැටෙනව, ඒ කියන්නෙ මුනින් අතට( ශරීරයේ වැඩි බර ඉදිරි පසට වෙන්න තමයි තියෙන්නෙ) පුලුටු කාපු අයටත් එහෙම්මම තමා, වෙනස මස් මාංස වල ප්‍රෝටීන්, මේද වැඩියි, එතකොට ශරීරයට අමතර ශක්තියක් ලැබිලයි තියෙන්නෙ. එතකොටත් ප්‍රතීක වේගවත් වීමට ශක්තිය තියේ. පුලුටු ආහාර ගඳට අමනුෂ්‍යයොත් එනව ඉතින්. මං කිව්වෙ යකාගෙ ගැහිල්ල ගැන විද්‍යාත්මකව. ඉතින් ඔන්න ඔහොම මධ්‍ය මස්තිශ්කය කියන යකා කුලප්පු වෙලා කරන වැඩක් ඕක. ඔහොම වෙලා මැරුන. මැරිල වැටුන. පස්සෙ දවසෙ ගෙදරින් එනෝ හොයන්. අනේ සොහොනක් ලඟ මැරිල වැටිල. බෙල්ල කැඩිල. කවුරුත් ගහපු පාරක් නෑ. බෙල්ල කැඩුනෙ කොහොමද දන්නෑ. අන්න ඉතින් "යකා ගහල". අවට මිනිස්සු එහෙම කියනව. ඔන්න ඔහොම තමා යකාගෙ ප්‍රහාරය ඉවර වෙන්නෙ. 👹👹👹

 ⭕ දැන් හිතයි "ඉතින් අපි බය වෙන්නෑනෙ, සද්දයක් ආවොත් ඒ පැත්ත බලන්නෑනෙ කලබලෙන්,ඉතින් දැන් අපේ බෙල්ල එහෙම කැඩෙන්නෑ" ඔව් හැමෝගෙම එහෙම බෙල්ල කැඩෙන්නෑ. ඒ තරම් වේගෙන් ප්‍රතීක එන්නැති වෙන්න ඒ කෙනාගෙ වෙලාව හොඳ වෙන්නත් ඕන. ඒත් අපිට ප්‍රතීක නවත්තන්න පුලුවන්ද? බෑ. ඒක කරන්න අමාරු දෙයක් නෙවේ කරන්න බැරි දෙයක්. කවුරු හරි කෙනෙක් ගමනක් යනකොට කකුලෙ කට්ටක් ඇනුන. අනිච්ච ලෙසටම අනේ ඔන්න ඔහේ ඇනිච්චදෙන් කියල බලන් ඉන්නවද නෑ. එහෙම හිතන්නත් කලින් කකුල උස්සල කෑ ගහලත් ඉවරයි නේද? කොච්චර උත්සහ කරත් ඒ දේ නොකර ඉන්න බෑ නේද? ප්‍රතීක අනිච්චානුගයි. හිතා මතා පාලනය කරන්න බෑ. ඒ නිසා මධ්‍ය මස්තිශ්කය විශ්වාස කරන්න එපා 😄..... ( බය වෙන්න එපා. ඔයාලට එහෙම වෙන්නෑ ) එහෙනම් යාලුවනේ මේක විද්‍යාත්මක සංකල්පයක් විතරයි හොඳේ. විශ්වාස කිරීම නොකිරීම ඔයාලට බාරයි.

තෙරුවන් සරණයි.
 ☸️ ස්වස්ථි සිද්ධම් 🙏

සම්පූර්ණ අයිතිය ඇඩ්මින් සිතුමිණි පාරින්ද්‍යා සතුය.

👻 අමනුෂ්‍යයන්ගේ බලපෑම 👻

 📌අද මං කතා කරන්නෙ යක්කු ගහන්නෙ කොහොමද කියල. සමහර විට යක්කු ගහපු අය මෙතන ඇති, යක්කු ගහපු අයටත්, නොගහපු අයටත් තමා මේ..... 👻 යක්කු එහෙමත් නැත්තන් අමනුෂ්‍යයෝ කියන්නෙ ප්‍රාණයක් නැති භෞතිකමය ශරීරයක් නැති විඥ්ඥාණයක්. පෙර භවයකදී සිදුකරන ලද පාපයක් නිසාවෙන් හෝ අරමුණක් ඉටුකර ගැනීමට නොහැකිව එය මූළික කරගත් හෝ යම් දෙයකට හෝ ස්ථානයකට හෝ කෙනෙකුට අධිකව ලොල් වූ පිරිසක්. කිසියම් දෙයක්,කෙනෙක් ස්ථානයක් උපාදාන කර නොගත් පිරිස නිශ්චිත ස්ථානයක් නොමැතිව තම අරමුණු ඉටු කර ගතහැකි වනතෙක් අහඹු ලෙස සොහොන් හෝ පාලු ස්ථාන වල රැදෙන අතර යම් දෙයකට ලොල් වූ අමණුෂ්‍යන් ඒ අදාල දෙය වටා රැදී සිටිනව. කොහොමද ඉතින් මේ අමනුෂ්‍යන් මිනිස්සුන්ට බලපෑම් කරන්නෙ? මෙහෙමයි අමනුෂ්‍ය බලපෑම වැඩිපුර එල්ල වෙන්නෙ මනස දුර්වල අයටයි. එවැනි පිරිස අසලට ඔවුන්ට බාධාවකින් තොරව පැමිණිය හැකියි. අමනුෂ්‍යන් යනු හුදෙක්ම භෞතික ශරීරයක් නැති විඥ්ඥාණයක් පමණක් බැවින් ඔව්න්ට මනුෂ්‍යන්ගේ අවසර නැතුව මනුෂ්‍යන්ගේ ශරීරයට ඇතුල් වීමට හෝ හිංසා කිරීමට නොහැකි. මෙය වෙනස් වන එකම ස්ථානය යම් පුද්ගලයෙක් උපාදාන කර ගත් අමනුෂ්‍යන්ට පමණයි. ඔවුනට හැකියි තමා ඒ උපාදාන කරගත් පුද්ගලයා මනසින් හීන නම් එම පුද්ගලයාගේ ශරීරයට ඇතුල් වීමට හෝ යම් අකටයුත්තක් කිරීමට. නමුත් අන් කිසිඳු අමනුෂ්‍යයෙකුටත් මනුෂ්‍ය අවසර නොමැතිව කිසිවක් කළ නොහැකි. දැන් හිතයි මිනිස්සු කවද්ද හොල්මන් වලට අවසර දුන්නෙ? , ඇයි මිනිස්සු අවසර දෙන්නෙ නිකන් කරදර දාගන්නෙ නෑනෙ කියල, ඔව්. මිනිස්සු අමනුෂ්‍යන්ට " අනේ අපි අවසර දෙනවා " කියල නෙවේ අවසර දෙන්නෙ. අමනුෂ්‍යන්ට අවශ්‍ය අවසරය ලැබෙන්නෙ මනුස්සයා විසින් මනස දුර්වල කර ගැනීමෙන්, පාප සිතුවිලි ඇති කර ගැනීමෙන් හා ඔව්න් පිළිඹද නිතර සිහිපත් කිරීමෙන්. මොකද කොයිම වෙලාවකවත් විඥ්ඥායකට බෑ භෞතික ශරීරයක් නැතුව කිසිවක් ස්පර්ෂ කරන්න. අමනුෂ්‍යන්ට භෞතික ශරීරයකට ඇතුල් වෙන්නෙ ඒ නිසයි. ඔව්න්ගේ අරමුණු ඉටු කර ගැනීමට එය අනිවාර්ය අවශ්‍ය කාරණාවක්. ඔය මිනිස්සුනට හොල්මන් වැහිල මං අහවල් කෙනා, මට අහවල් දේ ඕන කියල බොහෝ වෙලාවට මේ සිද්ධි වෙන්නෙ මිය ගිය පුද්ගලයගෙ නිවැසියන්ටමයි. මොකද කිව්වොත් මිය ගිය කෙනා පිළිඹදව හොදින්ම දන්නෙ වගේම ඒ අයව නිතර සිහි කරන්නෙ තම නිවැසියන්ම වන නිසා. ඒ වගේ තමා කිසිදෙයක් උපාදාන නොවූ අමනුෂ්‍යන්. ඔවුන්ටත් තමන්ට හිතෙන හිතෙන අය ලඟට යන්න බෑ. මහසෝනටත්, මෝහිනීටත්,කළුකුමාරයාටත් එහෙමයි. ඒ අයත් මිනිස්සු ලඟට එන්න පුලුවන් වෙන්නෙ හිත දුර්වල නම්, පාප සිතුවිලි ඇත්නම් තමා. තවත් මනුෂ්‍ය ශරීරයක ආදාරයෙන් ඔවුන් මිනිස්සුන්ට ප්‍රහාර එල්ල කල හැකි. ........

 📌 එතකොට හොල්මන් වලට භෞතික ශරීරයක් නැත්තන් එයාලව රෑට පේන්නෙ කොහොමද? ඒක විද්‍යාත්මකයි. විඥ්ඥානය එක්තරා ශක්තියක්. ශක්ති තුල කුඩාම ඒකක ලෙස ශක්ති පැකට් අඩංගු වෙනව. එම ශක්ති පැකට් වල ඇති ශක්තිය දහවලේදී ඇසට ගෝචර නොවුනත්( දහවලේදී එයිටවඩා ප්‍රභල ආලෝක ශක්තිය ඇති නිසා) රාත්‍රියේදී ඇසෙහි යෂ්ටි සෛල මගින් එම ශක්ති පැකට් වල ක්වොන්ටම් ශක්ති හදුනා හන්නා බැවින්. _________________________මේ හැම දෙයක්ම හරියටම නිවැරදිද කියල ඔප්පු කරන්න විදිහක් නම් නෑ. වැරදි තියෙන්න පුලුවන්. සමහර විට විශ්වාස නොකරාවි. එය ඔබ සතුයි.............. 

සම්පූර්ණ අයිතිය ඇඩ්මින් සිතුමිණි පාරින්ද්‍යා සතුය.               

හෙළයේ සැඟවුණු ඉතිහාසය 🇱🇰 💯 🇱🇰 තෙවන ගව්ව 📃

🇱🇰 සුද්දා වැද්දා කාලෙ උඩින් ගිය හෙළයා 🇱🇰

අවුරුදු 30,000ක් ඉපැරැණි ඉතිහාසයක් අපට උරුමද ? පාහියන් ලෙනේ සහ කුරුවිට බටදොඹ ලෙනේ කැණීම්වලින් හමුවූ සාක්ෂි හෙළයාගේ ඇත්ත කතාවට නිදහස් තොරතුරු ලබාදෙයි.

පාහියන් ලෙනේ සාක්ෂි වලට අනුව අවුරුදු 38,000 - 40,000 ත් අතර කාලයේ බටදොඹ ලෙනේ සාදක අනුව අවුරුදු 32,000 - 37,000 ත් අතර පුරාවිද්‍යා තොරතුරු ලැබීම සතුටට හේතුවක් නොවේද ?

නමුත් , මහාවංස කතුවරයාට අනුව මෙතරම් ඉතිහාසයක් නැත. අපේ රටේ අවාසනාවන්ත කමට පුරාවිද්‍යා කොමසාරිස්වරයා ද මේ මුග්ධ තර්කයේම එල්බ සිටී. මෙවන් දේට මා කොහෙන් සිනා වන්න දැයි මට නොතේරේ... ☝🏻😁 ඔහුට අනුව නං අපි තිරිසනෙකුට ජාතක වූ අවජාතකයකුගේ පරපුරෙන් ආ ඉන්දියානුවන්ය. රාවණයන් මිත්‍යාවක් සේ සලකන අප හෙළයන් ඉන්දියානුවන් සේ සලකන මෙවන් නොමේරූ බාලයන්ට කෙසේ නම් මෙකී තනතුරු දෙන්නේද ? එසේ අප ඉන්දියානුවන් නම් අප කතා කළ යුත්තෙ ඉන්දීය භාෂාවකි. තිබිය යුත්තේ හුදු ඉන්දීය සංස්කෘතියම පමණකි. නමුත් , ඇයි ඒවා එසේ නොවන්නේ ? ඔබම සිතා බලන්න !

ගිලුණු අතීතයේ අපගේ මුතුන් මිත්තන් කවුරුන්ද ? අප තිරිසනෙකුට ජාතක වූ ඉන්දීය සල්ලායකගෙන් පැවත එන්නන්ද ? අපේ ඉතිහාසය විජය නැමති සල්ලාලයා විසින් කරවූවක්ද ? මෙසේ විසඳා පහදා ගැනීමට ප්‍රශ්න සමූහයකි.

ආචාර්ය කොළොන්නාවේ සිරි සුමන්ගල හිමියන්ගේ කෘතියට අනුව හෙළයේ පළමු රජු වූයේ " *මහා මන්දාතු මහ රජතුමා* " යි. එතැන් පටන් වූ රාජ්‍ය විකාශනයේදී විශ්වාධිපති රාවණ රජතුමාගේ පියා වූයේ විස්‍රව මුණිය. ඔහුගේ බිසෝවරු අතුරින් අයෙකු වූ කෛකේසි බිසවට දාව රාවණ , කුම්භකරණ යන දෙපුත්‍රයන් හා සුපර්පණිකා නම් දියණියත් විය. තවද රාවණයන්ට සහ එතුමන්ගේ බිසව වූ මන්දෝදරී හට මේඝනාද සහ සහේළි නමින් නිවුන් දරුවන් විය. මහා ඇත්තන්ගේ වංසයේ රාවණ කෙනෙකුන් හෝ ඔහූගේ එකදු ඥාතියෙකු හෝ ලංකාද්වීපයේ නොසිටියත් එයට පෙරාතුව වාල්මිකී විසින් රචිත රාමයනයේ රාවණයන් ගැන විස්තර වේ.

පුරා වසර දොළසක් පුරා රාම - රාවණ යුද්ධයේදී රාවණයන්ගේ පුත්‍රයා වූ මේඝනාද හෙවත් ඉන්ද්‍රජිත් කුමරු විසින් රචිත ක්‍රියෝඩ්ඩිෂය ග්‍රන්ථය හා රාමායණයටද අනුව ඉන්ද්‍රජිත් කුමරුන් යානයක නැඟී සඳට ගොස් එහි සිට සතුරාට පහර එල්ල කල බව සඳහන් වේ. මේ අනුව මුලින්ම හඳට පා තැබුවේ ඇමරිකානුවන් ද ? හඳ තරණය කළ දැනුම අන්තරස්දාන වීද ? එවන් දැනුමක් අප සතුව තිබුණු බව පිළිගැනීමට ඔබ සූදානම් ද ? ඔබ ඉදිරියේ තවත් ප්‍රශ්න ගොඩකි.

🧐 පහත කරුණු විමසන්න 🧐

☝🏻🧐 _පරිප්පු හොද්දක් හැඳිගාන්නට නම් හන්ඳ හරහා පරිප්පු හොද්ද මත බලයක් යෙදිය යුතුය._

☝🏻🧐 _පුටුවක් එක් තැනක සිට තවත් තැනකට ගෙනයාමේදී දෑතින් හෝ ලණුවකින් ඒ මත බලයක් යෙදිය යුතුය._

☝🏻🧐 _නූලක ගැට ගැසූ ගල්කැටයක් හිස වටා කැරකැවීමට අත මගින් නූල හරහා ගල මතට බලයක් යෙදිය යුතුය._

☝🏻🧐 _මෝටර් රථයක් චලනය කිරීමට ඉන්ධන මගින් රථය මත බලයක් මුදාහැරිය යුතුය._

_______☝🏻🤔☝🏻________

ඉහතාකාරයට පෘථිවිය සූර්යයා වටා පරිභ්‍රමණය වීමේදී ද සූර්යයා මගින් පොළොව මතට යම්කිසි බලයක් යෙදිය යුතු බව *අයිසෙක් නිව්ටන්* නම් විද්‍යාඥයා විසින් ප්‍රකාශ කරද්දීත් එකල සිටි විද්‍යාඥයන් නිව්ටන්ගෙන් ප්‍රශ්න කරමින් විමසා සිටියේ ඉරත් පොළොවත් යා කරන එකී රේඛාව පෙන්වන ලෙසටය. ඊට නිව්ටන්ගේ පිළිතුර වූයේ එකී බලය රේඛාවක් හරහා ක්‍රියා නොකරන බවත් දුරකදී සිදුවන ක්ෂණික ක්‍රියාවක් ලෙස අවබෝධ කර ගැනීමට සුදුසු බවත්ය. එකී බලය නම් *ගුරුත්වාකර්ෂණ බලය* යි.

මෙවැනිම ආකාරයට පෘථිවිය හා හඳ අතරද ගුරුත්වජ බලයක් ගොඩනැගෙයි. නිව්ටන්ට අනුව ගුරුත්වජ බලය දුරීය ක්ෂණික බලයක් නම් සූර්යයා ක්ෂණිකව අතුරුදහන් වූවොත් පෘථිවියද අඳුරුවීමද රේඛීයව කක්ෂයෙන් විසිවී යෑමද එක්වර සිදු විය යුතුය. නමුත් ඉහත කාරණා දෙකම සිදුවන්නේ සූර්යයා නැතිවී මිනිත්තු අටකට පසුවයි. එහෙයින් ඔහුගේ දුරීය ක්ෂණික බලයේ කතාව යථාර්ථයක් නොවේ. නිව්ටන්ට වැරදුනු කතාවේ අලුත් වෙළුම ලියන්නේ වසර 250 කට පසු ඇල්බට් අයින්ස්ටයින් විද්‍යාඥයා විසින්ය. 

ඔහු කියන්නේ සූර්යයා සහ පෘථිවිය අතර යම් ඇසට නොපෙනෙන ඝනකම් mat ( දීප්තියක් නැති ) තීරයක් වැනි දෙයක් ඇති බවත් සූර්යයා එය හරහා බලය පොළොවට ලබා දෙන බවත්ය. මෙම mat කතාව ඔහු ගුරුත්වාකර්ෂණ ක්ෂේත්‍රය ලෙස අළුත් නමක් එක් කිරීමට අමතක කලේ ද නැත.

තමන්ගේ එකෙකුට බැරි වූ දෙය බටහිර මිනිසුන් ගොඩනගන්නේ ඒ ආකාරයටය. නිව්ටන්ගේ සහ අයින්ස්ටයින්ගේ කතාවල ආධාරයෙන් මිනිසුන් අභ්‍යාවකාශයට යානා පිටත් කරන්නේ මෙකී ගුරුත්වජ ක්ෂ්‍රේත්‍රයට විරුද්ධව ගොඩ නැඟූ ගණිත ප්‍රකාශ මත යැපෙමින්ය.

නමුත් ඊට අවුරුදු දහස් ගානකට කලින් හෙළයා සඳ තරණය කළේ එකී ගණිත කර්ම උපයෝගී කරගනිමින්ද ? ලංකාදිපති රාවණයන් හට වූ දසවිධ හැකියාවන් අතර භෞතික විද්‍යාව කෙරෙහි වූ අවබෝධය ප්‍රමුඛ වෙයි. එතුමා වායු , අග්නි , ජල , පෘථිවි සහ ආකාශ යන පංච මහා භූත හැසිරීම ස්වකීය අධ්‍යාත්මික ශක්තිය මෙහෙයවා පාලනය කරමින් භෞතික ක්‍රියා සිදුකොට ඇත.

හෙළයාට ගුරුත්වජ ක්ෂ්‍රේත්‍ර , චුම්බක ක්ෂ්‍රේත්‍ර හෝ ස්ථිති විද්‍යුත් ක්ෂ්‍රේත්‍ර නොවීය. අපට ඇත්තේ ආකාශය පුරා ඇති අකාශ භූතයයි. ගුරුත්ව හා චුම්බක ක්ෂ්‍රේත්‍ර මෙන් ආකාශ භූතයද ප්‍රත්‍යක්ෂ අවබෝධයට හසු නොවන නිසා අයින්ස්ටයින් ප්‍රකාශ කළ ඇසට නොපෙනෙන ඝනකම් mat එකක් වැනි ව්‍යුහය මෙම අකාශ භූතය විය හැකිය. එසේ නම් මේඝනාදයන් සඳ තරණය කළේ මෙම ආකාශ භූතය මත ක්‍රියා කරමින් නොවේද ? බරහිරයන් පවසන ගුරුත්වජ ක්ෂ්‍රේත්‍රය යනු හෙළයාගේ අකාශ භූතය බව ඔබ නොපිළිගන්නේද ?

රාවණයන්ගේ පියාගේ තවත් බිසවක් වූ මාලනීගේ පුතු වූ නාග ගෝත්‍රික විභීෂණ විසින් රාම - රාවණ යුද්ධයේදී හෙළයාගේ ඒ අනර්ඝ ගණිත බුද්ධිය පාවා දීමකින් ඝාතනය කළේය. එසේ කළ ඒ දේශද්‍රෝහියා විභීෂණ දෙවියන් ලෙස හඳුන්වා පුද සත්කාර කිරීමට තරම් මා රටේ ඇතැම් සිංහලයන් අඳ ගොළු බිහිරුන් වීම කණගාටුවට කරුණකි. අපගේ ඒ වීරෝධාර මුතුන් මිත්තන්ගේ හුස්ම පොද හමායන මේ පුණ්‍ය භූමියේ ජීවත්ව සිටිමින් විභීෂණයන්ට නොදෙවෙනි වහල් කම් පරයන්ට ඇතැම් පාර්ශව අදත් කරති. සිංහලයා අද සිටින තත්වය පත්වීමට පාර කැපූවන් අතර පුමුඛයා විභීෂණ කීවොත් ඔබ මා හා උරණ වන වාද ?

වර්තමානයේදී ද සිටින එවැනි ව්හීෂණලාගේ ඒ වහල් කයි කතන්දර වලට අතකොළු පාඨක ඔබ සවිඥානක වන්නේද ?

තවත් මෙවන්ම හරවත් ලිපියකින් හමුවෙමු...!

රත්නත්තරේ පිහිටයි..!

ස්වස්ථි සිද්ධම්

✍️ ලිව්වේ ,
Funny Mike
( විෂාල් රවිශාන් )

හෙළයේ සැඟවුණු ඉතිහාසය 🇱🇰 💯 🇱🇰 දෙවන ගව්ව 📃

ශ්‍රී ලංකාවේ විසූ කිඳුරු මානවයන්

මේ ලිපිය ලියන්න කලින් මං ඔයාගෙන් ඉතා ආදරයෙන් සහ ගෞරවයෙන් ඉල්ලනවා , මේක විශ්වාස කිරීම නොකිරීම ඔයා අතෙයි. ඔයාම තීරණය කරන්න මේක විශ්වාස කරලා මේ ගැන තව හොයනවද ? නැත්තං එක මුග්ධයෙක් වගේ මෙය අවිස්වාස කොරලා වීසි කරනවද කියලා...💯

🤔 කවුද මේ කිඳුරන් ? 🤔

වැඳි දන මන වැයුමෙහි ඇදුරෝයා
විඳි සත්සර වෙණ කර මදුරෝයා
රැඳි සතොසින් සැණහුනු ඉඳුරෝයා
වැඳි දන සිරි ගත්හුය කිඳුරෝයා

මෙසේ වෑත්තෑවේ හිමියන් තම ගුත්තිල කාව්‍යයෙහි දක්වනවා. ඒ මොකටද ? මන්ද ගුත්තිල පඬිතුමාගෙ වීණා නාදයෙහි මධුර බව කීමට උන්වහන්සේ කිඳුරන් ගැන සඳහන් කරලා තීනවා.

එහෙම නං මොවුන් කවුරුන්ද ? කිඳුරන් කියන්නෙත් මේ අපි වගේම තවත් ජීවීන් කොටසක්. වෙනස තමයි ඔවුන් සත්ව සහ මිනිස් අවයවයන් එක් වී බිහිවී ඇති බව අපට පෙනීමයි. මොවුන්ව පොදුවේ " අර්ධ මානවයින් " කියලා හඳුන්නවනවා...

ලාංකේය ජනශ්‍රැතීන්ට සහ කලා , සාහිත්‍යාදී නිර්මාණයන්ට අනුව ලංකාවේ ප්‍රධාන වශයෙන් කිඳුරු වර්ග සතරක් ජීවත් වී සිටිනවා...

1 . සඳ කිඳුරන් = _අඩක් මනුෂ්‍ය , අඩක් පක්ෂී_

2 . ලිය කිඳුරන් = _අඩක් මනුෂ්‍ය , අඩක් මල් සහිත වැලක්_

3 . වන කිඳුරන් = _අඩක් මනුෂ්‍ය , අඩක් අශ්ව / වෘෂභ_

4 . දිය කිඳුරන් = _අඩක් මනුෂ්‍ය , අඩක් මත්ස්‍ය_

🌙 සඳ කිඳුරන් 🌙

සිංහල සාහිත්‍ය වංශකතාවේ එදා සිට අද දක්වාම ඉතාමත් ජනගතම කිඳුරු වර්ගය මොවුන් කිව්වොත් මා නිවැරැදියි.
ඒ බව අප තථාගතයාණන් වහන්සේ විසින් බුද්ධ පතිවෘතාව වූ යශෝදරාවන්ට දේශනා කළ " සඳ කිඳුරු ජාතකය " මඟින් හොඳින් පැහැදිලි වෙයි.

ඒ විතරක්ම නෙමෙයි වර්තමානයේදී ඇසෙන ගීත වල පවා මොවුන් ගැන සුලබව සඳහන් කරල තීනවා. ඒ මොකද කියලා කියනව නං සංගීතයට සහ ප්‍රේමයට 💘 මොවුන් තුළ වූ උත්සුක බවයි. කෙටියෙන්ම කිව්වොත් මොවුන් ඉපදී ඇත්තේම ප්‍රේම නදියේ කිමිදීමටය. 💕 ශාක භක්ෂක වූ ඉතා අහිංසක අඩක් පක්ෂී වූ ( ඉනෙන් පහළ ) මොවුන්ව දඩයම් කිරීම එකල රජවරුන්ගේ ප්‍රියතම ක්‍රීඩාවක් වූ බව එම සඳ කිඳුරු ජාතකයෙන්ම පැහැදිලියි. මන්ද උන්ගෙ පිහාටුවල ඇති වටිනාකම නිසා විය හැකියි. එදා ලංකාදිපති අතින් මැරුම් කෑ " ජටායු " ද සඳ කිඳුරෙක් වීමට පුලුවනී.

ඇම්බැක්කේ දේවාලයේ සහ අනෙකුත් ස්ථානයන්හී ඇති කැටයම් වල මොවුන් සමඟ " සිතාරය " නම් සංගීත භාණ්ඩය නිරූපණය කරන්නේ මං කලින් කිව්ව කාරණය නිසා විය හැකියි. මොවුන්ගේ යටි කය අනුව සැවුල් , හංස සහ මයුර ලෙස වර්ග කළ හැකිය.

🌺 ලිය කිඳුරන් 🌺

මොවුන්ව නම් මා හඳුනා ගත්තේ ප්‍රධානයෙන්ම ඇම්බැක්කේ දේවාලයේ කැටයම් වලින්. නමුත් චිත්‍ර විෂයට අදාළ පොත්පත් වලද මොවුන්ව දකින්න පුලුවන්. මොවුන්ගේ ඉඉනෙන් පහළ ඇති මල් වැලේ විවිධ සුවඳ , පාට මල් පිපී ඇති අතර මොවුන්ගේ ආයු කාලය එම මල් මත රඳා පවතී. මන්ද එම මල් පරවීම යනු උන්ගේ දිවියේ අවසානයයි.

මොවුන්ගේ තවත් කොටසක් සිටින අතර ඔවුන් නං සම්පූර්ණ මිනිස් ස්වරූපයක් ඇතිමුත් මුලු සිරුරම හරිත පැහැයෙන් යුක්තය. ඔවුන්ද තම සිරුර මල් වලින් අලංකාර කර ගනී. පොදුවේ මේ දෙවර්ගයම වෘක්ෂ දේවතාවන් ලෙස හඳුන්වන්නේ මොවුන් ගස් ආශ්‍රිතව දිවි ගෙවන නිසාවෙනි. ඉතාමත් ලැජ්ජාශීලි ශාක භක්ෂකයන් මිනිස් වාසයෙන් හැකිතාක් දුරස් වීමට වගබලා ගනියි. මොවුන්ගේ රුධිරයෙන් මදාරා , පරසතු වැනි දිව්‍ය පුෂ්පයන් හටගන්නා බව ජනප්‍රවාදයේ එයි.

🐎 වන කිඳුරන් 🐎

කිඳුරන් අතරින් වඩා ශක්තිමත්ම සහ නිර්භීතම උන් වන්නේ මොවුන්ය. මොවුන් වනයේ රැකවුන් ලෙසද හඳුන්වයි. එදා රාවණයන් පරාජය කළ මිනිටෝර් නම් ගවරා ද මෙම වර්ගයේ සත්වයෙකි. මොවුන්ගේ යටිකයද අශ්ව සහ වෘෂභ ලෙස වර්ග වේ. මොවුන්ද ශාක භක්ෂකයන්ය. ඔයාට " ධනු " මතක නම් ඒ ඉන්නෙ මෙම සත්වයෙකි. තවද ඉතා දක්ෂ දුනු ආයන් වූ මොවුන් බොහෝ විට අත දැරුවේ හෙල්ලය හෝ දුන්නය.

🧜 දිය කිඳුරන් 🧜

මෙයාලා ගැන නං මං වැඩිය කියන්න ඕනත් නැති තරම්. මොකද අනෙක් කිඳුරු වර්ග වලට වඩා වර්තමානයේ අතිශයින්ම ජනප්‍රිය නිසයි. දැං තිරගත වන කාටූන්වල , චිත්‍රපටවල ප්‍රධාන තේමාව වී ඇත්තේ මොවුන් නිසයි. කාරි කාරි නෑ... මං ඔයාලා අහලා නැති දේවල් ටිකක්.

සමහරු විශ්වාස කරන්නේ මේ දිය කිඳුරන් තවම ජීවත් වෙනවා කියලයි. මොකද ඒකට අපිට අහක දාන්නම බැරි සාක්ෂි තියෙනවා. අනෙක් කිඳුරු තුන් වර්ගයම ශාක භක්ෂක උනත් මෙයාලාගෙ කොටසක් ශාක භක්ෂක නමුත් කොටසක් මාංශ භක්ෂක වීමයි. ඒ නිසා මොවුන් සර්ව භක්ෂකයින් ලෙස අර්ථකථනය කිරීම වඩාත් නිවැරැදියි කියලා මට හිතෙනවා.

හරි මං තවත් කියන්න යන්නෙ නෑ. මොකද මීට කලින් අපේ සහෝදරියක් මීට වඩා ලස්සන ලිපියක් ගෙනාවා " දිය කිඳුරන් " ගැන. ආං ඒ ලිපිය බලලා තමයි මටත් මේන් මේ ලිපිය ලියන්න අදහස ආවෙ. ඉතින් මං ඇයටත් ස්තූති කරන්න මේක අවස්ථාවක් කර ගන්නවා.

හරි යාළුවනේ... ඔන්න ලිපිය ඉවරයි. මං තවත් දවසක තවත් ලිපියකින් එංඤ්ඤංකෝ...

රත්නත්තරේ පිහිටයි..!

ස්වස්ථි සිද්ධම්

✍️ ලිව්වේ ,
Funny Mike
( විෂාල් රවිශාන් )